[الريـــــم]

:



هى شمسنا اللي في جبينك تلاجا
......... والا قمرنا اللي فقدناه من امس


بدر بن عبدالمحسن



:

[ريما العلي]

سألتكـ بالذي زانكـ تحبي فيني حتّى الظلم
............. تحبي عيوبي وغدري .. تحبي المرّ في كاسي
أنا من كثر ماأحبكـ .. أبيكـِ تكوني كثر اليمّ
...... وأبيكـِ تكوني فوق الناس .. وأبي ماينحني راسي !




"عبدالرحمن بن مساعد"

[متعب الخامسي]

يقولون لا ضاقت عليك الوسيعة غنّ
وأنا أقول شفت مقرّد الخلق وش قالت

أنا البارحة من يوم غابت إلين أذنّ
تحلوى عيوني للكرى مير ما احتالت

يثوع النعاس من أرمد الجفن يوم تعنّ
سراميد غيظ بالحشى حبلها فالت

ما غير أتدرق بأسمر الليل لا جنّ
هجوس تخطرت هيبة الجرح واختالت

هجوس ليا قامت تكرب وقمت أونّ
تصرن بمعاليق الحنايا ليا انهالت

ذلول الهجاد اللي نبت في جماها سنّ
من العام تثعى في ضلوعي ولا زالت

حلال الذهب ليا استشاطت لبسها جنّ
يا كيف أتجود في نحرها ليا مالت

وأنا يوم أمس بطانها ما عليّا منّ
يدين الهوان إن حطت اللوم وإن شالت

أبي أزم نفسي عن طمانن هواهم مصنّ
وأعدي لجفني وأرقب العين وش خالت

عليها الملام ولا عليها السلام أبدنّ
يدينن تبي قصرت يديني ولا طالت

بعدما نفضت غبار صدري ولا ديّاهنّ
بعدما روت روحي من الغيظ واكتالت

يقولون لا ضاقت عليك الوسيعة غنّ
وأنا أقول شفت مقرد الخلق وش قالت

للمبدع / مساعد الرشيدي .

[الريـــــم]

:



تِـشـْرِق وانـا بـك أنـطفي لا ذكرْتِك
........وتْفِـزّ في صدري مـثـل نَـصْل مَجْـنـون

أي والـله انّي مِـنْ رَحـَلْت افتقدتك
........والـبـِعْـد: مُـرّ وْدون مبدا و(ملسون! )




الجازيـة

:

[متعب الخامسي]

نعـد الليـالـي والليـالـي تعدنـا =والعمـر يفنـا والليـالـي بـزايـد
قولـوا لبيت الفقـر لا يامـن الغنـا = وبيت الغنـا لا يامـن الفقـر عايـد

الخلاوي / راشد

[يزيد بن غشيّان]

دال

دام المدى موحش و حبل الكذب يا خلي قصير ,,, ياللي توايق في اللقا من فوق هضبان البعاد
رح جعل ربي يحفظ دروبك ويجزيك الف خير ,,, علمتني ان العشق ذباح. بس الـصدق عاد :
اني عشقتــك قد ما يمكن . ولا يمكن يصير ,,, اني احطب السعد لعيونـك. و تترك لي رماد *


* ي.غ

[الريـــــم]

:


دامك تعرف إن الشعر : لا يقنعك ولا يفيد
........ اِستوعب حضوري وهو اِنساه لا تستوعبه !

ركّز معي الله يرضى لي عليك .. و لا تزيد
........ الهـم هـمْ .. / .. وعدّني ضيفٍ نويت توجّبه




محمد جارالله السهلي


:

[الجازي]

بما ان الضمير لا تبنى عليه القافية
نبدأ بحرف الباء


بنيت لك داخـل القلـب قصـور
مدري تصدق كلامـي ولا تكذبنـي

اسمع دامي فـي هـواك مجبـور
أحبك .. آيه... أحبك ... لو تجافيني

صقر الطنايا

[متعب الخامسي]

يــالحبيبـه لا تـلومينـي علـى قـل الكــــلافه = ما ذبحت الا الطعون و ما عزمت الا الحنـايــا
سامحيني لو هزعت الغصن و احزني جفافه =الضلوع اللى على خبرك على خبرك ظمايا
يـومها ضــاق الخيـال بيمَتي رفض وصــــلافه =بـاقـي منــك كـثيــر ولا بقـى منـي بقــايــا

للرشيدي مساعد .

[نورهـ السبيعي]

/
\
انت الوحيد اللي لـ قربه تمنيت
.... بس السبب مابين " جدّك وجدّي "
من هالسبب صارت حياتي شبه ميت
.... حي ٍ ولكن ميت ٍ فيك حدّي
ورد ٍ أشوفه لكن بلمه أزريت
.... "ودي" ولكن شي ماهو بيدّي
ياطعنة في خافقي والسبب "صيت"
.... "صيت ٍ" حرم نبتات عمري تندّي
مالي سوى صرخات في "صدري أخفيت"
.... صرخه تجيبك والحقيقه تودّي
ولالي سوى عبرات لاجتني "أقفيت"
وحدي مثل دمعة مشت "فوق خدّي"
/
\
........................./!

[متعب الخامسي]

ياصاحبـي بالله خــل التغـلـي = وقت التغلـي والدلـع ذاك ولـى
ماعاد معنا وقت تربـط واحلّـي = دامه عدو الحب بالصـوت علّـى
خذها صريحه .. حط نفسك محلي = ادمح لك الزلاّت قـدر وتغلّـى ؟
ولّي حيـاةٍ جابـت الـذل ولّـي = لابو حياةٍ صـرت فيهـا تسلـى
قولوله اني بنسحـب منـه كلّـي = خلوه يدري ( من تغلّـى يخلّـى)

[الريـــــم]

:


أنـا ماأقدر أكون إنّي حبيبٍ في بعض أوقات
............... أنا كلي أجي وإلا أروح بعزتي كلي .. !

* طلال الرشيد _ رحمه الله

:

[نورهـ السبيعي]

ياحبي اللي لا كفر طحت و آمنت
ان الغلا طفل ٍ بكى فوق صدري



............./؟

[عيضه العيسى الثبيتي]

ياطـلـعـة الـغـرمــو ل ياريـحـة الراك ياعـود راو ي مـايلـة بـك غـصــونـك ***** ياالـي تبـاشـير الحـيافـي مـحــياك مـازين سواليفـك ومااطيب علومك ***** من قـال لك مابـغـاك لابـالله ابغـاك واحشم وقـدر كل مـن يحشمـونك ***** وافـرح بـوصـلك ياابـعــدي واتحـراك تـقـدير لامـثالك وحـشـمـة عيـونـك ***** اهـلاً هـلابك عـد مــاتـثبت اخـطـاك واعداد شعرك يوم يغـشئ مـتونـك ***** الله وهـبك الـزين واكـرمك واعـطاك الشمس قدمك واسود الليل دونك ***** وشلـون بالله ياتلع الجـيد مـاهـواك واقــرأ مــكاتـيـبــك وارددلــحــونـك ***** واشربك صـبة كيف وارواك واضماك واحــس كــنك كنت مـني واكــونك ***** واخـذك مـرجـع واتـصـفحك وقــراك واحفـضك وسط القلب لايحسدونك ***** وان قلت لـي زدني غلا قلتلك هاك خذ من معالـيق الحشا قوت يومـك ***** عيـضـه ومـايملك حــلالك ويفـداك هـبي ذعــاذيعـــك وهـلي مـزونـك ***** انا ســبـب علــتـك انـا داك وادواك واناامـصـقـل مانثـنــي فـي ردونـك ***** عيضه العيسي الثبيتي

[نورهـ السبيعي]

:
:
كنت أرسمك حلم في عمري وفي بيتي
.... مستقبلي فيك بـ أفراحه وبـ أتعابه

وغبتي بلحظة ومن كهف الجفا جيتي
.... مابين خطوات غدر وعين نصابه

شكوى ونجوى وهذا كل ما اعطيتي
.... ولافاد راع الهوى شكواه وعتابه

أبحرق أوراقك اللي بي خطيتي
.... وأرمي رماد الورق في وجه كتّابه


سعد حمود العجمي