[ناصر آل مداوي]

السلام عليكم ورحمة الله وبركاته
كل عام وانتم بخير .. اسمحوا لي بهذه الكلمات عسى ان تنال على شئ من استحسانكم
.
.
.

لا باس من فرقا المحبين لاباس=يا روحي اللي بيّحت كل مكنون
حرب المفارق من زمن قبّ الافراس=تسحق غلا الاثنين وتخيّب اظنون
ما للدهر في كرّها طبول واجراس=للعذل فيها نوق وجمال وضعون
يا صاحبي يا لول يا درّ الالماس=يا عاقلٍ امسيت.. واصبحت مجنون
ليه الجنون وليه تأبين الاعراس=وشلون تعطي طاير البين عربون
العاذل اللي يسكب السم في الكاس=شين القفا وان صار في الوجه.. مزيون
لوّ الرجا هجرك ووصلك هو الياس=ماني لتحقيق الرجاوي بممنون
إلا (حسيبه) كلمةٍ بين الاقواس=هجرٍ صرع سلواي وابكى لي اعيون
ما شفت منه الا المواجع والافلاس=واعراض عينٍ بي ولاني بمعيون
في صدري الضيقه وفي البال وسواس=والحال مرٍ فوق وامرار في دون
دنياي ليل وفيّ للخيفه اوجاس=ما كني الا في بطن حوت ذا النون
والحزن في جاشي جماعات واجناس=قبايلٍ له في الحشا افخوذ وبطون
يا بايعي شاريك متناقض احساس=في الكون اعيش وعايشٍ خارج الكون
عقبك وانا ميّت وفي صدري انفاس=حيٍ مع الاحيا.. وفي القبر مدفون
شفني وانا اصلي عليّه مع الناس=واستقبل اللي جاو فيني يعزون

[/quote]

[نورة العجمي]

سلامتك من غير شر ياناصر

الله يخليك للشعر وكل من يحبون شعرك يامبدع

صح لسانك

وعشت على أجمل الاحاسيس والمشاعر والحياة السعيدة

[الجازي]

اهلا بالأصيل ناصر

لوفاءك الشكر

صح نبضك

لقراءتك متعة

[ناصر آل مداوي]

الرسالة الأصلية كتبت بواسطة نورة العجمي

سلامتك من غير شر ياناصر

الله يخليك للشعر وكل من يحبون شعرك يامبدع

صح لسانك

وعشت على أجمل الاحاسيس والمشاعر والحياة السعيدة

Tsh2

الله يسلمش يا نورة والشر مايجيش

وصح الله بدنش

ولاهنتي على الثناء والاطراء يا كريمة

كل التقدير

[ناصر آل مداوي]

الرسالة الأصلية كتبت بواسطة الجازي

اهلا بالأصيل ناصر

لوفاءك الشكر

صح نبضك

لقراءتك متعة

مرحبا اختي الجازي

وممتن لش وصح الله بدنش

والاصالة والوفاء استقيها منك ومن اعضاء هذا الصرح القائم على ذلك

كل الشكر

تقديري