29-11-2001, 00:22
|
#1 |
|
العضوية الماسية للموقع
|
ملف / الشاعر / ابو ساره
بسم الله الرحمن الرحيم |
|
|
|
29-11-2001, 00:25
|
#2 |
|
العضوية الماسية للموقع
|
( الــمـخــاضــيــــــب ) ================== يقول ابو ساره : السلام عليكم أيها الأخوة والأخوات ويسعدني أن أشارك معكم للمرة الأولى من خلال هذا المنتدى متمنيا لكم التوفيق . ------------------------ يوم صــدت وابتسامتها تـوارت فـي خجلها *** لفـــها ليل الجدايل والهوى حـالي بـراها قلت سبحان الكريم اللي علـى مثلي بذلها *** لين ســـــخّرها لعين ما تهـنـت في كـراها جادل طابت وجاها طيبها من طيــب اهلـها *** عـــزوة طــابت وغـطّى طـيبها طيب اموراها مربط الحكمه وايلا من عقلها خالـط جهلها *** ما يخـيب اللي تذرى في ذرى الله ثم ذراها يوم صــدّت كن عيني كل من ترجــي خذلهـا *** ماتركــها شــوف عـيني لين عجـْـز انه يراها تسرق انصاف الدقايق عن عيون اللي عذلها *** لاجل ترضي شــــوق قلب باع نبضـه واشـتراها ما تجود إلاّ بكفٍّ مــــدتّـه غاية غـزلها *** صـافحـت كــفّ هـقى بالشـــحّ من يوم احتراها وان حضنت كفوفها وشلون بســلم من زعلها *** لو جـفل فيهاالحياماعـــــاد يمسكها ثراها يكفي ان لدّت بعين بيّـــنّّّّ فيها كسلها *** جــابت من الشـــوق فيها كل ما تخفي وراها جعل تفداها لعوب في قلـــوب الناس تلهى *** جـعل يفداها غــــرير ليلة أوهامه سـراها كل شــــعر قد كتبته ،كل بيت ما وصـلها *** ماحســبته شـــعر دام احساسها به مااعتراها حــــلّ عني يازمان الشعر دامه ما شغلها *** فيك شاغل ، خــــل غـــيري في ملاعبك يتراهى الملاعب عفتها من يوم ابو قـــذله دخلها *** والضـعيف ان ماقـــدر يكتب له ابيات شـراها والسفيه اللي يحسب ان ميلته شعره عدلها *** مثل من تبغي السـتر واسـرارها عند اقصراهاّ!! كيف يفخـر هافي الجــدّين وابياته حملها *** فـوق صــفحات لو انــها تحـسّ ردّت من قراها والله ان الديره اللي ليثها كنـّه ثعلها *** ودك انها تشــتعل وان الحطــب فيها شعراها القصايد يا زمان الشـــعر قد ولى فحلها *** شاعر عقـله خصـــيمه والفـريّه ما افـتراها جا زمان الشعر الأغبر يا زمان الشعر قلها *** الشـعر كـان يتباهى وجـات ناس به تـــباهى شـــلّة لو به ضمير حــيّ حاربها وعـزلها *** مثلما هـي تعـزل الجــرب إن حــيت ولا بلاها استوى الشاعر مع ارخص عالمه في أي ملهى *** يا حســافه كيف وطّـى مســــتواه لـمستواها ثم تجيك الشـلّه اللي واضـحٍ فيها دجلها *** في البلاط تبيع بالديــنار والدرهــم حياها كل يوم في بلاط ولا بـعد شــــافت خملها *** لين تفنى والطمع مــازادها الاّ في عـــماها بفتخر لاعل بعض الناس تســــهرها عللها *** عــنــزّت لي لابــة تاريــــــخها زوّد غلاها لابةٍ نافت ولايخفى علــــى الصادق عملها *** يشــهد الها والكــــذوب ولابته جعله فداها من مخاضيب تنحّى بالشــــليله عن جملها *** فزعة الملهوف واللي في رجا الله ثم رجـاها لابتي كم شــــدّدوا نـزال عن دار نزلها *** نزحـــوه هناك وامــسوا آمنــينٍ في حـماها لابتي تســــعين ليل وخيلها تتبع جملها *** صوب نجد ونومســـــت قحطان