16-08-2002, 03:21
|
#1 |
|
عضو شعبيات
|
3/6 ...... ولد الهاص يجسد الحقيقه
[c] اعزائي وانسو الحلقه اللي قبل وركزو معي ok ركزو wea ركزوا بأقولكم سالفه لعكاشه ما احد يدري عنها بس خذيتها من ملفات الاستخبارت الصينيه .................... هذا في يوم كان عكاشه والربيع وبن مران ومشعل والعمري وراعي العنود وابونوت طبعا ًمخيمين في هانلولو بعد الطوقي بربع طن يابس كيلو الاكيد انهم لقولهم فيضه ماجاها احد قبلهم وفيها اشياء غريبه مثل ان الارض تمطر مويه والسما تذبذب عليهم شجر صغيرات المهم العمري خاف قالهم رجعوني قاله ابونوت اها بس اقطع واخس الحين ما امدانا نوصل والا ورجعوني والعمري نشب لهم يقول لالا مابي لين شاف عيون راعي العنود صارت خضر وفيها دوواوير صغيره صفر قام بلع العافيه قبل لا ينبلع هو بصغره ... المهم ان مشعل مسوي فيها قوي وقال متى نروح نصيد .. والمهف عكاشه قال وين قال معهم قال ايه والله خلونا نصيد تراني احب الصيد >>> وهو آخر مقناص له كان جيب مابعد تحول ادمي ................ وفي الاخير قام ابو ربيع وجمع حصى ( بزعمه السلاح الحين ) وقال يالله مشينا وقامو كلهم الا راعي العنود قال خلوني هنا اولم العده والقدور لين تجون وابشب الضو وابحتريكم .... اي والله وهم يمشون ويقعد راعي العنود لحاله ويوم ظبط كلش وقبل مايشب الضو قال والله الاكل بيبطي وانا رجال ما اصبرخلني افتش في هالاغراض يمكن فيه شي اكله .. وقام يفتش الحبيب ويلقاله ذيك العلبه اللي ماعرف يقرا الكلام اللي عليها وهو اللي يفكها بضروسه من الجوع وياكلها عقب ماخلص اللي فيها وهو يتلفت لاحد يشوفه وعقبها قام يشب النار وحس بكن فيه دوخه وكن بطنه قام يتحرك لحاله والغريب انه كل ماقرب جنب النار تزيد حركة بطنه شوي الا وهو يحس بانفاسه حاره وبدخان يطلع من خشمه ويوم انه تثاوب والله لايوريكم ذيك النار اللي وش كبرها تلهب من فمه وهو خايف ويرتعد يوم انه التفت وراه وهو يشوف ذيل طالع له وكل ماله ويطول وكل مال راسه ويرتفع فوق ورقبته تنمغط .... قال يووه وش ذا اللي كليته .. توهقت .. الظاهر اني صرت تنين .. وش ذا البلشه وش باقولهم لين عودو .. ووش بسوي بهالذيل اللي كنه درج روشن .... بس هين ماعلي منهم المهم وش بيملا بطني الحين وهو اللي مامداه يتمها الا وهو ماكل ٍ حتى الماطور .... وصار جالس في الظلام وان بغى يشوف تثاوب..... المهم انه من القهر ادعس راسه في الخيمه ونام ..... وبرهتا ًالا اتو فرقة حسبو المفترسه يجرون اذيال الخيبه >>> مادرو بالذيل اللي يحتريهم ويوم قربو من محلهم الا وهم مايشوفون وين الخيمه وين النور ووين الماطور عساماهوب خربه ابو صالح ومران ماسك ثوب عكاشه اللي ماسك ثوب مشعل ( الفتوه بتاع الفرقه ).. المهم شافو خيمتهم من بعيد بس وشهاللي ناقلها عند هالطعس ويوم قربو شوي الا يسمعون الماطور يشتغل ويطفى >>> مادرو انه شخير التنين ابو صالح وهم اللي خافو واستشكو في الوضع قالو بنقعد ورح يالفتوه جب العلم قال واحد يجي معي وعيو بس ابو مران سوا ذهين وقال اروح مع القوي حقنا ولا اقعد مع هذولي وراح مع مشعل ويوم وصلو الا وشذا الخيمه المتعرفطه واللي تتحرك .. قال مشعل عودنا بس عودنا .. يوم جو بيعودون الا التنين صحىبحسهم ويصكهم بذيله الا هم عنده ... ومصفرين من الخبطه ومن الخوف .. وهو اللي يلحسهم لحستين بالزوليه اقصد بلسانه الا والله ويصحون ويوم شافوه ويصارخون وهو يشرلهم بيده اصصص... ويبي يحكي ماقدر من الدخنه اللي في فمه ..وهواللي يفعص ابومران بيده ويجيبه عند وجهه يبيه بزعمه يعرفه ... واي يعرفه ... ياعالم بعدوهو صاير ٍ تنين ... ذاك والله لوهو فيل بعير يمكن نقول بس تنين ترى صعبه يعرفه .. والا مانتو معي .... المهم ماعرفه بن مران ويقوم ابوصالح التنين بزعمه بيشرح القصه انه أكل شي مايعرفه .. ومشعل سوا ذهين قاله انه ظب بزعمه بيرقا على الذيل يدور العكره وابو صالح منقهر من مران ماعرف شي وهو يفتح فمه بيقوله اني كليت شي .. وابو مران يفرفش في يده .. وقفلت مع ابو صالح منه وهو اللي يبلعه ويلتفت على مشعل الا هو يحاول يمسك العكره بزعمه .. وياخذه والي مع مشعل ذيك البندق ((اللي مصلحها يوم وهو سهران)) ويطلق مشعل بزعمه بيذبح التنين اللي والله ولا درا عنه ويبيه يركد ماركد وقم يا ابو صالح وابلعه شوي الا ابو مران ومشعل في بطن التنين متقابلين وهم اللي يلقون الماطور واغراضهم ويدورون ابوصالح مالقوه قال مشعل هين يابو عابد خلنا نشغل الماطور وبعدين ندور ابوصالح أيد ان هالتنين بالعه قبلنا.... <><><><><><><><><><>والبقيه في الحلقه 4/6<><><><><><><><><> شكسبيهاص قام بالاخراج /العالم ضاري هوجو قام بالترجمه الى الهنوراسيه / البرفسور هبيبين وترجمها الى السواحليه / عبير بنت سيدي احمد ولدطايع [/c] |
|
|
|
16-08-2002, 04:30
|
#2 |
|
شـــــاعــــــر
|
الرد ما تراه لا ما تسمعه يابن الهاص
لا اله الا الله ابا اروح انام الحين واستلهم الرد القوي لزا نعم لزا محجووووووووووووووووووووز لحين رجوعي ان شاء الله قال تنين قال  المشكله لبا اروح ادورني ما ذكرني هالمهبول قلعني معهم ولدري انا مع الي قصو والا مع ابو صالح والا انا الي بوصط العلبه  وكلني وصار تنين  يا عالم نشوف هالمنسم وين يبي يلقاني فيه بس اهم شيء يدورني تراني ضايع  نسيت اني جاي ابا احجز يالله مع السلامه عساني القاني واجي ارد عليك يابن الهاص  |
|
|
|
|
16-08-2002, 09:58
|
#3 |
|
رفيــق الحــزن
|
ايه ياجسد الثقافة رنننننننننننننننننب على كيفك
