[محمد الدحيمي]

الرسالة الأصلية كتبت بواسطة فهد اليامي

ارحب بابو بدر تراحيب مليون واكثر من المليون

والله يابو بدر العذر من الله ثم منك كلمني ابو حمد تالي الليل ولا ني بحول النت ولا قدرت ادخل على الموقع

لكن الشباب فيهم البركه ماقصروا قاموا بالواجب

وانا في صفك من غير قصور في الشاخوفه

وخولو غازي في خير

تراه من الجماعه
ههههههههههههههههههههههههههه


وابشر بصف من الدمام الين وادي ابن هشبل

الا ارحب ارحب انت يافهد ملايين
والله ومليون ونعم وكفو ياعصابة راسي بيض الله وجهك
وافي ورايتك بيرق واتشرف بك يافهد والله
شاعر كبير وانا اتشرف اني من متابعين محاوراتك
لاخلا ولا عدم

[محمد الدحيمي]

الرسالة الأصلية كتبت بواسطة (ظافر الشهري)

أرحب يا ابو بدر...حي والله ذا الطله
متابع وعساكم على القوه

وأنــا في صفك يا بو بدر ولا يهون الشاخوفه..................

اررررحب يابن عمي ملاييين
حي ذا العين وذا الفال يابو عبدالرحمن
تشرفت بك ياعصابة راسي

[الشاخوفه]

حيا الله أبو بدر وحيا الله الصفوف .

اقصد الصف يوم كلكم جيتوا مع ابو بدر وخليتوني لحالي .

وأعتذر يابو بدر عن التأخير لأني ما دريت بالمحاوره الا اليوم العصر ولا امداني على النت واستلم طال عمرك

حي الصفوف وحي حي آشوفه
ـــــ وضيوفنا نوره معاها الجازي

ان شفت غازي فأضربه بالطوفه
ـــــ لو كان علمه واصلن للرازي

[نورة العجمي]

الله الله
واصلوا ياشعارنا ومتابعينكم
شعراء كبااااااااااااااار
ومرحبا بالشاخوفه
الله يسعدكم جميعا اسعدتونا بجمعتكم الله يديمها بالخير والمسرة

[محمد الدحيمي]

اررررررحب يابو محمد
استلم طال عمرك

غازي على الطوفه يصك كفــوفه
ـــ وانت الشيـوعي تحسب انه نااازي

بيروت شرهتها على اهل الكوفه
ـــ شرهة هل الكوفه على الأهوازي

[الشاخوفه]

استلم يبو بدر وتراني فدائي


قالوا حكيمه .. قلت أنا .. ملقوفه
ـــــــ ماني شيوعي .. وأكره الجمبازي

رزقٍ وراهم .. ما عليه .. حسوفه
ـــــــ من يوم سمّوا شِعرنا .. فانتازي

[الجازي]

.


ياصباااح الشعر والمحاورات الرائعه بين الشعراء الكبار و اللي تشعل الحماس

حي الصفوف وحي حي آشوفه
ـــــ وضيوفنا نوره معاها الجازي

شاعرنا الدحيمي كني باهوّن واصير بصف الشاخوفه يوم حط الجازي في ابياته
<- مبسوطه أسمها دخل التاريخ مع محمد الدحيمي والشاخوفه وغازي

الدحيمي والشاخوفه ثنائي ولا أروع
صحت السنتكم

وعيننا على الميدان هاليومين اكثر من البوح ومواسم

الله لا يحرمنا هالتواجد والتواصل مع شعبيات

متابعين

.

[يزيد بن غشيّان]

الله الله شعار كبار و محاوره ولا اجمل مبنى و معنى
انا متابع بين الصفوف عساكم على القوه

[أحمد الديهان]

.





يا سلام يا سلام ..


حي الله الشاخوفه

الحمد لله على السلامه ..


والصف ازهله طال عمرك ..،، انا معك ولا يهون ابو بدر ..



واصلوا واصلوا يا مال العافيه ..





.

[فهد اليامي]

غازي على الطوفه يصك كفــوفه
ـــ وانت الشيـوعي تحسب انه نااازي

بيروت شرهتها على اهل الكوفه
ـــ شرهة هل الكوفه على الأهوازي

يادافع البلا

الدعوى فيها كوفه واهواز

ابو بدر

والله خوفتني انا كنت احسبك شاعر نظم واثرك مانت هين في النظم والمحاوره


قالوا حكيمه .. قلت أنا .. ملقوفه
ـــــــ ماني شيوعي .. وأكره الجمبازي

رزقٍ وراهم .. ما عليه .. حسوفه
ـــــــ من يوم سمّوا شِعرنا .. فانتازي


الشاخوفه

حرام عليك والله اني المعجبين في شعرك ولا يهمونك اللي صف الدحيمي انا بخرب صفه واجي في صفك

واصلواااااااااااااااااااااااااا

وحنا متابعين

[محمد بن حليلان]

متابعين والله لا يهينكم شعار من الوزن الثقيل ..

ومحاوره من نفس الوزن وأكثر شوي..


وعساكم على القوه..

[صالح العبدالكريم]

حي القصيد
متابعين

وانا بصف الشاخوفه
ولا يهون ابو بدر <<



لا تبطون

[محمد الدحيمي]

مساء الخير للجميع
الليله عندي احساس انا بنكملها عالهواء انا قاعد هنيا للصبح الله لايعوق بشر
استلم يابو محمد


الاّ على طاري الشعر ووصوفه
ــــ يقولون لي تبغى تحل ألغازي

شوري تبيع البندق المهطوفه
ــــ مادمت لا انت مجاهد ولا غازي

[نايف سعود]

الله الله شعار كبار ومحاوره فاتني أولها لاكن سجلوني متابع للأخير ونا في صف الشاخوفه مادام خليتوه لحاله وكل أبوبدر بركه خلانا نشوف ناس في الميدان كانو مقاطعينه على القوه أن شاء الله ولكم تحياتي وتقديري

[محمد الدحيمي]

الجازي اتحداك ماتقدرين
هلا بك ومشكوره عالمتابعه



يزيد بن غشيان
هلا بك ومشكور عالمتابعه





احمد الديهان
ولاتهون هلا بك ومشكور عالمتابعه




فهد اليامي
اثر هذا الصف اللي تقول من الدمام لا وادي بن هشبل يامال الصلاح
عووذه اشوى اني ماتحزّمت بك
هلا بك ومشكور عالمتابعه




محمد بن حليلان
هلا بك ومشكور عالمتابعه




صالح العبد الكريم
ولاتهون هلا بك ومشكور عالمتابعه