يوم انّـه نخاها لابتي ماهيب عند الكون تبطي في جــدلها *** يبطي اللي يوم شـــاف الخيل جاته ما نصاها الفخر هذا الفـخر في لابةٍ يرســي جبلها *** ما تعـيل ويشرب العايل كدرهـــا وان نواها ما بقى الا كلمة ماعاد فــي بالي بدلها *** من تجنّب سلم ولا النـار تحرق من وطــاها الشاعر / ابو ساره ================== 0 0 ( 2 ) ( ولّ... يا طفل مواري الهوى عنده تبين ) ================== يوم جلّى الليل عن نور خدّه والجبـين *** وابـتسم ذاك الـمحيّا وحـيّا من دعاه قلت ياقلـبي خذ النار..واشعلها حنين *** خلّـها بين الضمـاير تـرّد لنا..حيـاه غرّد القمري والاطـــــلال عيّت تسـتكين *** كـنّها الظامي ليا من غشـاه اللي غشاه قرْب مـوته ويتحرّى متى مــوتـه يحين *** وانعشه شوف السراب ونهض عمره وراه ولّ ، ياطفـلٍ مواري الهوى عنده تبين *** شاف في عيني من الشوق شيٍّ مـاخفاه وانثـنى قـدٍّ ليامن تـثّنى به يلـين *** وانكشف جيدٍ تعـدّى على ستر العـباه وانعتق لولو حبسه الكرز واحـمّر تين *** واختلط لونـه بلون البـياض اللي حواه قـلت يامن بيـدك العون ياربـي تعين *** ذنب هذا اليـوم مثـله مثل ترك الصلاه دامها ماقد تهـيّت لنـا دنيا وديــن *** ماعلى هاليـوم لامن تحـمّلنـا خطـاه والعقل في بعض الاحيان مافاد الرزين *** كم حكيمٍ ضيّع سنـين عمره في عمـاه من يلّوم الحرّ ، لامن غـدّا صيده سمين *** شاف شـفّه وانحدر مثل سـيلٍ في وطاه هدّ ياقلبي ترى الوقت وان طـوّل يشين *** وانتهـزها فرصتك، مايـبي مثلك وصاه قال قلبي لا، ولاتنكر اعــراض السنين *** مايلام الحـرّ لامن كُـبر واقفى عـطاه وان نسيت اذّكرك وانت ياشاعــر فطين *** والمغطّى عارفـينه قـبل يلـبس غـطاه سنّك اللي رحبت به مشـــارف الاربعين *** وين يلحـق جادلٍ مابعـد كمّل صـباه صاح في جوفي من الحيف داعٍ لـه ونين *** والحـنايا صادق الصوت زلزلهـا صداه كلّ عمرٍ له طــــراتـه ولا هي كلّ حين *** والوهم مـاوصّل اللي تعـلّق بـه مناه قلت ياداعي الندم مات فـي قلبي ظنين *** قبل لايـشرق صباحه تعـجّلنا مـساه وابتعدت بخطوتي عن ضيا الوجه الحسين *** شايلٍ قـلبٍ بكى ماتحقّق لـه رجـاه من يقول يـمرّ عمري مثل لحنٍ حــــزين *** إعـزفه طفلٍ على النـاي لحظه ثم نساه اشهد ان الوقت مايحفظ الســرّ الدفين *** واشهد ان العمر عقب الصبا ماله طـراه الشاعر / ابوساره ================== 0 0 ( 3 ) ( مـا دوجّـت مع غيرها بين الاسـواق ) ================== باح الــدفين وهـللت بيض الأوراق *** واستسـلمت سـود الحروف لورقها راحت تسابق فالورق خــيل الاشواق *** من قيدها جمع القوافي عـتـقها يبرا لها فكر(ن) من العام ماراق *** يشــكي من هموم الفراق وغلقها فكر(ن) على ما فات من عمر تـواق *** مع جـادل(ن) سبحان ربٍ خـلقها بنت(ن) خذت من فتنة الحسن مـالاق *** ومن النسب بذت خفا من طرقها!! الجادل اللى عقبها خاطـــري ضاق *** كف الزمن من شـوف عيني سرقها لاعـــدت ياليل(ن) غدا صبحك فراق *** وشعاد روحي في الهوى مالحقها لاطابت جــروح(ن) ولا بلت ارمــاق *** طـال الظما كل الجروح وفتقها كن الحزن طير(ن) على الصيد سباق *** وكن المشاعر صيدة(ن) له صفقها