18-09-2004, 21:00
|
#1 |
|
عــضـو فـعّـال
|
ليه .... كيف.... متى.... مين.... وين ؟!
[B] [B]لــــيه ؟  ليه شبابنا إذا دخلوا مع المعرس في الزفة في زواجات أخواتهم  تنزل عليهم فجأة صلة الرحم ويتذكرون جداتهم  وعماتهم  وخالاتهم  اللي ما شافوهم ولا يدرون عنهم ... وماهو كذا وبسلا وعمات وخالات أمهم وأبوهم بعد ويدورونهم ويسلمون عليهم  وكل وحدة يحبون راسها  عشر مرات ويطلع السنع ويسألونها عن صحتها وأحوالها وعيالها وولدها فلان القاطع  اللي لايمر ولا يسلم  ومافيه مانع من استرجاع ذكريات طفولتهم الشقية معها ولو عندهم عمة وإلا خالة من الرضاعة  بيدورونها بعد ماراح يقصرون !!!![/color]كــــيـــــــــــــــف ؟  كيف ممكن أفـــكر أتزوج  إذا كان للحين خبر الزواج ينكتب بهالصيغة العبقرية  (( احتفل فلان الفلاني  بعقد قرانه على كريمة أحد الأسر )) لاعاد !!!! بالله ؟؟؟  عقد قرانه على كريمة إحدى الأسر!! انهبل هذا وإلا وش صار فيه!! مالقى إلا كريمة احد الأسر عشان يعقد قرانه عليها ؟!؟! جد والله ؟  انت متأكـــد ؟؟؟ يعني فعلا ودي أسال اللي يكتب مثل هالخبر في الجرايد  وأقوله هل فيه من وجهة نظرك خيار ثاني غير إنها تكون كريمة إحدى الأسر؟؟؟  يعني بيعقد قرانه على كريمة إحدى سلالات الزواحف مثلا  ؟ وإلا يمكن بيعقد قرانه على كريمة سيد قشطة  مـــــتــــــــــى ؟  متى تنتهي ظاهرة زاوية التعارف في المجلات ؟؟  والحقيقة إن المشكلة ماهي في رغبتهم في التعارف بحد ذاتها  لكن المشكلة الحقيقية إنهم عندهم أمل  إن أحد يراسلهم بعد ماحطوا صورهم في المجلة  وطبعا مايحتاج أوصف لكم الخلفيات المبتكرة وإلا الابتسامات الساحرة  وإلا النظرات الغامضة في الصور والله العظيم  إن واحد كاتب عنوانه في مجلة بالشكل هذامصر  القليوبية  مدينة أبو زعبل  البلد  شارع البلد  شارع السوق  جوار الزاوية  إذا كان هذا عنوان المراسلة أجل عنوان الزيارة وش بيكون !!!!!!!!! مـــيـــــــــــــن ؟  مين ؟؟ سؤال برئ نوجهه لأي أحد يدق جرس البيت  لكن عاد الإجابة الأزلية واللي تصدم براءة سؤالنا في كل مرة هي (افتح) !!  لاحظوا الرابط والعلاقة بين السؤال والجواب (مين؟ -----> افتح!) والحقيقة أنا فكرت كثير  وما لقيت إلا تفسير واحد  من إثنين  يا إما كلمة مين معناها:وش تبي ؟ أو وش المطلوب ؟ وأنا فاهمتها غلط السنين هذي كلها  أو اني فاهمتها صح  لكن اللي يدق الجرس دايم يكون اسمه ( افتح )  ويــــن ؟  وين ممكن ألقى محل ملابس  ما يكون فيه واحد مزعج وملقوف ما يشوفني ماسكة قطعة ملابس  إلا ويباغتني بمفاجأة أغرب من الخيال لا كانت على البال ولا عالخاطر ولا يمكن يستوعبها أي عقل بشري  ويقول لي(فيه مقاسات )هااااه !! وش قلت ؟؟ فيه مقاسات !! الملابس صار لها مقاسات !!  سبحان الله !!!فعلا تكنولوجيا!! أكيد إنهم هاليابانيين الملاعين ماخلوا شي ما اخترعوه حتى الملابس طلعوا لها مقاسات أكيد هذا آخر الدنيا والله إنها صارت تخوف يالله إن تخرجنا منها مسلمين.. ====================== موضوع عجبني ولطشته لكم اختكم الوتين [/color][/align]اخر تعديل كان بواسطة » الوتين في يوم » 18-09-2004 عند الساعة » 21:24. |
|
|
|
18-09-2004, 23:03
|
#2 |
|
رفيــق الحــزن
|
رد : ليه .... كيف.... متى.... مين.... وين ؟!
