[محمد السالم]

	حمد العيطلي المري عاش في النصف الأول من القرن الثالث عشر هجري لا يعرف له تاريخ مولد أو وفاة أمضى عمره بدويا في الربع الخالي ويقال بأنه لم يدخل أي حاضرة حتى وفاته وكانت من صفاته التي تحدثوا عنها الرواة بأنه رجل أغلب وقته يعيشه بعيد عن التجمعات وكذلك وهبه الله صفة نادرة وهي أنه يجري مع الخيل إذا جرت ولا تسبقه حتى أنه يقال بأنه معظم صيده للأرانب كان يلحق بها على قدميه . شاعر متمكن سارت بأشعاره الركبان أحتى أن له قصيدة يقال بأن الملك عبدالعزيز رحمه الله كان يرددها على بعض جلاسه لأعجابه بأحد بيوتها الذي كان يقول فيه "ياوجودي وجد من حط معروفه وضاع = بين بوارٍ ومن بين جحّاد الجميل " كان المبتدئين في الشعر يضربون له كباد الإبل حتى يقيم قصائدهم أو يوجههم لا يحفظ لهذا الشاعر إلا القليل لقلة التدوين ورحيل الرواة من قصائده ياوجودي وجد من حط معروفه وضاع = بين بوارٍ ومن بين جحّاد الجميل أو وجود اللي ورد له على تسعين باع = عدّوا النزرين ذوده وهو ربعه قليل أو وجود اللي فقد ماقف القرم الشجاع = محزمه في الضيق وأن جاه مختلف الشليل أو وجود مدوّر بكنّة الجوزا ضياع = أنثنى طرادها بعد بار به الصميل أو وجود صغيّرا فاقد حلو الرضاع = ماتت أمه والمنايح حلال القوم حيل لا بعد يشرب من الما ولا ياكل متاع = كل ماهزوا مهاده يطنّب بالعويل من مفارق واحدا حط في قلبي رقاع = كل مطلب رحمته قال لي خلّك ثقيل تضحك الدنيا بعينه وانا عيوني جياع = حظّه بصفه كريم وانا حظّي بخيل يستطيع يعيش دوني وانا مالي ستطاع = مابقى بيّ كود روحٍ على عودٍ هزيل بيني وربعه من الحرب ماسعّر وشاع = كل مانوّي مجيّه تداعوا بالصقيل واتراجع خوفة السلم يلحقه انقطاع = نذر ؛ لولا خاطره يعرفوا ماني ذليل مع أن شاعرنا لم يقرأ ولم يكتب ولكن في هذا النصّ تظهر لنا قدرته العجيبة فهو كتب القافية على حرف "الضاد" ولم يخلط بينها وبين حرف "الظا" مع أننا نرى في زمننا هذا شعراء يخلطون بين الحرفين في القافية فوح صدري فوح قدرا على الفاهين طاش= عدّت الضو الموالي وصبره مانقبض اه يا حزنٍ مكنّي ورى الأضلاع عاش = ماخذا من بعض جسمي ومن روحي بعض حسرتي حسرة ظمايا على عدٍّ عطاش = فوق جال الوقر ولا على شرعة حرض لا تعرف لها طريقا مثل باقي القراش = ولا لقت في الحوض رشفه تعيد بها النقض صرت أنا حالة مريضا على ذرو الفراش = كل ماقالوا تشالا يرد به المرض من سبايب واحدٍ ضحكته لمعة قماش = لي معه ذكرى قديمه وانا لي بع غرض بنّة ثيابه زبادٍ مصفّاً في غراش = تنصلّ بصدري خناجر ليا منّه عرض له أيضا ألا واهني الطير لا من تضايق طار = وغادر مكانٍ فيه تلوي به الضيقة وانا لي شهر محتالت الرجل للمسيار = ولا شفت شي يطرب القلب ويفيقه يجر الونين بميلة الفي للأساحر = وإلى بان نور الفجر ضجّت معاليقه عيوني مخيلة ماوقف وبلها المطار = وصدري حبوس وثقوا به مغاليقه على واحدٍ قفّت ظعونه مع المعبار = ولا لي نصيبٍ يلحق الظعن ويعيقه سقى الله زمانٍ عادنا في العيون صغار = ولا هالزمان اللي بلتنا مطافيقه سقيته صدوق الودّ من خافقٍ مدرار = وهو ماعطاني رشفة من حلا ريقه له أيضا تحنّ الخلوج وتزعج الصوت بالونّة = وانا وسط صدري ونّة صوتها خافي على غيدها تخلج معا لاهب الكنّة = وانا ونتي ياخلج مشتاي مصيافي على واحدٍ لامن ظهر للعرب كنّه = مطاليع بدرا في مسا ليلة صافي تقارع ضلوعي له ؛ مثل قرعة الشنّة = لبسني غلا وصار لي مشلحٍ ضافي احبّه ولا لي فيه جودٍ ولا منّة = وهو مثل مانا خابره بالوعد وافي أذبّ الطويل بحارق الدّمع وادنّه = ليا من طرالي بُعد جده من أسلافي عليه السلام إذا وقف سايري منّه = وعليّ الملامة كان غيرت ميقافي رحم الله حمد العيطلي لقد كان شاعر يستحق الإحتفاء

[عاشقة شعر البدر]

اخي محمدالسالم

احببت ان اضيف هذا البيت لقصيدة( ياوجودي)
واصطبر منه الى حـل فـراق الـوداع ... مثل صبر عمير من صاحبه وقت ٍ طويل

وهذي القصيده ارسلها العيطلي لشاعر:عمير بن عفيشه الشهواني الهاجري وللمعلوميه حمد العيطلي هو ولد خال لبن عفيشه
سمع الشاعر عمير بن راشد ال عفيشه التي ارسلت له من قبل ابن خاله ورد عليها في هذه القصيده

ما جداه إلاالزهم يوم شاف أبله تصـاع ... ما معه ربعٍ يوطون سـو اللـي يعيـل
واعزتا لي جسم حالي من الهم استصاع ... من هوى زين التواصيف منسوع الجديل
قد نسيته يابن خالـي وخليـت الـولاع ... من جميع البيض وامحنت قلبي بالعويل
ياحمد لا بد عقب المفـارق الاجتماع ... لا تبيح بالعـزا يـوم فارقـت الخليـل
كون دمعك هل واوحيت قلبك يوم زاع ... يوم قال استر على ماوزاك يا الوكيل
رحت من خللك بسوق المشاري والمباع ... واقف ٍ ما نلت من وقفته عنـدك ذبيـل
ما براك الا التهجي بشوفه كـل سـاع ... لا بغيت تسج قل ياولد عمـر ٍ سبيـل
كانها ضاقت عليك المناهيـج الوسـاع ... ما تضيق إلى على الآش وصحيـب الذليـل
قم ترحل فوق ما تطوي البيـدا ربـاع ... منوة الطارش تبوج الريـادي بالهذيـل
لاوطت بالحزم قلت انها بارض ٍ خشاع ... كنه ضايمها الى درهمت حمـل ٍ ثقيـل
در عليها الكور وانت البخيص بكل قاع ... وانت راعي الشف وانت المعنى والدليل
وشكرا على الطرح

[محمد السالم]

شكرا لك سيدتي الفاضلة على الإضافة

وسعيد بالتأكيد بكل ما قدمتي