[فيصل فهد]

كل عام والجميع بخير أو الجميع كل عام بخير .. عودة
إنها جداً متواضعة تقبلوها ..

غريب ..
عايش في أرضي ..
و مع بعضي , عايش غريب ..
وش الفرق .. ؟!
إن أبعدتني المسافه
أو كنت قريب ..

يومي , مثل شمسي
أشرق .. و بلحظه أغيب !
همومي , تكثر عن أمسي
أعشق .. ولآ لي حبيب !

إن غبت ..
محدٍ سأل عني .. غيري أنا
عايش في إنتظاري ..
و إن عدت ..
كلٍ زعل مني .. إلا أنا
أقبل بكل أعذاري ..

تدفعني ريح الشمال لــ الجنوب
و أنا ساري بين الرمال و الدروب
و في الضلال , مسكني و داري ..

ما أخذت ..
من نهاري والوضوح
غير الضباب و التغريب !
يمكن أقداري جروح
دام أسفاري تروح
يم السراب لــ التعذيب !

من يوم ما انولدت :
و أنا عايش مع ذاتي , عزا هالقلب
و شارد في مدى الأيام ..
صحيح إني فقدت !
و أكثر في دنيا حياتي , يا أصدق الحب
و رماني الهوى على الأحلام ..

قليّ : من ليّ غيري , قليّ !
أحتاج أنا .. كليّ
و أشتاق أنا .. كليّ
من وين يا شوق أستدل الدرب ؟
والنور ضايع في الظلام ..

ليت للي راح .. أرجع
لفرحة أيامي ..
و ليت الحزن .. من الليالي تطيب !
ليت من الجراح .. أسمع
صرخة ألآمي ..
مثل الزمن .. على سؤالي يجيب !
غريب !

[محمد آل مريع]

قليّ : من ليّ غيري , قليّ !
أحتاج أنا .. كليّ
و أشتاق أنا .. كليّ
من وين يا شوق أستدل الدرب ؟
والنور ضايع في الظلام ..


إحساس جميل ورقيق وجدته بين ثنايا هذه الصفحة رغم ما حمل من الألم ...

تقديري لك ولهذه المعزوفة الجميلة ...