من خير الكلام


آخر 10 مشاركات
مهاجر (الكاتـب : علي التركي - المشاركة الأخيرة : نورة العجمي - - الوقت: 23:14 - التاريخ: 21-09-2018)           »          للجرح بقيه (الكاتـب : ثاني العنزي - - الوقت: 03:09 - التاريخ: 21-09-2018)           »          ثـقـوب (الكاتـب : عائشة الثبيتي - - الوقت: 02:44 - التاريخ: 07-09-2018)           »          الى كل أح ــــــــــــافدي الذين لم ياتوا بع ـــــــــــــــد .... يا مقبلين (الكاتـب : فهد الغبين - - الوقت: 03:42 - التاريخ: 05-08-2018)           »          ارحب يا دغيفل (الكاتـب : سلملم - - الوقت: 18:55 - التاريخ: 09-07-2018)           »          ~{عجباً لك تدللني}~ (الكاتـب : شيخه المرضي - - الوقت: 13:30 - التاريخ: 05-07-2018)           »          حبيبتي [ ريــم ]....... مع التحيّـة (الكاتـب : تركي عبد الله - - الوقت: 02:20 - التاريخ: 24-06-2018)           »          حنا بدو (الكاتـب : أحمدعلي الويمني - - الوقت: 23:13 - التاريخ: 11-05-2018)           »          طفلة ..! (الكاتـب : علي التركي - - الوقت: 20:15 - التاريخ: 20-04-2018)           »          عيون الشعر ..! (الكاتـب : علي التركي - - الوقت: 16:25 - التاريخ: 11-04-2018)


 
العودة   شعبيات > > الديوانية
تحديث هذه الصفحة معجم لهجة شمر
 
إضافة رد
 
أدوات الموضوع
قديم 16-04-2003, 22:01   #1
نواف الشمري
شــــاعـــر
 

معجم لهجة شمر

السلام عليكم ورحمة الله وبركاته،،،

وبعد......


أرجو من الإخوان أن ينظروا إلى هذا الموضوع بعين الأهمية هذا الموضوع يعرف الزائر باللهجة الشمرية وكل

معجم يوضح بعض لهجة شمر ...


به / فيه.

وشوله / لماذا.

وشنوحك ، وشبلاك / ماذا بك.

انصلق / انزل بشدة.

دبه / ضربه.

حلولات / ليت.

اتسفت / ادخل

وغدان/العيال الصغار

يتلوولح... يتدلى

اذا قلت ما ادري يردون عليك... درداااره تدردر حنووكك

انجضع...انسدح او تمدد

مسودن...مجنوون

الشفايه= هذا يعني انك تبي تعرف شي و تبلش لك واحدن كود تعرفه

زت : اجدع = ارم هالشيء

الوكاد معروفه = الاكيد او المهم

جايوه = هاته

جماهو = يعني صح والا لا

اجليك = (( توهقت به ماعرفت اشرحهه )) انت تبي تسوي كذا

توهق معروفة = بلش = تنقع

اجف == كان يقول اجف الباب = يعني سكر الباب شوي يعني خل طرفه
افطن = تذكر


ياملا = اداة تمني = مثل ياملا الثانكيو

زقرت = شباب وهذي واجد من الزقرت والزقرتات يسالون عنه

تساي = شاهي


يتكرفت = يدخل بسرعة


دريشه = نافذه

خاشوقه = ملعقه

غدي = ((بفتح الغين وكسر الدال وسكون الياء )) وع

اذلف = اغرب عن وجهي

يعلص = (بشد اللام = يموت )

غوري = اناء الشاي

يتسفت = يدخل

يقضب = يمسك

قضا = انتهى

تاير = كفر السياره

بيسكل = سيكل

خضاب = حن

غوايش = اساور

ترثع = تجري وتركض

شليل = اسفل الثوب ( يعض شليله )


انجحر = دخل في مكان ساتر

يدوج = يدور بالشوارع

وش وقعك = كيف حالك (( ؟ How are you ))

حب حر = فلفل

ينود = ينعس

يرطرط = يلعب بالماء

يمرش = يفلت

الفيد = الشيء

رزفه = حفله غنائيه صاخبه

يع=حاجه خايسه

اروج=اسرع

الربادي=الشخص الكذاب

جنيني=تطلق على الولد والبنت


دونك=خذ

انزح=ابعد

الحق جاي = تعال الى هنا

وين دويت = اين ذهبت

لوا = ((رد على كلمة لا ..يعني اذا وانت معصب قالك واحد لا تقوله ولوا())

مامن = لايوجد

غاد = هناك

نيم = نائم ..وهالكلمه عاد مشهوره

شبه= يعني السهره ... اسمها الشبببببببببببببببببببببببببببببببببببيه
بمخط الشدوق الي الخارج
ولفض الانفاس عند الهاء

وفيه لفض اخر لجملة مشهوره
وهي اكثر ما يضيه فيها المثقفين بالانجليزي
وهي انك لا رحت لواحد شمري
وردت عليك العجوز وقالت لك
بو مير نيم
بعض الشباب يظن انها تقول
وت يور نيم
ومعنى هالجملة
موجود ولكن نايم

الشدوق = الخدود

راع = شوف او انظر

غليم ونطقها يكون بتسكين الغين وشد الياء وهي تصغير لكلمة غلام ومعناها ولد صغير ..

على طاري التصغير ياكثر الكلمات اللي نستخدمها دائما مصغره ومنها ...

شويب تصغير شايب
غدي تصغير غداء
عشي تصغير عشاء
.............




وطرت على بالي كلمه اخرى ..

مشوين = قبل قليل
عشوين = بعد قليل
باتسر= بكرا او غدا
دبشه = غبي
اثول = دلخ او غبي
شويطين = داهيه او مهو هين وتقال للشخص الداهيه
علبا = الرقبه من الخلف
مربرب = عريض

التوقيع:

twitter:
@Nawafhmoud
نواف الشمري غير متواجد حالياً   اضافة رد مع اقتباس
قديم 17-04-2003, 00:27   #2
خالد الشايع
شــاعــر
 

اهلا وسهلا
اسمح لي ابقرط لي شوين
طبعا هذي لهجه حايل عموما وليست خاصه بشمر واضيف
صرار=حبحر
مصريّه=قرع <<<------مهو القرع الامريكي لا الثاني الكبير
مدلقم=لها كذا معنى بامكان الاخ نايف يشرحها كخخخخخخخخ
يهوي بفتح الهاء وكسر الواو=يدخل
الماخوذ=الشيء الغريب الغير مستحب
وكما قال الشاعر الحايلي
ياراكبن من عندنا فوق خيطي بيطي**ومحمل الماخوذ من خاقا باقا
كانك علي ياشوق تنبط نبيطي****فانا عليك ياشوق طاقا طاقا

وايضا
الخدامه=السكينه
الطباخه=الدافور
الدزداحه(القداحه)=الولاعه
................

وايضا
الحير=الفلاحه او المزرعه
الحوطه=الارض المحوطه وتطلق على مكان المكينه بالمزرعه
الخفيس=القليب او البير
انهج=اذهب
رضمه=حصاة
................

حاله خاصه
الدفّيعه=هذي طائر خيالي كانو اهلنا يخرعوننا(يخوفوننا) به ويوقون انه تدف اي واحد يقرب من القليب زي حماره القايله عند اهل نجد
............................

الكَرَب=اللي بالنخل يحطون رجلينهم عليه لابغو يرقون (الله من زين الشرح)
القنا=اللي ماسك التمر بالنخل
الشماريخ=هي جزء من اجزاء القنا بس مدري وشلون اشرحها
..........................

ماء المشروع
ماء يصب من مشروع البلديه غير صالح للاستعمال الادمي

سوق الهنود
زي البطحاء <<<<<<----الضاهر انك يانواف ماتقضى الا من هناك

طِرْقي=مسافر
مدزدي(مقدي)=تقريبا معناها ماقصرت
ادهج فلان=رح لفلان
اقهر شوين=اصبر شوي

قيله=كشته <<<<-----الله يفشلكم ياهل الرياض لو تدرون وش معناه عندنا كان علوم

اكتنّه=الضاهر انه
يابيسي= اذا شفت منظر وكسر خاطرك تقول هالكلمه زي يامسكين او يااااربيييييه
اخّييييييييه=ياخزياه

الجامعيين=حي العليا
صديان=حي النسييييييم


اريت=هالكلمه ماله معنى مادري ليش يقولونه
مذرح به=هبّل به
بجّه=افضحه




اممممممممم والسالفه تطول
اترك الميكرفون للي بعدي

تفضل

التوقيع:
[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
..
[/poet]


اخر تعديل كان بواسطة » خالد الشايع في يوم » 17-04-2003 عند الساعة » 00:32.
خالد الشايع غير متواجد حالياً   اضافة رد مع اقتباس
قديم 17-04-2003, 01:43   #3
نواف الشمري
شــــاعـــر
 

خالد لهجة شمر اوسع مماتتخيله فبعض الكلمات لايعرفها اهل حايل وانا هنا كثرت من لهجة شمر حايل بالذات شاكر لكم تعاونكمز
===========


خالد


انشهد انك قلبت المواجع وطلعت كلمات جد ابوي مايعرفهن ..

===========

حاله خاصه
الدفّيعه=هذي طائر خيالي كانو اهلنا يخرعوننا(يخوفوننا) به ويوقون انه تدف اي واحد يقرب من القليب زي حماره القايله عند اهل نجد

هههههههههههههههههههه
ههههههههههههههههههه
هههههههههههههههههههه




دامك دخلتنا بهالسياق ... فلابد من ذكر((تريتراا))وكانو اهلنا يسولفونلنا عنه لابغينا ننام وله ولد اسمه((والله اسمه اقشر خاف الرقابه تعترض)) المهم وكان كل وغد مننا يتخيل تريترا على كيفه اللي يتخيله على هيئة اسد واللي يتخيله قطو وهلم جرا ...انا عن نفسي امتنع عن الافصاح وش كنت اتخيله...
>>>>احد قالك افصح????


الوكاد...


خالد شرايك بهالكلمة اللي طلعته من تحت الانقاض وش تذكرك به???

((صونده))

ماتذكرك بعبدالله التميمي???





ومعنا صونده= هوز الما


========

كلمات اخرى


دزدان=بوك--مو الجبنه-بوك محفظه
امنابالله=اداة استغراب مثل قولة بالله??
يملا السلال=يعني انت احلى واحد


غماره =سياره
دوا= ولى او راح مادري وين




يتنا= ينتظر



بانتظار المزيد من اللهجه الحايليه...

التوقيع:

twitter:
@Nawafhmoud
نواف الشمري غير متواجد حالياً   اضافة رد مع اقتباس
قديم 17-04-2003, 06:55   #4
الوسيم
عضو شعبيات
 

موضوع حلو وجميل ولهجة محبوبه حيل من ناس محبوبين حيل وعندي استفسار بسيط ودي تعلموني عن هالكلمه الي ذكرها نواف ( تعاونكمز ) هذي من لهجة شمر ؟ ووشمعناها يامل العافية الصز مهيب العافية الزيت :'( :'( :'( :'( :'( :bozo:

الوسيم غير متواجد حالياً   اضافة رد مع اقتباس
قديم 18-04-2003, 19:10   #5
خالد التميمي
شـاعـر
 

نواف ...


موضوع ممتع .. لاهنت


الف شكر .. والف نعم في شمر ..


تحياتي

خالد التميمي غير متواجد حالياً   اضافة رد مع اقتباس
قديم 19-04-2003, 09:15   #6
فيصل الخالد
شــاعر
 
الصورة الرمزية الخاصة بـ فيصل الخالد
 

دبان مر من هنا وحس انه سوداني باقامه


الحين الي فوق هذا يصير بالسعوديه والله ؟؟؟









ترى امزح يا نيفوا بس تراني اليوم مخترش وخروا عني هههههههههههههههههه


يعطيك الف عافيه وموضوع رايق مثل راعييه


اما جايوه هذه مركبه صح

التوقيع: جيت ماني مثل ناس ٍ غرها حُب الظهور
....................... بن حلال وجا يلبي دعوة اعيال الحلال


اللهم ارحم عبدالله الدبل
اللهم ارحم يوسف
اللهم ارحم فريح العقيلي
اللهم ارحم موتى المسلمين
fdabal1@gmail.com
فيصل الخالد غير متواجد حالياً   اضافة رد مع اقتباس
قديم 19-04-2003, 20:09   #7
نواف الشمري
شــــاعـــر
 

صلاعه = ترمس شاهي

حير = مزرعه صغيرة

كتره = طينه

ورس = (روج) حمرة شفايف

قمعه = مناكير

يطرقع - يشرب

يكمع - تعد الحد المسموح فيه بالشرب - او .... يعني بشراهة .

الفرة- الخشه - مقدمة الوجه

مقعي- قاعد - على رجليه و ثاني ركبه

مبوبز - جالس على روس اصابع رجليه

رقله - خفيف - ماعندك احد

داشر- ضايع

منعمس - سهران - مواصل

مقفي - وجهه للخف ويمشي

مقبل - وجهه لقدام وجاي

عصابه - عقال - او رابط راسه
يبحر = يشوف
اريت = يعني بالفصحى :: هل ياترى ؟؟؟
يوجس = يحس
حروت = قريب

الكتلي 0000 البريق

الفضوه 000 النافذه

السوامه 0000 فتحه بالسقف لخروج الدخان

الميقعه 000 اناء يوضع به الايدام

المخشاقه 000 الملعقه الكبيره

القوطي 0000 علبة الحديد

الفاتيه 000 شنطة الحديد

الشخاط 000 الكبريت

البردقان 000 الطماط
يشظف = يقطع الجح

يافيم ابوي = هذي للتدليل على وزن (( يابعد عمري )) ؟؟؟؟

هذا اللي طلع من ذمتي اليوم
وبرجع للشيبان اتنقرش بهم شوين غديهم يمنون علينا ببعض المفردات الفريده (( الله يستر من مداعيهم ))

التوقيع:

twitter:
@Nawafhmoud
نواف الشمري غير متواجد حالياً   اضافة رد مع اقتباس
قديم 12-08-2013, 22:06   #8
علي ال شيبان
.
 

رد : معجم لهجة شمر

اممممممممم والسالفه تطول
اترك الميكرفون للي بعدي

تفضل

زاد فضلك أخي خالد الشايع ,
أحب أن أشكرك للمجهود و لترك الميكرفون لي ــ خذ عليها لآيك ـ
والشكر موصول لأخوي / نواف صاحب الفكرة
تحياتي وتقديري لأهل حائل
وللمبدع الممثل محسن الشمري ا
لذي نقل لنّا اللهجة بطريقة ذربه جداً الى درجة أننا أستمتعنا بها في مسلسل واي فاي
ولم نجد بها أي خدش
فشكراً جزيلاً
وعيدكم مبارك ,,,


علي ال شيبان غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 21 , عدد الأعضاء » 0 , عدد الزوار » 21
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع