[ماجد الحربي]

يسعد آوقآتكم بـ كل خير

ليس شآعر ولكن هي محآولات

آصافحكم في هـ المحآوله واتمنى ان تلقى القبول


صلّوا على محمّد

البآرحه يـأول لقـاا مـا بينـي وبيـن الهنـووف=ليلـة تسجّـل بالعمـر وأحلـى تواريـخ العمـر
عنّيت رجلـي يمّهـا ولعنـت طـاريّ الظـرووف=وسافرت لأجل عيونها والشوق في صـدري ثمـر
سرّيتها وانا ادري انّه ما على السريـه حسـووف=وآثـق وانـا مـا شفتهـا والحـبّ يامرنـي أمـر
وانا اشهد ان الله قسم لي في لقاهـا زيـن شـوف=يا حلوها . يا زينهاا . ويـا وينهـا وويـن القمـر
جديلها تحت الكتووف ووآصلن حـدّ الـردوووف=وخدودها بيضاء ولكن . لا استحت صـارن حمـر
وعيونها في وصفها .. لا مـا تحاليهـا وصـووف=وشفايفن لا شفتها . مـا كنّـي الا اشـرب خمـر
يا وصفها . في ذمّتي ما غير ادوّر بـك وارووف=والشعر كلّه لو مشى في وصفهـاا لا مـا استمـرّ
لو شافها وسط الحرم مسلم وهي بيـن الصفـوف=عزّ الله انّه ما اعتمر .. عزّ الله انّـه مـا اعتمـر
واليا هرجت هرج البدو ما غير اصفّـق بالكفـوف=ان اقبلت فوق مطر واليـا ادبـرت تحتـي جمـر
ما فيه ابد مثل [ الهنوف ] ولا يجي مثل [ الهنوف ]=اللي لقااهـا غايتـي وفراقهـا المـوووت الحمـر

لـ قلوبكم


.

[سعيد بن مقبل الأكلبي]

مصافحة تنبئ بشاعر
ونص ملئ بالشعر
ان اقبلت فوق مطر <<<< من المؤكد انك تقصد فوقي مطر
اللعن لايستحسن في الشعر
طبعا النص معجبني جدا
صح قلبك

[علي التركي]

ماجد

إذا كانت هذه محاولة ( كـ ما تقول ) فماهو الشعر
بالتأكيد كما قال ابو مقبل
سننتظر هنا شااااعر رائع في قادم الأيام
سلم نبضك على هذا النزف الرائع

[عبدالله الســعيدي]

مصافحه كريمه تبشر بشاعريه عذبه ..


صــح لســانك..


بأنتظـار القادم ..

[ماجد الحربي]

الله يحييك يابن مقبل

صح بدنك طال عمرك وفعلا سقط حرف الياء سهوآ

تسلم واشادتك وكلامك على راسي من فوق

لآ هنت


.

[ماجد الحربي]

علي التركي

حياك الله اخوي

تسلم طال عمرك واشادتك وسآم

حضور يثلج الصدر

احترامي وتقديري

لا هنت

[سالم بن جلعان]

هلا بك يا ماجد
وسلمت على النص الجميل
قصيدة وصف مميزه
سرني مروري
تحياتي

[ماجد الحربي]

عبدالله اللوحان

يسسلم حضورك يا طويل العمر

لا هنت وشرفتني

تحياتي لك