من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > > الديوانية
تحديث هذه الصفحة رحلة مقناص في تنزانيا
 
إضافة رد
 
أدوات الموضوع
قديم 24-05-2010, 01:58   #1
مقدور
مشرف الرحلات البرية والسياحة
 
الصورة الرمزية الخاصة بـ مقدور
 

رحلة مقناص في تنزانيا

بسم الله الرحمن الرحيم

السلام عليكم ورحمة الله وبركاته
في البدايه احب ابارك لمنتدى شعبيات افتتاح منتدى الرحلات البريه والسياحه والصيد
وبسم الله نستفتح بهاالمقناص

وهو مقناص لدوله تنزانيا

اول شي ودي اتكلم عن بداية الرحلة الى الصراحه كان ينقصها من الاستعداد الشي الكثير لكن بفضل من الله وباالاستعانه ببعض الاخوان الى سبقونا للمقناص بكم شهر تستهلت الامور ولله الحمد

وبداية الرحله الفعليه كانت بستخراج الفيزه الى ماصدرت الى قبل الرحله بسويعات

ولتسهيل استخراج

الفيزا تحتاج الى شخص كفيل في تنزانيا وعنوانه وترسل له صورة من جواز السفر ملون

والملطوب في السفاره التنازينه بالسعوديه هو جواز السفر وصورتين وتعبي عندهم نموذج بنفس السفاره

وبصراحه تعاملهم في السفاره كان جدا ممتاز حتى ان دخلنا على القنصل او مدري السفير حقهم

وقلنا له طيارتنا باتسر وماقصر الشقردي قال ازهلوها مالكم الى طيبة الخاطر ( طبعا بلغتهم )

وبعد ذلك انطلقا من مطار الملك خالد الى الشارقه على متن الخطوط العربيه
وكانت قيمة التذكره 1200 ريال

بتاريخ 26- 12-1427 هـ




وبعد ذلك توجهنا من مطار الشارقه الى مطار دبي الدولي



وكانت الرحلة على متن الخطوط الامارتيه ( دبي – دار السلام)
كانت ب 2300 ريال

وبعد الوصل بحمد لله الى دار السلام تم التوجه الى منطقة الصيد والى كانت
تبعد تقريبا 600 كلم عن المطار ( 200 كلم منها طرق معبده)

وبعد ذلك استقلينا العباره الى تقطع نهر كولمبور



وطبعا أي رحلة من هالنوع لا تخلو من المصاعب وهنا كانت إحداها
وهي بصراحه تعتبر ملح الطلعة لما تتركة من ذكريات لا تنسى




وتم اخراج الموتر بسلام ( يمالكم من التغاريز ) وكملنا خط سيرنا


ونطب مع هاك التلعه والى وش تشوف شعيب يقلب اللهم ياكافي
والمشكله ان منطقة الصيد والمخيم عقب هالشعيب بتقريبا 5 كلم


ومافي طريق الى تقطع هالشعيب



طبعن شفنا الشباب تسنهم بيطولون شوي ونزل عزبة القهوه





مقدور غير متواجد حالياً   اضافة رد مع اقتباس
قديم 24-05-2010, 02:02   #2
مقدور
مشرف الرحلات البرية والسياحة
 
الصورة الرمزية الخاصة بـ مقدور
 

رد : رحلة مقناص في تنزانيا


واخر شي فوض امره لله وقرر انه يقطع
طبعا حنا نزلنا على رجلينا وخذنا الجوزات وقلنا نحتريك عند الطفة الاخرى
يقولون الاولين ( من خاف سلم)


يلاحظ رفع الماء وقوته ( بس الله سلم)


ووصلنا بفضل الله للمخيم وريحنا شوي



وبعد ذلك خذنا لنا لفه واليكم هذه الصوره الى سمينها الصورة الصمانيه




عاد تخيلوا هالشجر الى ورا انه سدر

وكانوا الشباب معزمين على القنص رغم التعب يومينالنوم لساعات قليه
لكن مع ساعة الصدر كلش يهون

والحمد لله وفقنا ب 3 غزلان وكم ارنب وكم طائر حبش



تغريزه واستعراض بعض الصيد


وبصراحه كانت الاجواء خلابه وتشرح الصدر حتى لو مافيه صيد
مااستثناء وجود ذبانه التسي تسي المروحه والنامس
بس عاد نامس عندهم غير شكل والى الذبانه يالله توقاء عنها بفروه
لان حتى الملابس ماتردها وتقرص من فوقها
وحتى البخاخات ماتنفع مع الذبانه بعكس النامس الى فيه طب شوي

نتركم مع لحظة تأمل





واتمنى مااكون ثقلت او طولت عليكم

ونكتفي بهذا القدر وانتظرونا في الجزء الثاني من رحلة تنزانيا لااوخر عام 1427هـ

وتحيتي وتقديري لجميع من مر من هنا


مقدور غير متواجد حالياً   اضافة رد مع اقتباس
قديم 24-05-2010, 02:07   #3
عنود
بقـايا حُلـم
 
الصورة الرمزية الخاصة بـ عنود
 

رد : رحلة مقناص في تنزانيا

إقتباس:
إقتباس
الفيزا تحتاج الى شخص كفيل في تنزانيا وعنوانه وترسل له صورة من جواز السفر ملون

يووووه هذي مشكلة وين نجيب كفيل
هذي اللي بتكسر خشم المتغطرسين عندنا

والتذكره رخيصه صراحه بس على اي خطوط ؟ وش العربية مااعرفها

الطبيعه خرافيه مثل افلام السينما
لكن احس الأكل عندهم صعب
لو باروح باعيش على معلبات

تسلم يامقدور
رائع بصراحه لا من ناحية الصور ولا من ناحية التعليقات المقلعه
والف مبروك على الأشراف تستاهل

التوقيع: عن أبي هريرة ( ما من صدقة أحب إلى اللَّه من قول الحق ) أخرجه البيهقي
وإليه يشير قوله تعالى يَأَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالأَقْرَبِينَ سورة النساء آية 135 .
عنود غير متواجد حالياً   اضافة رد مع اقتباس
قديم 24-05-2010, 02:26   #4
مقدور
مشرف الرحلات البرية والسياحة
 
الصورة الرمزية الخاصة بـ مقدور
 

رد : رحلة مقناص في تنزانيا

عنود
ههههههههههههه ايه ولازم تختار المهنه انا اخترت نجار مسلح

بالنسبه للكفيل هي للتسريع بس بحيث انه يصير فيه شخص هناك يقدرون يتصلون به لو صار اي حادث لا قدر الله
وماهي ضروريه طبعا

الخطوط العربيه = خطوط اماراتيه مقرها الرئيسي بالشارقه

وبالنسبه الاكل لا تزملين ابد في شحم كل وقت ظبي وكل يوم نوع جديد
وشاكر لك هالحضور المبكر اختي عنود
والله يبارك بعمرك يارب

وترا نطلبك بموضوع ولا تاخرين علينا لو مكشات في مزرعه

مقدور غير متواجد حالياً   اضافة رد مع اقتباس
قديم 24-05-2010, 03:04   #5
الجازي
 
الصورة الرمزية الخاصة بـ الجازي
 

رد : رحلة مقناص في تنزانيا


مقدور

ربي يقدرك على الخير دايم انشاء الله

مبرووووك علينا انت
وان شاء الله منها لأعلى ..

الصور ماهي طبيعية ..
أمتع مافي الصور انها رحلة حقيقية
فنستمتع أكثر
خاصة ..



آمانه؟ الرحلات أمتع هذي.. أو صيد الجرابيع في البرّ عندنا ؟؟

مشكوووور عل روحك الحلوة
وعلى مشاركتك الرائعة

التوقيع: صدر حديثا ل الجميلة المبدعة نوف محمد الثنيان الشاعرة والقاصة http://eqla3.net/book/hakaya.html
الجازي غير متواجد حالياً   اضافة رد مع اقتباس
قديم 24-05-2010, 12:17   #6
نورة العجمي
شـــاعرة
 
الصورة الرمزية الخاصة بـ نورة العجمي
 

رد : رحلة مقناص في تنزانيا

إقتباس
إقتباس
وبصراحه تعاملهم في السفاره كان جدا ممتاز حتى ان دخلنا على القنصل او مدري السفير حقهم

