من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > > الديوانية > ميدان المحاوره/الاخوانيات والنقائض/المستطرف والفكاهي
تحديث هذه الصفحة ( من محاوراتي المتواضعه )
 
إضافة رد
 
أدوات الموضوع
قديم 09-07-2011, 09:35   #1
ناصرالمحياوي
شــاعر
 
الصورة الرمزية الخاصة بـ ناصرالمحياوي
 

( من محاوراتي المتواضعه )


أحبتي الكرام جميعا اسعد الله أوقاتكم بالخير والمسرات
يسعدني ان انقل لكم بعض من محاوراتي المتواضعه مع بعض من الشعراء الرائعين . وارجو المعذره لانني لست متمكن بشكل كبير من شعر المحاورة ( القلطه ) والتي تعتمد على الفتل والنقض وأرجو المعذرة على ماتجدونه من أخفاقات وإليكم مع وافر التحية والتقدير :-
المحاورة الأولى والتي دارت بيني وبين الشاعر الكبير / محمد العصيمي وكانت البدايه من محمد العصيمي وقال :

العصيمي /

سلام الله سلامٍ فيه من جـزل العلـوم علـوم &&& على الشعار تسليمة وفاء ماهـي بمغشوشـه
وأنا لامن نزلت السوق أميز وأشتري وأسوم &&& ماني من ناس لامن جت تجي وتضيع فالطوشه

000
المحياوي /

هلا يامرحبا وأنا أدري أنك من كبار القوم *** وأشوفك يالعصيمي بادي الطاروق بالهوشه
وأقـول الادمـي ياصاحبـي مالـه عــن المقـسـوم ***ودرب المجد وعره ماتجي بالورد مفروشه
000
العصيمي /
يدوم الك البقا يالشاعر اللي في ضميرك لوم &&& على الكتّاب يوم أن المسيّر غرقت رموشه
تمركز وأنتبه يوم المعاني خنجرٍه مسموم &&& وراع السيف الأجرد ماحدٍ يقدر على نوشه
000
المحياوي /
أشوف علوم صاحبنا العصيمي عودت لحلوم *** سوات دعاية الفنتوش في ترويج فنتوشـه
ليا بان الخبر يصدر على ضوء الخبر مرسوم *** وأنا أشوف الاوادم من ثمان شهور مربوشـه
000
العصيمي /
ترى ناصر عليثه في زمان العولمه مظلوم &&& يبي يلحق قطار المعرفه والناس مدهوشه
مسوي خير يارجال يوم أنك نطحت الروم &&& وأنا أقول أن بأسبابك يموت الشيخ وجيوشه000
المحياوي /
أنا ناصر عليثه فوق يا النائـم وصـح النـوم *** حروف أسمي على صدر الفخر والمجد منقوشه
عتيبه يحسبون المشيخه تأتي بحب خشوم *** مثل حال المدنبش يطلب القمه بدنبوشـه000
العصيمي /
يازينك ياهروج العافيه للصاحب المضيوم &&& ولو حلمت جهينه صحّت النايم من الدوشه
عتيبه تكسب الطاله ليا جاء فيه ضرب سهوم &&& تعلّى ياعميلي يوم بعض الروس مخشوشـه
000
المحياوي /
مجمل يا العصيمي واستريح وحضرتك مخدوم *** ولو حلمت عتيبه كان ماتغرق ليـا الشوشـه
عتيبه عقب ماطاح البعير أبو ثلاث وسوم *** أبو منفوش عود من جديد يبيع منفوشـه
,,,,,,,,,,,,,,,,,,,,,,,,,,,,,,,,,,,,,,,,,,,,,
المحاورة الثانية دارت بيني وبين الشاعر الكبير / عبيدالله العرابي وكانت البدايه من جانبي وقلت :
المحياوي /
سلام وآزف التهأني من معاليق الضمير &&& ودرب العلا والمجد والناموس ماهي هينه
راحن ثلاث أشواط واللي باقي الشوط الأخير &&& وبنت الهلالي للعريـس المنتظـر متزينـه
000
العرابي/
يامرحبا ترحيب ينقل عبر موجات الأثيـر *** من صادق الإحساس وحروف القصيد تبيّنه
اللي بقي شوطين لاتسري على النور القصير *** ياراسي القاسي تـرى مافيـه روسٍ ليّنـه
000
المحياوي/
أنا لقيت الفرق واضح من بعير إلى بعير &&& واحد مرشح لكن واحد مايفوت امكينـه
وأنته مكلف بالوزارة كل ماغاب الوزير &&& ولامن حضر يمكن يسلمك الجمل ورسينه
000
العرابي/
أنته تفكر فى الجمال وفى المآل وفى المصير *** واللي توخر طارت الرحله ولا أحـدٍ عيّنه
أنا على مالي مدير وجيت للواجب سفير *** في حدود ما أملك لاتديّني بشي ما اتديّنه
000
المحياوي/
الذم مايفقر غني والمدح مايغني فقيـر &&& والآدمي يحسب عليه اللي يقول اللسينه
يني وبينك خلها تمشي على سلك الحرير &&& إليا زعلنـا ياعبيـدالله تجيـك مطينـه
000
العرابي/
ياللي وردت الجم خل الذم للورع الغرير *** الجم يروي وارده والزين فكرك شيّنـه
احسن لك الجنه براد وظل ولا زمهرير*** ابليس لو يغويك ماتلقى قلـوب حنيّنـه
000
المحياوي/
أهل المثل قالوا ترى العاقل يشار ويستشير &&& ومن طش حبه بالرحى يبغى يصير اطحينه
والنار والجنه بيد من يجبر العظم الكسير &&& مير احمده وادهن شنبك إليا لقيت ادهينه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
المحاورة التاليه دارت بيني وبين الشاعر الرائع / عبدالخالق الحليصي وكانت البداية منه وقال :
الحليصي /
الاوله يامرحبا فيك مليـون ,,, والثانيه حذرا تكون الضحيه
ما يمشي العاقل معا رجل مجنون ,,, ولا ترتقي للعز نفـس(ن )دنيـه
000
المحياوي /
الأوله دام البقاء وش تقولون ؟ ,,, والثانيه ليتك حفظت الوصيـه
هامان متجهز لمن قال فرعون ,,, والفعل بالميدان والنار حيـه
000
الحليصي/
بديت محرافك على العسر والهون ,,, وحدتك الافعى بين عشرين حيـه
يا نا صر إنته رجل وافي ودندون ,,, مير إخذها في إيديك مني هديـه
000
المحياوي /
الرزق عند مقسم الرزق مضمون ,,, والصقر عنده مسكة ن مخلبيـة
وأنته كريم ومن رجاجيل يوفون ,,, ماهي غريبه لو عطيت المطيه
000
الحليصي/
ياكم حكى ناصر وكم ناس يحكون ,,, مير إختلفتـو فالعلـوم الرديـه
لن صابتك فالوجه من بين الاعيون ,,, وان جنبت قلنـا عساهـا خطيـه
000
المحياوي /
يا أصحابنا ياليتكم تستريحون ,,, قبل تصير النكبـه العالميـة
لو الاماني تجلب اللـي تمنـون ,,, يمداك شلت من أمس هضبة طميه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