 لا حول ولا قوة الا بالله ياخسارتك ياراعي العنود تنين عاد انا متشوق للحلقة السابقة وعلى احر من الثلج <<<<< صدّق الرجال . تدري عاد غرضك من يرجمك بالحصى اللي انا قاعد اجمّعه  هالحين بطن هالتنيين يشتغل فيه الماطور ويطفي وشلون يافكاك ابي اعرف من اللي سحب الهندل وكلنا رايحين نصيد الله من الفك  بس تدري الله لا يخلينا من تنسيمك وتقليعاتك وسوالف اللي ما تنتهي . . . . . . عكاشة فتحت عليك باب وياويلك ويلااااااااااااااااه . ابو ربيع احد اعضاء الرحلة اللي قلبت نكد |
|
|
|
|
16-08-2002, 13:19
|
#4 |
|
شـــاعــر
|
ولد الهاص وش ذا التنسيم علي الحرام منت صاحي ياحليلك يابوصالح ههههههههههههههههههههههههههههههه على فكره الفلم ذا يذكرني بافلام ( هتشكوك ) مممممممممرعب تكفى لا تطول بالحلقه الجايه بس شفلي دور زين مطلعني ( زلابه ) الله يهديك !!!!!!!! يعني خله فلم هندي في النهايه ابغى اتوثم في ابو نوت اللي ينفخ علي في الفلم وان ماسويتها في الفلم والله لا اروح له في الدوادمي صدق واصطره  تشاااااااااااو <<<<<يعني يرحم والديك خلني البطل |
|
|
|
|
16-08-2002, 17:25
|
#5 |
|
شـــاعــر
|
خالي ولد الهاص افا ... اشوف السالفة الحقتني انا بعد يا خالي ... خالي .. خالي ... وأضرب واطرح .. وخرتها تمحط بي كذا بهالموضوع .. الزبدة .. خلني انا اللي اقتل .... حوله اقتل هذي .. علشان انا اصير بطل القصة ... والا ترى ما يصير الا كل خير >> خاف اقول مبرررررررررررررررررك الرجعة قبل الغياب يا خال .. برررررررررررررررب ..... وكالعادة اسألوا عكاشه .. |
|
|
|
|
16-08-2002, 17:56
|
#6 |
|
..
|
هذا في يوم كان عكاشه والربيع وبن مران ومشعل والعمري وراعي العنودوابونوت هههههههههههههه ههههههههههههه ههههههههههههههههه ابطال والله مغترين فيكم وطلعتو مو شئ [c]قمه في التنسيم والابداع ياولد الهاص[/c]  |
|
|
|
|
16-08-2002, 22:18
|
#7 |
|
العضوية الماسية للموقع
|
شجب واستنكار واستنسياره
. . . "ويدورون ابوصالح مالقوه قال مشعل هين يابو عابد خلنا نشغل الماطور وبعدين ندور ابوصالح أيد ان هالتنين بالعه قبلنا" الترجمة الحرفية الصحيحة خااااااااطئة ...! ( أيد )  ... ( أييييييييييد ) ...!!!" أكيد " وليست أيد يا ريّس ... تريد هدم ثقافتنا السواحلية ولكن هيهات ستبقى لغتنا حرة أبية من إستعمار العاميّة و سلطة البيزنطيّة ... ولا يمكن أن تتأثر أسعار الأسهم في موريتانيا طالما شركة الكهرباء تحارب نسخ البرامج في أم الجماجم ... <~~~~ ماانقلب راسها مع الموضوع ابد المهم لا تكرر أخطاءك الإملائية خاصة في ترجمتي .. لأن الهندوراسية لا تفرق عن لغتكم شيئاً تحياتي لك ولباصك ... ــــ.. . |
|
|
|
|
16-08-2002, 23:43
|
#8 |
|
..
|
الى عبير بنت احمد
اختي العزيزه لقد تعديتي على حوق الغير وسمحتي لنفسكي بالتتخل في الشؤن الخاصه في الترجمه الهنوراسيه وانتي بعدك ماتعرفين عن خبايا اللغه الهنوراسيه المرتعده المرتجفه المفعمه بالخوف الهنوراسيه فهي تكتب بالكتابه المشفره ولا يعرفها الا الراسخون في الغه ختي عبير اختصاصك هو السواحليه الشعبيه الداخليه الخارجيه المتفرعه من الهنوراسيه الفرعيه وليست الاصليه من الشكسبيهاصيه المتخصصه وللعلم ان كلمه ( أيد ان ) صحيحه لاغبار عليها من حيث اللفض و الترجمه والكتابه و الإعراب ودمتي >>> ترجمه الى الهنوراسيه / البرفسور هبيبين |
|
|
|
|
17-08-2002, 00:27
|
#9 |
|
العضوية الماسية للموقع
|
يحق لك يا برفسور هبيبين أن تشكك في لغتي الأم ... وكيف لا و أنت أ.د. هندوراسيه { حته وحده } لنا الله ... فقط لو أن أبي سمح لي بإكمال تعليمي لأصل إلى شهادة الكفاءة حتى لا تتفاخر علي بالبروفورسوراه هذه على العموم كلمة ( أيد ان ) تعني في السواحليه : { جمع إيد } لذا وجب التنويه ... و صح لسانك ــــ.. . |
|
|
|
|
17-08-2002, 02:12
|
#10 |
|
عضو شعبيات
|
[c] السيد المراقب الدلخ اللي عجزنا نزعله ... ياخوي انت صدرك لستك يتمغط مايظيق ابد.... أريد حلا ً ابي ازعله ياجماعه وشلون وبعدين ياهوه انت يامراقب انت ماضعت انت مع اللي قاعدين ينتظرون العلم وهم الربيع والعمري وانت وعكاشه واقر زين وتفهم ....... وانت للحين ماجيت من الصلاه [/c] |
|
|
|
|
17-08-2002, 02:18
|
#11 |
|
عضو شعبيات
|
[c] وانت يا ( د.د.م.م)دلخ دجه مهبول ومنسم يابو ربيع انت ناسي السالفه انا ذاكرها احسن منك يالدلخ الماطور ما اشتغل وطفى هذا اللي هم توقعوه وطلع شخير التنين فهمت والا خلاص تعودت ماتفهم الا بالطق وبعدين خلك بالحصا لين اجيك [/c] |
|
|
|
|
17-08-2002, 02:21
|
#12 |
|
عضو شعبيات
|
[c] ومن قال ياعمري انت انك مانت البطل وانك مانت مصفق ابونوت بس انت خله يجيك الدور ياعادل ادهم وشف وش بيصير [/c] |
|
|
|
|
17-08-2002, 02:25
|
#13 |
|
عضو شعبيات
|
[c] أشوف يابومران كن ودك ارسل الوالده لكم ونبطل خالي وخالك خلك ثقيل على خبري وانت البطل أكيد بس أصبر لين يجيك الباص وأركب والله يسلمك بس أنا صدق جيت قبل ما اروح بس يومين ورايح قبل ما أجي [/c] |
|
|
|
|
17-08-2002, 02:30
|
#14 |
|
عضو شعبيات
|
[c] هبيبين ... شفت كاتبلك بالاحمر رمز للمحبه الاخوانيه الصدائقيه ياخي انا ابيك تروح تشوف ابو صالح وينه السالفه كلها عنه وهذي تاليتها .. بس تكفا انتبه لا تحاكيه الا بلبس الاطفا أخاف لا يتثاوب عند والاش [/c] |
|
|
|
|
17-08-2002, 02:36
|
#15 |
|
عضو شعبيات
|
[c] السيده المشرفه / تشرفنا بزيارتك لنا في برنامج حطني تلقاني والحياه الفنطريه للطرب المونساني ... أما عن الترجمه فأنتو فريق عمل ناجح والتاريخ لن ينسى لم انكم تعاونتم معي ابداً>>>>>>> بس عن المطاق قدام الناس ولا من وراهم [/c] |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
