[ناصر المطيري]

تلفت في عيونك لأجمـل أيامـي دخيـل الحـور
..............تلفت ما بقـى بـي غيـر هـم ٍ مثقـل اكتافـي


الجميل سالم بن جلعان

عودة جميله
بإتجاه هذه المترفه
وبها الكثير من خلجات الروح
وشفافيتك
المعتاده

دمت رئعا

لك الود والتقدير

.

[فهد بن محمد السديري]

الرسالة الأصلية كتبت بواسطة سالم بن جلعان

الى من حجز الكرسي الوحيد .. وتركه للغياب
ر ح ل ت

حبيبي كان تسأل ليه غبت وصار حولي سور؟=تعال اجلس على كرسي غيابك واسمع الخافي
ولكن لا سمعت اللي بقوله فابتعد مشكور=لأني عفت كل اللي بقى وأقبلت لك جافي
حبيبي حلمنا اللي كان تغريد وأغاني طيور=من اللي يذبحه وأشواق صدري تصرخ ابـ كافي!
تروح بلا سبب وتخط في صفحة شقاي سطور=وترجع بعد ما مات الأمل واصفرت أريافي!
وتسأل وش بقى لك ! ما بقى غير الوفا المقهور= تجاذبه السنين عجاف ووعود ٍ لك عجافي
رسم لوحة شقى عمره على لوح الهوى المكسور=وعلقها على مسمار نعش الحب تنشافي
وردد مع صدى الناي الحزين الباكي المجرور=أغاني كنت ارددها معك يوم الهوى صافي
وأماني من رفات الحب في كاس الشقى المعصور=سكبها واسكرت بي قلب من سكرته يا كافي!
وانا اللي كل ذنبي شوق يطويني لورد الجور= وعكش ٍ في وسط غبة بحرها ضاع مجدافي
تلفت في عيونك لأجمل أيامي دخيل الحور=تلفت ما بقى بي غير هم ٍ مثقل اكتافي
اذا غدر الليالي يا حياة الروح فيك يبور= فياكم بار فيني من سريت بليلك الضافي
واذا هدك فراق أحباب وأيام ٍ تمر دهور = فيا كم هدني طول الغيااااااب وقولتك لافي!
يدور الصمت باركان الغياب القاسي المغرور=سبب نفحات فرقا خزرة ٍ من رمشك الغافي
ويغشى البرد في وجه المدينه من غلاك قصور=رغم كل الدفا فيها قدحت لرجفتك قافي
وحنينٍ يلتحف في زمهرير البعد منك الزور=ذبل! إلا تلاشى يوم صار غيابك لحافي
ورحل حلم السنين لواحة الذكرى ونبع النور=حقر موتة فراشات الأمل في حضنك الدافي
تصدق من رحل صوب المسا اللي غلفته عطور= اخذ أجمل سنين العمر.. وكل اللي ترك هافي!
تراني ما تعمدت ان شعوري ينسكب منثور=ولكن شوق صدري فاض حتى غرقت ضفافي
فلو لاح بعيونك - والمشاعر تشتكي للدور=اذا وقفت في الأطلال - زول أطياف .. فأطيافي
بتلمحها وحيده غااارقه في وحشة الديجور=حزينه ذااااابله مستسلمه للبرد والسافي
نست تنسى وفاها في صحاري وصلك الممطور= من مزون الوهم والبعد والهجران ... يالوافي!
وانا راحل بكيفي ماني بمنحد أو مجبور = أنا وش لي بشخص آشوف قلبه ناوي اجحافي؟
وانا لا جيت أوضح لك فانا يا صاحبي معذور= لان غيرك على كرسي غرامي ما جلس لافي
فمان الله يا ماض ٍ تحت عوج الضلوع يدور=فمان الله انا راحل على درب الشقا حافي
وانا طالبك لا تطري وصال وتنبش المستور=فمان الله رح خل الشتاء يستوطن اطرافي

وسلامتكم ... سالم بن جلعان

انا مؤمن ومعجب في كل ماتكتب ياسالم
قصيدة اقل مايقال عنها انها رائعة
مليئة بالصور الجميلة والمعاني
تسلم ويسلم فكرك ولسانك على هذه القصيدة
من القلب دمت اخا عزيزا وشاعر نحرص عليه

[محمد مدران اليامى]

وانا طالبك لا تطري وصـال وتنبـش المستـور=فمان الله رح خـل الشتـاء يستوطـن اطرافـي.

انت مبـــدع..كما عهدتك ....

صباحك نـــور.

صح لسانك

[محسن سبعان]

جزل ، ووافي لنا ، وللشعر يا سالم !
دروبك سمحه .