الوتين لطش جميل جدا ..هههههههههه اعجبتني مين <<<<<<>>>>>> افتح وفعلا يبغالها جلسه تفكير عميق في معناها !!!!! يسلم يدين الكاتب واللاطش ههههههههه تحياتي وياهلا . |
|
|
|
|
19-09-2004, 11:06
|
#3 | |
|
Banned
|
رد : ليه .... كيف.... متى.... مين.... وين ؟!
إقتباس:
هههههههههههههههههههههههههههههههههههه وربي ضحكت من كل قلبي موضوع مجنوووووووووووون يسلمو على النقل حبيبتي موضوع رايق من جد .. |
|
|
|
|
|
19-09-2004, 11:17
|
#4 |
|
شـــاعــر
|
رد : ليه .... كيف.... متى.... مين.... وين ؟!
والله مدري وش اللي اعجبك في ذا الموضوع . |
|
|
|
|
19-09-2004, 11:33
|
#5 |
|
Banned
|
رد : ليه .... كيف.... متى.... مين.... وين ؟!
دم الغدر فيه شي اسمه مجامله .. والموضوع حلو بجد .. |
|
|
|
|
19-09-2004, 12:27
|
#6 |
|
عــضـو فـعّـال
|
رد : ليه .... كيف.... متى.... مين.... وين ؟!
اخوي ومشرفنا عبدالرحمن الربيع الاجمل هو مرورك وسلمت وحياك الرحمن في الموضوع الملطوش والحمدلله انه اعجبك اختك في الله الوتين |
|
|
|
|
19-09-2004, 12:33
|
#7 |
|
عــضـو فـعّـال
|
رد : ليه .... كيف.... متى.... مين.... وين ؟!
نجلا هلا وغلا ومرحبا بتس حياتس ربي لموضوعي المجنون او الملطوش نجلا بعد مرورك اللي اسعدني سعدت بانه اعجبك وانك ضحكتي من كل قلبك بهالايام من اللي يضحك من قلبه كيف لو كان من كل قلبه عليك وعلى قلبك الف عافيه وجعله دوم يارب اختس الوتين |
|
|
|
|
19-09-2004, 17:07
|
#8 |
|
عــضـو فـعّـال
|
رد : ليه .... كيف.... متى.... مين.... وين ؟!
حيالله بدم الغدر شرفت صفحتي واللي اعجبني بالموضوع الملطوش انه خفيف دم ويرسم الابتسامه على الشفاه وحبيتكم تشاركوني الابتسامه اخوي الكريم دم الغدر احترم واتقبل رايك بصدر رحب واختلاف الراي لايفسد للود قضيه الا عند صغار العقول ويكفيني سعة صدرك وتعقيبك على الموضوع واعطائي من وقتك هذا بحد ذاته كرم من كريم مثلك ان شاء الرحمن الموضوع الجاي ينول على اعجابك اخوي حياك ربي مره ثانيه وثالثه وللمره المليون اختك في الله الوتين |
|
|
|
|
19-09-2004, 17:17
|
#9 |
|
عــضـو فـعّـال
|
رد : ليه .... كيف.... متى.... مين.... وين ؟!
نجلا نورتي الصفحه مرتين ورشيتيها بالعطور والفل والرياحين ياحبي لتس والله ..........يابعدهم اللي تصد عني تسلمين نجلا نردها لك بالافراح حبيبتي اختك الوتين تتقبل جميع الاراء ولا الواحد كيف يبني ويطور نفسه من دون الراي الاخر الراي الاخر هو الدافع للافضل دايم اخذ السلبيات اللي تهدني واحولها لإجابيات تدفعني والمجامله عمرها ما تنفع يمكن تجي عكسيه وبدال ماترفع الواحد تدمره وتنهيه احس اننا هنا اخوان والاخوان يوجهون اخوانهم ويدلونهم لطريق علشان كذا صار في فرق بين الاخو والغريب وجهة نظر تحتمل الصواب كما تحتمل الخطا تسلمين نجلا كثر ماغرد طير وعداد ماشرقت الشمس وغابت اختس الوتين اخر تعديل كان بواسطة » الوتين في يوم » 19-09-2004 عند الساعة » 17:22. |
|
|
|
|
19-09-2004, 17:54
|
#10 |
|
عضو شعبيات
|
رد : ليه .... كيف.... متى.... مين.... وين ؟!