وقلنا له طيارتنا باتسر وماقصر الشقردي قال ازهلوها مالكم الى طيبة الخاطر ( طبعا بلغتهم )







اماّ انه قال ازهلوها ربي يشرح صدرك
ياخي احس الروحات في افريقيا عموما تروع السكن تحس ممكن يطلع اسد نمر زرافه قرد , الله بس يخارجنا

إقتباسإقتباسواتمنى مااكون ثقلت او طولت عليكم



تكفا صير طولّ المشاركات وثقّل ان كانت بهالمستوى
وجيب مشاركات أكثر واكثر ومانستغنى عن المهتمين بهذا المجال
بما اننا ماعندنا كشتات يالبنات من غير زيارة الاهل عن قولة قطع الرحم
مشاركة روعه وتفتتح النفس حقيقة
على المتابعة بقوة لهذا القسم المفيد

كل الود والورد

التوقيع: https://www.instagram.com/p/_VLOGDoF...en-by=noouf_mt
انستجرام كاتبتنا
نوف الثنيان (@noouf_mt) • Instagram photos and videos



noouf_mt


نوف الثنيان
قاصّة / كاتبة ..الكتابة سفر الذات منها إليها لايرافقها إلاّ من يؤمن بها ويُدرك أن للنبض-هُنا-حُبّا وغصوناً تعرّش سلاما www.twitter.com/Noouf_M
نورة العجمي غير متواجد حالياً   اضافة رد مع اقتباس
قديم 24-05-2010, 14:09   #7
مقدور
مشرف الرحلات البرية والسياحة
 
الصورة الرمزية الخاصة بـ مقدور
 

رد : رحلة مقناص في تنزانيا

الجازي

الله يبارك بعمرك يارب
واكيد لنا الشرف بالانضمام لهاالنخبه الرائعه
والله يقدرنا على تبيض الوجه


إقتباس:
آمانه؟ الرحلات أمتع هذي.. أو صيد الجرابيع في البرّ عندنا ؟؟


ههههههههههههههههه لا تقولينه والله يالجرابيع لها خرمه

وشاكر لك اختي الجازي تواجدك وتشريفك للموضوع

مقدور غير متواجد حالياً   اضافة رد مع اقتباس
قديم 24-05-2010, 14:28   #8
مقدور
مشرف الرحلات البرية والسياحة
 
الصورة الرمزية الخاصة بـ مقدور
 

رد : رحلة مقناص في تنزانيا

نوره العجمي
ياهلا والله ومرحبا بشاعرتنا المتالقه

وترا موضح انها قال ازهلوها او انه قال ارقد وامن منب متاكد بالضبط بس انه سفير يبرد الكبد وراعي فزعه

إقتباس:
إقتباس:
ياخي احس الروحات في افريقيا عموما تروع السكن تحس ممكن يطلع اسد نمر زرافه قرد , الله بس يخارجنا


والله كلها وارد وسبق في هالروحه 3 مرات الى تجي الاسود حول المخيم ومره دخلت بس كلها خفايف تاخذ من اللحم وتوكل
ماطمعت في الشهبان

والله يطول بعمرك يارب وابشري ان شاء الله
وبالنسبه للمشاركه فاانتي منتب معذوره البته البته

يعني مو شرط كشتات لو مقانيض بناتيه


وطبعا القسم يانوره مثل مايختص بالكشتات والمقانيص ايضا يهتم بالرحلات والسياحه الداخليه والخارجيه
واكيد بنتظارك ونتشوق لاابدعاتك وتواجدك معنا

ولكي احترامي وتقديري

مقدور غير متواجد حالياً   اضافة رد مع اقتباس
قديم 25-05-2010, 09:15   #9
منتهى القريش
شاعـرة
 

رد : رحلة مقناص في تنزانيا

حلو يا مقدور .. قصدي الموضوع الـ حلو ..

وألف مبروك الإشراف .. منزل مبارك .. تقطعه بالعافية .. الله يقويك ..
صباح الخير .. مع السلامة ..