لامل من صيد(ن) ولا هــــوب ينعاق *** طرايده مافيهن اللى فـقــدها لــــو لايمي ذاق الذي خافقي ذاق *** ماكــان كلمات الملامه نطـقها لو لايمي منها شــــكي حر الاشواق *** ماكان دمعات الحــسايف خنقها بنت(ن) لها طبع البدو بيت ورواق *** ماش(ن) من طبوع الحضاره محقها مادوجت مع غيرهـــا بين الاسـواق *** ولاتباهى ،،عـقـدها مع حـلقها لاخصــــّرت ثوب(ن) ولا بينت ســاق *** ولامشــت متخـصـره من عـشـقها يفدا هـــواها من طـويلات الاعناق *** من لاحــياها ردها عن عــوقها اللى يحسبن الـــهوى ضــم وعناق *** ووجــوههن ماقد تصــبّب عرقها هـــذيك مامـــرت على بال مشتاق *** متـّـذريه فى ســـتر ربٍ رزقها والله فـــلا من عقبها اهتز خفاق *** دام القلوب اللي خلقها فرقها لعيونها حــرفى بكى فوق الاوراق *** بوداع شمس(ن) ما بقى الا شفقها الشاعر / ابوساره ================== 0 0 ( 4 ) ( لو .. انها .. تجي .. بمصقل .. السيف .. والرشاش ) ================== دعوا بالرحيل وعــزم الزمـل بالـمطراش *** وراحــت ولــو كــفي وصــلها تـناوشـها تـنحّت وانا عـــوّدت ملهوف عين وجـــاش ***اهــوجـــس بفـرقا عشـقـتي كيف اعايشها ايلا من غــــدن كل الصبايا بعيني مـاش *** تواصيفها اللي حوشــــّت من يحـــــوّشها عزيزة شرف مالعـلع بهــــا لسان الـلاش *** ولانـاشــــها عيـب(ن) ولاهــو بـنايـشها رفيعة نسب ماظــــن ذاك النســب يـناش *** مـن اللابه اللي خاســـر(ن) من يـغـبشها شبيهة بدر لا.. والبــــدر مثلها ماحاش *** عيـون(ن) تـشــــد قلوب ناس(ن) تقارشها فلا عانقت نظـــره ولا جـاوبت وشــــواش *** ولا غـــــيـري اللي دنـقـت له ووشـوشها على الله سيل الليل وان لفتـــه بقماش *** وثـغـر(ن) شهي(ن) مثـل طعم العسل واشها على الله خد(ن) تجـرحه قطعة(ن) من شاش *** وســــود(ن) سكنها الليل والرمش مدوشها على الله كم همس(ن) وهمس(ن) بقلبي عاش *** يقــول اغـتـنم واجمل ليال العـمر عشها ترى الــــدانه اللي ضمها ناظر الطواش *** تـعـنىّ بها غــيره .. شـــقى لين نبشها تغانم مدام ان الفرح لك غـطا وفـــراش *** قـــبل توحشــــك قـرة عيـونـك وتوحشها عليم الله اني بعت عـــــمري لها ببلاش *** وجاهـــــــية(ن) لي كل حول(ن) مـطرشها يقولون لاطيب(ن) تجــــــي لك ولا بهواش *** واقــول الله اقـوى فوق من كان مبلشها لو انها تجي بمصقل الســـــيف والرشاش *** عليّ اليمين ان تاصل الروح مـنعــشها الشاعر / ابو ساره ================== 0 0 0 ( 5 ) (فـيـصل بن فهـد - الحاضر - الغائب ) ================== مامات فيصل ، فيصل الجود مامات *** باقي بذكره فـالليال المـقـابيل واللي مثل فيصل له الجود مدات *** تستحضره ذكراه جـيل ورا جـيل غيره من الحيين فـعداد الاموات *** ناس(ن) معيشتها عـليها غـرابيل ماتنطق إلاّ .. هات ثم عقبها هات *** ماهمها الاّ جـمعها من محـاصـيل لاشك فيصل كم جمع له من شتات *** كم عيلة أمسى لها فيصل معـــيل ياما قطع من شان صرخه مسافات *** ياما غدا كفـــّـه للاحــــــزان منديل من فيض جوده تخضر البيد بسكات *** يخفي العطايا عن هل القال والقيل مطبّّعه عود(ن) على كل مافات *** ما فزعته عند القـــــــرايب مراسيل يبقى العوض به جعل عمره مسرات *** اللي يقول وهــو مع الدهر حلحيل (حنا هل العوجا ولابه مراوات *** شرب المصايب مثل شرب الفناجيل) يا الله تجعل خاتمتها ملذات *** وانهار ماهي مـثـل دجــله ولا النـــيل للراحل اللي عاش في كل الاصوات *** يلقى عوض مدات جـــــوده تساهــيل فيصل وعمر(ن) عاش به وانكر الذات *** عقبه تفـيض دمـوع الايام وتسيل الشاعر / ابو ساره ================== 0 0 ( 6 ) ( الـــــبـــــقــــــاء لـــلـــــــــــه ) ================== يا هواجس غـيمي جو فكري بالقصيد ** وامطري وان شـحت السحب ثوري وارعدي طالت ايام انتظاري على رجوى الجديد ** والليالي وان تمهلت بالعـمر اتعـدي ان نشـدت اليوم ولاّ فلا عاد النشيد** وش له اسهر تالي الليل واجـفا مرقـدي والله اني بالنسب للشعر ماني بعـيد ** وان بغـيت أوصـف القـرب من وين ابتدي ؟؟ يا بعض روحي وياكل حزن وكل عـيد ** من قبل لا يزهر الغـصن بالورد الندي لا يهمك من تغـاضى عن الراي السديد **الـعمى لو يطـلع الصبح ليله سرمدي يوم غـيرك هـيّن الباس لك باس(ن) شديد ** ما تـقـدّا يوم غـيرك بغيره يقــتدي غـيرك اللي راحل(ن) في ظهر شعره طريد ** في ضـلاله واكثر الناس تحسبه يهـدي غيرك اللي كان حرّ(ن)ّ وصار من العبيد ** ماترك له باب بيت(ن) درى ان فيه اجودي كم غـشيم(ن) ماخذ الشعر بالراي العنيد ** والحروف تضيع لو هو يرتبها ابجدي يحسبون الشعر ليل امسيه وشوي غيد ** والجهل في ليلهم صاح : ذا ليل اسعدي بينهم والشعر بيد(ن) ودون البيد بيد ** أبلشوه وما خذوا من عـطاه الاّ الردي وين شعر(ن) غايته لو تعـلّق له بجيد ** من قصيد(ن) شعّّ نوره على صدر الجدي ؟؟!!! من غــدت حتى الخواطر تعـدّّ من القصيد كل شاعر قال : يا نــــــار في الجـــوف ............. اخــمـدي !!!!! الشاعر / ابوساره ================== 0 0 ( 7 ) ( هـــــيــــه ...... يا صحـــــــرا ! ) ================== الإهداء .. إلى أرواح كل من : محمد بن قرمله ، تركي بن جميد ، شافي بن شبعان ، راكان بن حثلين ، وطبان الدويش ، عبد الكريم الجربا .. على سبيل المثال لكثرة الأسماء الخالدة في تاريخ الصحراء العربية .. إلى الكرم والشجاعة والوفاء بالعهد والصدق والحكمة ... على سبيل المثال لكثرة الطباع العربية الأصيلة .. إلى الزمن الذي لن يتكرر .. والرجال الذين لن يعودوا .. اليهم جميعا هذه ( الكلمة ) الصغيرة بجانب ما صنعوه وما تركوه من عبر وعظات . هيه .. ياصحرا ========== الوجوه تغيّرت والناس تكبر .. والقلوب اللّي قبل كانت حنونه صارت الغـدر وطعونه !! السما حمرا وطيور الحب ماتت واشتعل ( دوح ) الوفا نار وحريق .. وين يصدح عندليـبه ؟! كلّ جرحٍ تجرحه لمسة طبيبه ! كلّ قلبٍ تطعنه يمنـا حبيبه !! والقريب يشوف موته من قريبه !!! ياصديقٍ مابقى غيره صديق .. واقفٍ لي بالطريق .. ينكسر من دون كسري وينثني من دون ربعي .. إن كتبني سال دمعه وان كتبته جفّ دمعي ..! ليتني ماكنت شاعر .. واكتشفت ان الحروف اصدق من اوهام المشاعر ..! ****************** من مدينه يسكنون الناس فيها هاجرت روحي طريد ووجه شاحب .. وبدفاتر ينـتـثر شعري عليها طابت جروحي