[ناصر آل مداوي]

لي قصيدة بسّ والله غير عن كـلّ القصيـد=ألقصيـد يلـمْ بِيـوت وهـيّ بيـت يلمَّهـا
كيف؟.. مدري.. لكن ان ذا العلم يالمحتار اكيد=تختلف حتـى بعَـد في شكلها.. فـي دمَّهـا
لو كتبها شاعرٍ شاقي صبـاح امسـى سعيـد=وبين صبحه والمسـا يرسـم معالـم ضمَّهـا
لو شرقها صبح عادي صار كنّه صبح عيـد=لو سمعها عاشقٍ عن ظهـر قلـب يصمَّهـا
لو يراها شاعرٍ مبـدع يطيـر بهـا وْيشيـد=لـو قراهـا ناقـدٍ لا يمكـن انْـه يذمَّـهـا
لنّهـا غيـر القصايـد.. لنّهـا عقـدٍ فريـد=لنّهـا متميّـزة حتـى بعَـد فــي همَّـهـا
ما تحبّ الحـرف اذا ماحبـره بْـدمّ الوريـد=كيفها الصدق وعـدد وبـل المخيلـة كَمَّهـا
شايمة عن كلّ شيٍ مايضيـف لْهـا المزيـد=شامخة مثل الجبال اللـي السحـاب يضمَّهـا
تحتوي كـلّ الجماليّـات.. ويـذوب الجليـد=من سنا حرفٍ يزيـد بْهـا.. وكحلـة يمَّهـا
يستطيب السمع لا لـوّح ثغَرهـا مـن بعيـد=والعمـا تذبـل وروده والعـيـون تشمَّـهـا
القصايد كثر حبّـات الرمـل فـي كـلّ بيـد=بسّ ذي لو ماتبـي غصـبٍ عليهـا تْأمَّهـا
كاملـة والكامـل الله خالـق اسيـاد وعبيـد=تمّها اللـي كلّنـا لـه.. مانـي اللـي تمَّهـا
هي جديدة بسّ انا من عام ما قلـت الجديـد=يعني افهم مانـي اللـي خـاط بيـده كُمَّهـا
كيف؟.. ماهي صعبة ولا هي بكلمة من حديـد=شاعـر ولكـنّ ذي بالـذات مانـي يمَّـهـا
لغز ماهو لغـز لا تتعـب ولا تزيـد وتعيـد=واضحة مثل الحـروف اللـي تنـام بفمَّهـا
.=.
.=.
.=.
باختصـار وتالـي العلـم المُوثّـق والأكيـد=(ألقصيدة) حلوتي في (بيـت) ابوهـا وامَّهـا

[سالم بن جلعان]

الله الله يا ناصر ...

نص جميل من شاعر اجمل ...

فكره رائعه واسقاط جميل ...

نقلتنا مع قصيدتك الفريده من موطن جمال لآخر ..

حتى اصلتنا لما تريد ... ومن تحب

لك كل التقدير على هذا النص

تحياتي

اخيك

سالم بن جلعان

[سعيد المري]

ناصر ال مداوي

صح نبضك وبوحك ... تقبل مروري المتواضع

[نآصر بن حسين]

باختصـار وتالـي العلـم المُوثّـق والأكيـد ال
(ألقصيدة) حلوتي في (بيت) ابوهـا وامَّهـا


ناصر ال مداوي


حفظك وحفظها الله ..
وهذه الباسقة


صح لسانك




نَ

[نورة العجمي]

باختصـار وتالـي العلـم المُوثّـق والأكيـد
(القصيدة) حلوتي في (بيـت) ابوهـا وامَّهـا

ناصر آل مداوي
صح لسانك وروحك
اتحفتنا بجمال هذه ( الحلوه ) المحبوبه
حقها ان تختال بنفسها
وحقنا ان نختال بحضورك ووجودك بيننا في شعبيات
لا خلا ولا عدم
منتظرين تواصلك الدائم
فأنت شاعر رائع نحرص عليه

كل الود والورد

[نوف الثنيان]

باختصـار وتالـي العلـم المُوثّـق والأكيـد
(القصيدة) حلوتي في (بيـت) ابوهـا وامَّهـا
.
.
ناصر آل مداوي ..
صح قلبك ..
باختصـار هي قصيدة رائعه
كما عودنّا بوحك / قلبك / شِعرك ..

تحية وتقدير .