[صالح العبدالكريم]

صبـــاحك ياعسل .. زيّك هوى صافي .. براااد و ... غيوووم أخبرك تستمخ غيّك ... وش اللي أخــرك هاليــوم .. تنهّض /// لعنبو حيّك تنهّض /// وش تبي ي ي ي بالـ نووووم ..!

[صُــدفه]

انا و الحـظ وايامـي تحـت ربـي وبيـن ايديـه"
"رضينا بما انكتب لو هو قهـر غصـب ٍ رضينابـه

يموت من الوفا علم ٍ على صدري واعـود احييـه"
"وانا ادري الوقت ما يوفـي ولا يستاهـل احيابـه

ولكن ب الصدر حرقه تخفّـي فـي ذراهـا تيـه"
"مضت حولي ثلاث عقود ولاني حاسـب حسابـه

على ذاك الطريق اللّي هفت عينـي وهـي تبكيـه"
"وقف كل الحكـي يومـه تذكّـر ماضـي احبابـه

جروح القلب حدّتنـي علـى شـي ٍ ابـد ماابيـه"
"وعزمت امري بدون اسأل ولا برّقـت ب اسبابـه

حسافه ي المكـان اللّـي تركتـه للشقـا يطويـه"
"على كيف الزمن واصبح بعـد فرقـاي اولـى بـه

ابد ما ترخص ايامـه ولا يرخـص علـي غاليـه"
"ولو ترخص لي الدنيـا ابـد مـا يرخـص ترابـه

صرخ في داخلي جرح ً ذبحه الخوف قلت اعطيـه"
"بعض من ذكريات الليل عسـى ينسـى ويسلابـه

لقيت القلب ما خلّد مـن الذكـرى سـوى ماضيـه"
"وانا مالي من الماضـي سـوى ذكـراه واطيابـه

هذاك اللّي الى كثرة علـى قلبـي الهمـوم اجيـه"
"مهو بيقـول لا كثـرة عليـه اخطـاي وش جابـه

ابو عيـن ٍ الـى سجّـت تبعثـر للغـرام وجيـه"
"يا كنّ السحـر معقـود ٍ ثمـان عقـود ب اهدابـه

والـى سلهـم بنظراتـه وجفنـه للمـدى مرخيـه"
"ذكرت اللّي عطى الصابـر علـى بلـواه وآثابـه

ومبسم كل ما ظمّـه رسـم لـون الشفـق ورديـه"
"والى منّـه ضحـك زيّـن بيـاض الثلـج عنّابـه

وخد ٍ للسماء صوره عليـه ولا انعكـس ضاويـه"
"على خد السمـاء بيّـن طريـد البـدر واضوابـه

وشعرٍ كل ما حـوّل علـى متـن الهـوى يشقيـه"
"والى منّـه بغـى يرفـع بعضـه يعـود يشقابـه

عطاه الليـل مـن لونـه سـواد ٍ حالـك ٍ يغشيـه"
"سـواد ٍ مـا يجـي مثلـه سـواد الا ويغشـابـه

وخصرٍ لا ارتكى كنّه على اقصاة الحشى مركيـه"
"قطـع بـذر الليانـه لا تهـادى الريـح واقفـابـه

تجلت صورتـه فـوق الخيـال ولحظـة التشبيـه"
"ابـد مالـه شبيـهٍ لـو كثيـر الخـلـق تتشـابـه

وانا وإن قلت ابي اسمي غلاه اتـوه قبـل اسميـه"
"وكيف اسمـي غـلاه وكـل ضلـع ٍ راح يغتابـه

شربت من الهوى مرّي ورحت اركض ورى طاريه"
"وكدت الحِق على رجل ٍ لحقها العسـر ولا عابـه

وقمت اتلمس بعتمة ضلامـي لـو بعـض باقيـه"
"عساي القى عـذر يدمـح خطـاه وكثـرة غيابـه

ولو ترجع لي ايامي علـى مـا اشتهـي ل اكفيـه"
"عنى طول السهر وامسـح دمـوع الوجـد بثيابـه

سألني القلّ باقي بـك ملامـح تشبهـه قلـت ايـه"
"مدامه من رحل يطـوي الهمـوم وينقـل اصوابـه

وانا اكذب على نفسي واقـول ان العشـق مخفيـه"
"ورى حدب الضلـوع ولُـو زراق الدمـع ينتابـه

تعبت اهرب من اايامي عساني ب الهروب انهيـه"
"واثر درب الهـروب اللّـي نزفـت يعـود يبدابـه

يا عنك الوقت تعّبني علـى ممشـاه قبـل امشيـه"
"ويوم اني مشيته شفت لاقصـى الجـور ممشابـه

وانا شفت اللواهي شوف ولحدٍ قال لـي وش فيـه"
"وانا وش فيني الا الشوف وّعـود النفـس كذّابـه

حشى ما غير ربي لي قريب الياانغمضت ارجيـه"
"وغيره لو اشـوف المـوت مـا عديـت مرقابـه
ص.ع

[صالح العبدالكريم]

في كل شخص محلّيه الولي ( عذروب ) ! ......... إلا انت الله خلق بك كل شي ( حالي ) ..!!

