22-11-2004, 12:53
|
#1 |
|
عضو شعبيات
|
حنـا شرفنـا مانبيعـة بالاطـمـاع
هذي سالفة وحدة كانت على قدر كبير من الجمال ومن بيت وأسرة رفعية النسب والشرف..وكانت عفة كريمة وشريفة..بغاها ورغب فيها شيخ القبيلة بعد مافتنه جمالهاو شغفته ملاحتها وحاول حتى لو يحصل على عشرة ورفقة بريئة لكنه أخفق وكرر محاولاته ورمي شباكه لعله يحصل شي ..ويوم درت إنه مهوب تاركها قررت تعطيه درس خاص لعله يكون رادع له..فأرسلت له وصاة مع امرأة قالت فيها إنها معوزة وبحاجة للمال لسد حاجتها، بشرط إنه مايكون من حر ماله وإنما بحكم إنه شيخ القبيلة وكلمته مسموعة تبيه يذكر لجماعته في المسجد إن فيه شخص محتاج والصدقة فيه مخلوفه والانفاق عليه متعين ومطلوب ، وإنه يكررها ثلاث مرات متباعدات ..ويوم إستلم الشيخ الوصاة لقى إن طلبها ممكن يكون له منفذ للوصول لغرضه..فنفذ طلبها مع جماعته في المسجد في المرة الاولى , وبعد فترة عمل الثانية , والثالثة.. ولما تجمع عنده المال أرسل لها المرأة بأن تجي في المكان الفلاني الوقت الفلاني من أجل إستلام المال.. فإصطحبت معها حرمتين ، وجت لمه في الموعد والمكان اللي حددهم..فاستغرب يوم شافها جايبتن حرمتين معها..ويوم واجهته قالت له يافلان وش اللي حدك على هذا؟..تظن إن المال مهما كثر يبي ينزلني عن شرفي وعفتي ..هذا المال اللي جمعته ماأبيه .. بس ابيك تقولي كيف كان وضعك يوم مديت يدك المرة الأولى تأخذ تبرع من الناس ثم المرة الثانية ثم المرة الثالثة..وأصدقني بالكلام..،قال في اليوم الأول أغمض عيني وماأكاد أشوف الناس ، وفي اليوم الثاني اسارقهم مسارقة ، وفي اليوم الثالث تعودت وماصار عندي مبالاة .. فقالت كذا أكون لو انزلقت للرذيلة لحد ماأوصل للإستهتار والتهور .. فاتركني بعفتي وخف الله بنفسك وبمحارمك ، لعل فيها عبرة وعظة لك ، وأنشدت : حنـا شرفنـا مانبيعـة بالاطـمـاع ................................... لو حّدنا من بعـض الايـام عـازه الشيـخ مثلـك مايخـوع تـخـوّاع .................................. العـز والطولـة بـدرب العـزازه لين اندنس عرض الفتى والخبر شاع ................................... ماينتجبّـر مثـل كسـر الـقـزازه سلم العرب بين الاجاويـد ماضـاع ................................... ومن ضيعه ربّـي يعجـل نجـازه سلامي وأشـواقي |
|
|
|
23-11-2004, 08:14
|
#2 |
|
|
رد : حنـا شرفنـا مانبيعـة بالاطـمـاع
السلام عليكم حبيبنا الغالي الخويطري قصة جميله جداً واختيار في محله حنـا شرفنـا مانبيعـة بالاطـمـاع ................................... لو حّدنا من بعـض الايـام عـازه سلمت يمينك يالخويطري وبيّض الله وجهك على الأختيار الرائع تقبل تحية واعجاب اخوك |
|
|
|
|
24-11-2004, 14:36
|
#3 |
|
شـــاعــر / باحــث
|
رد : حنـا شرفنـا مانبيعـة بالاطـمـاع
قصة جميلة وقصيدة بقاف جنوني فلله درك على هذا الموضوع البهي |
|
|
|
|
24-11-2004, 22:27
|
#4 |
|
عضو شعبيات
|
رد : حنـا شرفنـا مانبيعـة بالاطـمـاع
حياك الله يــــ راكان العنزي وولاهنت ويامرحبا بك وبردك وتعقيبك ومرورك الطيب ويالغالي ترانا نشتاق دائما لـ اسمك في الخيمة سلامي واشواقي الخويطري |
|
|
|
|
24-11-2004, 22:29
|
#5 |
|
عضو شعبيات
|
رد : حنـا شرفنـا مانبيعـة بالاطـمـاع
حياك الله يـــ ناصر البكر وولاهنت ويامرحبا بك وبردك وتعقيبك ومرورك الكريم لاعدمناك طلتك في خيمتك سلامي واشواقي الخويطري |
|
|
|
|
27-11-2004, 23:23
|
#6 |
|
رفيــق الحــزن
|
رد : حنـا شرفنـا مانبيعـة بالاطـمـاع
اخوي سعود مساك الله بالخير .. الف شكر على هالسلفة الرائعة والقصيدة اللي تبعتها وفعلا درس مفيد .. الله يعطيك العافية وحنا مقصرين في حقك وحقك الخيمة ونوعدك بالتواصل ان شاء الله .. لك اطيب تحية وسلام . |
|
|
|
|
28-11-2004, 03:03
|
#7 |
|
Guest
|
رد : حنـا شرفنـا مانبيعـة بالاطـمـاع
الرائع سعود الخويطري نقل مميز لاعدمتك تسلم يمينك يا بعدي الف شكر |
|
|
|
28-11-2004, 13:22
|
#8 |
|
عضو شعبيات
|
رد : حنـا شرفنـا مانبيعـة بالاطـمـاع
حياك الله يـ الربيع وولاهنت ويامرحبا بك وبردك وتعقيبك وتواجدك الجزل ,, ومامن قصور ووافي والشاهد الله لاعدمناك يالسنافي سلامي واشواقي الخويطري |
|
|
|
|
28-11-2004, 13:44
|
#9 |
|
عضو شعبيات
|
رد : حنـا شرفنـا مانبيعـة بالاطـمـاع
حياك الله يـ خالد العنقري وولاهنت ويامرحبا بك وبردك وتعقيبك ووجودك الطيب لاعدمناك يالجزل والروعة تواجدك هنا سلامي واشواقي الخويطري |
|
|
|
|
28-11-2004, 14:51
|
#10 |
|
النجدية
|
رد : حنـا شرفنـا مانبيعـة بالاطـمـاع
بس ابيك تقولي كيف كان وضعك يوم مديت يدك المرة الأولى تأخذ تبرع من الناس ثم المرة الثانية ثم المرة الثالثة..وأصدقني بالكلام..،قال في اليوم الأول أغمض عيني وماأكاد أشوف الناس ، وفي اليوم الثاني اسارقهم مسارقة ، وفي اليوم الثالث تعودت وماصار عندي مبالاة .. فقالت كذا أكون لو انزلقت للرذيلة لحد ماأوصل للإستهتار والتهور .. فاتركني بعفتي وخف الله بنفسك وبمحارمك ، لعل فيها عبرة وعظة لك ، وأنشدت : حنـا شرفنـا مانبيعـة بالاطـمـاع ................................... لو حّدنا من بعـض الايـام عـازه . . . الأخ العزيز سعود الخويطري .. قصة رائعة .. قرأنا هنا درس عن الفطنة والحكمة .. أختيار رائع .. كل الشكر والتقدير . |
|
|
|
|
29-11-2004, 03:41
|
#11 |
|
عضو شعبيات
|
رد : حنـا شرفنـا مانبيعـة بالاطـمـاع
حياك الله يـــــ نجدية وولاهنتي ويامرحبا بك وبردك وتعقيبك المتميز كتميزك وافرحني وجودك هنا لاعدمناك سلامي واشواقي الخويطري |
|
|
|
|
29-11-2004, 12:50
|
#12 |
|
عــضـو فـعّـال
|
رد : حنـا شرفنـا مانبيعـة بالاطـمـاع
ذكاء خارق اقنعته بالدليل والبرهان عطته درس في الصميم صدقوا يوم قالوا الكبير كبير بافعاله مو بسنه تسلم اخوي وعساك على القوه والخط كان واضح لدرجه ذكيه اختك في الله الوتين |
|
|
|
|
30-11-2004, 08:17
|
#13 |
|
عضو شعبيات
|
رد : حنـا شرفنـا مانبيعـة بالاطـمـاع
حياك الله يـ الوتين وولاهنتي ويامرحبا بك وبردك وتعقيبك المتميز , وصدقتي ووالله بكلامك شكرا لك ولوجودك سلامي واشواقي الخويطري |
|
|
|
|
03-12-2004, 18:33
|
#14 |
|
عضو شعبيات
|
رد : حنـا شرفنـا مانبيعـة بالاطـمـاع
صحيح: لاقيل الشرف غالي وماله مثيل بيض الله وجهكك ياسعوووود سلااااامي |
|
|
|
|
09-12-2004, 17:06
|
#15 |
|
عضو شعبيات
|
رد : حنـا شرفنـا مانبيعـة بالاطـمـاع
حيااااك الله يـ ساقي الضمايا ولاهنت ويامرحبا بك وبردك وتعقيبك وتواجدك الطيب سلامي واشواقي الخويطري |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
