من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > > قوافي البوح
تحديث هذه الصفحة ابو حمد
 
إضافة رد
 
أدوات الموضوع
قديم 17-11-2016, 11:55   #1
عبدالله بن حمري
عضو شعبيات
 

ابو حمد

فرحت لك وأنا معاليقي حطام
والصدر من ما فيه بيح كنينه


فرحة يتيم ليلة العيد ما نام !
خالاته , وخواله .. مواعدينه


مواعدينه بشت .وشماغ بسام
ويلعبونه .. في ملاهي المدينه


مانام .. واحلامه تحراه قدام
كنه يطول أحلامه ب راحتينه )


صبحه تجلا نوره ب عيد الاسلام
وقبل يروح المسجد : ملبسينه


جده ما بين العين والجيم واللام
خليه يافلانه .. ولا تأخرينه !


تراقبه ب / عيونها .. حب وهيام
وعيونها .. مما تكنه / حزينه


"يعرض لها الماضي مثل عرض الافلام "
ل .. ماضي ابوه وغلاه وحنينه


يرجيه ل ( سنين القسا ) درع وحزام
وجنب على صكات بقعا يعينه


ابو ثلاث أعوام .. والا 4 أعوام
يغار منه البدر .. من كثر زينه


صلى وجاء وأمر الله اللي قضى تام
ماهوب داري عنه زينه وشينه


بشته عليه .مهندم خير هندام
واللي ب / عمره .كلهم محترينه


يوم اطلعو للشارع انقسمو أقسام
وأهم مافي القصه ؟ ملعبينه


تداعب رموشه .ذعاذيع الانسام
ويابردها .. يوم ايبست شفتينه


و ع تراب الأرض بأصبعه رسام
أما رسم له طير .. والا سفينه


العيد طعمه كان بالشارع العام
ماهوب عن رغباته .. مقيدينه


رجع ولكن فرحته ضايعه ( دام :
كل مشى ) وأخذ ولده ب/ يمينه


صارو خواله في نظر عينه اصنام
احيوا ب .. داخله الجروح الدفينه


ولا عنده الا أمه وناب القهر سام
جاها يبي منها اليدين الأمينه


شعوره اللي حس به مثل الإلهام
وأول سؤال في باله أبوي وينه ؟


سؤال : لكن كان مثل النبا الهام
لازال باقي في المسامع .. رنينه


جته تعدي ماهو تخطي بالاقدام
وشالته بيديها .. وحبت جبينه


أبوك جاء البارح وقبل الفجر قام
وشرى لك ألعاب , وهدايا ثمينه


تراه حبك وأنت غارق في الاحلام
وراح ل دوامه , والشغل مرسلينه


لحظه وهو بين الحقايق والأوهام
والدمع الازرق حاير ف .. مقلتينه


يمه : ترى مانمت والعالم نيام
ماجاء .. ولا لمست يديني / يدينه


مدام رقمه معك من بين الارقام
ب .. أكلمه , يوم إنك تكلمينه !


طاحت ما كن الها من الصدمه عظام
ولاعاد فيها صبر .. ولا سكينه


قالت بدون شعور وإدراك وإلمام
أبوك ! في تراب القبر دافنينه


العام مات .. ومت من موته العام
وكني بعد مامات عني سجينه


أبوك جندي للوطن ضد الإجرام
عطاك عمره دون داره ودينه

عبدالله بن حمري غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 1 , عدد الأعضاء » 0 , عدد الزوار » 1
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح

الإنتقال السريع