16-10-2005, 07:05
|
#1 |
|
عضو فـعّال
|
سوالف شعريه ( رمضان في قلوبنا )
بسم الله الرحمن الرحيم انا ادري ان المقدمه صعبه ويبيلها واحدن عنده خبره في مقدمات المواضيع بس ابعلمكم وش هي ..... السوالف الشعريه بس في خاطري شئ ودي اقوله قبل الموضوع طراه الشعريه ؟؟ تعرفون الشعيريه الي كنها مكرونه بس نحيفه ؟ ليه طعمها حالي مهيب مثل المكورونه مالحه مع انها تتشابه في استايل بس تختلف في السايز؟  وودي بعد اسالكم ليه العالم في رمضان تلعب طائره وفي الاشهر الباقيه مايلعبونها ؟ يعني وش الحكمه من لعبها في رمضان بالذات ؟ ماعلينا نرجع لموضوعنا ........ !  كنت اتأمل الاستراحه ومافيها من مواضيع واقول ليه القصايد كلها في بوح القوافي وجلست مع نفسي لحالنا وقررت اشارك بهذا الموضوع لجعل الاستراحه مكان منوع يجمع الخنبقه والشعر الله يوفقني وييسر امري ومن يقول .. عاد زبدة الموضوع إني بذكر بعض القصايد لفلذة كبدي اخوي متعب مع ذكر مناسبتها في قصه لاتخلو من التحليه << طراه شارع التحليه والشعيريه بحكم االعلاقه الي بينا وبحكم قربه مني لأن بصراحه مابيني وبينه الا الصاله.. قبل سنه تقريبا مدري تزود شوي والا تنقص ماعلينا النقص في الفنجال مهوب في الرجال اصابت اخي متعب وعكه صحيه من اثار التسبح والتسدح امام المكيف واصبح طريح الدوشق لفتره زمنيه وفي هذي الفتره الزمنيه سأل عنه واحد من اخواني مايحضرني اسمه الان وقال وش لون متعب عسى حالته زينه هالايام قلنا ماعليه بخير ومن ذا الكلام بعد ماقام متعب علمناه قلنا اخوك الي مدري وش اسمه سأل عنك وكان حريص عليك وقام متعب يناشق من الفرح والحزن وقام يصفق بيدينه ويقول ياسلامي عليكم يالسعوديه وبعدها رقد وقام وقال هالقصيده يصف حالته : :white: << شكله بيتصفق هههههههه يقول : عن حالـتي جـيتـك بتـقرير ...... ختـمـه مـن وزارة الـصحـه تقـرير فـيه الـقليـل كثـيــر ...... عن حال يصعب علي شرحه في حالتي يعجز الـتعبيـر .......... كتمه وزكمه على كحـه وصداع منه العقول تطير ......... والراس فـيه يغـدي جحـه يـثـقـل ويـتعطـل التـفكيـر ........... ويـصير لـيله مثل صبحه وفيني النفس صارباالتعزير ........ اتـشفق مـن الهـواء نفحـه احيان صوت الصدر تصفير ........ واحيان يشبهه هـل الدحه واليوم ابشرك كني بخير .......... لايغـرك الصوت والبحـه وكان وقتها في اخر ترم له في الجامعه الي هو مين ؟ متعب وكانت حالته الاجودي رايحه فيها وكان يحب بنت جيرانا وابو بنت جيرانا يقول منب مزوجينك بنتنا لين تخلص الجامعه ((من ابسط حقوقها يامتعب ههههههههههه)) المهم فيه دكتور سوداني مستقعد له في اخر ترم والرجال يبي يتخرج وهذا ناشبن له تقول علك في شعر تكروني وقال القصيده ذي : ياكبر همي من ردى حظي الشين ............... وياطول ليلن ماهنالي رقاده اسهر وانا اشفق جيت النوم للعين .............. يومن بعض الناس نومه عباده ليلي سهرت والحشى فيه ناريـن ............... نارن حطبـها مايـعود رمـاده كـن الحزن خيـلن وصـدري ميادين .......... وكن الفرح فا القلب معلن حداده يعني بصراحه صرت كني فلسطين ........... بين الهموم اعيـش حـرب الإباده والي حرمني فرحت شهور وسنين ........... الله يحرمه مـن دروب السعاده صّدر قراره في ضحى يوم الاثنين ............ مـن مكتبه للقسم ليـن العماده يانـجـس دمـن شايله فا الشراييـن ............ سواد قلبـه بيـنن فـي سواده الوجـه شين ولايجـي منـه الـزيـن .......... والعين نسخه مـن عيون الجراده وضيفته يرعـى الغنـم والبعارين .......... وش عرفه با العلم واهل الرياده ماذلني وقتـي وانا مـن عزيزين ........... لازاد همـي زدت صبـر وجـلاده حتى ايش لو شفت الشقاء والامّرين ............ كـم فارسن قبلي تعثـر جواده فـي وقتنا مالت جميـع الموازيـن ........... واختلت احكام القوى والسياده لاصار علـم الروس عند الكراعين .......... لاتـلـوم متعب يوم عافـه رقـاده وكان في وقتها بنت جيرانا خطيبته مزعجته تقول متى بتخلص من هالجامعه عنست وانا انتظرك المهم ضيقت صدره زود وقال يشتكي من حبها والشوق اليها وتعب الدراسه الخ . يقول :- اجتمع فا القلب حبك مع همومي فا الدراسه .................. وانقسم عندي طموحي بين شوفك والتخرج حالــتي يا زيـن صعـبه ماتبـي منك فـراسه .................. يحـترق قلـبي لشـوفك وانت ياخلي تفـرج ومن ردات الحظ اخوياه الي كانو معه تخرجو وصار وحيدن بين جدران الجامعه يشكي من الوحدة والاصدقاء الجدد واجتمعت عليه الهموم من كل جهه وقال هذي القصيده يشتكي من جور الزمان ورخامة اصحابه الجدد :white: الحـظ يـامـا فـي دروبي عصاني ...................... متسلط " والـــهم مثـله تسلـط هــم " سجنــه القلب وسط المحاني ..................... متجمع " كـا الـــدم لـمن تجلـط يعني لو اوصف حالتي بشكل ثاني .................... كن الحزن ضيفي وصدري مقلط وإذا سئــلت وقـلـت مــاذا دهـانـي ..................... بقـول صار العـود مــثل المخلط وشلون؟ مدري!! بس هاك المعاني ................... والعاري اهون منـه لبس المزلــط اتــذوق ابـيـوتـي واجّــود لسانـي ................... وغيري يلـط العـلم والسالفه لــط احد" فـي دربه منـكتـب لـه يعـاني ................... واحــد" طـريـقـه بسعـادة مـبـلط وانـا زمـانـي يــارفـيـقي حـدانـي ...................عـقـب النـشاما جالس " مع جحلط وبعد ماتخرج من الجامعه والحمد لله قال متعب يالله وانا اخوك بخليك تخاويني لـ لبنان محفول مكفول بس جب معك ثماني الالاف حقت اكلك <<<<<<< يبي يزرفني هههههههههه رحنا وكنا مبسوطين هناك المهم رحنا لـ لبنان وقابل وحدتن هنا تطرح الطير من السماء هههههههههههههه وسطر في بيرت اروع قصة حب عرفتها لبنان لدرجة انه بغى يتسطر من اخوانها وبعد ماصارت سيرته على كل للسان . اخوان البنت منعوها من الخروج الا وهم معها وضاقت في وجه وقام يهيجن بالبناني وانا من القهر على حال اخوي قمت ادبك من غير شعور وكان يهيجن يقول مخاطبا عشيقته << اثار المسلسلات المكسيكيه يقول : انـا بتمنـى شوفك حـدي .................. ولك يا احلى والطف محبوب غـيــرك لا واللـه مابـدي .................. ولا بـفـكر ياعمـري بنـوب . . لمـا بـدىءِ ومـا بـتـردي .................. يـمـرؤ وئـتـي كلـو شـوب ولما بشوفك جايه لـ عندي .................. ئـلـبي مـن الفرحه بيدوب وخيك حدك متـل الجنـدي .................. يئصف عمروه ها المضروب يوم رجعنا من لبنان ووصلنا الرياض اثر علومنا في لبنان واصله الحارة قبلنا لدرجة ان وراعين الحارة يلاحقون متعب ويقولنه له ياخوي البنانيه ياخوي البنانيه ودرت خطيبته وجحدته .. وتزوجت ولد عمها وجابت منه ولدين وبنت... خلال فترة وجيزة وبقي متعب عزوبي الى وقتا الحالي وقرر انه مايتزوج قبلي تقديرا لوفائي ووقوفي جنبه  احبائي الاطفال قصدي المشاهدين ههههههه وش نستفيد من هالقصه الداجه ؟؟ الفوائد العامه من القصه : 1- ان الاخو الي اللي مايكتب موضوع في اخوه مافيه خير ولا يسوى التاليه من الغنم .. 2- ان التسبح والتسدح امام المكيف يخلي الهوى يلفحك ويخليك تبطي وانت على دوشقك مريض 3- ان السودان بلد مثل اي بلد فيها الطيب والردي والمعنى على دخول المحل 4- ان الاصدقاء منهم الصالح ومنهم الطالح ولا بالك الله بعاقه 5- ان لبنان ديرتن توسع الصدر واهلها طيبين ودينهم سمح 6-اذا بغيت تتزوج لاتتزوج من بنت جيرانكم لأن علومك كلها عندهم لذلك انصحك بزواج من الخارج .. هذه القصه بطولة : متعب الخامسي بالاشتراك مع الفنانه اللبنانيه ساندرا اعداد : سلطان الخامسي وشكرا |
|
|
|
16-10-2005, 07:30
|
#2 |
|
مشرف
