02-04-2002, 11:47
|
#1 |
|
العضوية الماسية للموقع
|
ملف الشاعر / داهم العصيمي
( يوم لدت علي ببعض شئ تقوله ) يوم لدت علي ببعض شئ تقوله وارسلت عينهاالخرساوقالت ياويله وقابلتني بوجه ماخلق في شموله شامل الحسن عجزت لاتخفيه شيله انكسر ناظرني يا صاعقتها المهوله ووقف الفارس وعيت رجيله تشيله وضحكت قايله وش صاب ولد الحموله مابقالك من العالم حدن تعتزيله تحسبني لها سالي وبالصد جوله والمعنّا من الصدمه قضي كل حيله قالت اش هالبرود وويش هاذ البطوله ماقدرت انطق !!!! واحساسهاياغليله دبرت عقب خاطرها تلاشى فضوله قايله خلو الشاعر يفيده مثيله اه واقلبي اللي حطمتله قفوله وعقب ماهو عصي الراي ضيع دليله واه يالصدفةاللي عرضتني لزوله ماني بيمها والدرب مانيب اجيله الشاعر / داهم العصيمي ------------------- - - - ( 2 ) ( انا ليا شفت العنود الصافن اخم الرسن ) انا ليا شفت العنود الصافن اخم الرسن مابين كف (ن) صامل ومابين نفس (ن) رايفه وليا استوتلي طايعه روحي لخاطرها الثمن والفارس المقدام يغلى بالولع عسايفه ابسط لحافرها يساري لا يتعبها الصفن وارفع يميني قدم ناظرها غلا وازايفه وانا لها واقرب لها ان كا ن حركها الشجن واهمس لها وابسم لمنهي سامعتني شايفه تجفل ولا اوحتني بعد كل التذير ترجهن وان بنت جتني ساحبه لخطامها ومسايفه قل للبنات اللي كواهن حبي لها ما درن من شاف صاف الجوهره لازم يعاف الزايفه والحاسد اللي لا ستدار النجم من خلفي رطن لا طالبه فزعه ولا نصره ولاني ضايفه يحدني عنه العفو ويبعّده خوف وجبن ولا تشتعل بين النفوس الحالمه والخايفه دوم النفوس الملجمه بالصبر لو ناحن سلن واخس ما يطرى شديد المرجله حسايفه والله يصح لسان من لا دق هاجوسه بدن ابياته وجنب عن الهزلات في لطايفه الشاعر / داهم العصيمي ------------------- - - - ( 3 ) ( نصيته لابس (ن) ثوب الولع متقلد (ن) عصاه ) تخطيت العرب يم الذي بادلني بهواه دعاني من غلاي ولابغا من غيري زيارة نصيته لابس (ن) ثوب الولع متقلد (ن) عصاه واعرف إني على درب الخطر وأسج معباره تمثنيت الخطر كله على شانه ومن غلاه وجزمت مصبر(ن) نفسي وخوفي ينتبه جاره بدالي مثل نور الشمس يضحك شاعق (ن) سناه وقمت أغط منور غرته ويشع بأنواره رفع للصوت بيهلي ورد لمبسمه يمناه وقامت تضحك عيونه وفيها خوف وإيثاره وأول ما نشد: وين الهدية ? جعلها تفداه هدية طيب له وأنا هدية مثلي أخباره جمعنا مجلس (ن) فاتت على الحساد لا تلقاه تفاصيل اللقا حفظتها من جملة أسراره على طهر وشرف والله ثم والله ثم والله أموت الموتة الكبرى ولا المس طارف إزاره يعاتبني على التأخير يا برد العتب برداه كأنه ما يعرف منين جيت وعالي أسواره معنيني ببعده عني وخوفي نهار ألقاه أخاف يشوفنا عذالنا ويصيح مزماره عليه أخاف من نفسي ومن نفسه ومن من جاه وعليه أخاف من زمة نهوده تقطع زراره واحبه حب كيف أوصفه وأبوي أنا وأبواه كما حب المناضل لا نفوه لتربة دياره محبة ضامر(ن) وده بشوفه وان سمع طرياه كما الوادي يرشه باذر الأمطار بأزهاره ولا غاب المطر عن وادي الولهان ما اسقاه ذبل منه الزهر وأقفر ثراه ودنت أحجاره حبيب (ن) حدني للبوح وحبه ما لحقت أقصاه من أحكام الغلا بيدي قيود وبيده اسواره الشاعر / داهم العصيمي ------------------- - - - ( 4 ) ( دريت إني أمس بغيت أناديك ) دريت إني أمس بغيت أناديك يوم انه اخلفني تبارق خدودك ورفعت لك خفيه يميني بحييك وأرخيتها ساعة نظرني حسودك الحاسد اللي بارع (ن) بالشرابيك لا تلتفت لي لا نظر \\\ يابرودك هم الحسود وهم والدك حاديك الشايب اللي في يساره يقودك الحب مطلوبي ومطلوبه الشيك هو يحسب انه زود مهرك يزودك إن مات بـ يوصي لقبره يوديك أمن الجشع لا يأخذ أحد (ن) نقودك مادامه مصمم يبيعك ابشريك اغلاك سوق الحب واعلا عمودك يا زاهي (ن) للزين والزين زاهيك اظهر بياضك بين (ن) سحر سودك ينلام مثلي من يحسد المساويك ومسواك في فمك ومسواك عودك لابد يالغالي تزين المساليك وبنود محبوبك تعانق بنودك لك عاشق (ن) بالجد ياصل حراويك أحق بك من كل منهو يرودك إن كان قصر ما وفى جعل يفديك ما يستحق من اجل وصله جهودك مادمت يا خلي تبيني وأنا أبيك بأوفى لك عهودي وتوفي عهودك الشاعر / داهم العصيمي ------------------- - - - ( 5 ) ( يزعج الما مع مقاديم الربيع ! ) يالله اني طالبك حسن الصنيع والقدا بالدين والدنيا جميع والخوي الالمعي ابن الرجال نبذل المعروف فيه ولا يضيع والخيال اللي من المنشا يسوق يزعج الما مع مقاديم الربيع عقبه الغدران مع نبت الحيا والخزامى والنفل مع كل ريع والنسيم اللي يهزع للغصون والزهور ان مرها طيبه يشيع فيه راع الذود ياخذه الغرور بالذهب يشري ولا اظنه يبيع والظبا وردن صفوفن للغدير صافحات (ن) خوف بالجيد التليع علن وقادن تقدمهن مهاه عنز ريم ما يخالفها القطيع فرصة الصياد سج ولا رمى ثم رمى واخطا وفاتنه جميع مايلام يسج ويطيش العيار العيون السود مودعته صريع الشاعر / داهم العصيمي ------------------- - - - مع تحيات / نادره |
|
|
|
02-04-2002, 17:23
|
#2 |
|
شـــاعــر / صــحفـي
|
صباح الخير أيتها النادرة اسمحي لي أقول أنك رائعة الإختيار يستاهل داهم |
|
|
|
|
02-04-2002, 19:18
|
#3 |
|
شاعر
|
اختي نادره كانت امنيتي في احد الردود على سبيل الدعابه ولم اكن اتوقع ان يكون الرد بهذه السرعه اشكرك يا اديبة شعبيات واتمنى ان تكون ابياتي المتواضعه ترقى ان تفرد بملف خاص وان لاتكون ثقيله على الاخوان نادره:اصبحتي مرجع الاختيار والتوثيق هناوملفاتك التي تطالعينا فيها من وقت لاخر هي دعم للشعر اجدني عاجز عن الشكر اختي نادره نقبلي تحياتي اخوك داهم العصيمي [ أبريل 02, 2002: تم تعديل الموضوع بواسطة : داهم العصيمي ] |
|
|
|
|
02-04-2002, 19:48
|
#4 |
|
العضوية الماسية للموقع
|
محمد البريكي صباح النور والسعاده يا تاج الشعر الف شكر يا شاعرنا الكبير 0 |
|
|
|
|
02-04-2002, 20:00
|
#5 |
|
العضوية الماسية للموقع
|
اخي الكريم داهم العصيمي اانا امنيتي ان اطرح لكل شاعر في شعبيات ملف خاص لكن يعلم الله اني اترك هذا لاني اخاف ان الشاعر نفسه ما يحب ان اطرح له ملف ! لقد رد علي احد الشعاروقال 00 ( انا ما يشرفني ان تنزلين لي ملف ) والسبب انني رديت في بعض مواضيعي ونسيت ارد عليه قسم بالله قسم بلله اني ما قصدت هذا لكنه الله يهديه يفتكرني اتجاهله 0 المهم انا شفت كلامك في احد الردود فرحت بهذا الكلام ونزلت هذا الملف انا لي الشرف اخي العزيز0 تحياتي وتقديري 0 |
|
|
|
|
03-04-2002, 07:35
|
#6 |
|
عضو شعبيات
|
الأخت الرائعه / نادره ......... يستاهل داهم الاحتفاء من قبل متذوقه بحجم نادره ......... بالنسبة لي لا احتاج لملف داهم لأنه محفوظ لدي عن ظهر قلب ... ولكن هناك من لم يسعفه الوقت لقراءة داهم العذب ........ نيابة عن نفسي واصالة عنها (( حليها )) اقدم جزيل شكري لك ايتها الرائعه في ذائقتك الرائعه في حبك للشعر الجميل ....... شكرا نادره ..... |
|
|
|
|
03-04-2002, 07:41
|
#7 |
|
عضو شعبيات
|
ملف رائع للشاعر داهم العصيمي شكرا نادره لكم الود واعطر التحايا |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
