[عبدالرحمن الربيّع]

مساكم الله بالخير ..

جديده تأمل مصافحة قلوبكم وملامسة مشاعركم ..

وش العلاقه بين صدّك وصبري =غير إن صدك طال والصبرطوّل
والصرخة اللي ساكنه وسط صدري =أحسّها والله قامت تجوّل
أنا جريح العام والناس تدري=وأحس أنا ما عادني مثل أوّل
ولا لقيت لحالتي حل جذري =الصدق لا قالوا الاول تحوّل
أهديت لك قلبٍ معه حب عُذْري =ماهمني من قال والا تقوّل
ليه الجفا سيفٍ يلوّح بغدري =وين العهود اللي عليها يعوّل
المشكله لأنتَ تقبّلت عذري =ولا أنا قبلت عذرك بالاوّل
لو قلت مهما قلت والله مدري=بس الاكيد ان الصبر حيل طوّل

.
.
وسلامة قلوبكم ..

[محمد فايزالقرني]

صح لسانك ياعبدالرحمن

[احمد عوض]

عبدالرحمن الربيع

صح لسانك

ابيات جميله ومعبره

دمت سالم اخي

تقبل مروري

احــمد عــوض

[المهدي بن تركي]

عبد الرحمن الربيع
يصح فكرك الراقي ونبضك الجزل
رايع رايع
مرور للاعجاب فقط

[بـندر العبدالكريم]

كُتب عليهم الصبر قدرهم الذي لن يفرون منه ياعبدالرحمن تأتي جميلا صادقا قريبا من القلب مودتي واحترامي

[نورة العجمي]

الصد طال والصبر طوّل

الله على الإحاسيس المرهفه
والكلمات الخارجة من القلب
لاعدمنا هالحضور
صح قلبك
كعادتك رفيق للحزن والصدق

[صالح العبدالكريم]

وش العلاقه بين صـدّك وصبـري .............. غير إن صدك طـال والصبرطـوّل يكفي أن تدخل عمق الألم من خلال نظره كهذه الحديث العاطفي دائماً ما يستند على قلب يعلم الطريقه المثلى بإستدراج القارئ وهنا مدخل يمضغ ذاكره ما عادت لتحتمل كل ما مر بها ! تأتي بهدوء وتعبّر بهدوء وتعاتب بهدوء .. إختلاف روحك جميل يا ابو رياض تقديري و احترامي

[عبدالرحمن الربيّع]

الرسالة الأصلية كتبت بواسطة محمد فايزالقرني

صح لسانك ياعبدالرحمن

هلا وغلا بك اخوي محمد وشرفتي بحضورك ..

صح بدنك لا عدمتك ..

لك كل الود والتقدير .

[نواف الشمري]

لو قلت مهما قـت والله مدري
........بس الاكيد ان الصبر حيل طوّل


عبدالرحمن الربيع

احساسك الجميل لايختلف عليه الشعر والنبض !!
نص رائع كروعة قلبك ..

رفيق الحزن
صح قلبك ودام ابداعك

[الجازي]

.

وش العلاقه بين صـدّك وصبـري
غير إن صدك طـال والصبر طـوّل

رفيق الحزن ..
عنوان يختصر الكثير من المعاني ..
وإحساس يستبقي أثر شذى بياض قلبك على المتصفح ..
صح نبضك ..
لـ شفافية حضورك وحرفك ..

أطيب التحايا وأجملها ..
.

[نوف الثنيان]

الربيّع / عبدالرحمن ..

ما أجمل أن نترك الباب موارباً ..
قد تكون الروح معلّقة .. وتكتُب أثناء الإنتظار ..
وهنا الغبطة .. أن تكون في قوافي البوح بـ قصيدة جديدة ..

شكراً لـ كل هذا الندى ..

[سالم بن جلعان]

يسعد الله صباحك يا الربيع ...
ويسعد الله صباح هالنص العذب
شاعر رقيق جداً هنا يا عبدالرحمن

أنا جريح العـام والنـاس تـدري
وأحس أنا مـا عادنـي مثـل أوّل

صح نبضك اخي الغالي
تحياتي
اخيك / سالم

[ناصر آل مداوي]

احساس جميل وشااااعر اجمل

صح لساااااانك يابورياض

تقديري لك

[ذيبان]

صح لسانك ياعبدالرحمن
جميل ولا تأتي الا بجمال القلب والاحساس
تقبل تحيات اخوك

[بركات الشمري]

.


وش العلاقه بين صـدّك وصبـري
.............. غير إن صدك طـال والصبرطـوّل


رقة يغلفها الحنين ..
هكذا أنت دائما ً يابو رياض ..

عذب ُ كالمطر ..