14-11-2003, 17:41
|
#1 |
|
شـــاعر العثمــانيـــات
|
ليلة القدر ... واشياء اخرى
[poet font="Simplified Arabic,4,purple,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] يقـولون الشهر روّح واقـول إنّه بقى ليله = بها ينزل إله الخــلق يسمع دعـوة الداعي نـزل فيهـا كتـاب الله بمحكم آي تنزيله = على سيد البشر للناس ينقذ جهـل الاوضاعي وبها ينزل ملائـك يكتبوا للعبـد تسجيله = اجـل وارزاق واقـدارٍ بأمر الخالق الراعي سـلامٍ طول ذاك الليـل نورالله يوضي له = ومع الاصباح شمس الكون نورٍ دون اشعاعي الا وينـك ياعبد الله كفـاك العذر والحيله = ترى فرصتك هالليـله مدام إن العمر ضاعي تعـال وكمّـل صيامك بتكبيره وتهـليله = تعال اطلب من اللي باب رزقه مشرع اشراعي تعـال وكفّـر ذنوبك كفى بالنـوم تطويله = تعال اقرب من اللي ما يبيك لزود الاطماعي ترى دنياك لو ضحكت وموتك طال تاجيله = مصيرك راحل عنها ذهاب ما به ارجاعي الى دنيـا الخلود وكل من يرحل وتحصيله = الى الجنّه او النيران بـلا جـاه ولا اتباعي حبيبي طـالت الغربه علينا كم مضى ليله = وكم اسنين والأمّه تعـاني كسر الاضلاعي نبي نصف القمر يظهر نبي حـلم وتأويله = نعيش الـوقت في ذلّه فمجروحٍ وملتاعي تحاصرنا جيوش الكفـر توراته وانجيـله = ويحاصرنا الجهل بالدين وفكرٍ زادنا اوجاعي انا ما همّنـي طيـرٍ يحسبه من ابابيـله = انا همي بصقـارٍ يدز الطير لافزاعي خـدع طيره بلبس الدين وتحريمه وتحليله= وزاد الليـل فرقنـا لاحزابٍ واشياعي كفانا ما حصل منه كفـانا زود تضـليليه = كفانا راسنا بالارض كفانا دجل وخداعي غدينـا كلنا نطـارد من افعاله واقاويله = مسمى ارهاب يطردنا ولا نملك له ادفاعي حبيبي ابتدا شكّي ولو هو صعب تدليله = ولكن من مواريها اشوف الشك له داعي احس انا ضحايا جهل بالصقـار وتبجيله = اخافه يخدم الموساد ولو هو بالعقل واعي واذا هو طاهر مخدوع ما يدري رجاجيله = وهم اذناب للعـادي ورا ظهره ولا يراعي حبيبي والغـرام اكبر ولا يحتاج تفصيله = تعال بليلة القـدري لرب البيت والراعي الا يالله تنصرنا على من طـالنا ويـله = وتكشف دين من حطّـه وسيلة ستر وقناعي يبي تفريقنا نقتـل بعضنا بفعـل تمثيله = ولا يكفيه ما وصلنا من الحقران واخضاعي انا ما نيب ضد اصلاح ابي هاليوم تعجيله= ولكن بالعقل وحده يجي من بعد اقنـاعي فنهر الـدم يجلب دم اذا من انطـلق سيله = يشيل الكل في دربه بلا تمييز للقـاعي [/poet] |
|
|
|
14-11-2003, 18:04
|
#2 |
|
شــاعـر
|
السلام عليكم ,,, اخوي عثمان العبدالله اتعبتني يا رجل على هونك علينا شوي ,,كبير يا عثمان والله كبير اختيار موفق وكلام طيب والله يجزاك كل خير صح لســــــــــــــــــانك ولاهـــــــــــــــــــنـــــــــــــت تقبل اسمى تحياتي اخوك : صالح الحربي |
|
|
|
|
14-11-2003, 19:46
|
#3 |
|
عضو شعبيات
|
الاخ الكريم عثمان العبد الله صافحت هذه القصصيده هناك وساصفحها هنا ايضاً لاني أجد قصائدك تنقلني الى عالم اخر عالم لم اعهده من قبل عالم يشع بنور النصيحه والنقاء ابياتك حكم تجلى لنا من خلالها قربك من الله في حسن انتقاء مفرداتك لن اشير الى الابيات التي اعنيها فمن سيقرأ بتمعن سيفهم البعض استخدم اللعن بدافع الحماس ومانحن سوى بشر لايحق لنا الطر د من رحمة الله اما انت استاذي فلك دعوه قلبية صادقه بجزاء من رب العالمين وان تظل تتحفنا بهكذا ابداع أختكم الفقيره لعفو ربها ظمأ ثهلان |
|
|
|
|
14-11-2003, 19:49
|
#4 |
|
رفيــق الحــزن
|
انا ما نيب ضد اصلاح ابي هاليـوم تعجيلـه ................................................. ولكن بالعقل وحده يجي مـن بعـد اقناعـي فنهر الدم يجلـب دم اذا مـن انطلـق سيلـه ................................................. يشيل الكل في دربـه بـلا تمييـز للقاعـي اخوي عثمان العبدالله صح لسانك مليووون وجزاك الله الف خير .. قصيدة روحانية رائعة ادامك الله .. اعاننا الله واياك على صيام هذا الشهر وقيامه وجعلنا من المقبولين ان شاء الله .. وحفظ الله هذه البلاد حكومة وشعب من كيد الكائدين .. تحياتي . |
|
|
|
|
14-11-2003, 22:31
|
#5 |
|
شــاعـر
|
الطاير المهاجر الله يسعد صباحك والله وهلا وبالابداع العثماني العذب والله مشاعر رايعه صح لسانك على كل كلمه وكل حرف د ولله درك على هالبوح الروحاني الجميل ولك من اخوك نمر العتيبي صادق الود والاحترام |
|
|
|
|
15-11-2003, 19:49
|
#6 |
|
عضو شعبيات
|
صح لسانك ياعثمان على هالقصيده لاهنت وتقبل تحياااااااتي: أحمد,,,,,, |
|
|
|
|
16-11-2003, 17:50
|
#7 |
|
عضو
|
عثمان مشاعر اقل مايقال عنها رااائعه صح السانك مليون في مليوووون ولاهنت كل ود اخوك محمد المليحي |
|
|
|
|
16-11-2003, 22:45
|
#8 |
|
شـــاعــر
|
الجزل الاخ القدير الشاعر عثمان العبدلله صدقني يا عثمان انك الجمت جميع عبارات الاطراء والثناء قصيده جزله جزله جزله بكل ما تحمله هذه الكلمه من معنى لا اريد ان اختار بيت معين لكي لا اخدش ترابط وجمال هذه الرائعة اكتفي: بصح لسانك الى ما تشاء....................! صح لسانك مره اخرى وجزاك الله كل خير,,, لك من اخيك فائق الود والتقدير والاحترام,,, تحياتي صالح السكيبي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
