[حمود الجـش]

اخواني اخواتي اعضاء هذا الصرح الشامخ

اضع بين يديكم وامام انضاركم هذه القصيده

اللتي اتمنى من خلالها ان تجد القبول وتلامس مشاعركم الجميله وتحجز لها مقعدا دائما

في قلوبكم البيضاء ..... اليكم

يازين صدّك زاد حجم المسافه=بين القلوب اللي من اول ولايف
والوصل صار الهجر تالي مطافه=وقلبي بعد هاك الغلا صار عايف
الحب ذنبٍ واعترف بأقترافه=حبن سكن بين الضلوع النحايف
كنت النهر لك يوم كنتي ضفافه=وكنت الحروف وكان قلبك صحايف
واليوم نهر الحب يشكي جفافه=ماعاد ترويه الدموع الذرايف
قلبي من الفرقا يزيد ارتجافه=ويلوفني لامر طاريك لايف
واليوم من خلك كفاك اعترافه=اقولها والكل سامع وشايف
طرد المقفّي بعد قفّى ضعافه=مامن وراها الا الندم والحسايف
من صد عنا مامشينا خلافه=نرقا عن القاع الوطى كل نايف
حنا رجال ولا نحسب الكلافه=لو وقتنا زوّد علينا الكلايف
نعسف صعيبات الدعاوي عسافه=ثقال الحمول اليا ارتكينا خفايف
اموت ماتدخل بقلبي مخافه=موتي شجاع احسن من اموت خايف
يابنت حبك قلبي اليوم عافه=ماشفت منك الا العنا والكسايف
من يوم هجرك زاد حجم المسافه=عفوا ترى ماعاد حنا ولايف

[نورة العجمي]

كنـت النهـر لــك يــوم كنـتـي ضفـافـه
وكنت الحروف وكـان قلبـك صحايـف

الله عليك ياحمود
امطرت باأجمل الشعر والشعور
تقبل اعجابي

[سعيد بن مقبل الأكلبي]

ياسلام ياحمود
كيف ماتلقا لها مكان وهي بهذا الجمال
لاعجمت يالقرم

[الثامر]

صح لسانك ياحمود على هذا النص الجميل
مزيد من التالق

اخوك الثامر

[نجلاء الشريف]

ممطر هذا النص ومثمر بـ احساسك العذب

دمت ياحمود بود

[خالد العروي]

إقتباس »

الرسالة الأصلية كتبت بواسطة حمود الجـش

من يوم هجرك زاد حجم المسافه=عفوا ترى ماعاد حنا ولايف

ومن زيااااااادة حجم الشعر في هذه المترامية والمزدحمة شعرا
عفوا هنا لاشادة والتعليق عبث
صح لساااااانك ياحمود بلا عدد

[رذاااذ الروح]

أطربتنا وأرويتنا
لذا لزم علينا الصمت لشح التعبير


حمود الجش
صح لسانك




تقبل مروري




.

[احمد عوض]

الجش

ياسلامي عليك

لا بالله الا بتلقى اماكن ماهو مكان واحد

الف صح لسانك

والله يعلي شانك