[صالح العبدالكريم]

ما خذى الَْطوله سوى من كان بالدنيا عصامي ................. وما رضى بالضيم غير اللي همومه كايدات ومـا كتم حرّ اللهايب بنسمـه غير القطامي .................. والليالي ما تحاكي الا القلـوب المرهـفات وانت ياللي من عرفتك ناسي ٍ حتى سلامي ................. الله اقوى بالشدايد لو ضعف حيلي و مات ما بذرت الا الهموم ومـا حصدت الا عظامي ................. وما كسبت الا سماحة وجهي و وطية ثبات و الفقير ولو قضى عمره يدوّر بالمكامي ................... عن بقية عيشته , ابرك عليه من العطاة بارك الله بالمدى لو كان قصّر عن مرامي ................... دامي المح صورتي تغّلب عليها الامنيات الحظوظ حظوظ ربّ رمية ٍ من غير رامي .................... والـقنوع اللي ينام ولا حسب هـمّ الحياة هيه يا قلبي تجمّل بالصبر واوعدك دامي : ................. عايش ٍ .. لتشوف يوم ٍ به جروحك باريات يسمح امرك لو شربت من السحاب وصرت ضامي ................. هو بقى بالعمر غير حساب خطوات الممات النوايب لو لها بقفـايتك ذكر و اسامي .................. كان ما شفت الهقاوي تشبه عزوم البنات لا تحسب انّي انكسرت ولو وقع منّي حزامي .................برجع اوقـف دام باقي بظهري سبع خرزات !!!؟

[صالح العبدالكريم]

يا طفل ياللي كبرت ورحت بأشباهك لأمك ................... يا ليتها ما أعطتك نفس الملامح و المشي !! الله يرحمها الله يرحمها الله يرحمها الله يرحمها ويرحم دمعي الغارق بهمّك ...................... الفقد يووووووووووجع يا بعد خالك وحزنه ينتشي !! كل ما تجي من آخرك تركض وتبغاني اضمّك ..................... أحس اني لا فتحت يديني من طولي آغشي !!

[صالح العبدالكريم]

تبغى الصراحه : شفني ميّت من الجوووع ؟ ............... مهوب جوع البطن .. جوع المواصل !! دعيت ربّك شوفتي .. وروّح اسبوع ............... وبعض الدعاوي ما تحقق و تاصل ! افاااا عليك يضيق صدرك بموضوع : ................ ما هو بيدّك .. وأنت طيّب و آصل إستهد بالله .. ما أبي اسمع دموع ............... ملح الدموع يطق .. مثل المفاصل ! حتى لو انّك مضوي لجيتي شموع ................ مـو كل شي ٍ لا بغيناه حاصل طعم السفر مرّ .. وخطاويّه وجوع ................ ترسم على ماطا الهواوي فواصل ..!

[صالح العبدالكريم]

واللي يرضى لي عليك : ما كنت أنا اضنّي بأقسى عليك وأروح ما للحقايق عذر دام الجروح جروح فاتت سنه واكثر ....... واحنا مثل ما احنا كل ما الغلا يكبر ....... تصغر ملامحنا واللي يرضى لي عليك تقدّر ظروفي مدامي جيت يمّك !! حزن البدايه ما يهم لو عانق طيوفي وبعثر بالنهايه همّك !! من عرفتك .. , . والسهر يستلطف عيون الليالي والحقيقة هي تبيه ..! دامها كل ما تهادى نزفها تُبلى بغالي ضاقت الدنيا عليه ,, لو تناظر له بيشكي لو تنادي له بيبكي لو تقفـّي عنه يكسر هيبة الصمت بيديه ! لا تعاتبني حبيبي يمكن إن الوقت بدري بكرا تتعود غيابي .. ويكبر بعينك عذابي .. وتلقى غيري من يحس بقـدرك وينسيك قدري !! وش تستفيد ..؟ إن قلت لك بأوله عليك فغيبتك وبحرق لك أنفاسي سنين وأنا اعرف إني بشـغلك فيها وبجرح طيبتك وإهي اللي باقي من الحنين ..! شـفـ حبيبي : عمر الأيام لحظه : إن مشيناهـا بتموت وإن نـسيناها بتموت وإن عرفنا ما أنعرفنا ..... دام مـا يـُخلق يموت !

