[غازي العوني]

السلام عليكم ورحمة الله وبركاته

والله انا من زمان ماكتبت في الخيمه الشعبيه

وحبيت اشارك في القصيده التاليه ارجوا انها تنال اعجابكم

وفي الحقيقه لا اعرف اسم صاحبها بالضبط ولكن قيل انها لشاعر اسمه عبد الله الدخيل والله اعلم


ويقول صاحب القصيده

انا اصبح على الهاجوس كني قريص الداب= تلوت على رجله ودارت مثانيها
واضربه الحنش بالثالثه وانقلب بالنّاب= وصرخ يوم شافه بوّسط الرجل واطيها
وطاها على الهجعه ونجم الشفق قد غاب=ولاله جدا يا كود رجله يكويها
تلدّد يمينه ويّسره مايشوف اركاب= وجذب ونةٍ ينخا ويبكي بتاليها
جدع بندقه واعذر من المشي والاسباب= عرف يوم شاف الرجل ثقلة خطاويها
ذكر خنجره في محزمه يوم شافه عاب= اثرها مع البندق بدربه مخليها
وعونّ الذيابه من فوق راسه على المرقاب= ونسي رجله اللي سمها قد مشا فيها
وتطرفله اللي لاعدى يدرك المهضاب = وسنونه على قضب الشواكن مضريها
كلنّه ولاباقيي عللى الارض غير اتراب= وهدومه انزح واقشر الدم غاشيها
ولقوا مفرسه ربعه حدر جال بهضاب = ومشوا بالخبر لمّه وجوها معزيها
عجوزٍ من الرمله تصكصك شعرها شاب = تبكي ولدها اللي ابوقته يواليها
انا مثلها لاني صغيّر ولاني شاب = غشى الشيب دقني والمرافق ملوّيها
لاخير في دنيا حلاها وراه انشاب=وراها مراره وانت تركض وتغليها
تذكرت وقتي يوم انا جاهلن لعّاب= سنينٍ تشوّقني ولاني بناسيها

والقصيده اطول من ذلك

وسلامتكم

اخوكم الاسير

[سعود الخويطري]

الاسير

مرحبا بك مليون والله اني صادق

دائما لك وجود رائع بالخيمه الشعبيه وكافة شعبيات

وقصيده وذوق رائع كما عودتنا , ووننتظرك

تحياتي

الخويطري

[نواف الشمري]

انا مثلهـا لانـي صغيّـر ولانـي شـاب
غشى الشيب دقنـي والمرافـق ملوّيهـا


لاخيـر فـي دنيـا حلاهـا وراه انشـاب
وراها مـراره وانـت تركـض وتغليهـا


تذكرت وقتـي يـوم انـا جاهلـن لعّـاب
سنيـنٍ تشوّقـنـي ولانــي بناسيـهـا


الله ..


قصيده مذهله ..قويه جزله ..


شكرا لك .. لذائقتك .. يالاسير ..



دمت بكل الحب



.