08-11-2001, 23:39 | #1 |
عضو شعبيات
|
نـــظـــــــــره
الاخوه المشرفين والاعضاء لكم جميعا تحياتي ...وامل ان تحوز هذه القصيده على استحسانكم,,, ,,,,,,,,,,,,,,,,,,,,,,,,,,,,,,,,,,,,,,,,,,,,, يا ناشدي وش بلا عيني تعاف البعاد ..............ذي كـربة(ن) في ضميري حل زلزالها عشـق(ن) تولعت به لين استحال الرقاد .............وانا انتظر من شعاع الشمس مرسالها يا شعرها اللي غدى لليل ســر المداد ...............لوما ظهرت شمس عنقه غاب سلسالها الله رحمني وسبحانه رحيـم العباد .............عـز القوايــل وعز الليل في جالها ولا عيون(ن) لفتني من بحـور السـواد ................واقبلت اطارد بلاويها وغـربالها لا سلهمت قمت اشـك ان اعذب الصبر فــاد ..........شـفق(ن) على رشفتة(ن) من حرف فنجالها فنجالها اللي وراه من الكلام المراد ...............حرفين تسـوى حياتي مير ما قالها ولا جبين(ن) رجـح كل الجواهـر وزاد ...............صبح(ن) ينادي زهور الارض لاطـلاهـا شربت لعبة هواها العذب علم(ن) وكــاد ..................ليتي ولد عمها ولا ولد خالهـا حسبتها وين ابلقى عقب هذي سـهـاد ..............عـز الله الا سـرق نومي سـنا شـالها وادركـت نفسي وقمت اخزها باجتهاد .............قـدام لا تطـري الخـطوه على بالـها هـي نظـرة(ن) مير انا طولتها بالعناد ...............اقول يمكن تغيب ويبخـل وصـالهـا ********************************************* سـلا مــة الجـمـيـع |
09-11-2001, 00:06 | #2 |
عضو شعبيات
|
صــــــــــح والله لسانك ياحزام السعد قصيدة متعدية الافاق تسلم وصحت يمناك لا سلهمت قمت اشـك ان اعذب الصبر فــاد ..........شـفق(ن) على رشفتة(ن) من حرف فنجالها الله عليك ياحزام رائع الله يعطيك العافية اخوك/ عبدالهادي |
09-11-2001, 00:10 | #3 |
عضو شعبيات
|
اخوي عبد الهـادي صح بدنك ولا هنت يالغالي هذا من ذوقك طال عمرك |
09-11-2001, 02:36 | #4 |
عضو شعبيات
|
يا شعرها اللي غدى لليل ســر المداد ...............لوما ظهرت شمس عنقه غاب سلسالها . . . ياسلام . . . . اخوي الشاعر / حزام السعد صح لسانك . . . صور مبهره .. مفردات مغريه ..عذوبه .. واشياء اخرى .. لايتقنها سواك .. . . . . تحياتي |
09-11-2001, 02:54 | #5 |
سيـــف الســـيــف
|
فنجالها اللي وراه من الكلام المراد ...............حرفين تسـوى حياتي مير ما قالها حزام السعد 000000 ياهلا وغلا وكما عودتنا طال عمرك قصيد جزل وابداع في الحرف واسلوب منفرد في كيفية التعامل مع الكلمه صح لسانك وبيض الله وجهك والله يعطيك العافيه ولا تحرمنا من هالقصايد الجزله اللي ما تجي الا من جزل لك تحياتي |
09-11-2001, 03:46 | #6 |
شــاعــر
|
السلام عليكم اخي الكريم الشاعر العذب حزام السعد طابت اوقاتك كعادتك تهوى مغازلت الابداع باسلوبك المميز اهنيك على هذه الابيات ولك ارق تحياتي |
09-11-2001, 04:13 | #7 |
عضو شعبيات
|
صح لسانك روعه و توصيف حلو مره و صح لسانك مره ثانيه |
09-11-2001, 18:34 | #8 |
عضو شعبيات
|
اخوي سعد الرزين اسعدني مرورك وتعليقك الرائعوهذا طال عمرك من ذوقك . اشكر تواصلك ولا هنت |
09-11-2001, 18:41 | #9 |
عضو شعبيات
|
اخوي عكاشه لاهنت يا ذيبان ,, اسعدني مرورك عز الله انك ما تخيب الضن اشكر متابعتك الرائعه . لاعدمتــك |
09-11-2001, 18:47 | #10 |
عضو شعبيات
|
اخوي همس النسيم هذا من ذوقك العالي اكيد اشكر مرورك وتعليقك الجميل ,,, لا هنت ياخوي |
09-11-2001, 19:02 | #11 |
عضو شعبيات
|
الخ حمود الفلته صح بدنك وتسلم اشكر تواصلك لا هنـــــت يالغالي |
10-11-2001, 08:03 | #12 |
عضو شعبيات
|
صح السـانك اخـوى احـزم عـلي هـذا القـصيده الرائعـه. وبـارك الله فـيك وللامـام. نرجوا منـك اخـوى حـزام انــك مــاتــبخـل عـلينـا مـن الـجديـــــد عــــنــدكـــــ. |
10-11-2001, 08:52 | #13 |
شـــــاعــــــر
|
اخوي حزام صح لسانك درر غرر من المكنون عن العيون فنجالها اللي وراه من الكلام المراد ...............حرفين تسـوى حياتي مير ما قالها شربت لعبة هواها العذب علم(ن) وكــاد ..................ليتي ولد عمها ولا ولد خالهـا تسلم يا غالي على هالغالي تحياتي وتقديري لخاصة نفسك اخوي |
10-11-2001, 09:36 | #14 |
شــاعر
|
السلام عليكم ورحمة الله وبركاته |
10-11-2001, 18:58 | #15 |
عضو شعبيات
|
اخوي ابو طيف صح بدنك ولاهنت يالغالي وابشر بسعدك,,,, اشكر مرورك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|