03-05-2007, 20:15 | #31 |
شـــاعــر
|
رد : .. متعب التركي ..
ّ
ماني اعمى بصيره بس وش عاد اسوي=ما يطيب الجريح ان كـان ما ينتـداوى كن حبه على حدب الضلوع امتطـوي=كيف ابقوى وانا بيبان قلبـي تهـاوى شوف قلبي من جروح البعاد متكـوي=عقب ما قلت جرح العام طاب وتشاوى يوم ساقوا ركايبهـم وشبيـت ضـوي=ما تخوفت وسباع الخلا .. لـي تعـاوى اشهد انه تعكر عقب مـا راح جـوي=ما نسيتـه وزولـه للعيـون يتـراوى زل وقت الوعد ما عـاد فيهـا تـروى=بس انا وانت يا حرف القصيد انتخاوى قلهـم يا قصيـدي لا يروحـون تــوي=ماني اللي حضوره مع غيابه تسـاوى رد عنـي علوم ٍ ما تفرّح عـدوي=قلهم ( متعب التركـي ) عليـل وتـداوى |
03-05-2007, 20:17 | #32 |
شـــاعــر
|
رد : .. متعب التركي ..
ّ
ليل هاك الجدايل طـال مسراه=بين تفسير حلـم وبيـن امانـي يوم حد الغلا قلبي على أقصـاه=شرع القلـب بيبـان المحانـي ما رمانـي ولكـن قلبـي أدمـاه=عـاد وشلـون لا منـه رمانـي لا نقض ليـل مجدولـه وخـلاه=قلت وش هالظلام اللي غشاني لو يمر البحر شاطـي شفايـاه=صار بحر الخليج فـرات ثانـي وين ابلقاه مـدري ويـن ابلقـاه=دامـه بكـل ذره فـي كيانـي ادري انه نسى الموعد ولا جـاه=بـس ليتـه نسـاه ولانسـانـي لو عيونه بحرهن ما ركـد مـاه=شط الاهداب صار اجمل مواني يكفي انه حفظ شعـري وغنـاه=وابتسم لي وقـال ادري عشاني كل ما ترتسم بسمه علـى شفـاه=اشعـر انـه يجاملنـي زمانـي ليه احبه واحب اسمه وطريـاه=يوم اخذ دم قلبي وش عطاني غاب وان شفت نفسي قادر انساه=قلت ربي كتب لي عمـر ثانـي |
05-05-2007, 03:36 | #33 | |
علبة ألوان
|
رد : .. متعب التركي ..
إقتباس:
مؤثرة ، رحم الله هذا البطل .. رغم متابعتي منذ زمن للشاعر متعب التركي واعجابي بقصائدة الا اني لأول مره أقرأ له هذة القصيدة .. شكرا ً يامرزوق |
|
05-05-2007, 18:42 | #34 |
شـــاعــر
|
رد : .. متعب التركي ..
ّ
هاك ذكراك من ذكراك ويش أستفيـد=كافـي أن المشاعـر هايمـه كلـهـا ودي انساك والنسيـان ما هـو اكيـد=كيف ابنسى عيون ٍ رمشهـا ظلهـا من هك اليوم وانت اللي بعيني وحيـد=ما خبرت العيـون تمـل مـن خلهـا مير نفسي عزيزه وانت رايـك عنيـد=والنفـوس العزيـزه ما تبـي ذلـهـا ليه تعطيني الدافـع واقـول القصيـد=ليه صفحـه غرامـي ترجـع تفلهـا ليه ترجع على الماضي تزيـد وتعيـد=وانت من عـام الاول عاجـز تحلهـا ما برى الجرح الاول كيف يبرى الجديد=شوف حالي نزيف جروحهـا سلهـا كل ما شفت لك ذكرى وربـي شهيـد=كـن نـزاع روحـي بالحفـا تلهـا اندفعـت لغرامـك يالغـزال الفريـد=والغـلا لـه دروب خاطـري دلهـا فرحتـي باللقـا رغـم انهـا ما تفيـد=فرحـه القـاع لا مـن المطـر بلهـا وش بقى يالسراب اللي قريب ٍ بعيد=المحبـه وراحـت وانتهـى حلـهـا لو كـل ٍ بكيفـه يأخـذ اللـي يريـد=كان ما شفت ناس تمـوت فـي غلهـا هاك فرقاك خذها خـل قلبـك شديـد=خلهـا ما شيـه بحمولـهـا خلـهـا كـل مـا زاد تعذيبـك ذنوبـك تزيـد=الله اعلـم صلاتـك باطـلـه كلـهـا |
20-05-2007, 20:35 | #35 |
شـــاعــر
|
رد : .. متعب التركي ..
ّ
اخر اللي سمعتـه فـي نهـار الـوداع=دقت القلب مدري صوت عجل الخطاوي نايف الطـول وش سوّا بـي الانقطـاع=صار بين الضلوع القلب كنـه فـداوي بيني وبين ضحكـات السعـاده نـزاع=كني اللي قضى عمره طريد ٍ جـلاوي لا تلوم الـذي سـوى لـك المستطـاع=خف من الله وخل جروحنـا بالتسـاوي عن هذيك النواعس ليه شلـت القنـاع=الحيا وين يلي طول عمـرك حيـاوي كن خـدك الطاهـر بـروق وشعـاع=اثرها رحمة ٍ للناس بعض الغشـاوي وش يفيدك عذابـي يا غريـب الطبـاع=ليه دايم على الملتـاع سيلـك نحـاوي امتلي غيض وازعل يوم وارجع بسـاع=راعي الجرح يستحمل عذاب المـداوي غالطونـي وقالـوا ليـش هالاندفـاع=ادوخونـي عليـك مكثريـن الحكـاوي عذربوك بوجـودي بالجفـا والخـداع=فيك حلو الوصايف صوروها مسـاوي التزمت السكوت ورأيهم في ضيـاع=لين قالوا ( متعـب ) علـى البعـد نـاوي ميّت القلب عرضـت الغـلا للضيـاع=والله اني على قطع الرجا بك مـراوي ما تغيرت ليـن انـك لويـت الـذراع=تحسب اني على الهجران ما ني بقـاوي لو تقول انت ما عقـب الفـراق اجتمـاع=عندي اليوم كل اللـي تقـول متسـاوي او يقولون صار يخاف قلـب الشجـاع=من هك الليله وبيت القصيـد امتهـاوي بين شقر الجدايـل والعيـون الوسـاع=اذكر اني فقدت القلب فـي هالحـراوي |
04-09-2007, 18:09 | #36 |
شـــاعــر
|
رد : .. متعب التركي ..
ّ
جابتني الذكرى على الماضي كتاف=سجيـت كنـي تونـي مكتشفـهـا سرى بي الهاجس ومريت الاطراف=دوجت حـول الساعتيـن بطرفهـا نعم تذكرت الزمـان الـذي طـاف=غديت مثل اللـي عيونـه طرفهـا لي في غرام ٍ فات كلمه وميقاف=لولا خفوقي هـام بـك مـا وقفهـا اول غيابـك قلـت مابـي خـلاف=واليوم شف حالـي غيابـك تلفهـا تجهل جروحي يا اللي جروحك خفاف=معذور لو قلبك جهـل مـا عرفهـا يا ليت مجروح الهوى جرحه يشاف=لقول قرب مـن جروحـك وشفهـا شفها بعينك كانك مـن الله تخـاف=حـاول تصلـح غلطة ٍ مقترفهـا العمر لا منـه خـلا منـك ينعـاف=في حال والا حـال غيـر تعرفهـا قدام عينك لـو تطلعـت وخـلاف=تلقى الخفايا خاطري لـك كشفهـا خايف ومن مثلي معه حق لو خاف=تبعـد ونفسـي ما تحقـق هدفـهـا ما للهوى عندك مواثيـق وانصـاف=ما كـنـه الا لعبـة ٍ محترفـهـا اليوم لو ذكراك ترجع بـي خـلاف=محبتـك سيـل التهايـم جرفـهـا |
04-09-2007, 18:10 | #37 |
شـــاعــر
|
رد : .. متعب التركي ..
ّ
لو قلت مرتـاح ما نفسـي بمرتاحـه=غير التعب في غيابه مانـي بلاقـي من عام الاول وقلبي تنزف اجراحـه=ضاقت على الوسيعه والفضا ضاقـي لا بال مرتاح لا فرحـه ولا راحـه=كم لي سنه وانتظر غيبـات سراقـي ارجيه عقب البطا لو طال مرواحـه=كانه على هقوتـي ماخـان ميثاقـي قلب ٍ يذوق الهوى من يكبح اجماحـه=خلوه يرتاح دامـه بالهـوى شاقـي اضحك وقلبي مع اللي عجة ارياحـه=لا قلت يا قلب طالت قـال وش باقـي اللي عيونـه وسـاع سـود ذباحـه=ازريت اداري غلاه بخافـي اوراقـي ساكت وعيني ولو ما قلـت فضاحـه=حتى القصايد تخون وتفضح اشواقـي لو ما بغيت الهوى صابتني ارماحـه=ما جاه دون اللحـم ساتـر ولا واقـي مثل البحر كم غرق به ناس سباحـه=تضيع مع قوَ موجـه هقـوة الهاقـي خبري بقلبه صدوق الشوق يجتاحـه=عندي خبر فيه ما يقوى على فراقـي اتعب وغيري يجي ويأخذ على الراحه=من حظ غيري وانا اللي زارع وساقي |
04-09-2007, 18:11 | #38 |
شـــاعــر
|
رد : .. متعب التركي ..
ّ
مشكور يا بايع مشاعرك مشكور=العام ذنب وهالسنه ذنب ثاني وش عاد اقول ولا بقى شي مستور=ما طعتني يوم ابتسم لي زماني لا تعتذر لو خاطري منك مكسور=لا تفتكرني دام قلبك نساني لا لا تقول ان الليالي لها دور=شف من هو اللي كان فينا أناني مدري تصنعت الغلا زور في زور=مدري انا اللي حيل كنت متفاني مثل العما ما تنفعه طلعة النور=النور بعيون العما ما يباني عندي خبر لو جاك من يمي قصور=لأقول انا مخطي وربي جزاني لو شفتني قاسي عليك انت معذور=شفني من أول جرح لا زلت أعاني انا بشر مثلك لي احساس وشعور=واغتاظ لا مس الكلام بكياني حتى وانا في قمة الغيظ مقهور=بعض الحكي عيا يقوله لساني ابقولها لو قلت لي صابك غرور=ما فيه احد يأخذ بقلبك مكاني العام قلبي فيك هايم ومجبور=العام لا مني جفيتك عصاني واليوم حبك في حناياه مقبور=لو ما دعيته للمفارق دعاني ذاك الهوى ما عاد لك فيه مقدور=ابعد من ايام الرشى والسواني ما دمت راضي عن عذابي ومسرور=ملعون ابو قلب ٍ عليك يحداني |
04-09-2007, 18:14 | #39 |
شـــاعــر
|
رد : .. متعب التركي ..
ّ
ضحيت بالواقع على شان الاحـلام=وضحيت بالغالي على شـان غالـي حتى الغرام اللي كسر قلبـي العـام=مانـي بحالـه كـان ما هـو بحالـي ما ينحسب عمر البنـادم بالاعـوام=بعض السنيـن نعيـش فيهـا ليالـي |
04-09-2007, 18:15 | #40 |
شـــاعــر
|
رد : .. متعب التركي ..
ّ
متى ذكرتيني علـى شـان تنسيـن=خليـك مـره صادقـه وانصفينـي في وقت واحـد تكرهيـن وتحبيـن=انا تعبـت استحملـك واعذرينـي حبٍ سرق من عمري ايام وسنيـن=مثـل الهـوا ما يمسكنـه يديـنـي |
04-09-2007, 18:17 | #41 |
شـــاعــر
|
رد : .. متعب التركي ..
ّ
احلى سنين العمـر راحـت هدايـا=لك يا مجازي بالردى راعـي الطيـب لي في حياتـك ذكريـات وخفايـا=تبقى ولو باكر غزا راسك الشيـب ولا الوفـا ما لـه بقلبـك بقـايـا=عند الذي مثلك اظن الوفـا عيـب |
04-09-2007, 18:20 | #42 |
شـــاعــر
|
رد : .. متعب التركي ..
ّ
البسي لك ثوب غير اللـي عليـك=من لبس ثوب الغرور اكبـر غبـي تحسبين النـاس خاتـم فـي يديـك=من متـى والعاطفـه توخـذ سبـي فز لك قلبي وانـا قمـت احتريـك=والكريـم يصيـر لضيوفـه صبـي |
05-06-2008, 23:38 | #43 |
شـــاعــر
|
رد : .. متعب التركي ..
