27-07-2006, 14:28
|
#1 |
|
شـــاعــر
|
الفكه من جحه غنيمه
بسم الله الرحمن الرحيم احــــد ينــام و حــط راســه بكمه........واحــد تخــم النــوم عينــه وتخطيـه واحــد يحــاول بالردى بنت عمـه........واحــد يحــاول ستر عذرى عوانيـه يوم ان ولدالاش رزقـه على امه........رزقي على اللي ميت القشع يحييه مانــي و انـا بنــدر بيــــاع دمـــه.........يقطعــــك يــا بيــاع دمــه و مهفيه وش رايكم في صوتي بذمتكم مهوب روعه؟. لاعاد تراني ماجبت جهدي مره.. كله رحمتن وشفقتن بالعذارى لايزهدن في الرجاجيل ولاعاد يبن الا انا .. انا اعاد باابد على بنات خلق الله !! قرأت في صحيفة الوسيلة خبرا يقول : هههههههههه احمدوا ربكم اني منيب راعي جرايد تسان ذبحتكم بالمواضيع فحقيقة هذا الخبر استوقفني وجعلني اسدح بين ايديكم موضوعا علي تذكيته وعليكم سلخه وطبخه في يومن من الايام كان ضايقن صدري ومحنفشتن تسبدي وقاعدن عند ابوي قدس الله سره وديده وانا ماغير اشاهدز واناهدز وخشمي ماغير يسورب ولا مشيته بطرف تسمي مثل العاده ابيه يفطن لي ابوي دزيم انه يرحمني مار ابوي ماطق لي خبر ماغير يدزلب في هالقنوات الفضائيه ..واذا جت لقطتن لك عليها يناظرني بطرف عينه يشوف انتساني منتبهن له فغيرها وانتساني مانيب لمه خلاها (الله واكبر من عقب ذاك الرادو الروسي اللي شارينه علشان اذاعة لندن صرنا ندزلب الدنيا بين اصابعنا ) وبينما حنا على هالحاله اذ بامي(خنيس ) الله يحرسها وياقاها تدخل علينا قائلتن اعهه بسم الله.. حينها ماكان من والدي الا وبسرعتن تسبق البرق يحط قناة المجد ويقول ياهيش: تعالي شوفي الشيخ وش يقول؟ لكن قليب الاميمه ياحبي له.. فطنت لي امي ونزرت ابوي وهي تقول وشو شيخه بعد انت الآخر؟. سبحان الله عندك الوليد وجيهه اصيفر وتقول لي شيخ قربت امي لمي و تسمي علي وتقول ياوليدي ياجنيني وش فيك ؟ وش انت بس تشتهي علمني ؟ احمس لك لحيمه ؟ وانا قلبي يفرك يبي اللحيمة بس وش اسوي بس ؟ يوم شفت امي متعاطفتن معي صرت اشاهق اكثر.. اشاهق على اللي انا فيه واشاهق على اللحيمه ودي بها بس اشكوى لله لازم اقول لا وانا اشاهق امي تسمي علي وتقول : وش بلاك ؟ قطك مشتهي تاكل من المطعم ؟ ماش ويوم اطرت المطعم زادت الحمى مليله صرت ابتسي وازاعق وامي تسمي علي وتقول : يالابو الوليد مهوب طييب والعالم الله انه منضول والا انه مسحور الوليد يبي له شيخ يقرا عليه .. التفت والدي العزيز نازقا في وجهي ووجه امي واللي خلفوني بعد وهو يقول ولدتس مافيه الا العافيه ولا يبي له الا الصمعاني يتسويه على علباه ثم يصير رجال مامثله .. امي هاشت على ابوي ونزرته وقالت له دزفف ونقر..