10-05-2008, 11:22
|
#1 |
|
رجّال أجودي / شــاعر
|
(........)
ياشاعر الساحة تفضل دام مافيها رقيب=قصيدةٍ من ضيق خاطرها ..نقط عنوانها جتنا مراسيلك ولا فيها من المعنى مصيب=ويطيب لك دندانها.. ويطيب لي دندانها وش جاك يوم انك نظمت ابيات وتذم الصحيب =اللي كفوفه بالوفاء متشرعة بيبانها ليتك خذيت من الركادة طبع يالجرح العطيب=في ظل وقت الصحوة اللي ماركد شيطانها ياحيف لاخاب الرجاء والله يخيب من يخيب=النار من شبابها والخيل من فرسانها آخير من هرج المقفّي بالزلل يقفي بطيب=واعلّ من صدة مواليف الرخاء .. نكرانها المحترم مهما يغيب يعود من بعد المغيب=واهل الوفاء من طيب راسه ماتلد اعيانها والا الردي اللي على العيله جروحه تستطيب=البندق اللي في يده ماثورت نيشانها ياصاحبي والتجربة آخير من وصفة طبيب=هذي نصيحة صاحبك بدقاقها وسمانها اما تجي بين الذيابة ذيب ينطح راس ذيب=والا الغنم لا دبرت يشره على رعيانها شوري عليك ان جاز لك والا اضربه باطلق صليب=الدار دارك والوطن مستاحشة سكانها شي ٍ بصدري جيت اقوله دون شك ودون ريب=والنفس لاتحمد عواقبها لاجن جنانها / / / |
|
|
|
10-05-2008, 12:14
|
#2 | |
|
شــاعـر
|
رد : (........)
إقتباس:
رغم انها غاضبه الا انها احتوت الجزاله والابداع والحكمه التى تدل على رجاحة عقلية قائلها لله درك هنا سطرت لنا الروعه  بصراحه مفروض الشعراء مأحد يزعلهملك  |
|
|
|
|
|
10-05-2008, 14:39
|
#3 |
|
شـــاعــر
|
رد : (........)
الله الله ياعلي قصيده عذبه وشفافه وجزله بعد... صح لسانك وعلا شانك... |
|
|
|
|
10-05-2008, 14:56
|
#4 | |
|
شـــاعرة
|
رد : (........)
صح لساااااااااااااااااااااانك مليووووون مدد بلا عدد ماشاء الله عيني عليك بارده الله لا يضرك تصفيق حااااااااااااااااااار جزل وفيت وكفيت حاولت مجاراتها بثلاث ابيات مع التذكير بقول ذلك الشاعر إقتباس:
شاعر حقيقي بس راسك ينقصه حكمة أديب .................تلعب بك غزيّل الا من نقضّت جدلانها والدار دار إكرام يحكمها العريب بن العريب ....................اللي خزم ذيك الخشوم الين جن جنانها مسكين ياللاجي عسا منتاب في رايك مصيب؟ .................يالطيب اللي حاس طيبك .. صرقعة بدوانها اخر تعديل كان بواسطة » نورة العجمي في يوم » 10-05-2008 عند الساعة » 18:52. |
|
|
|
|
|
10-05-2008, 15:13
|
#5 |
|
رد : (........)
علي بن جوخة .. أنا اشهد أنك شاعر حقيقي مبدع تمتد اصالتك منذ قدم الشعر وشعراءنا الأوائل الذي نحرص على قراءتهم والأستمتاع بهم في كل قصائدك ونستشهد بهم في مجالسنا واحاديثنا صح لسانك الف مليوون .. ولا يفوتني أن أضيف رد ( شاعر رائع ) أيضاً مجارآة ونقض لها.. صح لسان الشاعرالرائع خلقا وشعراً ياللي تدور من مذمتنا حبايب , بس عيب ! ....... ليتك ذكرت العاصمة بالخير ياخّوانها إما اجتمعنا من غلا والا تفارقنا بطيب ...... والاّ الردي مايحفظ العشرة ويرفع شانها والقوم ما سبّب غيابك عنّهم جرحن عطيب ... .........والدار ماهي فاقده إلاّ غثا ورعانها ! |
|
|
|
|
11-05-2008, 00:46
|
#6 |
|
شــاعـر
|
رد : (........)
علي بن خوجه الله يسعد قلبك ويسلم راااسك ويمسييك بالخيير والسعاااده ولله درك على هالراااااااااااااااااااائعه نص فااخر لافض فووووك وعسااك على القوووه |
|
|
|
|
11-05-2008, 09:45
|
#7 | |
|
شــاعر
|
رد : (........)
إقتباس:
الله الله عليك يا علي ... جزل ... سهل ... ممتنع ... شاعر فذ يشدني اسلوبه ونضجه الفكري تختصر مسافات القصيد في أبيات قليله ... اختزال المعاني في المفردات من اهم ما يميز الشاعر الموهوب وانت شاعر موهوب بالفطره شهادتي فيك ادائماً مجروحه .... في هذا النص وجهت رساله ...... لمن يعي ... هنا اتذكر ابيات مشهوره لابن جدلان ... ودنا بالطيب بس الزمن جحاد طيب ....................... كلما تخلص مع الناس كنك تغشها يدك لا مدت وفا .. لا تحرى وش تجيب ...................... كان جاتك سالمه حب يدك وخشها لله درك يا علي ... ودر شعبيات اللي جمعتنا بالطيبين من الشعراء أمثالك تحياتي وتقديري اخيك سالم |
|
|
|
|
|
11-05-2008, 10:04
|
#8 | |
|
شـــاعــر
|
رد : (........)
إقتباس:
برغم مافيها من توجيه وامور قد تكون خافية علي إلا انها من ناحية القصيد رائعه بحق على بن جوخه صح لسانك ولاهنت |
|
|
|
|
|
11-05-2008, 14:25
|
#9 |
|
شـــاعر
|
رد : (........)
أبو جار الله شاعر جزل ومبدع ، وكـ شاعرٍ مفطور تتأثر بكل ما يدور حولك إيجاباً وهذا ما يجعل من قصائدك " مادةً أدبيّةً دسمة " . ولأني أعلم بعض الحقائق قرأتها " رسالة عتب " في قالبٍ أدبي جميل . ياشاعـر الساحـة تفضـل دام مافيهـا رقيـب ................ قصيدةٍ مـن ضيـق خاطرهـا ..نقـط عنوانهـا جتنا مراسيلك ولا فيهـا مـن المعنـى مصيـب ................ ويطيب لـك دندانهـا.. ويطيـب لـي دندانهـا يا سلام استهلال رائع ومباشر ، وضّحت من خلاله حالة الشعر النفسيّة " من ضيق خاطرها " . بعدها بدأت بالعتب " الشرهة " ولا تشره إلا على طيّب وهذا واضح من خلال " وش جاك ، ليتك خذيت ، يا حيف " . ثم اتجهت لـ النصيحة بعد ذلك وكنت تتوشح الحكمة في أبياتك وأقرأ ايجابيّتك في تطعيمك لأبيات الحكمة بكلمة " يا صاحبي " . ترتفع وتيرة العتب وتنخفض ويبقى الحب هو ما يجمع القلوب  اعجابٌ يتجدد |
|
|
|
|
11-05-2008, 16:00
|
#10 |
|
شاعر
|
رد : (........)
اما تجي بين الذيابـة ذيـب ينطـح راس ذيـب والا الغنـم لا دبـرت يشـره علـى رعيانـهـا شوري عليك ان جاز لك والا اضربه باطلق صليب الـدار دارك والـوطـن مستاحـشـة سكانـهـا شي ٍ بصدري جيت اقوله دون شـك ودون ريـب والنفـس لاتحمـد عواقبهـا لاجــن جنانـهـا الشاعر علي بن جوخه بدايةً صح لسانك على هالقصيدة الرائعة بصراحة ابيات قمة في الجمال والجزالة .. وهنا أسجل اعجابي بما كتبت .. دمت بود |
|
|
|
|
11-05-2008, 19:49
|
#11 |
|
النجدية
|
رد : (........)
ياشاعـر الساحـة تفضـل دام مافيهـا رقيـب ................ قصيدةٍ مـن ضيـق خاطرهـا ..نقـط عنوانهـا .. نقـط عنوانهـا .. "ضيق الخاطر" والتفاعل تجاه حدث ما بـ فكر حكيم ولسان عاقل بـ روية ومنطق .. يدل على طيبك وبياضك وحسن معدنك يالأجودي .. غير مستغربه منك .. والوفاء من شيم الكرام .. وكلمة الحق لا يغضب منها أحد .. والعتب "على قدر الغلا والعشم" كما يقال .. قصيدةٍ مـن ضيـق خاطرهـا ..نقـط عنوانهـا ما أجمل قلبك ياعلي .. شوري عليك ان جاز لك والا اضربه باطلق صليب الـدار دارك والـوطـن مستاحـشـة سكانـهـا شي ٍ بصدري جيت اقوله دون شـك ودون ريـب والنفـس لاتحمـد عواقبهـا لاجــن جنانـهـا هنا دار الجميع دون حكرا على شخص .. دارالشعر والأدب والأرتقاء بالكلمة .. لـ نستفيد ونستمتع وتعم نسائم الرضى بيننا .. بالكلمة الطيبة فـ تنعقد بين الناس أواصر المودة والأحترام .. أكملك الله بعقلك وثبّت خطاك يابن جوخه .. صح لسانك .. تقديري وأحترامي . |
|
|
|
|
14-05-2008, 15:54
|
#12 |
|
شـــاعـر
|
رد : (........)
علي أنت مبدع كالعاده.. وحنا بنقرا القصيد والباقي .. ما عندنا فيه أي علم.. فالقصيد اللي زي هذا تطرب له النفس ولو إنه مليء باللغه الشديده ومنهج العتاب الواضح.. بيض الله وجهك وأنت قصيدك كفوا ويجمل يابن جوخه.. تحياتي |
|
|
|
|
15-05-2008, 21:05
|
#13 |
|
شــاعر
|
رد : (........)
<<<<<<<<<<<<<<<<< ضايع بالطوشه يارياجيل علمونا وش السالفه عندي احساس في مشاكل وكوارث شعريه وانا احب هذا الجو حبا جما علمونا عشان نكون بالصوره ونحذف بالحصا على خصماكم , واقهري ان مادريت بموت عموما علي قصيدتك ماتحتاج تعليق كعادتك شامخ حتى في لغة الهجاء غلفتها بحسك العالي واخلاقك الرفيعه وانا اتفق مع ثامر انها اتجهت للعتب اكثر .. بس عجييييييييييييييييييبه صح لسانك وعلا شانك وتستاهل كل الثناااااااااء والتقدير الله يوفقكم ويكثر هواشكم وذلك لصالحنا نحن المتفرجين وشكرا .. دمتم بحب وسعاده وخير كثير |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