مرت سنه وشهور وشويـة ايـام=على غياب اللي حلاهـا شمالـي كم قلت في نفسي قبل عيني تنـام=يا رب جبها عند ما أصحى قبالـي تعبت ادور بيـن حزنـي والالام=عن صبري اللي ما بقى منه تالي يا بنت خليت السوالـف للاقـلام=يكفيك لا عـز الكـلام انفعالـي من صارت الدنيا حسابات وارقام=وانا عجزت استوعب اللي جرالي ضحيت بالواقع على شان الاحلام=وضحيت بالغالي على شان غالي حتى الغرام اللى كسر قلبي العام=ماني بحاله كـان ماهـو بحالـي ما بنحسب عمر البنادم بالاعـوام=بعض السنين نعيش فيهـا ليالـي وجه التشابه بين قلبـك والايـام=القلب خالـي والليالـي خوالـي |
04-04-2009, 17:45 | #44 |
شـــاعــر
|
رد : .. متعب التركي ..
يطول الجفا وتشاغل الخاطر المكسور=ويبقى مع الايام طاريك بلساني اشوفك بعيني مع غياب وطلوع النور=ذكرني خيالك يوم قلبك تناساني تذكرت يوم اني معك راضي ٍ مسرور=وسجيت مدري هاجسي وين وداني تخيلتك وفزيت طولي بدون شعور=اثاريه طيفك صار له وقت ما جاني طرتلي ليالي لو تذكرتها معذور=لو الوقت يرجع كان انا جيتها عاني يداعب نسيم الليل مجدولك المنثور=تغطيه عني والهوى يكشفه ثاني تفوح الجدايل مسك مدري عطر وزهور=تعنيك في طولها والشوق عناني اثر من تولع لو سمع ما يطيع الشور=هو اللي يشوف وباقي الناس عمياني نسيت الليالي ذيك وشلون يا مغرور=انا كنت اغالط من يقولون تنساني هذيك الليالي وين..؟ اثر الزمان يدور=رجح في عيونك ذيك الايام ميزاني انا كيف ابنسى خابر ٍ قلبي المجبور=لو اني نسيتك ماني بناسي احزاني زمانٍ مضى له دور واليوم غيره دور=انا اليوم ما لد النظر لو تعداني كفى ماجرى ما فيه داعي تجي مشكور=غرام الليالي ذيك خله على شاني |
06-04-2009, 13:27 | #45 |
عضو شعبيات
|
رد : .. متعب التركي ..
يانفس هيـدي لاتزيديـن الأوجـاع = كافي من الدنيا نشـوف العجايـب ماني على من صد ضايق ومرتـاع = لا هو من الغالين وإلا القرايـب لاصـار مابينـي ولا بينـه نـزاع = ولاجيتـه بزلـة ولا علـم خايـب حق الرفيق أنـي نهيتـه ولا طـاع = والرأي مابه فـرض ولا غصايـب يومه غدا بينت له كـل الأوضـاع = ماقلت أخلي سايب الوضـع سايـب ناديت له لكـن تجاهلنـي وضـاع = صد وعلى عمياه سـاق الركايـب أقفى على رايـه ولافيـه مرجـاع = مثل السحاب اللـي قفتـه الهبايـب للعلم بين النـاس مدخـل ومطـلاع = واللي يجود حامض العلـم صايـب ومن ينطح المويه ولا عنده شـراع = إن عاش يرجع من هاك الموج هايب والعاقل اللي لا خطأ يرجـع بسـاع = يسترجع ولا يأخـذ الـرآي عايـب واللي يصير لرغبة النفس مطـواع = لابـد مايلقـى العنـا والمصايـب والناس مختلفه لها أشكال وأطبـاع = بعض المعارف عرفهم لك نشايـب بالناس من يلبس على وجـه قنـاع = حسود لكـن فـي ثيـاب الحبايـب هذاك مانـي فـي مخـاواه طمـاع = من قبل أجيه وخاطري منه طايـب والا الرجال اللي لهـم بالوفـى بـاع = وقفاتهم تبري الجـروح العطايـب واللي لفاك بحـزة الضيـق فـزاع = مادار وجهه عن سمـوم ولهايـب ماصد يوم إنك من الوقـت ملتـاع = ماغاب يوم إن أكثر النـاس غايـب هذاك نشري خوتـه كيـف تنبـاع = هذاك من شانـه تهـون الصعايـب قلته وأنا مالي ورى هرجي أطمـاع = على أفراقـه لا تصيـر السبايـب أسمع مادام الصوت ياصل للأسماع = إن تبت وإلا عسـى منـت تايـب مادامها صارت حـزازات وأتبـأع = مالـي ومـال مدوريـن الطلايـب وأعرف تراها لوشكت ثقلك القـاع = مصيرها تركـز عليـك النصايـب اخر تعديل كان بواسطة » زخات المطر في يوم » 07-04-2009 عند الساعة » 11:34. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|