من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > > ضفاف الروح
تحديث هذه الصفحة للجرح بقيه
 
إضافة رد
 
أدوات الموضوع
قديم 29-08-2018, 12:27   #76
ثاني العنزي
عضو شعبيات
 

خل السوالف بيننا منطقيات

بالشعر.. يوم اقحمتم .. العنصريـات
عندي عن افكـار التـخلف.. منـاعه
ماعرف..تصنيف الفرق والجماعات
اللي اعرف .. اني لحـالي .. جـماعه
ومفاخـر الاحياء .. بافعال الامـوات
مثـل السجـين .. اللي يـدور شفـاعه
بشت الفخر واقع.. وراعيه بالذات
اللي يعيش .. ولقمته .. من ذراعه

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 29-08-2018, 12:48   #77
ثاني العنزي
عضو شعبيات
 

"الجمايل بالردي مثل الرزايل"

لاتجمل بي .. ولا فيك .. اتـجمل
التجارب.. ورت عيوني.. هوايل
ماخسـرت بـهالعمر .. يوم اتـأمل!
غير من سويت بـلحاهم .. جمايل

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 29-08-2018, 13:19   #78
ثاني العنزي
عضو شعبيات
 

رد : للجرح بقيه

مـاكنت قـدام الخـيارات .. مـحـتـار
كـل الخيارات .. المتاحـه . . لعينه
القلب حبك، وانت صدتك الاقدار
وانا ضحيه رحت بـينك.. وبـينه
ومن صد.. ماله ذنب في كل ماصار
الذنب .. ذنب اللي عليه.. يعينه
ذنب الخفوق.. اللي يدورله اعذار
يقنع بها.. والعمر.. تركض سنينه
واللي بقى من حلو الايام .. تذكار
تدعيه لحظات الغروب .. الحزينه
غلطان ياللي تحسب الليل..ستار
لاوالله .. الا.. هو بلايه..بعينه

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 14-09-2018, 03:01   #79
ثاني العنزي
عضو شعبيات
 

رد : للجرح بقيه

وعين الردي ماتشوف الا العذاريـبي
ياعل ماللـردي .. عين ٍ يشوفــ اـبها
مابين روس الشواهق، والسراديـبي
كلن عيونه تـشـوف اللي يناسبـها

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 14-09-2018, 03:06   #80
ثاني العنزي
عضو شعبيات
 

رد : للجرح بقيه

اذا كانت النصيحه تساوي جمل ، فليس من العدل ان تقدمها الي حمار

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 14-09-2018, 03:21   #81
ثاني العنزي
عضو شعبيات
 

رد : للجرح بقيه

انشهـد ان المال.. تشـري به قلووب
ودلالـة اســواق الاوادم.. بـخـيـصـه
في سوقهم تكسب ومكسبك يادوب
اهل النفوس الواطيـه ..والرخيصه

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 14-09-2018, 04:11   #82
ثاني العنزي
عضو شعبيات
 

من يقول؟؟

قلت ابارك لك بذكرى عيد ميلاد.. الجريمه
ليلة ٍعدت ولكن.. من عناها.. ماسلمت
حطت بصدري رعدها، وانتشا بالعين غيمه
مت مت الفين مره.. يوم باللي فات..همت
ايه تشكي مثل ما اشكي.. من جروحٍ اليمه
بس انا منك انحرمت وانت وش منه انحرمت
لو طرقك اللي طرق قلبي من البعد وجحيمه
كان والله ماهجرت، ولاجرحت، ولا ظلمت
الصحيح: ان انكساراتي على شانك عظيمه
لاني اعرف من انا ادري ليامن قمت، قمت
تدري اني مرتوي من ساسي لراسي حشيمه
ماخطر في بالك اني من كثر جورك سئمت؟؟
يجزع الجووور البهـيمـه .. اللي وهي البهيمـه
اوتشوف انه ردى لاصنت لك خاطر وسمت؟
كنت اشوفه زود شيمه. كانك تشوفه ذميمه
الذميمه في عيوني ، لو بعهدي .. ما التزمت
ولانها ماترخص العشره سوى الناس..اللائيمه
خضت حرب مفارقك لين انكسرت ومانهزمت
الرجا ياصاحبي .. ماكان من ضعف العزيمه
لا وسود عيونك اني ما انحني ،، لامن جزمت
يوم كانت غيبتي تحسب لعدوانك .. غنيمه
انجبرت بيومها من شان خاطرك .. واقمت
واقف ٍ مابين غيرة عاشق . وغبنه وضيمه
منجرح قلبي عليك . ومنجرح منك بصمت
انصدمت وكان سر الجرح صورتك القديمــه
انصدمت وانصدمت وانصدمت وانصدمت
ومن يقول انه بعد جرحك بقا بالناس شيمه
ومن يقول الجرح مايكبر اذا منك انتقمت؟؟

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 14-09-2018, 05:08   #83
ثاني العنزي
عضو شعبيات
 

بعد جرحك مابقت حاجه غريبه

ان تركتك هم، وان جيتك مصيبه
شـوكـةٍ بالحلق .. ومطـول بـلاهـا

وهينه فرقاك.. لو كـانت صعيـبه
البلا
فرقااااك
وش جرت وراها !

وبعد جرحك مابقت حاجه غريبه
مستحيلات الزمن عندي ..لغاها
ولا يغرك .. من تـقفاني .. بغيبه
اجرها جاني .. وعند الله جزاها
شفني بعينه اليامن جيت .. هيبه
ما يكمل .. سالفتة.. اللي بداها
ولاتحسب الصمت من دافع غليـبه
نوب يـمنـعني عن الكلـمه .. رداها
اسألك بالله .. جرحي وش تبي به
دام مامن غلطةٍ .. قلبي جناهاا
اقتفيت الجرح .. وبحشمه وطيبه
والردي.. لا فارق العشره هجاها
ومن يبي يلحق هوا نفسه .. تعيبه
والعلـوم الطـيبه .. يـبعـد صداها
ومارحل به من خفوقي طول غيبه
كل ماطال الجـفاء.. يكثر غلاها
غاصب نفسي على الفرقا غصيبه
يوم باعت عزتي .. قلبي شراها
المحبه .. طالما .. صرتي حبيبه
يـاتـجيني كـلها .. والا .. بـلاهاا
الحصان .. يثيره مخـاشر نـصيـبه
قسمة ٍ مرت على الثور، ورضاها

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 14-09-2018, 05:41   #84
ثاني العنزي
عضو شعبيات
 

رد : للجرح بقيه

يا اول الاركان لو مالوازع الديني ضعيف
منت بوشاحٍ عند من رقص الشوارع لمهم

ملائكي الا ربع .. ونمثل الدين الحنيف
والصبح، مايلقا الامام اربع رجال يؤمهم

العذر ياللي مت جوع وماتهيالك رغيف
الله يفرج هم ربعي .. لاتزود .. همهم

ياليت همي مثلهم دوريك ياعبداللطيف
اللي على هم الصداره.. محرقينن دمهم

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 21-09-2018, 03:09   #85
ثاني العنزي
عضو شعبيات
 

رد : للجرح بقيه

من لايخاف الله .. على كف شيطان
لا تامنه لو كان .. شهم .. ووليده

اللي سلبه الخوف.. من عالي الشان
يقدر .. يجرده .. الخصال الحميده

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 24-09-2018, 23:46   #86
ثاني العنزي
عضو شعبيات
 

"عصر السـلاتـيـح"

ماللزواحف .. ماتقاوم به .. الـريـح
ولا انخلق.. لجحورها.. طير شلـوى
صحي اذا الدوني.. من عيوني يطيح
اهل الردى .. مالله خلقها .. لعلـوى
عذروبك يسبب لك الصدق ..تجريح
وعذروبي اني.. ما اعرف.. اتحلوى
لو ان رزقي.. عند شرواك .. بقريح
عز ٍ.. مقابل.. عزة النفس .. يلوى

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 25-09-2018, 00:13   #87
ثاني العنزي
عضو شعبيات
 

رد : للجرح بقيه


وش ذنب قلبي يوم حبك..قمت تتغلا عليه
يكون في علمك .. ترا عقلي لهالحينة معي
الحر .. ممكن تملكينه .. بس لا تستعبديه
استعبديلك واحدٍ يشبه، "ذوات الاربعي"
تلقين فيه اللي تبين ومستحيل يقول .. ليه
حتى يلو تستخدمينه للحراثه .. والرعي




التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 26-09-2018, 08:39   #88
ثاني العنزي
عضو شعبيات
 

ماهي على الله بعيده


ياصاحبي .. في وقـتـها.. كانت احزان
واليوم.. خيـبات الهـقـاوي .. مـفـيـده

طـعني .. ليا من قلت لك .. ماله امان
طعني، وخذها.. واعتبـرها .. اكيده

من لا يخاف الله..على كف ..شيطان
لا تامنه.. لو كـان..شهم .. ووليـده

اللي ..سلبه الخوف .. من عالي الشان
يقدر.. يجرّده .. الخـصال ..الحمـيـده

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 27-09-2018, 02:56   #89
ثاني العنزي
عضو شعبيات
 

رد : للجرح بقيه


كل شي ٍ يجيك بغير وقته .. رخيص
والله انه رخيص .. ولو غلت قيمته

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
قديم 27-09-2018, 03:44   #90
ثاني العنزي
عضو شعبيات
 

رد : للجرح بقيه

عيد الام

..
للناس.. كانت .. امتي .. خير امه
الامه .. اللي عـزها الله .. بـالاسلام
اليووم .. بيض ايـامهـا .. مـدلهـمــه
تـرجع ورا .. والناس يـمـشــون قــدام
متـفـرده .. بـلحـالها .. فوق قــمــه
بمـنافـس التـقليـد .. حـصادة ارقــام
واليوم هذا .. مثـل مـاشئت .. سمـه
الحاصـل.. ان امي .. لهـا كـل الايـام
ومـن حط له .. يومٍ من الـعام.. لامه
الله..يعين امه ..على .. باقي العام
وياللي فراقك .. في حياتي .. مطمه
رحتي وريحك حاضره.. ماهي اوهام
يــرد روحـي .. في مـصـلاك .. شمه
ماكن له عن سجدتك .. عشرة اعوام
جوعي .. لدعواتك وصدرك وضمه
جوعي .. لتـقبـيلـة كفوفك والاقــدام
والا الصغير .. ادنـات منهـو .. يزمـه
لاجاع .. مميه .. تشبّعه .. ويـنـام

التوقيع:

اما بهذي . . ما معك حق يا موت
ما قلت لك خذني ؟ قبل تاخذ امي
ثاني العنزي غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 6 , عدد الأعضاء » 0 , عدد الزوار » 6
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع