[صالح العبدالكريم]

مجنونه وحبت مجنون ............. مو نزوه ويا ليل اللّون إلا حب راهي ومتهندم .............. من ارقى مصحّه بالكون قالو مرّه نسوي حفله .............. ونتنكّر بس لين نمون جت يمّه وريحتها زعتر ! .............. وجاها وهو فايح كمّون ! والحب اللي يبدا بموقف .............. مثل اللي راكب بالون يشوف الدنيا كتير زغيره ............ وليك اسبوعه بسبع قرون ! حاول يعني يسوّي فاهم ............. ومسّاها بكلمة " باردون " وسوّت فيها تبغى تشخّص ............ لبست له( كرته )و( شيفون ) ضحكتها عنده بالدنيا ............. ولو يضحك خار المزيون ومن يلمح بالثاني ضيقه .............. يبدا يشرح كيف تهون قالو ندرس شكل الارض .............. ولا لفت بتلف شلووون يا إمّا " جاليليو " صادق .............. او شارب وقته الملعون كل حاجه بالدنيا تفسّر ............... ومو لازم تفسيره يكون : زي اللي رافع يدّينه ............... ويسأل ربّه بيض عيون اطعم ما بالحب اسلوبه ............... ومجنونه تناقش مجنون !! وووووبس خلاص

[صالح العبدالكريم]

يا صبيييييييييح يا صبيييييييييح تعال وخذني من يدي بتعلّم اوقف .. ما اطيح ..! شفني ملّيت الأحاسيس وتعبت تبغاني احلف .. هــه حلفــت ! ما عاد ابيني : الطيّب / العفوي / الهْدي ..!؟ تقدر تخليني .. قبيـح ..!! يا صبــيح والطهر الأول في الزمن هذا شحيح اتذكر امّي وقتها تنده عليك اخذ اللي يزعّـل امّه ويقعد يصيح ..!؟ واتذكر انه طبطبت صدري ومِلت وهزّتني برجوله وقلت : يمّه صبيح ربنا يمّه صبيح ربنا غطتني بجلاله وهي تضحك علي وتقول لا لا ربك الله بس انـّه مرّه يحبنا ..!؟ ويبغانا دايم نستريح ..! صبيح : هو القمر عند اهل الباديه وتدعي الأمهات به لتخويف ابنائهم عندما يُزعجون ولا ينامون (:

[صالح العبدالكريم]

وأنا اعيد ترتيب بعض الأشياء القديمه والتي احتفظ بها حتى الآن لفت انتباهي ورقه سبق وان اخذتها من ابن عمّي يكبرني سناً وعشقاً قبل حوالي 14 سنه قد رسم عليها وجه فتاة جميله إبتسامتها مشرقه تضع شال على رأسها وتنظر الى الجهه اليمنى من الورقه كتب في الأسف بخطّه الجميل : قلت حب الناس لو يجمع بجوف ............... ما يجي لو ربع احساسي بك ِ ولو رمال البحر وامواجه حروف .............. وصف حبّك ما يعبّر به حكي ..!! اذكر انها ورقه من مجموعة اوراق تحمل نفس ملامح الفتاة ونفس الأبيات السابقه .. ولكن بأختلاف طريقة الرسم .. !؟ اخذتها منه بعد جهد كبير ولأني كنت اظن انها وجه خيالي احبّه وبدأ يلتقطه بطرق مختلفه .. عدت بالذكرى !؟ عندما كان يتحدّث عن العشق وكيف انّه ببساطته الجميله وشخصيته الرائعه يخلق من أي شي .. كل شيء ..! لم اكن اعي حقيقة العشق او الحب في ذاك الوقت بحكم السن والنشأه كنت اراه يتحدث مع الليل بصوت منخفض في بعض المرّات وامضي للنوم والآن وبعد هذه السنين وكأن الورقه لم تتلف أو تضيع .. لتجعلني اتحدّث مع نفسي عن حقائق عدّه وأفكار غريبه جداً ادركت الآن انه كان يرسم حبيبته أو كما اعتقد ادركت انه صدق قلبه فقد كانت غرفته مكتظّه برسومات لهذه الفتاة والأبيات التي شدا بها ابو نوره .. فهو كان يُهمل الرسومات الأخرى أو لا يُحس بها كأحساس رسّام بلوحه هو كان مخلّداً نفسه لهذه الفتاة فقط وجدت انّي احاكيني بصوت المتسائل : ماذا لو قارنت بين احساسه سابقاً و احساسي الآن !؟ هل الرسمه ابلغ لأنه كان يجسّدها بعنايه واعتقد بنفس الملامح والإبتسامه لأنه حتى قد بلغ منه ما بلغ عندما كان يبدع بكسرة السن الأماميه قليلاً .! أم ان الشعر ابلغ وهو يجسّد اشياء اضافيه مصاحبه للملامح ..! تغيّبت عن عملي لهذا اليوم حرصاً ان اذهب لزيارته فأنا على تواصل قوي معه .. ولكن حرصي هذه المرّه لأن بصحبتي "رسمة الفتاة " وارغب في الحديث العفوي وهو لا يمانع ابداً في ذلك .. اعرف تلقائيته جيداً ! عندما هاتفته وقال لي " هلابك انا بالبيت وبجهز القهوه " قلت بس ترى جاي معي ضيفين ! قال منهم ؟ قلت " رسمه " و " 14 سنه مضت " ..!؟ ضحك كثيراً ثم قال : تعال تعال واترك عنك هبالك .. وخل اشوف وشعندك بخلّي عيالي ينقّزون فوق راسك ..!!!؟ عندما وصلت للبيت وفتح لي الباب كنت ممسك بالورقه حتى دخلت المجلس وقلت له : لماذا تركت الرسم ..!؟ استغرب من سؤالي قليلاً ثم قال : سبق وأن قلت اني مللت منه ولم اعد ارغب بممارسته عندها وضعت الورقه امام عينيه وقلت هل تحلف بالله انه لم يكن من اجل هذه ..! الآن احسست بك جيداً فأنا اشاطرك الإحساس ولكن نختلف بالهبه التي وهبنا الله اياها ولكن جميعها موصّل مؤلم في العشق إن صدق ..* ما جعلني احلف لك بأنه من اجل العشق تركت الرسم . هو ذاته الشيء الذي من اجله اريد ان اترك الشعر ..*** !! عندها اطرق رأسه وقعد مُلئت عينيه ماءً وقال : قلت حب الناس لو يجمع بجوف ............... ما يجي لو ربع احساسي بك ِ ولو رمال البحر وامواجه حروف .............. وصف حبّك ما يعبّر به حكي ..!!

[صالح العبدالكريم]

يا مسافره ما باقي في جسمي مكان ٍ ما احتراك تعبت ضلوعي تجمع ايامي حنين لشوفتك تبغى اخبيني بلقاك !! وتعبت أقول بأعلى صوتي : لحظاتي بعدك كافره لحظااااتي بعدك كااافره لحظاااااااتي بعدك كااااافره يا مسافره وكل البشر لا سافرو ما خلّو للغيبه أثر إلا انتي المح صورتك في كل درب / كل بيت ! إلا انتي أسمع همستك بشوووويش : أحبك .. أحبك ..........أبيك ..! وآخذ من أفكاري السهل وأغمسني في الأشياء جهل وألقى السوالف بعد ما كانت سوى متنافره .. يا مسافره كنك خذيتي بشنطتك كل الرياض * الشوارع * المباني * الأوادم * البياض وما باقي فيها حس أبد .. متى على الله ترجعي يوووووه متى بربك ترجعي ودّي تشوفي هالحنين اللي بصدري حافره ..! يا مسافره !

[صالح العبدالكريم]

قولي لي والله هالخطا ما اعوده ............... وإن عدتّه مرّه ثانيه خمّني بكَف والكَف في شرع المحبّين زوده : ............... إنّه شبيه البوسه او يمكن الطف ياللي كبرتي عن المراييل كوده ............... يزهى عليك العمر ياشيخة الصف بردت ضلوعي خففي ذا البروده ................. وإلا اتركيني مع نواياك التف ما كنتي يومك تعشقيني محدوده .............. وما كنت يومي اعشقك ناوي انحف بعض الغلا لا صار شكّه يقوده ............... الكل منّا بيمرض .. وصعبه نخف يا تاركتلي من الهدايا وعوده ................ من يوم فرقانا وانا عيني ترف !

[صالح العبدالكريم]

والسفر .. والليل .. ونجوم السماء متناثره ............... يا كثر ما حطت بيديني .. قيد آمالي يعني لو شبيت حبي .. والخطاوي عاثره ............... ظنك إنّي ما اشوفك بالطريق قبالي يا اللي خليت الأماكن في حياتي : خاثره ............. ليت لي بين الضلوع لسان يحكي حالي صح انّك منت همّ .. بمعنى هم أتكاثره ............... وصح إنّي رحت .. لكن والله انك غالي !

[صالح العبدالكريم]

هذا وغيابك ما بعد كمّل اليوم ................. أحس صدري من السواليف ضايق يالله حبيبي يكفي تمغّط ونوم ................. الصبح من لحظة تثاوبك فايق الشوق كوم ولمحة بجامتك كوم .................. ما تدري شكلك وقته شلون رايق حاول تعزّم وأنا بنتظرك تقوم .................. بس لا تأخر .. معك 4 دقايق ..!!

[صالح العبدالكريم]

يطول دقني تعب .. وأتأخر آجزه ............ وكل من سألني وراك .. آقوله طاااافي ما شفت عيني وكل اشياءك تخزّه ........... أو شفت همي .. غدى رجّال متعافي ! تصدّق انّك تركت لسهوتي نزّه .............. وتصدّق إنّك غديت تشكّل أوصافي يجيني طيفك مابين الحزّه والحزّه ............ وأتعلّث إنّي مصخّن .. وانفض اطرافي عشان اببقى بحضنك طفلك الرزّه ............ اللي يلاغيك " ماااماا ثوفي اتوقرافي " مرات احسّك هوس عزيته معزّه ............. ومرات احسّك عشق تطهر به احلافي فتّشت صدري أدوّر ضلع ٍ آهزه ............... يمكنّي القاك .. متظلل به وغافي يكزني لك خفوقي وأرجع آكزّه ................ والكل منّا يبي يظهر لك الخافي حشمة حبك وأنا لي حشمه تنزّه .............. وأصبحت أعكك .. بدون آعلم اكتافي !!

[موسى الصقري]

يااااه


يااصااالح



اسئلك بالله وش سويت فيني .... !!


ياااه




آسف اذا قطعت عليك حبل افكارك ...


بس تبي الصراحه ..



:



فجئه لقيت نفسي هنااا ومانتبهت الا ضغطة الماوس على زر " أضافة رد سريع " ..



فلتعذرني يا صالح على رداءت ردي ..


شكراً لقلبك الأبيض المحمل بالطهر ..

[صالح العبدالكريم]

هلا باللي نسي صوته بأذني البارحه وعوّد ............. يبي يسمع معي كل الكلام ويعترف زيي هلابه كثر ما ازوّد غرامه والمحه زوّد ............. هلابه كثر ما يلعب بحسبة وقتي وغيي قبل لا اقوله جاك الخفوق .. بذمّتك : جوّد ............ سبقني وقالي جوّد خفوقي : يا بعد حيي .!!

[صالح العبدالكريم]

قلتها لك : لا نويــت انـّك تحب لا تعلـّم لو ظلالـك ..!؟

[صالح العبدالكريم]

فاقد حبيب ولو عيوني يقرّن ............. ما قر قلب ٍ صارع البعد بإحساس ! من يوم جرحي سبعة ايام مرّن .............. وانا ارد هموم صدري عن الناس كل ما سليت احس شيٍ يجرّن .............. واقوم اجر من الوجع كل هوجاس ! وانا اللي كنت احسبه باكر يبرّن ............... من كثر ما شلته وانا عاصب الراس مرّات احس ايام عمري يفرّن ............... واقول : وشوله التعب دامني حاس ومرّات اطرّي اشيا غصب يتطرّن ................. بعضه يفرّح واكثره هم و اتعاس ! م استْعيب ايام العشق .. لا تعرّن ................. لنّه انقسم ما بين قلبي و الأنفاس استْعيب انّه يوم عـزّم يحرّن ................ وبكل بساطه : عدّني ابعد الناس .!

[صالح العبدالكريم]

للعشق معنى وطلاسم .. لو تطاوله الدموع ............. إنبتت وسط المحاجر .. لعنه / وضيم / وألم !! يا حبيبي شحيلة اللّي راح .. والنيّه رجوع ............. يعني ذنبه يوم عزّم يبتسـم .... راح يحلم ! لا تـذكّرني بربك .... دامـنا صرنا نجـوع ............. للعبث ... قبل نتعلّم .... نبري ضلـوع القـلم ؟

[صالح العبدالكريم]

هات نبضك هات ...... هات ! من يقول انّي بقول بيوم وقّف ! فيه احد يبغى توّقف به الحياة !؟

[صالح العبدالكريم]

لو ما عظيم الحب .. ما فار دمّي ....... ولو ما دليل الشوق .. ما جيتك اشكيك لو منتي همّي .. منهو بالله همّي ......... وانا ضلوعي .. لا تمْـايلت .. تطريك يا سدرة الشوق .. وتلاوين فمّي ........ يا شمعة ٍ يبطي البخت .. ما يطفـّيك مرّات احسّك .. من براءتك .. امّي ........ واقول من كثر الغلا .. شلون اوفـّيك الفرق : انّه.. من اوّل العمر.. يمّي ....... وانتي .. بآخر عمري ..اصبحت اناديك هذي يديني .. بذمـّتك .. دوك شمّي ........ لا غبتي عنـّي .. اشمّها ريحة ايديك اخاف بكرى..ان جيت باكل واسمّي ........ ياكل معاي العشق .. واخطي واسمّيك وإن جاتك اشواقي تبعثرك.. لمـّي ........ لا تقولي انجنّ الولد .. صالح اشفيك !!