29-10-2001, 09:46
|
#1 |
|
العضوية الماسية للموقع
|
( ملف الشاعر الكبير / هاوي قصيد/ سلطان القحطاني )
 |
|
|
|
29-10-2001, 09:47
|
#2 |
|
العضوية الماسية للموقع
|
( تعرية واقع) ----------- قناع(ن) نلبسه نرسم ملامح غير واقعنا تعلمنا نصير اكذب من الكذاب واحبابه ننافق نرسم الخدعه ونفرح في تخادعنا نغير جلدنا الاصلي ونلبس منه ثيابه نقول ان المصلحه تجبر وتجبرنا منافعنا ونقتل صدقنا فينا وهو واضح باهدابه تعلمنا نسوق الزيف والتزييف ف المعنى نسمي كذبنا باسماء حتى تصير جذابه واذا تبغى حبيب القوم لازم تندمج معنا والبس لك الف وجه(ن) واعرف كيف تحيابه خضوع(ن) كذبنا لونه ولو نصدق ترى جعنا نبرر للمواقف بس ولو هو زيف متشابه نقول الصادق الضايع وحنا بالوهم ضعنا شربنا بالضياع الوهم وياليت انا روينابه تعودنا على الغيبه(ترى ماهو بيسمعنا) واذا جينا مع الغايب نحش اللي وثقنابه نسابق مال مع شهره ويذبحنا تدافعنا واذا نلنا الهدف في يوم والله ما فرحنابه وغدى كل الطهر ميت وتذبحنا مواجعنا ونعايش واقع(ن) زائف ولا منا احد عابه تعالوا نكبر الصوره ونصحى من مهاجعنا ونطلع في مجال اكبر ونفتح بعض ابوابه مواقفنا لنا موقف? انا اعرف تراجعنا لنا راي ولنا كلمه? لنا الخذلان وكتابه وانا اعرف لنا انجاز نجحنا في تصارعنا ونجحنا في الادب والنحو وكيف نميز اعرابه واذا شفنا طفل يذبح تبكي له مدامعنا نسوق الااه والحسرات ولا نعرف متى نجابه عرب واسلام بالاسماء واعرف ويش يمنعنا ما دام ان الجسد فاسد فمنهو يحسب حسابه وما دام جهادنا مكفن فلابه احد ينفعنا لا بوش(ن) ولا توني ولا شيراك واذنابه تعودنا على الطاعه واذا جانا امر طعنا لنا سيف(ن) ونامر به ولكن الصدى صابه نبي نكتب لنا تاريخ بدمانا واصابعنا ونبي نجغرف لنا ارض(ن) بها جيوش(ن)ووثابه نبغى نزلزل العالم ويعرف كيف لابعنا دمانا لوجه الله ولا هو خاب طلابه ونبغى نقود للعالم ولابه حد يردعنا والى منا بغينا امر(ن) جانا ما درينابه نبغى عزة(ن) لاسلام وترى هذي مطامعنا ونبغى نمسح قهر ظلم(ن) علينا طوق حجابه لنا دين ولنا جنه لها اشواق(ن) تنازعنا مللنا من قهر شارون مع رابين وكلابه لنا تاريخ نفخر به وامجاده ترصعنا نبي وقت المعتصم يرجع وعمر وزيد واربابه الى يا ما ضربنا بسيف وادمينا واوجعنا بجموع(ن)ما تهاب الموت لشرب النصر رغابه مللنا بطش اسرائيل وحنا في مواقعنا وترى صوت(ن) بلا قوه ابد ما يرجع اسلابه نسينا الرمح والحربه ونسينا كيف يجمعنا كتاب الله مع سنة نبي الله واصحابه سهيت وراح تفكيري بخيالاته توسعنا اماني والامل موجود ما دام الحق نقرابه الشاعر / هاوي قصيد/ سلطان القحطاني ----------- - - - ( 2 ) (طار بي الجني) ----------- بي غموض(ن) يحتوي بعض الغرابه وبي شموخ(ن) واضح(ن) والطبع غالب وتنتهي بي كل اهات الكابه والفكر به من تحاليل المذاهب والحياة اللي خذت شكل الرتابه لونها باهت ووجه الضحك شاحب وما اخاف من الطموح الا ذهابه ولا اخاف من الزمن غير التلاعب يا رفيقي لو تهجيت الكتابه ما لقيت الا ظلام(ن) في غياهب قمت اشوف الضحك يمشي مع سحابه راحل(ن) معها شمال تقول هارب ومن غدت له وردة(ن) في جوف غابه وقد غشاه الليل وكل الجسم تاعب عزتي له كان دور واعذابه وعزتي كان روح عنه غايب حلمنا اللي ما ذبحنا الا سرابه نطرده لو كان باخرته مصايب ومن قرت جرحي وتعلن بالتهابه كاهنه تقرا لجرح(ن) به عجايب تضرب الاحجار وتعلن في مهابه انت تايه في طريق الحب طالب لو وضح لي كذب هرجه من صوابه يكذب التنجيم لو صادق وصايب فلسفة دنياي اقراها ونابه ومن قريت حروفها اصبحت راهب والخيال الجامح اليوم ويش جابه? كنت ف ارضي وانتهض بي للكواكب طاربي الجني واعتلابي في ركابه قال شوف الارض تحتك انت هايب? قلت والله ما نعرف وشهي الاهابه لو تفك قيود حبلك جيت لاهب ويا خيول الفكر زيدي باستجابه اطلقيني دام تفكيري تساكب علميهم يا الحدايق عن مصابه وعن جروح(ن) تنتظر وبل السحايب وعلميهم يا المواني باغترابه وعلميهم كيف شوقه للركايب انشديهم عن دلال وعن ربابه وعن عطور الهيل وانفاس القرايب عن بيوت الشعر وارحب يا هلابه وعن وجيه(ن) سمر عكفان الشوارب جيت افضفض بالحروف اللي تشابه وشفت همي يوم افضفض في تعاقب ولا زهمت الشعر ملعون الصلابه ازهمه ياتي وهو مذعن وزاهب ياتي بشموخه مع حضرة جنابه يعلن الطاعه ويسال ويش شارب? الشاعر / هاوي قصيد/ سلطان القحطاني ----------- - - - ( 3 ) (ماساة بشريه) ----------- للمرض للموت لاطفال الشوارع للفقير اللي تمنى خبز يومه لليتيم اللي نسى شكل المضارع حدته دنياه واصبح في همومه لفاقد(ن) بيته وهو نومه بشارع واصبح الكرتون لبسه هو هدومه ااه من واقع غدى مر(ن) وجازع من زمان(ن) راكز(ن) فيهم سهومه قمت اعاني واخفي الدمعات بارع من يلوم الحزن فيني من يلومه? من يضحكهم? يفهمهم لواقع! اصبح الانسان في دنياه كومه خالي الاحساس ولا عنده لمانع هو يبيع الحس للي هو يسومه صارت الدنيا قنابل مع مدافع والقوي يفرض حقايق لمهزومه يا ضمير العالم اصحى انت قانع? لي متى وانته مترف في نعومه الشاعر / هاوي قصيد/ سلطان القحطاني ----------- - - - ( 4 ) (الضيــــــــــاع ) ----------- يا حبيبه علمتني في فنون الغزل والحب والعطر وشذاه لا جفاني الحلم ابشر بالجنون وش يفيد العقل وبجوفي لظاه? ووش يفيد الموج لاصابه سكون? ووش يفيد النجم لا روح ضياه? علموا ياس(ن) ذبحني بالظنون مبتداه اليوم فيني ومنتهاه وان جهلنا فعلموا جهلي يمون وان امرني والله امشي في رضاه كل عرق(ن) في خفوقي به طعون كن طعانه يدور مبتغاه وقد رسمت الحلم في ذهني حنون طفل طاهر ما تغير بالحياه وقد لمحت الخوف وعيوني تخون كنت غافل ما لمحته بانتباه الفكر فيني صاير ذو شجون ضايع(ن) ما مسك له اتجاه فكرة(ن) عجزت في شعري تكون واضحه للي تهجا ثم قراه الشاعر / هاوي قصيد/ سلطان القحطاني ----------- - - - ( 5 ) (تكرار الضياع) ----------- يا عنود(ن) عانقت صدر الهضاب