ولو دريت انه الصور فيها دم ما جيت .. << مررررررررررررره رقيقه ..

الموهم حبينا نبارك ونشارك ونقول الحمدلله على سلامتكم ..

التوقيع:
منتهى القريش غير متواجد حالياً   اضافة رد مع اقتباس
قديم 25-05-2010, 14:35   #10
مقدور
مشرف الرحلات البرية والسياحة
 
الصورة الرمزية الخاصة بـ مقدور
 

رد : رحلة مقناص في تنزانيا

الله يحلي ايامك اختي وشاعرتنا منهي القريش

والله يبارك بعمرك يارب

وابشري المره المقبله بنطلع رحله لصيد الفراشات :d

وشاكر لك اختي منتهى القريش حضورك وتواجدك


اخر تعديل كان بواسطة » مقدور في يوم » 25-05-2010 عند الساعة » 14:55.
مقدور غير متواجد حالياً   اضافة رد مع اقتباس
قديم 25-05-2010, 21:01   #11
فيصل الخالد
شــاعر
 
الصورة الرمزية الخاصة بـ فيصل الخالد
 

رد : رحلة مقناص في تنزانيا

يا مرحبا يا مرحبا يا مقدور


رحله ممتعه نحسدك عليها

وتقرير وافي وشامل حتى ادق التفاصيل

عندي سؤلين ثلاثه اذا سمحتي لي طبعا

الغزال ايش سويتيو فيه ؟ يعني شويتوه على جنب وسويت، زر على جنب والا كيف اكلتوه ؟ يهمننننننني الموضوع مره ارجوك الدقه في الاجابه وياليت شويه تفاصيل عن الطعم

مين الي كان يسوق ؟ من اهل البلد والا خويكم ؟ واذا خويكم كيف يدل؟ يعني راح من قبل ؟


بصراحه السؤال الاول يهمني اكثر من الثاني الثاني لقافه بس ودي اعرف


هلا بك مليار منور وفي انتظار اجاباتك

التوقيع: جيت ماني مثل ناس ٍ غرها حُب الظهور
....................... بن حلال وجا يلبي دعوة اعيال الحلال


اللهم ارحم عبدالله الدبل
اللهم ارحم يوسف
اللهم ارحم فريح العقيلي
اللهم ارحم موتى المسلمين
fdabal1@gmail.com
فيصل الخالد غير متواجد حالياً   اضافة رد مع اقتباس
قديم 26-05-2010, 13:25   #12
مقدور
مشرف الرحلات البرية والسياحة
 
الصورة الرمزية الخاصة بـ مقدور
 

رد : رحلة مقناص في تنزانيا

ياهلا ومرحبا بااخوي فيصل بن خالد

إقتباس:
عندي سؤلين ثلاثه اذا سمحتي لي طبعا
تامر امر

إقتباس:
الغزال ايش سويتيو فيه ؟ يعني شويتوه على جنب وسويت، زر على جنب والا كيف اكلتوه ؟ يهمننننننني الموضوع مره ارجوك الدقه في الاجابه وياليت شويه تفاصيل عن الطعم
الصيد واجد ياخالد وكل يوم لنا طبخه مره شوي ومره كبسه ومره حميسه

هذا الشوي الا صرنا بعيد عن المخيم



وهذي الكبسه الي مهنا غناة عنها



وهذي حميسة الفطور



وبالنسبه للطعم غالبا الغزلان والصيد بوجه عام يختلف طعمه على حسب طبيعة الاعشاب الى يرعاها
فاان الى جربت غزال مصر والسودان متقارب بالطعم ويطعم فيه العرفج والرمث غزال جنوب افريقيا يختلف عن طعم تنزانيا يعني دائما طبيعة الرعي تفرق في طعم الصيد

إقتباس:
مين الي كان يسوق ؟ من اهل البلد والا خويكم ؟ واذا خويكم كيف يدل؟ يعني راح من قبل ؟
الي يسوق طال عمرك من اهل البلد حنا نرمي بس

وابد ياخالي الا صار فيه شي يبي توضيح اكثر اذكر وشو وابشر به


مقدور غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 1 , عدد الأعضاء » 0 , عدد الزوار » 1
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع