[أحمد المطوع]

.
.

ياخذونك !.

في غيابك ..
قالوا إني كنت أخونك ..
كنت أخونك في عيون الناس لمّا ..
تختصرهم في عيونك ..!

كل شيٍّ فيك ... ياخذني معه !
طيبتك /.. خوفك علي
لمسة يدينك .. حنانك
صوتك اللي .. كل ما ضقت أسمعه !
همسك اللي ترجمه دمعي : أحبك
لِينك اللي خلّى قلبي .. جوّا قلبك !

حاولوا بي .. من عيوني ياخذونك
مالقوا بي .. إلا قلبي في عيونك !
وإني أجمل حيل أجمل ..
لما شافوك فـ عيوني !
قالوا إن الروح تكمل ..
يامعك و إلا بدونك ..
ولما شافوك الذهول ..
صار منطق حكيهم !
أدركوا معنى .. أحبك
و إن هذا العمر كله ..
يكتمل بس .. فـ عيونك !.

[شيخه المرضي]

أحمد المطوع ..حرف ماشاء الله ..كان ويكون
اسمح لي ..بالقراءه ..والبقاء طويلا

[شيخه المرضي]

[أحمد المطوع]

.
.

فائق الشكر وعظيم الإمتنان يا شيخة

[أحمد المطوع]

.
.


قد ما فيك تبعد .. اِبعد
اِملى هالكون فغيابك ..
لا تخلي للأمان فرحلتك أي بارق ..
اِحمل أعبائك .. و فارق
دام حتى الارصفة ..
ما قوت حتى تشيلك !!
اِترك الدنيا أمامك ..
و دير وجهك للسما ..
الأرض مليانه ضما ..
والعشب الاخضر .. سالفة
نرويها للي بعدنا ..
لأجل الأمل يكبر ..
و ينسى الزمان يعدّنا !
و اللي بذرت أمك سنين ..
تسنْبل فبطن الجراد ..
لا لاتحاول تحصده ..
و القيظ بدده البراد !
واِضحك إذا خاب الأمل ..
لانه غدى لعبة !
بتموت ما حققتها ..
و تموت لو حققتها ..
ولان النتيجة واحدة ..
بس اختلاف المفارق ..
ولان الألم فارق ..
احمل أعبائك و فارق !.

[أحمد المطوع]

.
.

حبيبتي إنتي
و الناس و الذكرى
و اللي ترك باكر
سطور جداً باهتة
عجزت أنا لاقرا !
لو همّي الكافر
يترك ( بقايا الوسم )
و عيونك تسافر
... لوحة ( بيوت الطين )
و عاشقٍ ما طال
من غايته إلا
دعوة عجوزٍ طاهرة
مرسومة فوق الجبين
ولا تسألين ..
العاشق اللي مارحل
ولا قدر يوصل
مشتاااقلك ،، وجداَ حزين !.

[خلود العبدالرحمن]

..
إشتقت لهذآ آلمكآن كثيرآ ..
ولقلمك ..
..

[شيخه المرضي]

.......... لحرفك... الهام عاشق ...وعطرست محب ... وملكية ..مشاعر

... عسى الغياب ..خير

[أحمد المطوع]

خلود , شيخة

[أحمد المطوع]

.
.

من ايدك ذي لـ ايدك ذي ..
شف اللي بس يرجعنا ..
وانا حاضر .. وممنونك
أبيع الدنيا لـ عيونك ..
ولا أترك في نفسك شي ..

أنا اللي من تفارقنا ..
إلين اليوم ، إلى باكر
إلى .. مالا نهاياتك
و انا تارك لك عيوني ..
على المفرق .. ورى سْهادي !

و أقضّي ليلي البارد ..
أعدّ أوراق رزنامة ..
تركتيها تحت جفني ..
وانا اتحرّاك ..
و اقول الله ياهادي !.

[أحمد المطوع]

.
.

....../ وارتب لك حكاوي ليلي البائس :

خيوط الفجر ،/ ريحة قهوة أمي ،/ بسملة شايب بعد فرض الصلاة ..

الله أكبر ..

الله أكبر ..

يافلاح الصبح في "تنوّر قوْتي" ..

ياكفاح المُتعبين اللي تنامى في سكوتي ..

أخبز أحلامي تفاؤل … في دعاوي والديني

يكفي ياهمّي تساؤل … لقمة العيش وسنيني

والحبيب اللي تحت ضلعه طموحي ..

صار لي في كل مفْرَق ..

لما أدفن صورته في كل خطوة ..

ينبت فـ عيني طموحه ..

و أغرق، أغرق ..

بين حلم وبين واقع !

بسمك اللهم .. أوادع

بسمك اللهم .. أوادع !

غازل الدمع .. الظلام

يا وسادتي يالله .. ننام !.