08-09-2007, 08:51 | #1 |
عضو شعبيات
|
اكبر جمل بينكم قدمي غدى حاشي
الى شعراء شعبيات الاجاويد , اعجبني لعبكم , و وددت لو يكون لي شرف اللعب مع احدكم ... يا مرحـبا باهل شعبيات عالماشي .......... وش قوم رسـلانكم ما فاح طيّبها اكبر جمل بينكم قدمي غدى حاشي .......... و الاسمري كـم نجوم كبار غيّبها |
08-09-2007, 09:27 | #2 |
الضغط العالي
|
رد : اكبر جمل بينكم قدمي غدى حاشي
ارحب يامحمد والله يحيك ويسرني ان العب واستلم
ان كان قصدك من الاجواد تعتاشي =هقوتك يالمعتدي حنا نخيبّها وش عرّف الاسمري بالقصد والكاشي=حتى شيوخ العرب يقدر يعيبّها |
08-09-2007, 09:50 | #3 |
عضو شعبيات
|
رد : اكبر جمل بينكم قدمي غدى حاشي
هلا اخوي فهد تشرفت بقبولك ,,,, جاك لا تنشد القصد دام الفتل منـخاشي .......... هقوة دفين المـــعاني ما تصيّبها العلم الاول حرق يابسك و الجاشي .......... وش عقب ذيك المشايخ غير طيّبها |
08-09-2007, 10:27 | #4 |
الضغط العالي
|
رد : اكبر جمل بينكم قدمي غدى حاشي
انا اعرف الضبي راسه مابه اعراشي=وعلومكم بكرها يشبه لثيبها لو جبت حكم اليمن وعروش الاحباشي=حنا ترى روسنّا ماانته مشيبها |
08-09-2007, 12:46 | #5 |
عضو شعبيات
|
رد : اكبر جمل بينكم قدمي غدى حاشي
ههههههههههه , انت الي بغيتها كذا , و الله اني ما احب اخوض في الامور هذي لكنك حديتني , و انا ما احب الا اللعب الي فيه معنى مدفون عموما اذكرك بانها مزوح و تروح , و مثلك عارف يا اليامي هييييييييييييييييييييه شتان بين الملوك و بين الاوباشي .......... و اول سبيّه سبأ جــدي مطيّبها يوم ان يامٍ وسط حكم اليمن تاشي .......... سوط النجاشي على العلبا متـيّبها |
08-09-2007, 15:41 | #6 |
الضغط العالي
|
رد : اكبر جمل بينكم قدمي غدى حاشي
محمد الاسمري انت تقول انك ماتلعب الا معنى مدفون وانا جاريتك في بيوتك اللي بدعتها اما مسأله انك تقول اني حديتك على المعنى انا مااشوف في بيوتي اي شي يحدك على الكلام اللي قلته ولو بغيت انتقد بكل بساطه القافيه اللي انت جايبها ومصعبها على نفسك وكررتها ثلاث مرات بنفس المعنى وعلى العموم استلم الله لا يهينك
وشلون جدك من الاتراك ينحاشي=وبنته من الخوف يارجال سيبها ان كان ماتعرف المرشي من الراشي=يامٍ العريقه محد يقدر يريبها |
08-09-2007, 16:10 | #7 |
عضو شعبيات
|
رد : اكبر جمل بينكم قدمي غدى حاشي
استاذنا الفاضل فهد اليامي اولا انا تشرفت باللعب معك , و تعلمت الكثير و الله من الملعبه هذي , ثانيا ترى ابياتي الاخيرة البيت الاول ما هوب مرتبط في معنى البيت الثاني نهائيا , و لا قصدت اطعن مثل ما طعنت انت - الله يسامحك و انا و الله ما زعلت - , و بالنسبه للابيات واضح المقصد اني افتخر بالممالك القديمة , و ترى سبأ جدي و جدك في نفس الوقت , بس المعنى مقصده النسبة الى اليمن لا اقل و لا اكثر و المراوغة لابد منها لتضييع المعنى , عموما و النعم بكل القبايل و انا و الله وسيع صدر و مادمت انا من دوّر اللعب لا بد اتحمل بعض المزوح ,,,,, الحجر صدوا جنود الترك و الباشي .......... عن باقي القوم تشهد به لهايبها خليتني يا ابن خالي في تغبّـاشي .......... لايام و لا ربعي يقدر من يهيّبها بيض الله وجهك , و سامحونا على القصور ,,,,,, |
08-09-2007, 17:23 | #8 |
شــاعر
|
رد : اكبر جمل بينكم قدمي غدى حاشي
محاوره جيده جدا من شعراء كبار يجيدون اسلوب المحاوره بكل فن الاخوان فهد اليامي والاخ محمد الاسمري يعطيكم العافيه والمقصد لعب ومحاوره خاليه من الحساسيه وما إلى ذلك ارجوا عدم الفهم الخاطئ لأنكم اكبر من ذلك تحياتي |
09-09-2007, 02:00 | #9 | |
شاعر
|
رد : اكبر جمل بينكم قدمي غدى حاشي
|
|
09-09-2007, 11:07 | #10 |
الضغط العالي
|
رد : اكبر جمل بينكم قدمي غدى حاشي
الشاعر محمد الاسمري انا مازعلت وانا اخيك وانا عارف الموضوع كله والله يحيك ونحن نرحب بك في منتدى شعبيات ومدام الدعوى مزوح تجي وتروح احب اقول كلمه بسيطه لا تبيع البيض على سليقه وتقبل تحياتي |
10-10-2007, 11:32 | #11 |
عضو شعبيات
|
رد : اكبر جمل بينكم قدمي غدى حاشي
صح الله لسان الشعار |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|