عليك عوز من فلان وش حليله لعييله يجيب لهم اللي يشتهونه ويقوم في نصف الليل علشان يتفقدعييله ويغطيهم.. وكلمه من امي وكلمه من ابوي ثم قبعت بينهم ومار تسنهم نسيوني وصاروا يتهاوشون ويوم وصلت لحد مد الايدي وقفت بينهم بحزم وامش خشمي بطرف تسمي واقول حدكم عاد.. وش خليتوا للبزران ؟ ترى والله ان ماقطبتوها وصرتوا مثل الأوادم اني لأستدعي اولياء اموركم ..بس عاد الى متى وانتم بتصيرون على هالحاله ؟ الى متى وانتم تتبعون وسائل التربيه القديمة ؟ ( صحيفة وقلم سبورة ) امحق من وسائل تربيه.. ليش ماتتبعون وسائل التربيه الحديثه؟ هذا هايلكس 2007 طلع وانتم ماتطورتوا. .استحوا على وجيهكم وانفلت عليهم اللين كل واحدن منهم زبن الجدار وهم يقولون التوبه تكفى خلها لنا هالمره والله معد نتعودها قلت : اجل ياالله ودونا مثل العالم للمنتزهات والمنتجعات ردت امي المنتزهات ونعرفها لكن هالمنتجعات ياوليدي وشهي ؟ قلت اسمع بها مع هالعالم ولاادري وشهي لكن الوكاد انها شين يوكل.. رد ابوي معد بقى الاهي تروح( لهالمجتمعات) اقضب حمارك واقعد في البيت وذا بغيت شي تاكله فعندك المطبخ قل لامك تصلحه لك ..لاتخرب ياخراب السفينه.. أنا زاعقت وطالبت بحقوقي كابن وناديت الإخوه والأخوات وسوينا مظاهره وصرنا نمشي في البيت نحمل الشعارات المطالبه بحقوقنا نحن الابناء المضطهدين وصرنا نمشي افواج افواج ونهتف بالكلمات الرنانة ونقول : ياالله يابا مشينا ...عالبساتين ودينا..,الوالد ميل خشته و قال : ترى هالنشيده مهيب زينه عطونا: جمال ابي جمال ابي ... ارسل سلامي لامي وابي... قل له منيره الغاليه... فوق الجبال العاليه ..عاد انا تحمست وتفصخت دزيم اني الفت انتباه الرأي العام مثلي مثل هاللي في المظاهرات وما امداني افصخ فنيلتي الا واللي الاحمر موسمن ظهري وجع وشلون درت محكافة الشغب عن المظاهره؟ ..(اقول هالكلام في نفسي وانا ماقدامي الا احنا بتاع الاتبيس )واناظر ولاه ابوي اللي ماحطني باللي الاحمر ويقول : طلعه من هالبيت ماكو (الظاهر اني اللي كاتبتن له النص فجر السعيد على غفله ) شوفوا تسانكم تبون توسعون صدوركم ؟ فعندكم السطح ارقوا لمه وتخيلوا انكم في البر واستفيدو من المرفقات العامه المهدرة.. يوم شفت ان الدعو ه ميؤس منها خطرت في بالي فكره وهي : كل قفل وله مفتاحن يفتحه وابوي ماله الا مفتاحن واحد وهو الشغالة نعم الشغالة ابوي جدن يعزها ويقدرها (لايروح تفكيركم بعيد تراه يعدها وحدة من بنياته او اغلى شوي ) بحكم انها تبيض وجهه عند ربعه في الطبخ ..ومايسوي قهوته الا هي وكل عقب ضحى تصب له القهوه ويسولف معها عن حياتها في سيرلنكا وشلون يزرعون؟ ومته يبعلون؟وكم يسوى كيس الشعير عندهم ؟ طبعا أنا رحت انقز للشغاله وادخل عليها غرفتها واناديها مليكا مليكا.. والقاها منسدحة تسنها لستك منسم.. مليكا فرحت وقالت ياعيون مليكا , ياقلب مليكا , يابعد تسبد مليكا.. اخيرا يابووفى جيت برجليك . خفت اهوش عليها ولاتطيعني في اللي انا ابيه منها وصرت اسايسها ( حدتني الحاجه على قرب الانذال ولا فيوجدي على الطيبيني) رديت عليها بلطف( وخالد الرشيد وحسين الحبشي والله يسامحك ياالقاضي تسان لطف يدهر هالحين)وقلت: يامليكا ماذاب وقته الحين.. انت كلمي بابا عشان فيه يودينا استراحه وبعدين يصير خير .. ردت مليكه ازهلها يابووفى وانا مليكا واعتبر الموضوع منتهي وحطت اصبعها على خشمها (طبعا انا ماشفت اصبعها وشو عليه ..بس اهقى انه على خشمها بحكم ان اصبعها في نصف وجهها ). . مليكا راحت للوالد وفصخت وشاحها مدري منديلها هاللي تلفه على راسها وجدعته على الارض وطلعت كشتها اللهم عافنا ..حنا ا بمافينا الوالد المصون ارتعنا من هول مارأينا .. مليكا فتنت على الوالد وقالت هيه انت انا داخلتن على الله ثم عليك انك تلبي طلب ابووفى هاه انت فيه يقول تم ولا اذب الساري مال انا ؟رد عليها الوالد وقال غطي شعرتس لا اميسرتس بهاللي اللي معي رردت مليكا.. ترى باسوي اضراب بعدين مافيه قهوه .. مافيه سواليف كم فلوس كيس شعير ؟ اللي انت صاجني بها كل يوم الوالد طأطأ راسه وحق له أن يطأطأ فهو مايسقم عن سواليفها وسكت برهتن من الزمن واطرق برأسه مليا وكأنه بدأ يذعن لطلبنا سابق الذكر .. ثم قال لنا بصوتن بريء يجره بحرزن ياعييلي وشوله الخساير؟ وبعزئت الدراهم في اللي مامن وراه فايده ..هها عاد الى منكم رحتوا للإستراحه تبون تزيدون بشي؟.. عاد في هالروحه تبي تطول اعماركم ؟..انتم تدرون ياهالرخوم عن شي.. أنتم تدرون أن هالالف ريال اللي ابخسرها كم تجيب من خبزة ؟..تجيب اربعة الاف خبزه لو نقعد ناكل فيهن سنه كامله ماخلصن!! حنا ويوم سمعنا هالكلام اللي لو سمعه السعوديين فعزالله انهم ماعادهمب شارين الا خبز وفول ومرق ورز.. والدجاج يمكن مايشريه الا اللي مالن من الدراهم ..قلنا اجل وش السوات ؟ الوالد بيني وبينكم والكلام للجميع ولايدري أحد عنده حنكه ويجي منه احيانا .. قال انتسان ردت على السباحه فالسباحه مقدورن عليها ..حنا صدز يوبه !!طيب وشلون ؟.. الوالد ابد هذا سري ابا املاه مويه وانتم اسبحوا فيه اللين تملون انا فرحت وقمت اطامر وازاعق.. هيه نبي نسبح نبي نسبح.. ايه يوبه.. أنا اذكر اني مرة دزد ودزت في سرك ولاشفت قاعته من غوطه حتى ان ذيك الايام موظف البلديه يوم شاف سرك من باتسر جايبن معه لوحة مكتوبن فيها نرجو ردم هذا الدزليب ودفنه لما فيه من خطورة على اهل الحي . .ابوي صار يحاول يهدينا يقول لي .