03-06-2010, 15:58
|
#1 |
|
مشرف الرحلات البرية والسياحة
|
## ذكريات ربيعيه ##
السلام عليكم و يالله ان تحييهم  والله انا ونا نتجمل بموضوع عن اخر المكاشيت بالربيع بس عاد انه تفرمت الجهاز وراح الجمل بما حمل  وقلنا العوض ولا قطيعه ونعطيك هالرحله الى كانت في بداية الربيع  وان شاء الله الربيع الجاي مع الرحيمي وسالم في جنوب افريقيا بدايه الرحله كانت من المجمعه عن طريق الارطاويه وشمال الين جراب ووادي بقر بدايه الطريق ماكان فيه هاك الربيع الى يذكر الى بعض الدعوب والتلع وطراف الشعبان وتبداء تفرق الارض تقريبا من تعداء ملف حويمضه هذي صور من وادي بقر قبل مركز جراب   وهالمنطقه انا فيه من اسبوع تقريبا الا الحين فيه بعض الغدران محتفظه بماها لان جاه سيل في هالفايت واغلب الغدران طامنه وذاريه عن الهواء والشمس    هذ احد تلع غيانا وطلعنا لها من عند وادي بقر وهالناقه راح خشمها مع البرواز  وطبعا اسهل طريق لها من عند مشلح همن تنزل عليها  وهذي الرحبه وهي مفيض الشعيب من دون الدهناء   وربيعها طيب من بداية الوقت من بعدها وجهنا صوب الدهناء   طبعا نظام الطلعه عندنا الجاهز يطلع والباقين يلحقون يعني عادي تلقاء اول يوم واحد والى اثنين وبنهاية الرحله نتعدى 15   ومهنا ازين من كبسة الحاشي   بعد الفجر عينا من الله خير وافطارنا وقصينا النفود لين قطع علينا طريق مشذوبه الجديد وقلنا نمر مرور سريع على ام رقيبه  وبعدها توجهنا للصمان وهالكلام تقريبا الضحى من يوم الاربعاء وطبعا الارض متفوته فيه الى ربيعها يبشر بالخير وفيه مناطق دهور عسى الله يحييها توجهنا للحصبيات لان كان وعدنا مع بعض الربع هناك  وهاك الليله راحت كلها ديمه يالله لك الحمد  وطبعا من بعد صلاة الفجر الشغل يصير مقسم الى يولم المعاميل والى يتولى الذبيحه والى يتولى امور الفطور  وطبعا الصور هذي كلها في فيضة ام صحن  يزين الكبده الى صارت توها فرش يعني تقطعها وهي توها تحرك  وبعدها عاد شدينا لان بعد فيه ربع متوعدين حنا وياهم حول حسنا السبق وربيعها دون المتوسط حسناء لكن فيه فياض حولها زينه  وقعدنا حول حسناء يوم جاء عصير وجهنا شرق من جهة الجيان اذراء وارضها دماث  وفي هالبرد مهنا احسن من المطازيز    ومهنا احسن من شوفة شروق الشمس والنياق توها مفليه وهالطلوله الى تسنا ممطورين    ومقلقل مع شوي عظيمات على هالفطور   وهذي كم صوره للصمان   وفي النهايه نسال الله ان يرحمنا برحمته ويديم علينا وعليكم الصحه والامان واعذرونا على القصور  |
|
|
|
03-06-2010, 22:32
|
#2 |
|
شـــاعرة
|
رد : ## ذكريات ربيعيه ##
   يامسا الربيع والافراح يامقدور ماشاء الله تبارك الله ماهوب هذا الحميض والقرقاس اللي يطلع بالربيع ؟؟؟ ترا من زمان انا عن طلعات البر , ادمنا الرياض وحرها ومكيفاتها  اوقاتك كلها ربيع لاعدمنا روعتك وروعة مشاركاتك |
|
|
|
|
03-06-2010, 22:35
|
#3 |
|
شـــاعرة
|
رد : ## ذكريات ربيعيه ##
لا تفوتك مسابقة الصور الجاية يامقدور انت قدها وقدود  |
|
|
|
|
05-06-2010, 00:44
|
#4 |
|
رد : ## ذكريات ربيعيه ##
يااالله على روقان المكان .. بصراحة دخلنا معك اجواء نقية وصافية وهواء ومزاج رايق كل واحد يشوف الصور اراهن انه يتمنى يكون لو مرة وحده في الأسبوع ياخذ من هذا الهواء .. / الدواء اللي يكون مشحون يمتص كل انفعالاته ومايحتاج شي بعدها .. شوقّتني فعلا للرحلات من هذا النوع , انا مثل اختنا نورة .. زماااان لي عن البرّ شكرا مقدور على الصور وشكرا لأنك شاركناك رحلتك  |
|
|
|
|
07-06-2010, 01:23
|
#5 |
|
مهستر على خفيف
|
رد : ## ذكريات ربيعيه ##
أهلييييين بجدي مقدور عاشق البر ( قلب شعبي ) المفروض وزارة التربيه والتعليم تآخذ من صورك وتحطها بكتاب العلوم..!! مآشاء الله تبارك الرحمن ، منظر رااااايق ومن تجلس بمكان زي كذا يصفى ذهنك  تصدق عاد ان هالكبسه اللي يجي عليها ليمون أسود أقدرها تقدير ..!! تسلم يمينك يا جدي والله يعطيك العافيه |
|
|
|
|
07-06-2010, 02:02
|
#6 | |
|
مشرف الرحلات البرية والسياحة
|
رد : ## ذكريات ربيعيه ##
نوره العجمي ياصباح النفل والخزامي إقتباس:
والرياض عسى الله يخليه لااهله الصراحه الواحد من يطلع من بيته لين يرجع وهو بجهاد وصدقيني مايزيد الموضوع روعه هو مثل هالتواجد اختي نوره العجمي وبالنسبه للمسابقه شهاده اعتز فيها لكن ماشاء الله فيه من الاعضاء الى عندنا مايبهرك بعدساتهم ولقطاتهم والمسابقه يكفينا منها الاستمتاع والمشاهده |
|
|
|
|
|
07-06-2010, 02:06
|
#7 |
|
مشرف الرحلات البرية والسياحة
|
رد : ## ذكريات ربيعيه ##
الجازي شاكر لك هالحضور الرائع واكيد طلعات البر والابتعاد عن المدن وضوضائها له تاثير كبير على الاسترخاء ونسينا المشاكل والضغوط الى نوجهها في الحياة لكن عاد الشكو لله في بعض الاحيان الواحد يكون الواحد وده بهاالطلعات لكن الظروف تكون عائق امامه اكيد انا متشوفين لطلعاتكم انتي واختي نوره العجمي وخصوصا طلعات العوايل تكون مختلفه ويكون التنظيم فيها اكثر |
|
|
|
|
07-06-2010, 02:08
|
#8 |
|
مشرف الرحلات البرية والسياحة
|
رد : ## ذكريات ربيعيه ##
نادر وفي روايه مهستر على خفيف ارحب ياخالي والساعه المباركه الى نشوف فيها هالضريسات ( صورة قلب ) واكيد دامك جيت فاانت مطالب بموضوع على المستوى الى عهدناه منك واكيد متشوقين لاابداعاتك وبنتظارك |
|
|
|
|
07-06-2010, 13:50
|
#9 |
|
عضو شعبيات
|
رد : ## ذكريات ربيعيه ##
مبدع من حينك يامقدور بشويش علينا <- ذابحه الجوع يعطيك العافيه |
|
|
|
|
08-06-2010, 09:08
|
#10 |
|
شــاعر
|
رد : ## ذكريات ربيعيه ##
هلا يا مقدور وتسلم على هالموضوع الرائع تصدق ... اشتهيت الكبسه على الفطور شوفها يفتح النفس والواحد تو ما فطر لا تخلينا من مثل هالصور اللي تفتح النفس تحياتي يا رائع |
|
|
|
|
08-06-2010, 14:02
|
#11 |
|
عضو شعبيات
|
رد : ## ذكريات ربيعيه ##
وعليكم السلام .. ويا اهليـن وسهليـن بالزين كله  وش هالزين يا مقدور الا بتضيق صدرونا وتذكرنا بذيك الايام الحلوه << من يشوف اجوائنا الحين تحوم تسبده  ربيع ونفود وشميسه غيانه .. يمدحونها بس ما رحت لها العام يمممم الصمان ووبس بس متى ربي يهديه ضروري اذوقها منك احسسها شي مفش احلى من تسذا // عافاك ربي تسلم يدينك يا صديقي دايم معودنا على المواضيع البطله ووش رايك فيني وانا اثبت موضوعك واول موضوع اثبته بعد |
|
|
|
|
09-06-2010, 03:03
|
#12 |
|
بقـايا حُلـم
|
رد : ## ذكريات ربيعيه ##
يمي يمي يمي اذا قررتوا تفتحون مطبخ عزايم علمونا تكفون  الصور تسطل شكراً مقدور  |
|
|
|
|
09-06-2010, 03:18
|
#13 |
|
شــاعر
|
رد : ## ذكريات ربيعيه ##
خمس نجوم واكثر للموضوع ولك يامقدور حبة خشم انممممممممممممببببح <<< تراها الحبه :d |
|
|
|
|
10-06-2010, 11:00
|
#14 |
|
شاعـرة
|
رد : ## ذكريات ربيعيه ##
مقدور كل مواضيعك ربيعية .. الله يجعل أيامك كلها ربيع أخضر ممتلي بورود .. كبده قصدي ورده لقلبك .. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