[صالح العبدالكريم]

من يخونك بالمودّه صعب تبقى له وفي ............... وأنا ما خنت المودّه يوم خانتني الظروف شرهتي ماهي على اللي لشوفة الجرح يحفي ............... خابر انّه لو وصلّه .. ما لقى شي ٍ يشوف ادري انّه .. لو يزيّن هرجته عرقه هفي .............. ويدري انّه .. لو يلمّع ما بقى منه معيوف شرهتي والله على اللي اظهره لو ينكفي ............. وإن شكرني قلت مالي منّه .. ومالي معروف مابي إلا الطيب يبقى .. وحق ربّي وشرفي .............. يوم صار الطيّب أهبل .. والزمن مليان خوف كل نار ٍ غير نار الظيم .. باكر تنطفي .............. وكل مرٍ لا علق بـ الكبد .. يا عنك مخلوف وكل نفس ٍ ما تقول لخبث نفسه أوقفي .............. والله انّك تستحي من فعلها .. عند الضيوف علّم اللي ما عرف للحين كيف مناكفي .............. إنّي اللي لين وقّف .. ما شكى طول الوقوف دام ما يبغون تمري .. بس يبغون سعفي ............... خلّهم يبنون عشـّه .. ولي أجر ظل الضعوف والغنم لا قيل يالله جاك رزقك و أعلفي .............. لا تظن إنّه بتوقف .. تنتظر منك الحلوف والرجل عيب ٍ عليه إن بان يرجع يختفي .............. إنشد اللي يوم عزّة موتته طاحت سيوف أقدح من الراس علمي لين يوضح موقفي .............. ولـ أخلط القولات لو بي من عمايلها صدوف وعن مجالسة الوجيه السمحه ابداً ماكتفي .............. ما اوفيه بدعاي لوني بالحرم اسعى واطوف ومن تعبّث في سلومه .. لو جموعه تحتفي .............. باكر يبرّق بفعله .. لا بدت تطري الحسوف يا الليالي كان مالك غير شكواي .. أعرفي .............. والله إنّي ما شكيتك .. يوم بدّتك الخشوف جيت ولاّ علني ما جيت .. قومي صفّفي : .............. باقي همومك .. ترى ما عدّت ابرّق بالوصوف والنبيل اللي تعلّق بالهقاوي .. لا جفي .............. مخطي لو رمّم جراحه .. وعاد للهقوه شغوف ما بغيت آخذ كلامك .. وإن جبرتك أحلفي ............... أعرف انّك لو حلفتي .. قمت اسولف بالحلوف بسهرك وإن جاك احد ٍ تحسبينه من طرفي .............. اسألك بالله قولي مرّني و .. وجهه مخطوف يمكن انّه : عن وطنه اللّي تربّى به نُفي ............... بس ما خان المودّه ... يوم خانته الظروف !؟

[صالح العبدالكريم]

يا الحبيب يااااا الحبيب !! يااااااااااا الحبيب !! اصحى !؟ اصحى شوف البرد سيّر اليا متى بتبقى بمكانك وكل ما حولك تغيّر امس مرّيتك .. واحسّك مثل م انت زي هالحين : ونسيتك ! إلا من بعض الغطا وادري انّك تنتفض من حر مابك ما تبي للغير منّه ولا تبي رد العطا قلت يمكنّك عقلت قلت يمكنّك .. لقيتك ! وأثرك مثل همّك غريب ..!؟

[صالح العبدالكريم]

تحضُرين والليل يسهر ُ تحت عينيك ِ والشمس ُ تُشرق بوجنتيك ِ حتى تشع ُ من الجبين ..! اصبحت ُ ارقب كل خطوات الذهاب وأرتدي سُبل الكلام وفيك ِ تاريخ الثقافة والوراقة ِ ومنك ِ تأنيق السلام وكأنك ِ النجم العلامة في السماء لتهتدي فيه السنين تحضُرين يا مليحة الصبايا يا إنعكاسات المرايا يا شمعة ً بالثلج تضوي يا قطعة الغيم وريح الياسمين يا أُغنيات الريح والشوق الدفين لا بأس إن صدق الحنين فالقلب لا يخلو من الأحلام والعين لا تخلو من التأبين ! ما كُنت ُ أصدق من كلامي الآن لأنتقي لفظاً من الألفاظ أو سحراً مبين قد كُنتُ أحترف ُ الكتابةَ في النساء حتى نفخت الصبح في رحم المساء ولم اُحس بما كتبت لمَ كذبت .. أوَ تسألين !؟ قد أعزو ذلك أن كل قصائدي لم تلامس سقف روحي حتى وجدتك ِ تضحكين ..!