سكنت وصرت صاحب .. ماسمعت اللّي نصحني " لاتهاجـر " !! ماسمعت اللّي جرحني " لاتهاجـر " !! ماسمعت اللّي ذبحني " لاتهاجـر" !!. بعت عمـرْ سنين عمـره علّقوها الناس في سوق المدينه والمتاجر .. وقلت اهاجر !! بعت عمران المدينه .. الشوارع والميادين الحزينه .. والنهار اللّي بكت فيه الفضيله والظلام اللّي ضحك به ألف فاجر ..!! قلت اهاجر .. واتحمل كلّ صيحات الحناجر !! واتحمّل كلّ طعنات الخناجر !! لعنبوها هالمدينه .. فرّقت بين الحبايب والنسايب والقرايب .. علّمتنا كيف نكره كيف نكفر .. نسرق اللقمه من عيون اليتامى !! ونتعامى !! علّمتنا كيف نخسر كل ( طـيّب ) وبجداره !! كيف نفرح بالخساره !! بس ابد ماعلّمتنا كيف نرقى ونتسامى .. كيف نقسم لقمة العيش البسيطه بين جار وبين جاره !!! **************** وين جرّات الربابه ؟؟ وين ( رجمٍ ) صدّعه صوت الذيابه ؟؟ صيحة ( الهاون ) تشقّ الليل صهيل الخيل ودلة هيل ومشاكيل القرابه !!؟ يوم كانت عامره بيض النوايا كانت الدنيا.. سحـابه !! هيه ياصحرا .. على سكانك الاف السلام .. عاصروا برد وسموم وواجهوا عصف المنايا لكن ابداً ماتخلوا عن طباع ( الطيب ) في حرب وسلام .. علمهم فوق أي علم وحلمهم فوق أي حلم وجهلنا فوق أي جهل وغيظنا ما يفتح ابوابه لسلم !! ياصاحبي مافي الرجاوي خير بعض الرجاوي هم وقت ( الرجال ) اقفى وهالحين وقت ( الغمّ ) .. لاتقول لي بالهون اصبر ولاتهتم .. لـو للضمير عيـون سـالـت دموعـه دم !!! الشاعر / ابوساره ================== 0 0 0 ( 8 ) ( خلاص اليوم لاعاشق ولا قمرا ! ) ================== من زوايا الذاكرة .. جاءت هذه القصيدة عبر أكثر من عقدين لتقف هنا .. إهداءا للزملاء .. تخون الذاكره شــــــيٍّ من الذكرى وشــــــــــيٍّ اجـــــــــهله لــــــــو كــــــنت بــــــه داري لأن الجـــــــرح لــــو يبقى ولا يـبـرى يطــــــــــــوف الـــــــعمر مــــــــــالـــــه للــــفرح طاري لقيت العشـــــــق لا واحـــــه ولا خـضرا لقــــــــــــــــيت الـــــــــــطيب لانـــــــابـع ولا جـــــاري ســـــــــحاب الـصيف مايروي ظما الصحرا وصـــــــــحرا الغـــــــــــــــــدر مـــــاتــــروى من امطـاري اشـــــــوف الناس في ســـوق الهوى تشرى واشـــــــــــوف قلــــــــــــــوب فــــي بيــــع الوفا تـمـاري بــغــــــــــــــــــّني للــــــــــــــغــدر واكــــــــــــتـب غــــــــــــدر واقـــــــرا غـــــــدر وانــشــــــــد لــــــــكل الـــــــــــــــــــناس اشـــــــعــاري واداوي صــــــدّة العــذرا بلقـا عــذرا ولا اثــــــــــــــبـّـت علـــــــــى الاطـــــــــلال افكــــــــــاري عجـــــــــزت اعتق قلوب للوهم اســـرى ودايـــــــــــــــم غـيـــــــــــــري الـبــــــايع وانا الشــــاري لـــبيع قلــوب واعشـــق ليلــة حـــمرا واقـــــــول لعينـــــي : هــــــــــذا الــــزيــــن واختــــــــاري واجــــــامل وابتـــسم لضحكه الصـفــرا واطـــــــــــرّز بـــــالغــــــــــدر والكـــــــذب اعــــــــــذاري وبكشـــــف كل ما في اليمنى لليـــــسرى وابيـــــــــع لأ لــــــــــــــــسن الحـســـــــّاد