|
رد : سوالف شعريه ( رمضان في قلوبنا )
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههه ياعالم والله التنسيم العالمي في راس هالشخص :white: اجل لا يحضرك اسم اخوك يالمفهي :white: والقصيدة اللبنانيه لحالها لك تأبرني :white: موضوووووووووووووع مجنوووووووووووون وقوة تنسيم :white: تشاووووووووووووووووووووووو يامُعد |
|
|
|
|
16-10-2005, 13:26
|
#3 |
|
شـــاعــر
|
رد : سوالف شعريه ( رمضان في قلوبنا )
موضوع رايق جدا ً يا سلطان .. أنا اصوت لـ هذا الموضوع ... سجل عندك صوت ... |
|
|
|
|
16-10-2005, 23:27
|
#4 |
|
Banned
|
رد : سوالف شعريه ( رمضان في قلوبنا )
وانا اصوت لها الموضوع بعد سجل صوتين  |
|
|
|
|
17-10-2005, 02:31
|
#5 | |
|
عضو فعّال
|
رد : سوالف شعريه ( رمضان في قلوبنا )
إقتباس:
بالنسبه للشعيريه لأن النحافه احلى من السمنه عشان كذا هي حلوه :white: بالنسبه لكرة السله السبب بسيط جدا لان الناس ودها تمغط بطونها وتنحف عقب الفطور والبلع :white: <<<<البنت هذي ماتحيا من زود الذكاء سلطان من جد وبكل امانه موضوعك جنان ويهبل وروعه وكل كلمات المدح  بس من ناحية التصويت ياخوي اعذرني ماقدر اصوتلك لان ماعندي غير صوت واحد وانا مادري من قالي في يوم من الايام ياعنوده مبدي غيره على نفسه للنار :white: <<<امحق نصيحه |
|
|
|
|
|
18-10-2005, 03:22
|
#6 |
|
رد : سوالف شعريه ( رمضان في قلوبنا )
موضوع كذا سلطان الخامسي وموضوع مرشح قوي جدا للفوز ليه لا وهو بطولة متعب الخامسي :white: تحياتي لك ولـ متعب سجل اعجابي |
|
|
|
|
19-10-2005, 05:50
|
#7 |
|
بقـايا حُلـم
|
رد : سوالف شعريه ( رمضان في قلوبنا )
اسجل اعجابي |
|
|
|
|
23-10-2005, 05:49
|
#8 |
|
شــاعــر
|
رد : سوالف شعريه ( رمضان في قلوبنا )
شكرا اخي سلطان على هذا الموضوع الجميل بوجودي .. :white: سجل اعجابي على دفتر ابو عشرين الين اجي لي عودة :white: |
|
|
|
|
23-10-2005, 07:13
|
#9 |
|
مشرف
|
رد : سوالف شعريه ( رمضان في قلوبنا )
تثبيت لمدة يوم واحد فقط حتى ينتهي التصويت في المهرجان تشاوووووووووووووووووووووووووووووووو |
|
|
|
|
23-10-2005, 23:36
|
#10 |
|
شـــاعرة
|
رد : سوالف شعريه ( رمضان في قلوبنا )
موضوع خرافي :white: صوتي للخامسي |
|
|
|
|
24-10-2005, 03:18
|
#11 |
|
عضو فـعّال
|
رد : سوالف شعريه ( رمضان في قلوبنا )
اخوي حسن ال مسفر الله يسلمك وماعليك زود وخلنا نشوفك بس تبي الصدق يا حسن احس اني بفوز ودايم احساسي يخيب بس هالمرة اتوقع لا على العموم انت وشلونك طيب ؟ شكرن |
|
|
|
|
24-10-2005, 03:31
|
#12 | |
|
عضو فـعّال
|
رد : سوالف شعريه ( رمضان في قلوبنا )
إقتباس:
تأكد ان صوتك امانه في حلوقنا :white: ومشكور على ادلائك بصوتك لنا وصدقني كل التشكير ما يوفيك يالغالي شكرا |
|
|
|
|
|
24-10-2005, 03:46
|
#13 | |
|
عضو فـعّال
|
رد : سوالف شعريه ( رمضان في قلوبنا )
إقتباس:
وكما قلت سابقاً لخوي مرزوق ان اصواتكم امانه في حلوقنا .. وصدقيني يا نجلا ان كلامك حمسني لدرجه اني اكتب الرد هذا وانا واقف شكرا |
|
|
|
|
|
24-10-2005, 03:56
|
#14 | ||
|
عضو فـعّال
|
رد : سوالف شعريه ( رمضان في قلوبنا )
عنود الصيد .. مشكوره على تواجدك في موضوعي المتواضع ومبروك عليك العشر الاواخر إقتباس:
شوفي ياعنود الصيد انتي كلامك واقعي وحلو ومنتاز وكلش بس ابي اعرف من جاب طاري السله إقتباس:
شكرا اختي الشاطحه |
||
|
|
|
|
24-10-2005, 04:04
|
#15 | |
|
عضو فـعّال
|
رد : سوالف شعريه ( رمضان في قلوبنا )
إقتباس:
اختي الجازي الله يسلمك ويطول في عمرك الصراحه مدري وش ارد عليك وش اقول انتي غمرتيني بالكلام الزين الله يزين حياتك تقبلي تحيات سلطان المغمور |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