هو جفاها الغيث ما جاها الحبيب? وايه يا صوره تغشاها الضباب يا ترى توضح او ان مالي نصيب وانت يا حلم(ن) تثنى في كتاب فسرك راعيه تفسير(ن) مريب الشوارع صاخبه والحلم شاب والمدينه تكتسي لون(ن) عجيب والماسي تنتظر بالفين باب والخطاوي بالقدى او هي تخيب? صاحبي والقلب لو شفته تهاب صاحبي باموت من قلب(ن) عطيب هي تموت الذكريات ف عين شاب? او هي الذكرى بتنزح للمغيب? الشاعر / هاوي قصيد / سلطان القحطاني ----------- - - - ( 6 ) (نجد وامي والبراقع والعناد) ----------- هو جفاني الحلم مع طول المدى? او جنوني ينتظر مني رقاد? الطموح اللي على ضلوعي عدا هو يسابقني واسابق له وكاد كل ما ونيت بي شاعر حدا باغنيات الغيم واسرج له شداد وارتقى مهره جفول(ن) وانشدا الاماني طالبه ضرب الزناد وما هقيت الليل يفرح بالصدى لا رفعت الاااه يضحك بانفراد الاماني تصطفق فيني سدا من سنين وطعمها نفسه يعاد شلت روحي وانتظر منه ندا لا سمعت الصوت ولا نلت المراد وجرحي اللي كل ما اظنه هدا بان جمر(ن) كان من تحت الرماد كل ريح(ن) في خفوقي تشهدا بغياب الوبل وانفاس البراد في نهاياته ومني قد بدا!! وفي بداياته نهل مني وداد!! وردة(ن) في صبح تشرق بالندا من مطر ليل(ن) وصارت للسواد جرهدت فيني جماعا وفردا الخواطر القديمات الجداد ما كتبت الشعر قصدي اسردا لو بغيت السرد نلته بازدياد الشعر عندي ومن روحي غدا جزء منها ما يطاوع للحياد وااه يا جفن(ن) عليها اعتدى السهر والشوق من طول البعاد نجد يا شوقي وياضيم العدا تذكرين الحب يا اغلى بلاد? لو طلبتي الروح تاتي لك فدا كل شي يهون لعيون الجهاد والله انه ما وطاك احد(ن) ردا ووالله انا دون ارضك بالعتاد شاقني نور(ن) لنار(ن) توقدا في طرف خيمه مع صوت الرعاد وشوف ابل(ن) درهمتها تسعدا وطلعة المقناص في وقت الهداد هاجمتني وسط قلب(ن) اجردا هي هموم القلب اسراب الجراد ذكريني بكل شي(ن) ما عدا نجد وامي والبراقع والعناد الشاعر / هاوي قصيد/ سلطان القحطاني صح لسانك مليون مره اختك / نادره ----------- |
|
|
|
|
29-10-2001, 09:52
|
#3 |
|
موقوف
|
اختي نادره تعجز الكلمات عن الشكر ولكن ما اقول الا الله يحفظك لعين ترجيك الف الف شكر اختي نادره وصدقيني كلمات الشكر لا توفيك حقك اسمحي لي اختي ان اتولى الردود معك بعد اذنك طبعا ولك خالص تقديري اختي |
|
|
|
|
29-10-2001, 10:05
|
#4 |
|
شـــــاعــــــر
|
الأخت العزيزة نادره وش اقول ؟ انت اكثر من ان يسطر لجهودك المداد انت بحر من العطاء سلمت يداك وتفكيرك ومثل ما قال اخوي سلطان الله يخليك لعينن ترجيك :::::::::::::::: اخوي سلطان تستحق اكثر انت من اهم الأشخاص الذين يرغمونني على التشبث بهذه الساحة رغم ضيق الوقت لدي اقولها حقيقه تثبتها اخلاقك الطيبة في التعامل مع الأخرين ( وتراي ما انضل بس ابا ادرس عند ابطر واحد بالنضل وبعدها ابا اخش الساحة ) ::::::::::::::::: تقبلوا تحياتي وتقديري لكما . |
|
|
|
|
29-10-2001, 11:07
|
#5 |
|
عضو شعبيات
|
اخت نادره لك جزيل الشكر والله ونعم الاختيار ؟ قصايد تدعو للدهشه ( والله اني عدت قراءة الملف حول 3 مرات ) وكل بيت اوقف عنده شوي ماشاءالله عليك ياسلطان قصايد كلها جزله ومعانيها ترفع الراس فعلا نحن بحاجه لهذا الملف للشاعر الفحل ( سلطان القحطاني) تحياتي لكم |
|
|
|
|
29-10-2001, 11:12
|
#6 |
|
سيـــف الســـيــف
|
نادره (00000000000000000) كل كلمات الثناء صفوهن بين القوسين وعسانا نعطي هالبنت النادره شي بسيط من اللي هي تستحقه0 ==================== هاوي وربي اني يمكن فرحان اكثر منك وتستاهل لعن ابو ابليسك ماغلاك اخوك عكاشه/2====خخخخخ ================== خالي ابونوت تامر عليه تراني توني هابله في منتدى المحاورات بمثل كلامك وانت كملت الباقي وضربتين بالراس توجع  <<<===== راعي محل قام يرد على هاوي وابونوت يالله اللي بعده خلونا نستغل الوقت مادام هاوي ماهوب فيه لك كل الود اخوي سلطان [ أكتوبر 29, 2001: تم تعديل الموضوع بواسطة : عكاشه ] |
|
|
|
|
29-10-2001, 11:59
|
#7 |
|
شــاعر
|
اختي نادره تسلمين على جمع هذه الدرر لاخي سلطان...هاوي قصيد... لقد اسحنتي الاحتيار واتحفتينا بروائع اخي الجميله التي نستمتع بقراءتها دائما.. اشكرك اختي وهذا ما تعودناه منك يا جامعة الورد.. تقبلي تحيات اخوك البدوي |
|
|
|
|
29-10-2001, 17:28
|
#8 |
|
عضو شعبيات
|
الاخت / نادره تسلمين على مجهودك المتميز والله يعطيك العافية ( ومهما حصل فنحن اخوان والاخوان يجي بينهم زعل ويختلفون لكن يبقون اخوان وهذا شعوري ويشهد علي الله وانا اعتذر اذا حصل مني اي شي وانتي مسموحة *// انا تعمدت اكتب الكلام هذا في ملف اخوي / هاوي قصيد -سلطان القحطاني - لانه كان حاضر الموضوع واعطانا راية والشي الثاني انا كان بامكاني اكنب لك على الخاص واصالحك خلف الكواليس لكن لم اتعود هذي الاساليب فكما اختلفنا امام الاخوان نتفق امامهم ولايخجلني ان اعتذر لك قدامهم ارجوا ان تكون الامور قد انتهت وان تصفى النفوس ولكن لي رجاء اختي نادره وهو طلب اعتبره اكبر جميل يقدم لي وهو عدم عمل ملف لي ولاتفهمينه بمفهوم اخر فانتي اخت وعزيزه وعلى العين والراس لكن هذي رغبة شخصية وارجوك ارجوك ارجوك ان تلبين طلبي وتقبلي تحياتي 0 ************* *********** * اخوي / هاوي قصيد تستاهل والله اكثر والابداع يفرض نفسة لاهنت وارجو لك المزيد مت التميز واعذرني على كتابة الموضوع السابق في ملفك ولك تحياتي اخوكم/ عبدالهادي الخليوي (ناوي) |
|
|
|
|
29-10-2001, 18:05
|
#9 |
|
العضوية الماسية للموقع
|
هاوي قصيد الشكر لك طال عمرك لقد استمتعت بجمع هذه الدرر الله يعطيك الف عافيه 0 اما اني اسمح لك بالردود هذا شرف لي ان نرد جميعنا على من يشرفونا ويشاركونا فلهم الشكر وانت الله يعطيك الف عافيه 0 0 0 ابونوت ويخليك لعين ترجيك ويطول لنا بعمرك لاهنت 0 0 سعد الدوسري ونعم بحالك لك مليون شكر0 0 0 عكاشه يا خوي كلمات الثنا ء تقال لك على حسن اسلوبك ووقفتك مع الجميع الله يجزاك خير الدنياء والاخره 0 0 0 بدوي في امريكا الله يسلم عمرك لك الشكر 0 0 0 ناوي على كل حال حضورك واعتذارك له اكبر الاثر في نفسي انت اخ عزيز 00 له كل الاحترام 0 اما انني ما اعمل لك ملف ابشر 0 مع التقدير لك ولا ارائك ( اختلاف الرأى لايفسد للود قضيه ) |