اســـــــــــراري خـــلاص اليوم لا عـــاشـــــق ولا قـــمرا ولا ظلـــــــــــما ولا قـلــــــــــــب بــــــــــــوفـا ســــــــاري بـــودّع لـيلة الحــــرمان والـمـســـرا بـــــــودع حـســـــــــــرتي لاجـــــــــل الـــــوفـــــا ونـــــاري ألا يا صاح … لا تــنــشـد عــن الــســمـــرا مهي أول ولا هــي آخر أخــبـــــــاري كتاب العمر لك مـفتـوح وانت اقــــــــــــــــــــرا ظلمني العــشـــق واقسمت آخــذ بــثــاري الشاعر / ابوساره ================== 0 0 0 ( 9 ) ( ما مثلهن راحن ولا مثلهن جن ) ================== ياطـــــير رفـرف وارتفع بالـجناحين وان ضاق صدرك بالفضا وقــّّع وغـــنّّ غرّد على الاغصان واعزف تلاحين تغريدك دموعك ولك بالغـنا فنّ لامِحزنك عسرٍ ولا مِـفرحك لين ماغير بعد الدار قلبـك لـها حنّ ياطــــير : بُعـد الدار شين وعمى عين كم خافـقٍ من لـوعة فراقها ونّ مربى الصبا ومن العمر أجمل سنين مامثـلهن راحـن ولا مثلهن جنّ مربى الصبا اللّي جمّع الربع الادنين الصاملين ان خـيّب الخايب الظنّ ربعٍ على بـيض النوايا مقـيمين باعوا هوى الدنيا بفنجال من بنّ ماحسّبوا كم عند ذا من ملايـين ولاشغلهم طاح ولاّ ارتفع يـنّ أشغلهم اكرام الـمسيّر ولو دين وان غاب عودٍ تـمّه صغيّر السنّ وليا استجار بـهم طريد السلاطين يامن ولو قامت على شانـه فـتنّ يدرون ما للمـوت ريح الرياحين لاشك خاب اللّي عقب فزعته كنّ مايقمح الشيطان غـير الشياطين واللّي عطى يعـطي عطاياه ما منّ كم ليـلـةٍ عقـّالها جو مجانين ما ميّـزوا فيها الاوادم من الجـنّ واليوم شتّـتنا الدهر في البلادين والحزن بـيِّن في خفا ضحكة السنّ وشعاد لو نبـني كبـار الدياوين ونقلّط الجيران .. .. ونـجـــــود ونـمنّ ونذوب في جمعٍ من الناس الاقصين ماعاد نـنشد من هم ؟؟ وجــــــّــدهم مـنّ ؟؟ ناسٍ تـردّ الزين وتثـّبت الشين راعي البـدع تعبده وتصيح به ثنّ ياليت ماجا للبـداوين تـمدين لين الخطر هذي هي اجراسه ترنّ البدو سـنّوا في زمنهم قـوانين وحنّـا بنطوي ماضي الجهل ونسنّ شرعٍ لنا مافـيه دنـيا ولا دين فيه الحـيا مـنبوذ ... والـمجــــد للفنّ !!! الشاعر / ابوساره ================== 0 0 0 ( 10 ) ( مات فيها صدق ابو بكر والحجاج قام ! ) ================== لاصلاح الدين فينا ولابه معتصم طيب اللي بيننا بالكسل صلى وصام تاركين الدين لو هو لنا عز وعزم لو تضيع حقوقنا ظلم نجنح للسلام مابقى للدين فينا سوى ذكر واسم ماحفظنا عن سلفنا سوى بعض الكلام التهينا فالمسارح وفي شعر ورسم وانـتـهينا بالمعــاصي وحـلـلـنا الحرام نرجم الشيطان لاوالله اولى بالرجم مـن لـيا مـن اذن الـفجـر يهــناه المنام الدول تحيا وتوجد وتفنى وتنعدم والغني الله عن كل من صلى وصام اشرقي ياعين جالوت فالظلما نجم علمينا كيف بالله كان الاعتصام في حروب كثرة الكفر فيها تنهزم من سيوف ترفع النور في وجه الظلام نفتح التاريخ هذا عمر عدل وحزم أسس الدوله على العدل ماهاب الملام سارت جيوشه معارك تثور وتحتدم تفتح الدنيا على سنة الهادي الامام طعنه بطعنه وسيف بسيف يلتحم والشهاده ترفع العزم مادامت مرام والغنايم عرش كسرى وقصره منهدم وانهزام الروم.. والقدس تفتح في سلام من لنا بالمعتصم أو بمن مثله شهم ينقذ اللي دنسوا عرضها شلة لئام ذنبها انها مسلمه مالها قدر وحجم في زمن والمعتصم نام وجيوشه نيام المساجد تنهدم والعقيده تنشتم والمصلي ينشد الشيخ عن اجر القيام!! يامحمد أمتك بالهدى ماتلتزم لين صارت أمة المصطفى أمة نعام حاولوا يطفون نوره ونور الله يتم ان بقى أو مابقى دين نور الله تام مابقى في أمتك خير من بين الأمم مات فيها صدق ابوبكر والحجاج قام !!! الشاعر / ابوساره ================== مع تحيات / نادره |
|
|
|
|
29-11-2001, 01:08
|
#3 |
|
شـــــاعــــــر
|
الأخت العزيزة نادرة وبما تحمل الكلمة اسما ومسما يقف القلم حائرا وتتسمر النظرات عجبا وتيهالما تقومين به من مجهودوما تتمتعين به من مثالية وانكار ذات سيطرت على حيات الكثير من الناس . ندر من تخلص منها مثلك , والتعبير لن يفي بما اودان اقوله فلك تحية شكر وتحية اعجاب تستحقين اكثر منها ولكنها جهد المقل فتقبليها. واسمحي لي ان اوجه الكلام لشاعر عالي القامة متألق الحضور هو الشاعر (ابو سارة ) اخي صح لسانك الست القائل كم غـشيم(ن) ماخذ الشعر بالراي العنيد ** والحروف تضيع لو هو يرتبها ابجدي يحسبون الشعر ليل امسيه وشوي غيد ** والجهل في ليلهم صاح : ذا ليل اسعدي بينهم والشعر بيد(ن) ودون البيد بيد ** أبلشوه وما خذوا من عـطاه الاّ الردي وين شعر(ن) غايته لو تعـلّق له بجيد ** من قصيد(ن) شعّّ نوره على صدر الجدي لماذاتغادر وانت المعلم كل هنايدلي بدلو فيها من العذوبة الكثير ويعطي ما استطاع ولكن يضل شعرك يعبق بما عبقت به الليالي الخوالي من الشعر الخالد ولأني لا احب ان اطيل عليكما تقبلا تحيات اخيكما ابو نوت |
|
|
|
|
29-11-2001, 01:19
|
#4 |
|
شــاعــر
|
السلام عليكم الاخت الفاضله نادره طابت اوقاتك بالخير وكل عام وانتي بالف خير كما عودتينا الابداع حليفك ولا تقبلين بسواه فانتي ماشاء الله عليكي شعله من النشاط لا تكلي ولا تملي وتتحفينا باجمل الروائع فها انتي اليوم تضعين بين ايدينا ملف قيم لشاعر له ثقله على الساحه ويستحق التقدير والاحترام وكما نحن بحاجه اليه والى جديده الشاعر ابو ساره اتمنى ان يعود ليمتعنا بكتاباته الرائعه اتمنى ان يلبي طلبي وطلب كل من يحبه واتمنى ان ارى جديده هنا في اغرب وقت مع تمنياتي لك اختي ولشاعرنا بالتوفيق وتقبلو مني ارق التحياتي |
|
|
|
|
29-11-2001, 05:07
|
#5 |
|
رحمة الله عليه
|
|
|
|
|
|
29-11-2001, 05:31
|
#6 |
|
سيـــف الســـيــف
|
الاخت/نــــــــــــــــــــــــادره اسعد المولى ايامك ولياليك اختي وش باقي من الكلام نعتقد انه يقدر يوفيك حقك اعتقد ما خلوا الاخوان شي وانا ما اقدر ازود شي الا اني اقول الله يوفقك في حياتك انشالله ويخليك للموقع هذا اللي بحاجه لانسانه مثلك مخلصه وجتهده وتقوم بمسئولياتها وزياده شكرا ناده  ابو ساره شاعر اعتبره انا استاذ لي والله اني كنت من الناس اللي ينتظرون اوبو ساره حتى في ردوده قصائده لست انا من يقيمها انا فقط معجب بهذا الشاعر ومعجب باختيار الاخت نادره اللي يدل على ذائقتها الشعريه لكم تحياتي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
