رد : فـــ/خ الـحـ ــ ب..!!
إقتباس:
الرسالة الأصلية كتبت بواسطة هتون الشريف
شفني حبيبي رغم كل المحاذير=الخوف, والليّل البهيم,وظلامه
جيتك على الموعد ومن دون تأخير=يوم اهتنى قلب الخلي في منامه
امشي الهوينا من بدت طلة عصير=والجسم يادوووبه تشيله عظامه!
ماردني عنّك طويل المشاوير=ولاالعذول اللي يسمّ بكلامه
لوهو لمزني قلت له خير ياطير؟=ماهمني هذره وزايد ملامه
باسير لك لو كان يتعبني السير=كانه على شرواك مابه ندامه
ماطيق هجرانك ولاله معاذير=مادام قلبي فيك معلن هيامه
لبست تنوره من احلى التنانير=زرقاء بلون عيون زرقاء اليمامه
وبلوزةٍ فيها خطوط ودواوير=ثغرٍٍمدوّر والخطوط إبتسامه!
ونْسيت من شوقي احط المناكير=والخصر ماحطيت حتى حزامه!
وجيتك عسى ربي يمسّيك بالخير=ياهي تجنّن كشختك بالعمامه!
والثوب والياقه وطقم الأزارير=وسامةٍ مابه بعدهااااوسااااامه
ملامحك فيها مهابه وتقدير=شيمة و نخوة و إعتزاز وشهامه
احسّ جسمي فيه رعشه وتخدير=مدري وربي ياحبيبي علامه ؟!
ياليت فيني بس تدري وش يصير=لالامست كفك على الخد شامه؟
ماشفتني ضيّعت كل التعابير..=ضيّعت حتى طرحتي واللثامه!
من غيرك اشغلني حبيبي عن الغير=بالله من غيرك ملكني غرامه؟!
خل نتهامس مثل زوج العصافير=والعش حلمٍ فوق صهوة غمامه
تطير كل شوي..وشوي وتطير..=صقرٍ بـ/" فخ الحب"وقّع حمامه!
وابوح لك بالسر والسر في بير!=باللي ورى عوج الضلوع وامامه
وعقب الوناسه وانفراج الأسارير..=قلت الوداع وقلتلي بالسلامه
اودعك والعقل مشلول تفكير= اثري تركته في مراتع هيامه؟!
|
هتون الشريف
شاعرة وإعلامية فوق الشعر
تخلد هذا الإسم بالذاكرة منذ زمن
رغم قلة تواجدك
إلاأنه عبر دراساتي وجدت أن لك شعبية كبيره
كوني بخير وتواجدي عند جمهورك
وإلى الصفوف الأولى
|