19-08-2002, 05:43
|
#1 |
|
عضو شعبيات
|
4/6 التنين والمقناص .... من تخاريف ولد الهاص
[c] أيه عاد أقولكم ياجماعه يوم ان مشعل وعبدالله تلاقو في بطن راعي العنود ( التنين )ويقوم مشعل ويشغل الماطور ويولع النور الا والله لين الاغراض كلها فيه والخيمه وعمدانها وهو اللي يتشاقلها هو وعبدالله ويجون فوق البنكرياس وويطقون الخيمه.. ويقوم الشقردي ابوعابد ويبهر الدله ويقعدون يفكرون وش يسوون ....أما برا التنين فعكاشه وابو ربيع.. المنسمين ..الزم ماعليهم بطونهم.. تسدحوا ويبون احد يجيبلهم اكل ولا جابو خبر للي غاب وللي حضر.. أما ابونوت والعمري فتباطوا ربعهم وراحوا يبون يقربون حولهم يمكن يشفون وش اللي صاير.. الا والله يومنهم شافو التنين عياناً بيانا ً.. ومافيه داعي نقول العمري وش سوى >>>أسألوا ابونوت ويعلمكم.. ............ الوكاد انهم شافوا التنين رايح يم جهة عكاشه وابوربيع ....لكنهم مستغربين مع خوفهم طبعا ً .. ورا هالتنين يمشي كذا .. وشلون كذا ... ايه يعني على اطراف اصابعه .. قام قال ابونوت للعمري شف وش بلاذايمشي كذا تصدق انه خايف.؟؟ فقال العمري مين انا .؟؟ قال بونوت ايه انت  ارقد بس ارقد الله يصلحك ...!!. والله وقرب التنين من عكاشه وابو ربيع وهم جالسين يكذبون على بعض بسوالف رحلاتهم اللي قبل ... واحد يقول قانصين فيله والثاني يقول قانصين دينصورات .. وراعي العنود يسمعهم وهو كان مقرب يبي كودهم يعرفونه ويتصرفون لكن يوم سمع سوالفهم درا ان ماوراهم سالفه وطبعا ً من غير ما اقول .. ثنين آوادم وش حليلهم وماوراهم سالفه وش بيسويبهم الا انه ياكلهم اكيد... وترى ياجماعه ماهوب عن جوع لا حاشاه .. لكن عن رحمه لهم عللشان يفك اهاليهم منهم وبالمره منها يجمعهم مع مشعل وابو مران ......... وطبعا ً ماعاقوا الشباب معه .. مامداهم يستقعدون من سدحتهم الا في بطن التنين مشخصين جنب عبداللع ومشعل    كل هذا وابو نوت يشوف ومرتاع  والا العمري ماجاب خبر  أبدا ً... لكنه من كثر شهاقه سمعه التنين والتفت عليهم إلا هم قد وصلو حدودهنالولو مع اليمن يحلفون ان رجلين ابونوت والعمري كانت تلف لفه كامله كنها مراوح ... اي غضاريف وأي عضلات ... صارت على رمان بلي ...الوكاد انهم فركوا والتنين حاول يلحقهم بس أي يلحق وحياتكم ما أمداه يخطي خطوه الا وهو مايدري وينهم ... الا كيد ان ابونوت والعمري فركوا بس لوين الله واعلم اما ابوعبيد وابو ربيع فهم هم على سوالفهم في بطن الشيخ تنين إلا انهم كلفوا على انفسهم شوي يوم سلموا على ابو مران ومشغل .... الحقيقه ان مشعل زهق فوق البنكرياس وقال ياجماعه وش رايكم نغير هالمحل وندور محل انفه منه طبعا ً مارد الا ابوعابد لأن الشابين اللطيفين مكملين سوالف فقال عبدالله والله اللي تشوف لكن انا هالأرض مادلها أقصد قاله هالبطن ما أدله ماجيته قبل كذا .....قال مشعل اجل انا بقوم اعس هالاماكن اللي حولنا يمكن القالي محل ابرك من هالبنكرياس اما القلب والاالرئه يمكن تصير انفه .. وقام الحبيب يمشي على رجوله وهو طفشان ماغير يشوت في هالقواطي الفاضيه اللي تقابله ....وفي هالوقت كان ابونوت والعمري وقفوا ماهوب بكيفهم بس رجولهم قضت انمحت من الركض (( تسحلت )) يبي لها تغيير ... الوكاد انهم وقفو لكن من يوم انطلقوا وهم ماحاكوا بعض ماغير نفس يجاوب نفس وشهقه تروح وشهقه تجي والدموع اربع اربع بس ماتهل على الارض لا تروح لأذنيهم من السرعه ..... <><><><><><><><><>والبقيه في 5/6<><><><><><><><> شكسبيهاص من كلمات الشاعر / ضاري بالعطى القصيبي ومن ألحان الفنانه / عبير بنت احمد حداد نفذها ووزعها موسيقيا ً / هبيبين الشريعي [/c] اخر تعديل كان بواسطة » ولد الهاص في يوم » 19-08-2002 عند الساعة » 06:16. |
|
|
|
19-08-2002, 08:44
|
#2 |
|
شـــــاعــــــر
|
اللهم اجعله خير