[صالح العبدالكريم]

جددت جرح ٍ غافي ٍ يابو عوّاد ................. وأنا طبيعة جرحي لمثلك تزود يا الشايب اللي يوقف عقالك حداد ................ على الزمن لو بيّن بضحكتك جود انا اعرفك تقرا على حزنك اوراد ................ تخاف يضعف حيلك ومالك زنود انت الضحيّه لا تنادو بالأحقاد .................. وانت الوطن لوّك معتّر وملهود تجيب من صلبك رجاجيل وأحفاد ................... وتعيش لكن عيشتك توجع كبود وتموت داير بين الأردن وبغداد .................. ومن شمال المملكه أصلك يعود ابكتني والله غربتك والبكا زناد ................... يثوّر بعلبا هل العرف بارود الناس تفسق يا الفقيّر بالأعياد .................. ومثلك يدوّر لقمته بين الحدود !!

[صالح العبدالكريم]

الورق ما كان مهرب لجل تحسبني هربت .................... والقلم ما كان فكره لجل ادوّر بك خيال يا كثر ما كنت ابعد واكتشف انك قربت .................... مثل من ينوي البعاد وينتظر كلمة تعال للأمانه كنت طيّب حيل لكنّك خربت .................. وللأمانه كنت غالي حيل وأيامك وصال تذكر آخر ليله قبل ارحل حبيبي وش شربت ................... جايز انّك ناسي بس عيونك بتنسى محال كنت أشرب كل حرف بدمعتك ليني ضربت : ................... للزمن أقسى معاني وللوفا أصدق مثال .!!

[صالح العبدالكريم]

الإسقاط على حالة ٍ ما يستدعي الشعور الكامل بجوانب الحاله المراده بالتالي فكل ما يراد من علو صوت أو اخفاض أسى يُبقي الحياة على ماهي عليه لطالما كنت أنظر إلى حالات ضعف الأشياء بشيء من قيمتها حال الزهو وليس حال الإضعاف ..! فز عصفور الفجر من عشّه ................... وأنعش أنفاس الفضا تصفيره كن خلقه ضايق وبيفشّه .................... قبل توذيه السكك و الديره لو جناحينه صغار وهشّه ................... ولو تحامل لطفه بتصغيره يكفي الفرحه يعرف يخشّه ................... بين أغصان الشجر تصبيره وإن ظلام المقدريّه غشّه .................... ما تعلّق بالسهر تفكيره نام بدري والأماني طشّه ................... من سماه لصحوة التكبيره كن لحظات العمر مختشّه .................. والدفا طعم الوجع والغيِره : لا تنافض والغيوم ترشّه ................... وراح يفتح للسما ازاريره غرغر بملح الدروب وقشّه ................... من يباس وريشتين وجيِره موتته قبل العقول بوشّه ................... يا عِظم هالموته وتعبيره توقد بصدري حنين ونشّه ................... وتترك بعيني كلام وحيره عن صغاره والطعام وعشّه .................. ما ترك غير المدى و الخيِره !!

[صالح العبدالكريم]

إن جا هلابه وإن تعدّى هلابه ................... ما هان قدره لو تهاون بفرقاه ما اقول الاشياء في غيابه تشابه ................... يلعن ابو الاشياء اذا ماهي اشياه العشق مثل الموت ونفس الغرابه .................... حياة اُخرى تنكتب لك وتقراه صعبه تكرّر لو تكرّر مُصابه ................... هذاني رجل وعيني تغورق بماه ما كل سؤال بداخلي له إجابه .................. يا كم سؤال يفتّ عظمي و أدراه أهون على الإنسان يفقد صوابه .................... ولا انّه يفقد واحد ٍ عاش جوّاه والله احبّه احب لو ينحكا به .................. ما ظل بعدي عاشق ٍ يترك أنثاه والله ما جنّن عاشقه في غيابه ................. إلا انّه يسمع ضحكته داخل أحشاه !!

[صالح العبدالكريم]

قصيدة يضايقك .. صوتيه