[منتهى القريش]

أخي خالد ..

لك الشكر أكثر لأنك هنا .. لا عدمتك ..

[منتهى القريش]

جفاني النوم
أنا وعيني
صرنا والأرق أصحاب

كثير احباب
مروا بذاكرة حزني
وبكوني
بعز النوم صحوني
تخيلت الأمل ردهم
فز قلبي يتانيهم
سهرنا الليل ولا شفنا
سوى العتمة
وطال الليل ولا اسمعنا
سوى اصواتهم في البعد
وريح تصرخ تسألنا
متى يردون؟
يجاوبها صرير الباب

[منتهى القريش]

مرت شبابيك السهر
على اعيوني
ومر شوقي
على ابواب الحزن يسأل
وينهم؟ ..
بعدني ساكنه فيهم
ولا انهم
راحوا بعيد ونسيوني

[منتهى القريش]

حبيبي
صوتك البارح
عبر بالروح ومرمرها

حبيبي
حكيك الجارح
انسكب بالعين وسهرها

[منتهى القريش]

مر يومين ولا شفتك
تعال امسح على روحي

اعوف الدنيا لو عفتك
وينزفني أسى بوحي

[منتهى القريش]

غاب صوتك
واشتعل فيني الحنين ..
صارت الدنيا كئيبه
شاحبه ما بيها لون ..

[منتهى القريش]

يوم غبت
ضاع صوتي وانتمائي للأماكن
وحشة صارت دنيتي
كل لون يمر لو أبيض يكون ..
يصير بعيوني رمادي ..
معتم وموحش وداكن ..

[منتهى القريش]

يمر طيفك
بليل العيد
واتذكر
كيف انك
كنت فرحه بدنيانا
سما وغيوم ..
ربيع أخضر ..

[منتهى القريش]

جا طيفك يعايدني
ويسألني عن احوالي
ذبحني الشوق بغيابك
وصار الحزن موالي

[منتهى القريش]

من رحلت
ورحت بعيد
يمر العيد
يشبه باقي الأيام
موحشه كل الدروب
والليالي معتمه
ينام الفرح
بس الجرح أبد ما ينام

[منتهى القريش]

يمه وينك
أبي طيفه
اشوفه في بحر عينك

أريد اغرق أنا وياه
أريد أبكي على فرقاه
أريد اجمع
شتات الحزن من قلبك
عسى اقدر
أسدد بعض من دينك ..

[منتهى القريش]

مر الـ عام
وبعده م الأسى كم عام
كل عيد وانت ابعيد
اشكثر تتشابه الأيام

[منتهى القريش]

أجي يمك
أشم ريحة غدر وابعد
أنادي لك
يرد صوتي
صدى وسفات واتنهد
عليك الله ..
أبد ما مرتك ذكراي؟
وانا اللي من يمر طاريك
على صدر الندم أصحى
واحط راسي .. على انفاسي
أتكوم على جرحي
وبقايا همي أتوسد ..

[منتهى القريش]

مرني بـ اسكات خل جروحي نايمه

[منتهى القريش]

راح
وش سوى حنيني في غيابه
دق بابه .. وانتخى به
سأل وينه؟
غص صمتي بالإجابه