ياولد لاتطمر قوه ثم تدحج راسك المروحه ونبلش بتصليحها بدراهم ( الله يرجك ياابوي المروحه عندك اغلى من راس ولدك ) ابوي طلع سره .. ماش سره مهجور ومليان كفرات ومنطل فيه غراش ماينلقى مثلهن في الاسواق .. انا شغلت الدينمو وسحبت اللي ونطلته في( سر )الوالد.. جت امي الله يمسيها بالخير وقالت اغسلوه قبل ماتعبونه.. وناه لاتملونه كله ثم تغرقون علينا.. حنا طالبنابملئه بحجة لو ما كنا نبي الغويط تسان سبحنا في البانيو ولاتعبنا ارواحنا .. ملينا المسبح اقصد( سر) الوالد الين مابقي الى ذراع خليناه لياه يفيض اذا طبينا فيه وعندما حان وقت السباحه صرنا في نزاع من يسبح الاول الذكور ام الإناث لكن الوالد قال: ان (السر) الحمدلله وسيع وياخذنا كلنا اللهم لك الحمد والمنه خصوصا ان حنا مازلنا صغار ولاندري عن شي فأعمارنا تتراوح مابين 18 الى 27 سنة وقبل مانطب في المسبح شرط علي الوالد انا بالذات اني اغير سروالي وبين لي انه عارف البير وغطاه انا نفذت ماطلبه مني والدي وبما اننا لانعرف السباحه ( كل هالصجه ولافينا من يعرف يسبح ) احضرنا لساتك كي تعيننا على السباحه ..عاد كلنا الله يحجي علينا من الاحجام الثقيله فالنحف واحد فينا مايدخل مع الباب الا بالعرض وحنا مانعيره الا المعصقل فيعني ياالله لستك تريلة وعسى بعد طبوا اخواني واخواتي في المسبح.. اما انا جيت متحمس ومتحدي اركض من صدر ابوي في اتجاه السر بس ماش من يوم طبيت في حدود البطن غاصت رجلي وصرت ياالله اني اقوى امشي وبصعوبه وصلت( السر).. ولما طبيت بكل قوتي في المسبح فمن قوة طبتي رشمت امي بالماء اثناء تمديد عصاقيلها في المسبح فماكان منها الا ان تسف علي باقي الشاهي اللي كان في بيالتها .. حنا مبسوطين وفي غاية السعاده بل حول مانتشقق من الوناسه ابوي صرخ قائلا ترى ياويل اللي يبي يخربها في سري ..الله لايهينكم اللي يبي يسوي شي ولاش يطلع الله لايهينه من سري ويروح لدورة المياه جعل رجليه للكسر انا قلت : عاد يوبه بذمتك لو بسوي شي تبي تدري؟ رد علي الوالد انت بذات مفروض تسكت وتاكل تبن وتلفقها ..انت نسيت البحيره اللي في المصانع جنوب الرياض؟ منول وش زينها واهل الرياض يكشتون فيها ووماتشوف الا الزوارق والكورنيشات وسيارات العسكريم فيها.. ومن عقب ماسبحت فيهاالا وهي متغيرتن حالتها وصايره مثل ماانتم شايفين.. انا رديت عليه : هذاك منول يومي صغير واللي فات مات وترى مايردد في المناحي الا البقر ..ابوي عصب وصار يقرقر بطنه ماش احس انه كله من الجريش المصخن اللي ناسينه في الثلاجه من قبل سنه ما كله من باب خوفة لايكب ..الوالد قرقر بطنه وزاد الطين بله يوم سمع كلامي صرنا نحس بالجزر والمد بقوه ومن كثر مايقرقر بطنه ومع القرقره صار يكح ..عاد من عقب ماصار يكح صرنا تسن حنا في بحر وجايتنا عاصفة قوية وصرنا ندور في وسط (السر) تسنها بالوعه وحنا ماغير نزاعق ومن كثر زعاقنا انا معد صرت ادري وين انا فيه ابوي نطل الشبكه واستطاع ان يخرج اخويتي الا انا.. مرعلي دلفين مدري وين جاء منه؟.وشقلني معه ..واهلي فرغو المويه من( سر) ابوي وامي قالت اناقايلة لكم لاتملونه بس ماتطيعون الشور.. واتصلوا اهلي على الدفاع المدني يحسبوني طايح في الدزليب اللي هو( سر) ابوي . جاء الدفاع المدني عقب ما غث اهلي بكثر الاسئله وش اسم شارعكم ؟ ووينكم عن شارع التسهيلات؟ ومخابز العبيد ؟ وفي الاخير وقفوا عند قصر الاندلس وجابهم اخوي للبيت رجال الدفاع المدني (وادزوا )في( سر) ابوي على اثر ذلك صرحوا بتصريحهم الآتي : مانظن ان اللي طايحن في هالدزليب يبي يعيش لو وشو.. امي زعقت عليهم فال الله ولا فالكم طبوا وطلعو وليدي وخلو عنكم كثر البربه .. رجال الدفاع المدني طقتهم ام الركب وكل واحد صار يتعذر اللي يقول ان عنده شلقت بزور ولالهم الا هو بعد الله.. واللي يقول ان فيه ربو ويخاف ينتك نفسه اذا حول في الدزليب .. امي يوم شافت الدعوة تسذا قالت لهم :ياسفاب سباحة ابوانكم عليكم ليتهم رقدو ذيك الليله !! امي ماتمالكت نفسها واجدعت الرشا بوسط الدزليب وفصخت ثوبها وصار ماعليها الا فنيلة علاقي وسروال خط البلده وحولت في الرتسيه ..قال لها ابوي : هاه وش لقيتي؟ ردت عليه ابد لقيت عش وفيه جوز حمام خضاري وفرخينن توهن فاقسات اخواني قالوا: ايه يمه جيبيهن تكفين ابوي رد بقوله :خليهن يابنت الحلال الين يكبرن (هالبسيبيسات ) شوي ثم نجي في ليل وناخذهن.. ترى البسابيس يمدحهن الملك فاروق امي حثربت وماش مالقت لي اثر في هالدزليب أنا طبعا كنت على ظهر الدلفين ..وبحكم اني ماجبت جوازي معي نطلني على شاطيء الدمام وباالتحديد في جزيرة المرجان عاد انا مشكله مااعرف احدن في الدمام ..حنا تسذا يا اهل نجد الى طلع الواحد من ديرته صار مثل اللي مقطوعن من شجره.. الله لوحنا مثل اهل الجنوب ماشاء الله عليهم لويروح واحدهم للمريخ فعزالله اللي مهوب ضايع يايلقى اخوه .. ياعمه... ياخاله ..ان ضاقت به الدينا فاقل شي يبي يلقى رحيمه عاد رحيمه هذا ماردي وش يقصدون به مدري هو اخو المره ؟ والا رجل الاخت ؟ (والله ونعم باهل الجنوب مشينا مع واجدن منهم لقينا فيهم ناسن يسوى الواحد منهم ديره ولاهوب ذا مجال لذكر مرجلتهم او عد الرجال منهم ) المهم لقيت واحدن من اهل الجنوب وطلبت منه جواله والرجال ماقصر .. كلمت اهلي وبينت لهم اني وصلت بالسلامة للدمام ..وطلبت امي احاتسيها واطمنها على نفسي.. امي شعطت الرتسيه ثم حذفت الرشى وخذت السماعه وهي تقول : وناه وتروح ولاتعلمنا ياهالمارج عزالله انكم ياعييلي مثل الضببه ماتسن لكم ام تعلمونها وين تروحون؟ ووين تجون؟ عليكم عوز من عيال اختي مايرتبون عيالها خيطن بابره الا وهم مشاورين امهم .. رديت على امي :يا اميمتي انا هالحين اكلمتس من جوال الرجال ولا معي ولا ريال تكفين يايمه ارقي غرفتي وشغلي الكمبيوتر ..انا يا يمه مرسلن رساله شوفي جاني الرد ولالا وتكفين لاتقرين الرسايل الخاصه ترى اللقافه يايمه مهيب زينه ..وشوفي موضوعي أكبر نصبه وش صار عليه ؟ علميني فيه تفاعل ولا لا ..وادعي لي ان الله يوفقني وافوز بهالمسابقه تكفين يايمه هالمره بديني في دعاتس على بنياتس ولاتنسين تسوين خروج ترى اخوتس متوعدني انه يسرق يوزري مثل ماسرقت يوزره ههههههههههههه اجل فيه واحدن يحط باسوورده على رقم بيتهم ومار يايمه : قولي لابوي يشحن موتري في البسامي علشان اجيكم .. ابوي محنك وذابحته الذهانه قال ياوليدي وشو له الخساير وانا ابوك ؟ رح ارتكب لك اي جريمة وسلم نفسك للشرطه واطلب منهم يسجنونك في سجن الملز واذا جابوك للسجن الملز فاظن ان النحشه سهله.. حينها نتف راعي الجوال مني جواله وقال اقول تقلع انت وكشرتك تبيني اشارك معك في ارتكاب جريمه وخيانة في حق الوطن .. ابو دق على الجوال اللي كلمتهم منه دقه وحده وسكر . راعي الجوال زعل وقال وش هالحركات البايخه.. قلت له اقول يا الاخو استح.. تراني تو مادحكم تبيني اهون عن مدحي لكم ؟ مار تجمل الين تقضي القصه على خير.. الوالد طلب مني اني اجي على رجلي .. مهوب صاحي الوالد يقول : جدك وانا ابوك حاجن ذيك السنه على رجليه والدمام مهيب ابعد من مكه ابد حذفة عصا ماغير 400 كلم بس !!ا نا عييت ورفضت بشده واحتجيت بان الوضع تغير واخاف امشي على رجلي ويشتبه فيني ويصير دمي في رقبتك .. ابوي مرة اخرى طلب مني اروح لشارع الملك سعود واركب في كابرس ونحاسبه اذا وصلني للبيت ..امي قالت بسم الله على وليدي هها عاد وليدن وش زينه ولابعد طلعت له شعور تبيه انت وكشرتك يركب مع الكداده ابوي رد عليها الله واكبر ياصفوق,, بعدين وش يبي يضره ؟ خليه دزيم انه يطلع ضابط ولا شي مهم الوالدة الله يمسيها بالخير حريصه كل الحرص على عيالها فطالبته بشده وقالت اما شحنت له الموتر فابروح للجيران يجيبون وليدي ..لذلك قرر الوالد ان يشحن الموتر لي علشان مايتفشل عند خلق الله ابوي طلب مني ان اذهب الى حي الاتصالات وانام في مسجد علي بن ابي طالب فهو ماينتسكر وماه حلو ..وحذرني من السرعه بقولة ترى ماعلي حاجة اسدد قسايم.. طمأنته بأني الحمدلله فاصل سلك الطبلون فانبسط مني وقال عز الله انك وليده ومن باتسر مسيان استلمت موتري من البسامي ودقيت سلف ودزيت للرياض ويوم انتصفت في الطريق للأسف انفقع كفر الموتر وانقلبت اربع قلبات بس الحمدلله ان بيالة الشاهي اللي حاطها على جنب تبرد ما انكبت.. شربت بيالة الشاهي ونزلت من السيارة ولا الدنيا بروق ورعود ومطرن قوي وجمدة برد (وشلون جمدة وانتم تبون تسبحون ؟ ) نزلت العفريته ومفك العجل والاستبنه ورفعت السياره بالعفريته ( اجل رفعتها بيديك )وجيت اركب الاستبنه بس ماش ماطاعت الاستبنه تركب واحلحل فيها واحاول واحاول ماش مافيه فايده حتى مسامير موتري كانت اربعة مسامير والاستبنه فيها خمس فتحات والله مشكله وش جاب ذا الاستبنه في موتري انالله وانا اليه راجعون اشكوى لله وقفت على الخط أشر ابي احدن يهاديه الله ويوقف بس ماش الدنيا ظلما والناس مهيب يمي.. والناس ذاالايام ما تنلام.. تجي تبي تسوي خير ماتدري الا وانت متوهقن في مصيبة الله العالم بها.. هالايام كلن يقول ياالله السلامه.. انا يأست وقلت مالي الا انه يصير حادث علشان يجي اسعافات ومرور جلست ربع ساعه وعندما بدأ يلاعب النوم جفناي اذ بسيارة فورد تسفط قدامي منفقع كفرها قلت الحمدلله اذا زينو كفرهم ركبت معهم يودوني للمحطه ازين كفري ..جيت لمهم واسلم عليهم ولاهم حايمتن تسبودهم ويدعون على اللي حاطن لهم الاستبمه .. قلت : سلامات وش الخبر ؟ قالوا : ابد الاستبنه ماركبت .. الاستبنه اربعة خفوس وموترنا خمسة مسامير وارجع لموتري واخذ الاستبنه واعطيهم اياها ومن يوم حطوها ولاها راكبه ..واخذ استبنتهم وعلى طول ركبت..( قويه عسى مانيب ولي وانا مادريت ) فرح اهل الفورد.. وانا فرحت وصرت اهايط عليهم تبون شي ولاش؟ هم شكروني على هذه الخدمه التي لن ينسونها ماحيو .. عاد أنا لزمت عليهم نتعشى جميع واحلف عليهم واقول والله ان تموت ذبيحتكم وقفنا في اقرب محطه واطلب لهم تيس ونتعشى وادلي ازربهم بقولت تعشو لاتستحون ويوم جاء الحساب واتلمس مخباتي ومالقيت شي وقلت يا الربع العذر والسموحه بوكي مدري عنه اكيد انه طاح مني مخباتي يوم اني اغير الاستبنه وقلت ايه اشوى ان البطايق مهمب فيه الحمدلله ان مافيه الا 5000 ريال بس طبعا هم طلعوا اللي في مخيبيهم وياالله سددوا قيمة العشا سلمنا على بعض وتفرقنا وصلت البيت والحمدلله على السلامه جوااقاربنا مهوب علشان يتطمنون علي بل علشان يطالبوا والدي بوليمه بمناسبة سلامة ابنه وعندما كثروا اقاربي عليه الكلام تنحنح وبدأ يخطب خطبة عصماء فعرفت حينها انه يبي يسوي بهم سواة اللي سواه فينا فقلت يا الربع خذوا العبره مني.. أنا فكني الله ولقيت نفسي في الدمام والعالم الله انكم منتمب ملقيين الا على نهر دجله يا الربع الفكه من جحه غنيمه مايستفاد من الموضوع [COLOR="Red"]1- الريال يجيب اربع خبزات والدليل 4000خبزه تقسيم 1000 = 4 خبزات 2- بعد مدة حضرنا زواج اذ باهل الفورد يسلمون علي ويقولون وينك لنا مدة ندورك قلت وش عندكم عسى مانتمب تبون قيمة التيس قالوا لا يارجال حنا رجعنا للمتسان اللي غيرت فيه الاستبنه ولقينا بوكك ولقينا فيه 5000 ريال حنا طقطقنا بها في الاسهم وطلعنا قبل الطيحه ونبشرك ان راس مالك هالحين 1000480ريال عاد انا جتني المروءة مرتن وحدة واتهور واعطيهم 480 ريال قيمة التيس واخذ الباقي 3 - سالني أحدهم كم عمي ؟ فأخبرته اني ابن ال17 ربيعا قيل لي لماذا لم نخبره بعمرك الحقيقي فالتفت عليه قائلا انت مهبول .. تبين اعلمه اني ابو 21 سنه |
|
|
|
28-07-2006, 04:22
|
#2 | |
|
المشرف العام
|
رد : الفكه من جحه غنيمه
إقتباس:
 تستاهل من يصوت لك هناك  موضوع يستاهل التثبيت بعد اذن مشرفينا فيصل وحسن الغاليين |
|
|
|
|
|
28-07-2006, 15:45
|
#3 | |