[فيصل المهلكي]

يدور الصمت باركان الغياب القاسـي المغـرور
سبب نفحات فرقا خزرة ٍ مـن رمشـك الغافـي



يااااااااااااااااه
ياسالم
اقسم بجلال الله
تحركت مشاعري تجاه هذا المتصفح لاشعورياً
وعند اول شطر من القصيده
سكنت بين ثكنات قلبي رعشة برد

نص لايقاوم
من أوله لآخره
تقرأه
لتعيد ترتيب نفسك من جديد

سالم
لن اغادر من هنا
حتى احجز تذكرة العوده هنا مرة اخرى

صح كلك

كن بخير

[نآصر بن حسين]

/



\


سآلم بن جلعآن


وربي إنك مٌوجعٌ !
بعد هذآ آلتعب وآلآلم كله وش تتوقع باكتب ؟!





لقلبك / لروحكْ / لكَ
ثلآث مرآت
بآليوم




نَ

[سالم بن جلعان]

الرسالة الأصلية كتبت بواسطة الجازي

حبيبي كان تسأل ليه غبت وصار حولـي سـور؟
تعال اجلس على كرسي غيابك واسمـع الخافـي

ولكن لا سمعـت اللـي بقولـه فابتعـد مشكـور
لأني عفت كل اللي بقـى وأقبلـت لـك جافـي

حبيبي حلمنا اللي كـان تغريـد وأغانـي طيـور
من اللي يذبحه وأشواق صدري تصرخ ابـكافي!

تروح بلا سبب وتخط في صفحة شقاي سطـور
وترجع بعد ما مات الأمـل واصفـرت أريافـي!

وتسأل وش بقى لك ! ما بقى غير الوفا المقهـور
تجاذبه السنين عجـاف ووعـود ٍ لـك عجافـي

رسم لوحة شقى عمره على لوح الهوى المكسور
وعلقها علـى مسمـار نعـش الحـب تنشافـي

وردد مع صدى الناي الحزين الباكـي المجـرور
أغاني كنت ارددها معـك يـوم الهـوى صافـي




كم من الوجع شعرنا معك هنا .. ؟؟؟؟

تربّت ذائقتنا على يد شعراء قلة .. ومنهم سالم بن جلعان ..

فسالم بن جلعان على قدر من الفكر والنضج الشعري لأن يكون قدوة لشعراء جيله ..

صح لسانك ونبضك ملايييين ولن تفي قدر الإعجاب لـ هكذا شعر ..

شكرا ً الجازي ... على اطرائك اللي أنا دونه

تحياتي

[سالم بن جلعان]

الرسالة الأصلية كتبت بواسطة محمد بن غنام الشمري

صح لسانك يالذيب


عز الله ابدعت



ابدعت وربي

شكرا ً يا محمد على مرورك

الابداع هذا المرور العذب

تحياتي

[سالم بن جلعان]

الرسالة الأصلية كتبت بواسطة نـــورة العجمي

كرسي الغرام مكانه صدر المجلس
فلنقرأ ونتعلم من الشعر والشاعر والمشاعر

نوره شكرا ً للرفع ...!
اما التعلم فأنا هنا مجرد تلميذ

[سالم بن جلعان]

الرسالة الأصلية كتبت بواسطة بياض الغيم

سالم بن جلعان

صح لسانك

قصيدة وارفة بالجمال

دمت شاعرا

بياض الغيم ...

مرورك هو الجمال

تحياتي

[سالم بن جلعان]

الرسالة الأصلية كتبت بواسطة مزون المحمد

وتسأل وش بقى لك ! ما بقى غير الوفا المقهـور
تجاذبه السنين عجـاف ووعـود ٍ لـك عجافـي


صح الله لسانك أخوي سالم

ولاهنت على هذا الحضور الجميل

مزون

صح بدنك وشكرا ً لمرورك

[سالم بن جلعان]

الرسالة الأصلية كتبت بواسطة صالح العبدالكريم

والله من قلب هلا مليون يا صالح

انور متصفحي بشوفتك

تسلم ولا هنت

[سالم بن جلعان]

الرسالة الأصلية كتبت بواسطة يزيد بن غشيّان

يا لبا قصيدك الفاخر
خمس نجوم يبو حمد

.

لي عوده

هلا وغلا يا يزيد ..

انتظر هطولك ... يا غيم الحب

[سالم بن جلعان]

الرسالة الأصلية كتبت بواسطة عبيد البديري

رائع ياسالم
دام أبداعك وتوهجك



أخوك

هلا يا عبيد

تسلم فديت راسك

تحياتي

[سالم بن جلعان]

الرسالة الأصلية كتبت بواسطة ناصر المطيري

تلفت في عيونك لأجمـل أيامـي دخيـل الحـور
..............تلفت ما بقـى بـي غيـر هـم ٍ مثقـل اكتافـي


الجميل سالم بن جلعان

عودة جميله
بإتجاه هذه المترفه
وبها الكثير من خلجات الروح
وشفافيتك
المعتاده

دمت رئعا

لك الود والتقدير

.

هلا وغلا بكل وقت يا ناصر

مرورك يشرفني فديت راسك

تحياتي