[رشيد الروقي]

	السلام عليكم ورحمة الله وبركاته تعتبر هذه المصافحه الاولى لي في هذا الصرح الشامخ وهي قصيده من الارشيف وأتمنى أن تنال على قيللا من الاعجاب يالله ياللي فوق الأكـوان عالـي =تفرج لقلب (ن)فيه سبعين علـه مما لجا بالقلـب مارتـاح بالـي =حتى ولو وقتـي وناسـه وفلـه بأسباب من ولع على القلب صالي =الصاحب اللي بالضمايـر محلـه راحو به الـي جعلهـم للزوالـي =ناسـاً تفـرق بيـن خلاًوخلـه ناساًتخصصهم لقطـع الوصالـي =وهرج القفا دايـم تـرى ماتملـه ولاحبيبي هو تـرى راس مالـي =هو بدر من بين النجـوم المطلـه راع أشقراًمن فوق الأمتان مالـي =وراع العيون اللي هدبهـا مظلـه وعليه عنقاً مثل عنـق الغزالـي =وعليـه خداًجامـع النـور كلـه لأقـول براقاًسـرى بالخيـالـي =ولأقول نجم نـور الكـون جلـه لااطرى علي ولاذكرلـه مجالـي =الدمع من عيني على الخد اهلـه يفدونه اللي في جنوب وشمالـي =ويفـداه منهـو قـال بالله خلـه ولكن كذا الدنيا وسـود الليالـي =تفـرق الأحبـاب دنيـا المذلـه ولكم كل الشكر والتقدير أخوكم / رشيد الروقي دمتم بخير

[محسن سبعان]

وعليكم السلام ورحمة الله وبركاته ،
وارحب يا رشيد ، وصحّ الله لسانك على هذه الأبيات الكلاسيكيـّة !

لا قول برّاق ٍسـرى بالخيـالـي
ولاقول نجمُ وْ نـوّر الكـون جلـّه

[رشيد الروقي]

محمد سبعان


صح بدنك ولاهنت يالغالي

لك كل التقدير

[فايز آل بذال]

اخوي رشيد الكسر

تدري والله شهادتي بك مجرورحه للغايه

هلابك في شعبيات وسعيد بلقائك هنا
ولاحبيبي هو تـرى راس مالـي
هو بدر من بين النجـوم المطلـه
راع أشقراًمن فوق الأمتان مالـي
وراع العيون اللي هدبهـا مظلـه



صح الله قلبك الين ترضى



اخوك