[ابونوت]

مساكم ورد ياهل المحاورة

ما عندنا القدرة على الاحتراف ولكن عندنا الرغبة بالمشاركة فقط

يامرحبا ترحيبة جتكم من الجيل القديم = ترحيبة ريح الندى لم العموم يسوقها
يا صاحبي خربوش ُدوجْ من البدعية للنسيم = عطني سواليف الرجال ووش لقيت فروقها؟

[راعي غنم]

خذ الرد طال عمرك وعسى يعجبك






بقيت ياراعي الوفاء والطيب والقلب السليم ****اثرك تدوِِِّر للعلوم اللي لزوم انقولها


انا افتهمها طايره وانت الذكي منت الغشيم ****خل البضاعه البايره ماخذتهامن سوقها

[ابونوت]

ارحب يا راعي غنم وياهلا ومسهلا وابرك الحزّات وابو زرفيل حقه فالبايت مهوب فالفايت


استلم الله يعطيك العافية



ماكان قصدي وارد الالفين والله العظيم
...................................ودي بها تحت العسل والا العسل من فوقها

لاشفت براق الحيا شديت والمعطي كريم
....................................... مانيب ياراعي غنم مع كل درب احوقها

[راعي غنم]

استلم لاهنت :


دقه قديمه والقديمه ماتناسب للفهيم****راعي الغنم هذي علومه واستمع منطوقها



انا مضيت امسي من الحاره وقابلت اليتيم**** وعزمت اقرّب له تمورالمزرعه بعذوقها

[ابونوت]

استلم طال عمرك من الدقه القديمة



بالله قلّي وش بلاك اتحط رجلك فالجحيم ؟
............................... والسالفة مالوحت لك يالحبيب بروقها !!!

ليت القصيمي ماشقى وارتاح في وسط القصيم
.............................. اخير له من طرقةٍ ما أدّى جميع حقوقها

[راعي غنم]

استلم وانا رفيقك من ذا يكمل الحقوق:


دامي صحيح ولاوهنّ يا صاحبي مني عظيم****ديره تناسبني عزمت اسلك جميع اطروقها



ذا ما يغامر ما يجيب الفايده يبقى سقيم**** والشجره اللّي طيبه تقدر تظلّّّّّّّّّّ اعروقهـــا

[ابونوت]

زانت علومك يالغالي استلم لا هنت


منتب عدوٍ مستشر ولا صديقٍ لي حميم

................................. والعين اشوف الكحل الاسود مايزيّن موقها


غامر عسى مكسبك ماهيب المسنّة والهليم

................................. يالبندق اللي جوفها عبرود سبب عوقها

[راعي غنم]

سلمت يالنشمي واستلم:


حناهل الجزلات والهزلات ماهي لي قسيم

نهارتصبح بنت بقعا نافخه في بوقها


ماينشب العبرودوالبارودتسمع له زكيم

لكنّ كم شفنا رجال(ن) ناشبه بحلوقها




(ن) هذي النون ترمز للتنوين

[ابونوت]

استلم يا طويل العمر

المدح هين دام ما نعرف جهينة من تميم = يالبدرة اللي ينضح الما من وساع شقوقها
سرحت اعسس للربيع وشفت لي مرعى ٍ وخيم = وانا هوايه روضةٍ يشوقني زملوقها

[راعي غنم]

استلم لا هنت:

في بنغلادش ما عرفنا وش نسبهم يالوسيم***حتى القبايل ما عرفنا شكل موسم نوقها


لاتلتفت وتحيد وانت الدرب قبلك مستقيم*** تبقى المثايل لهلها ما هي معا مطفوقها

[نواف الشمري]

الله عليييكم ..


محاوره جاااامده // جااامده ..


متابع معاكم من البدايه ..


تسلم ياابو نوت .. مبطين والله عنك هنا

راعي غنم .. ماشالله عليك .. ماقصرت والله


واصلوا


.

[عبدالله البكر]

.














يا قلبي ويني عنكم أنا بس .. !!


اللييييييييييييييل ..




واصلوا يالربع وأنا متاعبع وماسك ٍ صف خالي بونوت ولا يهون راعي الغنم ..



شعاااار كبااااار وربي ..





.

[ابونوت]

ياهلا يانواف وياهلا ياعبد الله متابعتكم شرف الله يسلمكم

عسانا نكسب رضاكم وحياكم

تحياتي لكم

[ابونوت]

استلم طال عمرك يا غالي وانا سعيد بلعبي معك



صحيح هرجك جعل من جابك لجنات النعيم

..................................... اخذ الهديّة يا وسيع العرف في صندوقها


وان طعتني هوّد ولا يلعب بك ابليس الرجيم

.................................... يالحيّة اللي مالها نيبان وسط شدوقـــها

[راعي غنم]

شكرا اخي نواف وعبدالله على مروركم على المحاوره
وتعيش يا صاحبي واستلم لاهنت:


ان كان ودّك بالسهاله فالسهاله للحكيم*** مانتبع الشيطان مير الحرب زايد شوقها


لاتحسبون النمريتكاودمن العود اللّحيم*** حمر الدماءفي مخلبه والناب عاشق ذوقها