هذا وتقبلوا خالص تحياتي وتقديري ودمتم بالف خير
أخوكم الشاعر /
ناصرعليثه المحياوي

ناصرالمحياوي غير متواجد حالياً   اضافة رد مع اقتباس
قديم 05-08-2011, 02:06   #2
سعيد بن مقبل الأكلبي
شــاعر
 

رد : ( من محاوراتي المتواضعه )

محاورات جميلة ياناصر
سلمت ودمت

التوقيع:

twitter
سعيد بن مقبل الأكلبي غير متواجد حالياً   اضافة رد مع اقتباس
قديم 09-12-2011, 16:58   #3
ناصرالمحياوي
شــاعر
 
الصورة الرمزية الخاصة بـ ناصرالمحياوي
 

رد : ( من محاوراتي المتواضعه )

إقتباس:
الرسالة الأصلية كتبت بواسطة سعيد بن مقبل الأكلبي مشاهدة المشاركة
محاورات جميلة ياناصر
سلمت ودمت

الجمال والروعة وكل العذوبة تأتي من خلال مرورك المميز
أخي الكريم الشاعر القدير / سعيد بن مقبل الأكلبي
سعدت وتشرفت كثيرا بمرورك الرائع
لك خالص تحياتي وتقديري ودمت بخير 0

ناصرالمحياوي غير متواجد حالياً   اضافة رد مع اقتباس
قديم 10-12-2011, 18:02   #4
مقدور
مشرف الرحلات البرية والسياحة
 
الصورة الرمزية الخاصة بـ مقدور
 

رد : ( من محاوراتي المتواضعه )

ياسلااام عليك يالمحياوي
والله يحييك بين اخوانك
محاورات جميله
وان شاء الله نشوف جديدك و ابداعاتك معنا بشعبيات
وياهلا ويامرحبا

التوقيع:
قال صلى الله وعليه وسلم :
من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب "
مقدور غير متواجد حالياً   اضافة رد مع اقتباس
قديم 10-12-2011, 20:45   #5
سلطان العمري
شـاعر
 

رد : ( من محاوراتي المتواضعه )

صح الله لسانك يالمحياوي أطربتنا بهذه المحاورات الاكثر من رائعه ولكن المحاوره الاولى في نظري شيء منفرد بالجمال و المعاني تقبل مروري ولك تحياتي

سلطان العمري غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 1 , عدد الأعضاء » 0 , عدد الزوار » 1
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع