[محمد مدران اليامى]

خليني اسهر,,واحرق الشمع..ويـذوب=شوقي على صدر الورق,,واتعنّـى.
للطرق..واطرق ماعصى..واجمع ذنوب=عمر مضى..من شبتـي يـوم غنّـى.
قلبـي بمـوال الهوا..قبـل لاتــوب=من كل شى..ألا الخضيـب المحنّـى..
وجدي على عذب اللما..والعمـر دوب=وجـد المفارق..للخـوي المجـنّـى.
الغانى اللى ..يملـك القلـب باسلـوب=عذب..وعلى عـرش الغرام..يتثنّـى.
هـاذاك لاجيته..وانـا ضيّـق ينـوب=عن كـل فج(ن)...والملاقـى وطنّـى.
أحباب..تبعـدنـا مسـافـات,,ودروب=ماتنطـوي..لا لـي..ولا لـه..لآنّـى
أغـراب تجمعنـا المقادير...وقلـوب=أقراب...مافيهـا مـن السـو ظنّـى.
ألحب..يسقينـا (عسـل وادي النـوب)=والشـوق يطعنّا..بسـيـف المثـنّـى.
روحين صبّت فى الهوى..والهوى كوب=لــو نظمـنـه ماينكسر..ماظمـنّـى.
مكتوبنا..مانلتقـي..(بـس مكـتـوب)=نعشق..ونسهر..ونحلم..ونـتـمـنّـى.
نبقـى حبايب..والمراسيـل مـنـدوب=والورق عصريه..ليـا اقفـى وغنّـى.
شبيت ضو(ن)..تحرق الشمع ويـذوب=شوقي..على صـدر الورق..للمحنّـى.