من يوم اقبلت على الرياض وشظنكم اول ما لفت نظري <<<< يعلمهم انه يروح للرياض تصدقون وش لاحظت ؟ حراره قويه تقول اديتر دركتر 000 لا تقول حرارة فرن افغان تقول حراره وبس  قعدت افكر وامشي باتجاه الحراره لين وصلت بيت شعر مهوب قصيده لا بيت شعر مسلح والى الي يصيح ويون ويكتب والى من ظنكم هالمنسم  طبعا ولد الهاص الله يعافيه من الشر والحراره من جبهته ونافعته هالحراره 000 طبعا منبع الاحتراف والنصب 000 تخاريف يعني لو تخف الحمى مالقى ما يكتبه 0 بتوريد السلام وقولته وعليكم السلام والى المخرج وطقم المسلسل ولنا اسلم عليهم واطلع 0 بس تبون اكذب واقول ما سلمت لا والله سلمت وقلت شف رجليني ما محاهن المشي  وما صدق ووريته رجلين العمري قال على مين هذي مهيب رجلين العمري 000 سكت وخليته ويوم جيت ابا اطلع والى ابو صالح بوجهي اثرهم متفقين هو وياه علي وانحشت والعمري ما نحاش للإنه مهوب فيه اصلا ما جبت الا رجلينه على شان اثبت ان ولد الهاص يكذب ما محاهن الركض طبعا زعلت بناء على رغبة الجمهور وجيت راجع للديره وما لقيتها فيه يوم وصلت ؟؟؟؟؟؟؟؟؟؟؟؟ اثرها مسيره !!!!!!!!!!!! تحياتي لك يا ولد الهاص يا مهرقل 000 تعال يا مشعل خذه وده الغربيّه لين يطيب راسه |
|
|
|
|
19-08-2002, 12:19
|
#3 |
|
رفيــق الحــزن
|
صديقي ولد الهاص هلا بك ياخوي وتسلم على الجزء الثاني من اللزخ الراقي والشخبطة على جدران التنسيم وانت رائع في كل شطحاتك وتقليعاتك . ذكرتني بسالفة يوم اني اروح لمصر سنتن من السنين ويوم طبيت مطار بيروت عاصمة سوريا الاو هذاك المغربي الملقوف يبي يلقط الشنطه مني وتعرف عاد المصاريه ملاقيف قلت له داير شنو يازول .. انت انهبلت ... لك شو بدّك ..... هاي الشنطة .... ديالي ....اغاتي الا والمح هاك الشرطي ياهم شديدين التوانسه المهم جا لمي وقال شو بك يازلمه اس فيه مسكلة... وتوني ابقوله السالفة الا ماعاد شفت الرجال ولا الشنطة ومن بعدها حلفت اني ماعاد اروح لليمن ولاعاد اطبها بالمرة ياخي ذبحونا هالصوماليين الله لا يعيد ليبيا ولا روحتن لها . بتقول وش جاب طاري السالفة انا اقولك هذي السالفه اللي كنت اقولها لعكاشه وانا في بطن أمي قصدي في بطن التنيين .خخخخخخخخخخخخخخخخخخخخخخخ . . . . . . ياولد الهاص يابو مشـقاص ياراعــي الباص تـعـبـت خـــــلاص ابركب شـــــــــاص وشكــــــري الخاص لولـــــد الــهــــــــاص هذا اغنية جديدة بتغـنيها نوال كفوري من الحان / الملحن القدير مقام البنجكه كلمات وتمثيل / اللفنان علي شروخه بطولة وآداء / زينب الشرطي بمناسبة تغيير موقع شعبيات |
|
|
|
|
19-08-2002, 21:17
|
#4 |
|
شـــاعــر
|
خالي ولد الهاص .... عندي سؤال.... تكفى يا خالي تجاوبني عليه .... السؤال هو ... وش سووا العمري لما شاف التنين  تكفي يا خاليخررررررررررررررررررب بيت هالشغلة .... عالم .. الربيع : لووووووووووووووول >> مدري وش معناها ,,, أسألوا عكاشه ,, برررررررررررررررررررب >> برضوا اسألوا عكاشه ... |
|
|
|
|
20-08-2002, 18:00
|
#5 |
|
..
|
الله اما لا شماته ههههههههههههههههههههههههههههههههه هههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه ههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه اوه قطعت قلبي من الضحك على العمري و ابو نوت يوم شافو التنين!!!!!!!!!!!! وما كسر خاطري كثر خالي ابو صالح راعي العنود!!!!! |
|
|
|
|
21-08-2002, 11:07
|
#6 |
|
عضو شعبيات
|
[c] ابونوت .... المهم انك زعلت .... حسب رغبة الجمهور والا حسب رغبت الحكم بس ماقلتلي وش مزعلك علشان اسويه دايم .................. ابونوت صدق اللي شكله جابها من جد وزعل الخال ابو صالح ... والا هو وش فيه تكفون ياجماعه اللي عتده خبر انه زعلان يعلمني خلوني اسفح له بها الطياره احب خشمه واجي ....ترى كلش الا تنينا راعي العنود .... وانا والله شكلي استبثرت عليه بالمصاله ..... خلاص نبي نغير ابو صالح ترى ماهوب التنين بنخلي ابوربيع شكله مايزعل بنخليه هو التنين ... ابشروبه في الحلقه الجايه .... كذا والا لا يامستشاري العزيز هبيبين اما انت ياخالي ابو مران فلو تزعل توطيت في ظلالك ووريتك الشغل بعد خالي وتزعل ........... [/c] |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
