30-10-2001, 18:13 | #1 |
عضو شعبيات
|
هل يؤهله شعره للانظمام هنا ؟؟
الاخوه الافاضل هذا الرجل هل يطلق عليه شاعر ام لا ؟؟ هل من المعقول ان يبتلينا الاعلام سؤ المطبوع او المرئي بغثائيه غير عاديه وتترك مثل هذه النوعيات ؟ قد اكون مخطيء وقد اكون مصيب ارجو منكم الافاده .. يقول من هو تسهي به طوارّيه ................... ماتفخته ساعٍةٍحتى وهو غافي متحير بين نوماسي وحوريه ............... بترك حديهم يعكبر فوقه السافي وباختارعّزىعلى الوضحاالسنافيه .............. وباطى برجلي على قلبي واناحافي اناولدمن يروي الرمح في الهيه .................. تقضي عليه هنوف خصرها هافي وانا ولد من يعشون الخلاويه ...................تبخل بحقي وتاخذ حقها وافي ياقلب ياقلب لاترضى المحقريه ..................وتبيع عز رسخ من سالف اسلافي وش عاد لو انهابالعقل مكسيه ................وش عاد لو ان ابوهاقرم وسنافي وش عاد لوانهافي البيض ماريه ...................عين وخد وعنق وخصر واردافي وش عاد لو الجدايل مر مزويه .....................ومر تهله يلوح قدم وخلافي يتل عود دقاق دون ماويه ....................اسود كثيف طويل ناعم ضافي الى تحدر على مثل الزبيديه .............. خف الشلي,وانتهى من يشكي خفافي وش عاد لو عينها موت الهواويه ..................يذبح سهمهاوهو ماهوب ينشافي وش عاد لو صوتهامزمار روميه ................ يتل قلب العنا من حد الالجافي وش عاد لو الثنايابرق وسميه .................تحت اللثامه تخيله له تكشافي وش عاد لو كفها نبع المحنيه .................لو صافحت به مريض قام متعافي وش عاد لومشيهافي السوق عصريه .................مشي الونايا وهي ماتشكي خلافي يقدم نحر عودهاويجيك تاليه ...............وتشوف حسن التناسق بين الاطرافي وانا الى من ذكرت وصوفها ذيه ...............عودت اقول التواضع طبع الاشرافي وسلامتكم الشاعر ابراهيم بن عبد الرحمن الدوسري |
30-10-2001, 18:19 | #2 |
موقوف
|
والله ما علي من السوالف اللي تقولها عن الاعلام القصيده هذي لشاعر ماهو سهل ابدا ومتمكن من القصيده والله يحييك بين اخونك يا بو محمد وتقبل تحياتي وصح لسااااااااااااااااانك |
30-10-2001, 18:21 | #3 |
موقوف
|
انا اقول عن اخواني ياهله ياهله وياهله والله يحييك مره ثانيه |
30-10-2001, 18:51 | #4 |
سيـــف الســـيــف
|
وانا الى من ذكرت وصوفها ذيه ...............عودت اقول التواضع طبع الاشرافي الاعتراف بالحق فضيله ابومحمد عزالله ماعندي بالحكي لا اعلام ولاغيره شاعر هالقصيده وصاة حب خشمه لي واذا انه انت اقرب لاهنت خلني امطخ خشمك عزالله ان هالقصيده جابت اللي بالخاطر ولي مده ماقدرت اجيبه احاول معه مع كل درب واجابه الله في قصيدتك اخوي تياتي مقرونه بالاعجاب وصح لسان القايل |
31-10-2001, 00:18 | #5 |
ينتظر التفعيل
|
اخوي الغالي ابو محمد 00 ياهلا فيك يالطيب القصيدة رائعة بمعنى الكلمة ويستحق شاعرها البروز بقوه صح لسانه وصح لسان ناقلها وهلابك يابعدي |
31-10-2001, 01:24 | #6 |
شـــــاعــــــر
|
اخوي صح لسانك راوي وشاعر وصح لسان من قال القصيدة حط ميزان وكفتين وقعدا نقراء مرة اقول يرجح هنا ومرة اقول يرجح هنا وفي النهاية جاب احلى بيت واحلى عذر لكل عاشق روعة في روعة تحياتي |
31-10-2001, 03:01 | #7 |
عضو شعبيات
|
هاوي قصيد صح بدنك نيابه عن القائل والله يهديه ويسجل هنيا قل امين ومشكور على التعليق المشرف عكاشه نيابه عن القائل ماعليك زود يا ابو عبيد وليت الاشراف ما يؤثر على استمتاعنا بعطائك ولهان 1 انت للادب والاخلاق عنوان ونيابه عن القائل صح بدنك ومبروك الاشراف او مبروك للاشرف وجودك . ابو نوت نيابه عن القائل الروعه انت ومرورك شرف وانا اخوك للجميع وما انا الا ناقل استثير صاحبنا للانظمام هنا والله يعينني عليه اخوكم ابو محمد |
31-10-2001, 03:47 | #8 |
موقوف
|
قل له يقولك هاوي قصيد وماني بشاعر انا متذوق للشعر اللي يفرض نفسه والقصيده هذي فارضه نفسها وان كان رفيقك يحب الطلبات جيت لبيته من امريكا خصيصا عشان اطلبه يسجل هنا وتقبل تحياتي |
31-10-2001, 23:21 | #9 |
عضو شعبيات
|
الله يوفقك للطاعه والعوده سالم غانم انشا الله وانا بابلغه وظني فيه طيب همسه صغيره اخوي اتمنى ان لايسحبك الشعر ومتابعته من دراستك فهي الاهم في المرحله الحاليه اخوك ابو محمد |
01-11-2001, 00:06 | #10 |
موقوف
|
تسلم اخوي وهذا من طيبك |
01-11-2001, 02:03 | #11 |
عضو شعبيات
|
انا ولد من يروي الرمح في الهيّـه 0 0 0 تقضي عليه هنوف خصرها هافـي ؟ اررحب يا بو محمد يا الله حيه 0 0 وحي ماجاب انا اشهد ان ابراهيم يستاهل ولنا الشرف يكون بينا علمه لايبطي علينا بس 0 0 وتقبل تحياتي انت وياه |
02-11-2001, 04:25 | #12 |
عضو شعبيات
|
مرحبا بالشاعر المتميز وعسى الله يهديه ويجي . ومبروك يالشاعر على الكتابه في منتدى الشعراء وان بغيت الجد انا اظن اني ببارك لهم جيتك والله اعلم اخوك ابو محمد |
02-11-2001, 05:34 | #13 |
موقوف
|
اخوي هذا البيت معجبني مره وابي رايك فيه: اول العلم فيني يفيد وما يفيد اول لا نبهوني من الهرج استحيت وتقبل تحياتي |
02-11-2001, 18:42 | #14 |
رحمة الله عليه
|
اخوي : ابومحمد .......الله يعطيك العافيه يابعدي...هذا شاعر ونا اخوك مابالهرج فايده وانت الله يجزاك خير ماقصرت ...والله ان فيه شعراء على مستوى لكن يمنعهم اما عدم قناعه او عدم معرفه بالجهاز ولاعنده...وانا والله حاولت بشاعر قاصده ولاينشر ولاشي بينه وبين نفسه واللي حوله لكن ....مااستطعت ...الله يبيض وجهك وشاكرين لك حرصك يابومحمد...تسلم يابعدي........... |
02-11-2001, 19:14 | #15 |
عضو شعبيات
|
صح لسانــــك أخووي أبـــــو محمــد |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|