18-09-2002, 18:52
|
#1 |
|
موقوف
|
يوم في البيت (((( 2))))
الحلقة الثانيه000000 اليوم الاربعاء000 الساعه ثلاث بليل قعدت من النوم رحت غسلت وانا اقول في بالي الحين من قاعد مافي احد ياله بس القا شي في الثلاجه ناكلة وانا ميت جوع ورحت نزلت وافتح الثلاجه ولا مافي شي الا لازم اطبخ يوووه انا لي خلق اطبخ الحين بس الحمدلله في خبز تعاجزت اني اطبخ رحت الحوش شوي والدنيا مظلمه وانا اقول اشرب زقاره الحين بس ماني ماكل شي شلون اشرب وانا افكر لمحت شي صغير وراي يتحرك واناظر ولا (( صرصور )) كبير وافز فزة ما وراها فزه وانا اقول منين جا هذا وبديت اتحسس على جسمي وخايف وانا عندي عاد اشوف اسد ولا اشوف صرصور المهم واروح ادخل الخيمه واقعد خمس دقايق خايف لا اطلع والقاه وشوي ولا الاخ جاني مشلل ودخل في الخيمه طبعا جاني وهو يطير وانا اركض برا واخذ نعال واحذف عليه من بعيد بس ما جبته واصعد فوق واسكر الباب صارت الساعه تقريبا 3 ونص ابي اضيع الوقت بس مافي شي اتسلى فيه المهم واصعد السطح واتمشى فيه واناظر على البيوت واشوف شباك الجيران والغرفه مضويه وانا اقول لنفسي يارب تطلع بنت كذا على الاقل نكحل العيون شوي وتضيع صوره الصرصور اللي في بالي بس للاسف ما طلع شي ضليت اتمشي بالحوش لحد الساعه 4 ونزلت للبيت يعني نزلت في الطابق العلوي واشغل التلفزيون وانا ماني حول التلفزيون انا ميت من الجوع 000 والله ياجماعه خايف اني انزل تحت والقا الصرصور المهم واحط على دريم الاولى والقا اغنيه الو الو انتي مين انا توتا توتا مين اخت بوتا بوتا بنتي بابا بابا فين بابا هينى هينى هوه ااقوله مين وبصراحه استانست على الاغنيه حيل وصارت الساعه 5 وانا على التلفزيون اه حان موعد الاكل واطلع برا واروح البوفيه واطلب سندويش بيض وجبن وفانتا واخذهم وانا طالع من البوفيه لقيت اثنين شباب يتهاوشون وانا تجي في بالي الفزعه واروح00 هدو يا شباب ايش صاير واحد قالي هو:انت شكو مالك شغل خذ فطورك وكمل طريقك انا في بالي اكيد هذا هو الغلطان من وقاحته انا: لا يا الغالي بس شسالفه فهمونا الاخ الثاني: هذا يقول اني ماخذ فلوسه في البوفيه وانا والله ما خذيتها وانا اروح للوقح واخذه على زاويه واقوله انا : لا تهده ترو هو اللي اخذ الفلوس الوقح: شلون عرفت انا: مبين افوسك في جيبه هذيك هي هي افلوسك كم الوقح: 100 ريال انا : هذيك الميه بجيبه تشوفها الوقح: اي والله وانهد عليه وطيحه على الارض واخذ ميه الرجال ومشى ظل الاخ الثاني طايح وانا اجيه واقومه قالي هو : ايش قلتله انا : ولا شي بس قلتله باين عليه محترم وماياخذ فلوسك هو: اجل ليه اخذ ميتي انا : مدري انا قلتله كذا وانهد عليك فجئه حتى انا قلتله هذا شكله ما عنده فلوس المهم الرجال نفض ثوبه ومشى انا اقول في بالي الحمدلله اني حليت المشكله ورحت البيت الساعه 6 والقا الباب مفتوح قلت الحمدلله ان مافي احد سكره واروح فوق وافطر الساعه 6 ونص خلصت الفطور ورحت برا ابي اشتري جرايد بس لقيت البقالات مسكره ورديت الساعه 7 جلست على الكمبيوتر وافتح الايميل والقا رساله من مين يارب هذي الرساله وافتح الرساله تصورو من مين من عمرو خالد انا مرسل لعمر خالد رساله من تقريبا شهر ونسيتها ورد علي الحين حسيت في نفسي اني سويت شي كبير عمرو خالد رد علي واظل على الكمبيوتر 3 ساعات يعني لساعه 10 ورحت برا واشتريت الجرايد ورديت البيت والقا الهندي محمد الغبي يسوي فطور وقلتله انا : محمد يسوي فطور حق منو الهندي الغبي: حق انا انا : طيب تسمم الهندي الغبي: طيب واروح اقر الجرايد ساعه يعني الساعه 11 وفجئه الباب يدق وانا اصرخ محمد شوف الباب شوي وجاني محمد بابا في واحد نفر طيب طيب روح انت وانا اطلع برا والقا رجال وقال الرجال: مرحبا انا : مرحبتين امر الرجال: ما يامر عليك عدو بس ابيك شوي ممكن انا : ابشر واروحله وقال الرجال: يا الحبيب امس الساعه 3 انت ناظرت الشباك من فوق السطح انا جا في بالي اشياء كثيره لحظتها بس قلت بعد ما سويت نفسي اتذكر انا: ايه ليه الرجال : يا الغالي ترا عندنا بنات وعيب كذاا انا : ياخوي حتى حنا عندنا بنات وانا ايش مسوي انا كنت فوق السطح اتمشى ولا شفت بنات ولا بنت شافتني وانا اقول في بالي كيف شافني هذا وانا ما شفته هب يا زرقاء اليمامه الرجال : عموما ما حصل الا الخير انا : على العموم حنى اسفين وانا اقول بعد ما بعد شوي ول الله لا يبارك فيك وارد داخل البيت ولا هذا عمي بوجهي عمي : من كان برا انا : لا رجال عمي: ادري رجال شيبي انا: يقول اني شفتهم من فوق السطح امس كلام فارغ عمي: والله ما يندرى عنك ورا برا انا صعدت فوق الساعه 12 وشوي واذن واروح اصلي وانا راجع من الصلاه الساعه 1 والقا الصرصور في الخيمه وانا الحين متشجع الدنيا نهار واشوفه واخذ ست نعول ومن بعيد واول نعل قلبه وثاني نعل ما جاه وثالث نعل طلع روح وبعدين قلت للهندي روح شيل نعل من خيمه 000 واقعد على التلفزيون واشوف همام في امستردام لحد الساعه 3 ونص وبعدين تذكرت المعهد اوووه العن ابو هل معهد المهم كملت الفلم ورحت اقعد نواف انا : نواف نواف اقعد المعهد وقام نواف فجئه غير عوايده عارفين علشان نايم من 10 ساعات وقام وغسل وقالي كالعاده شغل السياره ورحت شغلت ورحنا المعهد 000 وتمرنا لحد الساعه سته وطلعنا وانا انتظر نواف ليش تأخر الساعه 6 ونص وشوي واشوف مطوع بسيارته معه ولد وبنت اكيد عياله يناديني واروحله ويقول المطوع: مرحباا انا: مرحبتين هلا اخوي المطوع: انت من هنا يا الاخ انا: اي نعم المطوع: يا الغالي انا من القصيم وماعندي حق البانزين ولا العشا وكسر خاطري وعطيته عشرين ريال وهو يقول الله يطول عمرك الله والله وبعدين مشى وانا اوقف تكسي واقول النسيم ويقول عشره ريال وانا اقول في بالي الله يخرب بيتك توني دافع عشرين ريال المهم وصلنا البيت وانا رايح معصب بس ما لقيت السياره حقت نواف وادخل والقا عمي قاعد واقول انا : وين نواف عمي: مدري ما جاك انا : لا والله جيت بتكسي عمي: والله مدري وينه المهم الساعه 7 ونص وانا اصرخ محمد تعال ويجي انا: حط عشا محمد طيب وراح وحطلي بطاط وطماط وفول وفطر وجبن وراح وانا تعشيت وصارت الساعه 8 وحسيت اني نعسان واروح على غرفتي واخذ مجله لقيته على التواليت مجله الجديدة وقريتها ونمت وانا نأأأأأأأأأأأأأأأأأيم وانا نأأأأأأأأأأأأأأأأيم وصحيت الساعه 2 ونص وانا جوعان ومافي احد صاحي يتبع اتمنى تعجبكم هذي الحلقه القائد |
|
|
|
18-09-2002, 19:20
|
#2 |
|
عاشقة شعبيات
|
.... ........ القائد .... ..... تسلممممممممممممممم ياشيخ ... ... حلقة اليوم تهبل ,,,, ... اما هالصرصور  شي ... .... والعشرين ريال حقتك اللي طارت بعد شي .. ... والله يالقائد .. رووووووعه .. ..... وعمك هذا موالجك .. كل ماشافك قال وين انت رايح ومن وين جاي .. .. القائد .... عمك .. وش يقومه الصبح ..  <<<<< سؤال وجيه ...  . يسلمووووووووووو القائد .. .................................................. ................................ .. شعبيات شاركونا ... <<<<< لا والله الا هجوووو .. تحياتي يالقائد ... ... اختك .... ... سرووووووبه ...  |
|
|
|
|
18-09-2002, 19:42
|
#3 |
|
موقوف
|
بل ماء
يا سراب بل يا ماء يامن قد كان سباق لكل ما اكتب وكان الشهد يقطر من اسلوبك الراقي وحرفك الرائع ومدحك البديع يا من اخجلني امام نفسي وكيف اوفي هذا المدح من هذا السراب الملموس00 كيف سراب وانا شربت من نبع قلبك ماء 00 واي ماء لا املك سو الشكر وان ارفع القبعه اخوك الخجلان القائد |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
