24-08-2004, 12:35 | #1 |
شـــــاعــــــر
|
الجيل القديم
مساكم ورد ياهل المحاورة ما عندنا القدرة على الاحتراف ولكن عندنا الرغبة بالمشاركة فقط
يامرحبا ترحيبة جتكم من الجيل القديم = ترحيبة ريح الندى لم العموم يسوقها يا صاحبي خربوش ُدوجْ من البدعية للنسيم = عطني سواليف الرجال ووش لقيت فروقها؟ |
25-08-2004, 15:07 | #2 |
عضو شعبيات
|
رد : الجيل القديم
خذ الرد طال عمرك وعسى يعجبك بقيت ياراعي الوفاء والطيب والقلب السليم ****اثرك تدوِِِّر للعلوم اللي لزوم انقولها انا افتهمها طايره وانت الذكي منت الغشيم ****خل البضاعه البايره ماخذتهامن سوقها |
25-08-2004, 16:01 | #3 |
شـــــاعــــــر
|
رد : الجيل القديم
ارحب يا راعي غنم وياهلا ومسهلا وابرك الحزّات وابو زرفيل حقه فالبايت مهوب فالفايت استلم الله يعطيك العافية ماكان قصدي وارد الالفين والله العظيم ...................................ودي بها تحت العسل والا العسل من فوقها لاشفت براق الحيا شديت والمعطي كريم ....................................... مانيب ياراعي غنم مع كل درب احوقها |
25-08-2004, 22:19 | #4 |
عضو شعبيات
|
رد : الجيل القديم
استلم لاهنت : دقه قديمه والقديمه ماتناسب للفهيم****راعي الغنم هذي علومه واستمع منطوقها انا مضيت امسي من الحاره وقابلت اليتيم**** وعزمت اقرّب له تمورالمزرعه بعذوقها |
27-08-2004, 15:28 | #5 |
شـــــاعــــــر
|
رد : الجيل القديم
استلم طال عمرك من الدقه القديمة بالله قلّي وش بلاك اتحط رجلك فالجحيم ؟ ............................... والسالفة مالوحت لك يالحبيب بروقها !!! ليت القصيمي ماشقى وارتاح في وسط القصيم .............................. اخير له من طرقةٍ ما أدّى جميع حقوقها |
27-08-2004, 18:32 | #6 |
عضو شعبيات
|
رد : الجيل القديم
استلم وانا رفيقك من ذا يكمل الحقوق: دامي صحيح ولاوهنّ يا صاحبي مني عظيم****ديره تناسبني عزمت اسلك جميع اطروقها ذا ما يغامر ما يجيب الفايده يبقى سقيم**** والشجره اللّي طيبه تقدر تظلّّّّّّّّّّ اعروقهـــا |
27-08-2004, 20:26 | #7 |
شـــــاعــــــر
|
رد : الجيل القديم
زانت علومك يالغالي استلم لا هنت منتب عدوٍ مستشر ولا صديقٍ لي حميم ................................. والعين اشوف الكحل الاسود مايزيّن موقها غامر عسى مكسبك ماهيب المسنّة والهليم ................................. يالبندق اللي جوفها عبرود سبب عوقها |
27-08-2004, 23:20 | #8 |
عضو شعبيات
|
رد : الجيل القديم
سلمت يالنشمي واستلم: حناهل الجزلات والهزلات ماهي لي قسيم نهارتصبح بنت بقعا نافخه في بوقها ماينشب العبرودوالبارودتسمع له زكيم لكنّ كم شفنا رجال(ن) ناشبه بحلوقها (ن) هذي النون ترمز للتنوين |
28-08-2004, 02:46 | #9 |
شـــــاعــــــر
|
رد : الجيل القديم
استلم يا طويل العمر
المدح هين دام ما نعرف جهينة من تميم = يالبدرة اللي ينضح الما من وساع شقوقها سرحت اعسس للربيع وشفت لي مرعى ٍ وخيم = وانا هوايه روضةٍ يشوقني زملوقها |
28-08-2004, 15:30 | #10 |
عضو شعبيات
|
رد : الجيل القديم
استلم لا هنت: في بنغلادش ما عرفنا وش نسبهم يالوسيم***حتى القبايل ما عرفنا شكل موسم نوقها لاتلتفت وتحيد وانت الدرب قبلك مستقيم*** تبقى المثايل لهلها ما هي معا مطفوقها |
28-08-2004, 16:42 | #11 |
شــــاعـــر
|
رد : الجيل القديم
الله عليييكم .. محاوره جاااامده // جااامده .. متابع معاكم من البدايه .. تسلم ياابو نوت .. مبطين والله عنك هنا راعي غنم .. ماشالله عليك .. ماقصرت والله واصلوا . |
28-08-2004, 16:50 | #12 |
شاعر
|
رد : الجيل القديم
. يا قلبي ويني عنكم أنا بس .. !! اللييييييييييييييل .. واصلوا يالربع وأنا متاعبع وماسك ٍ صف خالي بونوت ولا يهون راعي الغنم .. شعاااار كبااااار وربي .. . |
28-08-2004, 17:50 | #13 |
شـــــاعــــــر
|
رد : الجيل القديم
ياهلا يانواف وياهلا ياعبد الله متابعتكم شرف الله يسلمكم عسانا نكسب رضاكم وحياكم تحياتي لكم |
28-08-2004, 18:33 | #14 |
شـــــاعــــــر
|
رد : الجيل القديم
استلم طال عمرك يا غالي وانا سعيد بلعبي معك صحيح هرجك جعل من جابك لجنات النعيم ..................................... اخذ الهديّة يا وسيع العرف في صندوقها وان طعتني هوّد ولا يلعب بك ابليس الرجيم .................................... يالحيّة اللي مالها نيبان وسط شدوقـــها |
28-08-2004, 22:41 | #15 |
عضو شعبيات
|
رد : الجيل القديم
شكرا اخي نواف وعبدالله على مروركم على المحاوره وتعيش يا صاحبي واستلم لاهنت: ان كان ودّك بالسهاله فالسهاله للحكيم*** مانتبع الشيطان مير الحرب زايد شوقها لاتحسبون النمريتكاودمن العود اللّحيم*** حمر الدماءفي مخلبه والناب عاشق ذوقها |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|