28-04-2003, 17:21
|
#1 |
|
عضو شعبيات
|
النخــــــــــــــــــــــــــــــوة
النخــــــــــــــــــــــــــــــــــــــوة مساء الخير..... هالقصة تدل على النخوة اللي كانت عند البدو زمان اول(اللي بعده) كانت فيه بنت احدى القبائل متزوجة من ولد عمها.............. الوكاد هالبنت ماتبي ولد عمها ولا تواطنه في احد الايام(هذا اللي طلعنا به من القواعد) فارسلت لابن هذال(منديل ابن هذال) وطلبت منه يطلقها من زوجها........... فارسل الشيخ منديل لزوجها وطلب منه يطلقها......... فعيا(عيا اي ابا بمعنى اصح قال معصي لو تطبق سماها بقاعها) فتجهز الشيخ منديل للقاءه وتعنى له مع انه كان بارض الشمال وتلك القبيله بنجد.................. المهم مالكم بالطويلة فعرفت قبيلة مطير بخروج ابن هذال فخرجت للقاءه يوم خرجو للحرب قالت البنت قصيدة ............ الله يلاقي بين شوقي ومنديل ....................... بسهلة العصيبية بذيك البياحي يجيني بعلمه صدوق الرجاجيل ....................... يقولي عشيقك ياريش العين طاحي غميق صوابه يوم قاسوه بالميل ...................... ياسعد عيني يوم صار الصياحي] العصيبية الارض اللي تلاقا فيها عنزة وتلك القبيله والميل اداة كان يستخدمها البدو لقياس خطورة الجرح(تكنلوجيا) المهم تلاقا الشيخ منديل وزوج البنت ورماه الشيخ بالارض يوم طاح قاله زوج البنت يوم عرف انه ميت مابها كلام قال: تراها طالق ياعنزي قاله الشيخ :هذاك اول وضربه بالسيف ومات الزوج وترملت البنت........... القصة تدل على النخوة اخر تعديل كان بواسطة » خالد الشايع في يوم » 04-05-2003 عند الساعة » 10:06. |
|
|
|
29-04-2003, 16:27
|
#2 |
|
شــاعــر
|
مسطور العيال/ نقل رائع والله يخلي لك شيبانك اللي يسولفون عليك ... واللي مايسولفون عليك بعد  قصه فيها الكثير من الفائده وننتظر مشاركتك معنا مره اخرى لاتعبت تقبل تحياتي اخوك خالد الشايع |
|
|
|
|
29-04-2003, 17:08
|
#3 |
|
عضو شعبيات
|
مشكور ياأخ خالد
لاندمت ......... والله يسلمك ويحفض شيبانك بعد................ واتمنى ان الناس تستفيد من حكايات الماضي |
|
|
|
|
01-05-2003, 06:01
|
#4 |
|
عضو شعبيات
|
يعطيــــك العافيه يا مسطور العيال ولأهنت مليون. قصه جميله جدا جدا واشكرك على الجهد الطيب وصدقني اانا بنتظار اي سالفه ومتابع لك انشالله. تقبل تحياتي. فتى الوادي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