أختي الوتين اللطشه رائعه والله يعطيك العافيه بس سالفة مين افتح مرة تجنن والا اذا احد سالك مين نقول انا طيب من انت ؟؟؟ وحياك الله معنا في شعبيات |
|
|
|
|
19-09-2004, 18:35
|
#11 |
|
شـــاعــر
|
رد : ليه .... كيف.... متى.... مين.... وين ؟!
اختي الوتين ... يسلم لي قلبك ويطو ل لي فعمرك .. صدقيني ان الموضوع ما جاز لي وما عجبني مثل ما اعجبك .. واعجب الاخوان .. واللي خلني اكتب اللي كتبته هو تسجيل للحضور وابدا راي وما كان جاي في بالي تقليل او تسكير او اي شي يسئ .. بالعكس على عيني وعلى راسي اختي . واقول للاخت .. نجلا تتوقعين المجامله مجديه .. وشكرا . وما كان ودي اطيل و الا عطيت الاخت نجلا الفين بيت عن المجامله واثارها. |
|
|
|
|
19-09-2004, 18:36
|
#12 |
|
عــضـو فـعّـال
|
رد : ليه .... كيف.... متى.... مين.... وين ؟!
ياهلا ومرحبا بـ راعبية حيالله من نور الصفحه بحظورها اللي يسر الخاطر الله يعافيتس من كل شر جيتي على الجرح اللي يهبل بي لين قلت مين قال افتح وارجع واقول طيب من افتح يقول انا وربي احس ان قرون بتطلع من راسي الله يحيتس ويبقيتس اختس الوتين |
|
|
|
|
19-09-2004, 18:53
|
#13 |
|
عــضـو فـعّـال
|
رد : ليه .... كيف.... متى.... مين.... وين ؟!
هلا وغلا بالاخو اللي مشرفني جعلك كلك سالم من كل شر .....ويطول بعمرك ربي ويبقيك ويسعدك ماهو شرط ياغلا الاخو ان الموضوع يجوز لك ومثل ماقلت لك الناس اذواق وانا احترم رايك بالموضوع ولك كل الحق انك تقوله وبكل حريه وماراح ازعل من اي راي سواء كان سلبي او ايجابي و الذكي هو اللي يحول السلبي اللي يشوفه الى ايجابيات وتسلم على تسجيل حظورك اللي افرحني وعساني ماانحرم من تسجيله عارفه بحسن نيتك ومابه شك بها ولا حتى خطر على البال وشلون نكون اخوان اجل اذا كل واحد يشك باخوه او اخته حياك الرحمن بأي وقت واطرح رايك مثل ماتحب وبكل صراحه ومابه احسن من الاخوان في التوجيه وابداء الراي ومهما صار تبقى اخو وعزيز مرورك اسعدني كثير وان شاء الله الموضوع الجاي يعجب متذوقك وبحتري رايك به اختك في الله الوتين |
|
|
|
|
19-09-2004, 22:10
|
#14 |
|
Banned
|
رد : ليه .... كيف.... متى.... مين.... وين ؟!
دم الغدر ياكثر المواضيع اللي ماتعجبنا .. وياكثر القصايد اللي تغث القلب .. بس نمر ونسكت وهذا حال الكثيرين .. والاخت جديده ولانمون عليها .. لوني مكانها كان انحشت .. عشان كذا تدخلت .. ولو انه مش طبعي وانا اصلا ردودي قليله خلقه ,, بس جد الموضوع حلو .. عشان كذا انقهرت .. يعني عالاقل رحب باالاخت حتى لو ماعجبك الموضوع  وبس .. |
|
|
|
|
19-09-2004, 22:28
|
#15 |
|
شاعر
|
رد : ليه .... كيف.... متى.... مين.... وين ؟!
. الله يعطيك العافية ياخييه .. نقل ممتع ! وموضوع مسلي .. تحية طيبـة .. . |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