|
شـــاعرة
|
رد : الفكه من جحه غنيمه
إقتباس:
1000480 الله يوسع صدرك يارب |
|
|
|
|
|
29-07-2006, 01:01
|
#4 | |||
|
|
رد : الفكه من جحه غنيمه
إقتباس:
إقتباس:
إقتباس:
او تقعد مع شياب خخخخخخخخخخخخخخخخ مشكور يابو وفا كثر من الجيات المواضيع كلما شفتك استاسع صدري الله يعطيك العافيه بس وش قصة التصويت اللي يقول عنها ذيبان ؟؟ |
|||
|
|
|
|
31-07-2006, 13:59
|
#5 | |
|
شـــاعــر
|
رد : الفكه من جحه غنيمه
ذيبان  إقتباس:
ولاهيب غريبة عليك يا الغالي |
|
|
|
|
|
31-07-2006, 14:02
|
#6 | ||
|
شـــاعــر
|
رد : الفكه من جحه غنيمه
نـــورة العجمي  إقتباس:
 إقتباس:
|
||
|
|
|
|
31-07-2006, 14:16
|
#7 | ||||
|
شـــاعــر
|
رد : الفكه من جحه غنيمه
راكان الشعلان إقتباس:
ولا علشان حول المنطقه ؟ إقتباس:
 والا اقولك الشياب هم اللي يقعدون معي إقتباس:
واتمنى اني اوفق في مواضيع اخرى اطرحها اللهم آمين إقتباس:
 |
||||
|
|
|
|
01-08-2006, 14:34
|
#8 | |
|
بقـايا حُلـم
|
مبدع
إقتباس:
فصلت علشان اقرا واضحك على كيفي مبدع بالقصيد ومبدع بالوصف الغريب علمنا عاد ولا تتهرب هو اسمك بندر صحيح ؟ |
|
|
|
|
|
02-08-2006, 22:26
|
#9 |
|
شــاعــر
|
رد : الفكه من جحه غنيمه
اررحب يا أبو وفا ياحبي لسواليفك توني اقراها خذيتها على حلقات لي رجعه مرة ثانيه إن شاء الله |
|
|
|
|
05-08-2006, 00:29
|
#10 | |
|
|
رد : الفكه من جحه غنيمه
إقتباس:
ياحبيلك |
|
|
|
|
|
05-08-2006, 14:18
|
#11 | ||
|
شـــاعــر
|
رد : مبدع
عنود إقتباس:
إقتباس:
لا.. هذا الشاعر المعروف بندر بن سرور العتيبي الله يرحمه ويرحم اموات المسلمين شاعر مبدع بما تعنيه الكلمه له ديوان طبع حديثا |
||
|
|
|
|
05-08-2006, 14:21
|
#12 | |
|
شـــاعــر
|
رد : الفكه من جحه غنيمه
إقتباس:
شكرا اخوي الغالي على مرورك الغالي والله يحييك وانا انتظر رجعتك انا انتظرك وعجل لا تأخر 0000ترى من بعدكم ماطاب نومي |
|
|
|
|
|
05-08-2006, 14:25
|
#13 | |
|
شـــاعــر
|
رد : الفكه من جحه غنيمه
إقتباس:
الله يحييك اخوي راكان وليست المسئله اني مانيب معلمك لكن هذه مسابقه اشتركت فيها بهذا الموضوع وكان فيها تصويت ولجنه ولكن للأسف ان المسابقه اللي حطت طلعت نصب |
|
|
|
|
|
06-08-2006, 08:13
|
#14 | ||
|
شــاعــر
|
رد : الفكه من جحه غنيمه
إقتباس:
...... مالومه شوفكم بخر علومي وعلى طاري التبخير والربو يا ابو وفا ياخي احسك تكذب علينا << رد واحد صحيّح يعجبني وصفك الرايق والتسلسل القصصي بتاعك مع انك تمشورنا با القرايه  << المقصود القراءة مهيب الي يعطونك اياها لا مرضت إقتباس:
يعطيك العافيه يا ابو وفا والله يوسع صدرك بالعافيه لاتقاطع الاستراحه تراها بدون فلوس |
||
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