|
|
|
|
29-10-2001, 18:31
|
#10 |
|
رحمة الله عليه
|
اختي النادره :نادره .....الله يبيض وجهك ويعطيك العافيه ..وانتي والله معروفك على العين والراس ومشكوره على كل ماتقومين فيه من مجهود.... أسمحيلي أختي :وتراي أمون  اخوي :ابوفهد ....الله يبيض وجهك يالحبيب دائم تحمل هم الغير ودائم ماتحسب لمشاعر اخوانك ووالله ان موضوعك مع اختي النادره متابعه من أول وحاز في نفسي والحمدلله الموضوع أنتهى وله الحمد والشكر .... أختي نادره: الله يسلمك على هالأريحيه والتسامح اللي ماهوغريب عليك ... اخواني ان كان لي عندكم خاطر ومعزه وان كان هالعشره والرفقه اللي بيننا طبعت بقلوبكم شي لراعي العنود .....أرجوكم ثم أرجوكم ثم أرجوكم باسم العلاقه والتقدير اللي بيننا ... اختي النادره :نادره رجائي ان تعملي ملف لأخونا عبدالهادي الخليوي ...لاتخيبين رجائي  ابوفهد لاتردني خلاص الله يعطيكم العافيه ..... تسلمون كلكم والله ..... |
|
|
|
|
29-10-2001, 18:49
|
#11 |
|
عضو شعبيات
|
شكرا نادره00مجهود رائع تسلم ايدك ويعطيك العافيه000 0 0 0 هاوي قصيد00اذهـلتـني ! شـاعر انت حتـى الثـماله ! يعطيك الف عافيه000 [ نوفمبر 08, 2001: تم تعديل الموضوع بواسطة : دنيا من الوله ] |
|
|
|
|
29-10-2001, 19:34
|
#12 |
|
عضو شعبيات
|
ان قلت انك ذوق بس طلعت الذوق كله.. تسلم يمينك اختي نادره.. يعطيك الف عافيه.. وعساك على القوه.. تقبلي تحياتي اخوك المملوح,,  |
|
|
|
|
29-10-2001, 20:12
|
#13 |
|
عضو شعبيات
|
اخت نادره اشكر فيك مجهودك الجبار والله يكثر من امثالك انتي مثال الاخت الصادقه وعساك على القوه وماقصرتي نردها لك انشاء الله ..... --------------------------------------------- اخوي هاوي تستاهل اكثر والله يالغلا وابشر انشاء الله باللي هو يرفع الراس وصح لسانك انشهد انك ملكت الساحه وعساك على القوه وتقبلوا تحياتي... اخوكم :-- عشق بدوي |
|
|
|
|
30-10-2001, 04:58
|
#14 |
|
موقوف
|
اخوي بو نوت شكرا لهذه الكلمات الرائعه وشكرا لهذه المبادره الاروع وعادتك سباق بالطيب يا غالي وعاجز عن الشكر والبركه في اختي نادره الله يعطيها العافيه وتقبلوا تحيات اخوكم |
|
|
|
|
30-10-2001, 05:25
|
#15 |
|
رحمة الله عليه
|
اخوي: هاوي قصيد .....صح لسانك وبيض الله وجهك رائع يابعدي...أنا قصدت أن أضع لك رد خاص .. تقديراً لك مني ... والله تستاهل وانا اخوك.... وهالمره ماهوب ظاهري ان بغيت باطني تسلم والله اخوي سلطان... |
|
|
|
 |
| عدد المتواجدون في هذا الموضوع » 3 , عدد الأعضاء » 0 , عدد الزوار » 3 | |
|
|
|
|
