[علي التركي]

ليلة البارحة يافهد تستجير=من عجاج النهار .. من عجاج النهار
كبتن الطايرة بالملاحة جدير=دار ثم أستخار .. دار ثم أستخار
نعرف الزل ما يستوي والحصير=والمنازل عمار .. المنازل عمار
زارع البر ما راح يحصد شعير=لو زمنه أستدار .. لو زمنه أستدار
ما ارتكى للحمولة ياكود البعير=وأنت ماكر حرار .. وأنت ماكر حرار
( حسني مبارك ) السيف بيده شطير=والفشق والغيار .. والفشق والغيار
وكانها يابو سلطان جت للبشير=فأردوغان أستجار .. اردوغان أستجار
عاشق النيل يطمع يعيّن خشير=فالقصر والديار .. فالقصر والديار
يا هل الشعر وإن كان غنى جرير=في معانيه نار .. في معانيه نار

صورة مع التحية لأبوسلطان
وله كامل الحق في توجيهها لمن يريد

[محمد الدحيمي]

ياسلام ياسلام
ولكم مني الضوء الأخضر والأحمر والأبيض في توجيهها
وانا جالس وصاف لي دبابات ومدرعات وجيش متكامل على بيبان
اللحظة والمستطرف للحماية
ولكم وجهي
شدوا الحيل ونحن مستمتعين
الهمام الهمام

[علي التركي]

إقتباس »
الرسالة الأصلية كتبت بواسطة محمد الدحيمي

ياسلام ياسلام

ولكم مني الضوء الأخضر والأحمر والأبيض في توجيهها
وانا جالس وصاف لي دبابات ومدرعات وجيش متكامل على بيبان
اللحظة والمستطرف للحماية
ولكم وجهي
شدوا الحيل ونحن مستمتعين
الهمام الهمام

كفو والله يا ابو بدر
ووجهك أبيض وعساك ذخر
والله شاش راسي من كلماتك ولا ادري وش اسوي
لكن أقولها وبصدق :
لي الشرف بالتواجد بين العمالقة هنا
شكراً لله بكم وكم أنا محظوظ بهذه النخبة

[فهد الأحمد]

أبوتركي
يا بعد رااااااااااااااسي والله
عزاي إنك فاهمني

والله إني عاصبٍ راسي من سنين ومتحيزم بس العصابة سببت لي تخثر في دم الراس
والحزام سبب ضموووووووووووور بظهري .
والظاهر إن شرم طويق و( شعبيات ) خلّت اخوك يتمرد على السلووووووم
هههههههههههههههههه لو يدري الباشا سوى حفلة هههههههه


المهم يسلم راسك يا شيخي الورع .


وأبو بدر نعمممممممم السند لا صاح صيّاح الفزع
كفووووووووووووو يا بو بدر .. لا خلا ولا عدم
يا عساك دايم فالوجود ,,,

[علي التركي]

ابو سلطااان

الضمور والتخثر وتوابعها :
شهيق .. زفير .. قولون .. صكة راس .. هواجيس
بسبة السلوم كبها عنك والزم شرم طويق وهيــ جن
ولا تنسانا من صالح دعائك