29-08-2010, 15:20
|
#1 |
|
مشرف الرحلات البرية والسياحة
|
يوم رمضاني في النفود ( فطور و سحور )
السلام عليكم ورحمة الله وبركاته يالله ان تحييهم كلن باسمه  والله اني مشتاق للجميع مير الظروف من تالي ماتساعد الواحد يتواجد على النت الا ماندر وعز اني مقصر من تالي بالحيل مير العذر والسموحه الواحد هاالايام مدري وش الله يقولبه معاد يدري يديرها من وين والا وين هذا وحنا مابعد وصلنا لااربعين ابو مقبل  والا جنوب ابو بدر وعاد هذي طلعه خفافيه قلنا مبطين عن البر ومبطين عن الطلعات وساعة الصدر وفرصة مير نشوف الربع ونصافحهم بهاالموضوع البسيط ونقول لسلطان مسيت بالخير وترا رمضان خلص ولا شفنا شي  وسلمي لعلي التركي واقول مره عقب هاك المحشي ماشفنا شي ( ماودي اقول بيضة ديك )ولمشرفتنا وعضواتنا الا الحين وحنا نترقب منهم شي لو وشلون يلفون السبموسه والى يصلحون لقيمات ( صورة وحده اول مره يتصل على برنامج في الرادوا )طبعا وكالعاده نظام الطلعه الى جاهز يطلع ويدور له مكان ويصير بينا الكنود والى الجوال طلعت قبل الاذان تقريبا قبل ساعتين على مااجهز العده واجمع شوي حطب  هذا عاد اهم شي الزيت يحمى والقهوه    والبدايه كانت مع السمبوسه  همن عاد يلحقها البطاطس  وهذا عاد قبل الاذن اجتمعوا الربع الى وكل جايب معه شي الى جاهز والى حلا والى عصير  وهذي عاد الجلسه وهالترامس تبين ان الصيف شاد حيله   وعقب الفطور والصلاة والتراويح تزين شبة النار والشاهي  وهذا ضيف مسير على ريحة الدسم  وبدينا عاد في صنتعة السحور على الساعه 2 ونص تقريبا وكبسه حاشي من الفقار وش خليت وشوي شحيمات مع الحمسه  اخر تعديل كان بواسطة » مقدور في يوم » 29-08-2010 عند الساعة » 15:34. |
|
|
|
29-08-2010, 15:28
|
#2 |
|
مشرف الرحلات البرية والسياحة
|
رد : يوم رمضاني في النفود ( فطور و سحور )
وتقليب اللحمه شوي مع البصل والبهار  وعقبها عاد حط الماء واكتمه ل 15 الى 20 دقيقه حسب كبر الحاشي  والا استوى اللحم وصار ماودك تذوب اللحمه والى صار القدر ماياخذ الرز واللحم جميع  همن كب الرز عقب طبعا مايغسل وتسانك عجل مهب لازم  واقصر عاد على القدر وخله ربع ساعه همن انكب طبعا يصير باقي لنا المرقه من عقب اللحم للي بيتمرق  وهذي الكبسه وحياكم  والله الله لا تبخلون علينا بعلومكم وبشغلكم برمضان حتى لو بالحوش وتقبلوا خالص الاحترام والتقدير لكل مر من هنا  |
|
|
|
|
30-08-2010, 03:15
|
#3 |
|
أبو تركي / شاعـر
|
رد : يوم رمضاني في النفود ( فطور و سحور )
( وسلمي لعلي التركي واقول مره عقب هاك المحشي ماشفنا شي ( ماودي اقول بيضة ديك ) ) هههههههههههههههههههههههههههه مقدور ابشر لكن مثلك خابر صوم وعج وحر !! تو ما جينا مفطرين بالنفود ومتعشين هناك ( عشا سحور ) يالله من فضلك يا نفود الزلفي جمال ونظافة وسعة صدر لكن والله دفننا العج دفن بصراحة الفطور نشيله من البيت خفايف ( بدون دسم ) والباقي نسويه هناك . طلعكم شكلها رائعة والصور والطبخ وش خليت مقدور وبس بس رمضان قرّب يخلص ونشوف بعده الله يسهل الا مقدور متأكدين من الوقت قبل تفطرون  اخر تعديل كان بواسطة » علي التركي في يوم » 30-08-2010 عند الساعة » 04:24. |
|
|
|
|
30-08-2010, 03:22
|
#4 |
|
عضو شعبيات
|
رد : يوم رمضاني في النفود ( فطور و سحور )
ماشاء الله الله يديم عليكم هالجمعات الحلوة بس الضيف اللي مسير يخوووووف  |
|
|
|
|
30-08-2010, 06:29
|
#5 |
|
عضو شعبيات
|
رد : يوم رمضاني في النفود ( فطور و سحور )
وعليكم السلام .. ويا اهلين وسهلين ومبارك عليك العشرواحب اقولك عبر موجة الرادو حقتك انهم كلهم مزدين فيك شف نفسك وشف مواعيدك  بس يشفع لك هالموضوع ياخي حرر ونفود ؟ كملت الزيت بايت وين البلديه عنكم ؟  وبدون قلفز ؟ { لغير الناطقين قفازات - دسوس }بتروح وطي لو يمرك فراس واعوانه هههههههههههههههه وبعد مفطرين قبل ما تغيب الشمس يعني يبي لكم قضى يوم<< الولد ما يفطر الا لما تظلم الدنيا هههههههه يعني بتقنعني ان شغلكم كله دسم وجت عليه ؟ دجاج ويخب والي في الكاتم صور من النت بس اشوى صرت قرم وكفشتها ولا كيف بنشوف هالموضوع << هذا همك بالعافيه عليكم ومن حينك وانت اجودي وراعي الزينه  ربي يديم علينا هالنعمه وتعيش وتكشت وكل عام وانت بخير |
|
|
|
|
30-08-2010, 08:44
|
#6 |
|
الدانه بنت عبدالله
|
رد : يوم رمضاني في النفود ( فطور و سحور )
احد يكشت في عز الصيف  لاوبعد في رمضان والله انكم عجيبين وغريبين ياأهل نجد  وعقب ماشرف ضيفكم يمه يمه ..كملتو وطبختو ماءشاءالله عليكم الله يعطيك العافيه اخ مقدور ..وعزالله انك فله وراعي كشتات.. والله الله مابقى شي على موسم القنص لاتخلونا من الحباري والارانب وكل شي ٍ زين. مشكور مره ثانيه ....... |
|
|
|
|
31-08-2010, 05:23
|
#7 |
|
مشرف الرحلات البرية والسياحة
|
رد : يوم رمضاني في النفود ( فطور و سحور )
 إقتباس  الرسالة الأصلية كتبت بواسطة علي التركي   ( وسلمي لعلي التركي واقول مره عقب هاك المحشي ماشفنا شي ( ماودي اقول بيضة ديك ) ) هههههههههههههههههههههههههههه مقدور ابشر لكن مثلك خابر صوم وعج وحر !! تو ما جينا مفطرين بالنفود ومتعشين هناك ( عشا سحور ) يالله من فضلك يا نفود الزلفي جمال ونظافة وسعة صدر لكن والله دفننا العج دفن بصراحة الفطور نشيله من البيت خفايف ( بدون دسم ) والباقي نسويه هناك . طلعكم شكلها رائعة والصور والطبخ وش خليت مقدور وبس بس رمضان قرّب يخلص ونشوف بعده الله يسهل الا مقدور متأكدين من الوقت قبل تفطرون   ياحي الله علي مادري عنكم بالزلفي اما عندنا نسانيس في الليل انك تستدني اللحاف مااكفك شبة الضو وبعدين عطنا علومك لو من وارء العج منب مخالفين لو الصوره مغبشه والى العدسه جايه ترميل (حشى وجهية موتر )وحنا والله عندنا ديمقراطيه الى بيجيب جاهز يجيب ومهب جايب بكيفه والى فيه شده يطبخ ووقت الفطور لا تنشد ماخرين دقيقتين عن الشكه |
|
|
|
|
31-08-2010, 09:39
|
#8 |
|
شاعـرة
|
رد : يوم رمضاني في النفود ( فطور و سحور )
الله يعطيك الف عافيه شيف مقدور .. من يومك طباخ لا يعلى على طبخاته وكشتاته ووناساته البرية .. بس الله يخليك ثاني مرة لا تصور الضيوف المزعجين .. جوعتونا حرام عليكم .. اللهم اني صائم .. |
|
|
|
|
31-08-2010, 14:44
|
#9 |
|
شــاعر
|
رد : يوم رمضاني في النفود ( فطور و سحور )
إقتباسالرسالة الأصلية كتبت بواسطة مقدوراما البراد هذا ياهو اكل من النار لين قال بس وبعدين شكله يندفن لين عروته فالجمر تصدق ياعزيزي مقدور ان احسن شاهي اذوقه في البراد الاصفر خاصه ان كانها متعرضته يد النجر مع جنوبه وعروته رايحةٍ من النار كنها ورق عنب اما الصحن فشكله قد طاح من السياره وانتو سارين والا تكسرون العظام على حروفه تبون المخ اشوف علامات الجوده على اطرافه يسعدك ربي ياكنق وناسه ونفود حمر يفتح النفس لاتطول علينا بمثل ذالنمونه اخر تعديل كان بواسطة » سعيد بن مقبل الأكلبي في يوم » 31-08-2010 عند الساعة » 14:49. |
|
|
|
|
31-08-2010, 14:56
|
#10 |
|
شــاعر
|
رد : يوم رمضاني في النفود ( فطور و سحور )
إقتباسالرسالة الأصلية كتبت بواسطة مقدورهذا وحنا مابعد وصلنا لااربعين ابو مقبل والا جنوب ابو بدر هههههههههههههههههههه هين هين عقبالكم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
