[منتهى القريش]

يمر الوقت
ولا ندري عن اللي صار
نتفارق... نتباعد
تغربنا خطاوينا
ولا يبقى سوى التذكار

[منتهى القريش]

إذا ضاق المدى والكون صار اسود
أنادي لك ..
ولا اسمع سوى صوتي ..
يصفعني بوسط الروح لين ارتد ..

[منتهى القريش]

كثر همي
كثر ما قلت لا تبعد
اقول لك روح ..
عسى درب الذي وداك
م يردك ..
فـ امان الجرح والذكرى
فـ امان الهجر وليل الصد ..

[منتهى القريش]

ولا تسأل؟
عساني بس أتحمل
قساوة قلبك وظلمك
خلاص انسيت؟
الا يا حيف ..
كيف هانت العشرة
وكيف غدرك
قدر يمسح زمان أول ..

[هاني درويش]

الرسالة الأصلية كتبت بواسطة منتهى القريش

ولا تسأل؟
عساني بس أتحمل
قساوة قلبك وظلمك
خلاص انسيت؟
الا يا حيف ..
كيف هانت العشرة
وكيف غدرك
قدر يمسح زمان أول ..

وَلمْ يسأل؟
دعيهِ بِخانَةِ المُهْمَلْ
ولا يُْحزِنكِ
بل قولي:
عسى أفضَلْ
فرَبَّ مُضِرَّةٍ نَفعَتْ فُجاءَتُها
وكيفَ مُفارِقٍ غدراً
بهِ نَحْفَلْ
-----
بكل الود

[منتهى القريش]

الشاعر الجميل .. هاني درويش

دائما ما تخجلني بمداخلاتك الجميلة ..
بحجم الكون شكرا لروحك ..

كل الود ..

[شيخه المرضي]

كنت هنااا..
أحساس رائع وهمهمه راقيه

[منتهى القريش]

شيخة المرضي ..

شكراً بحجم الكون .. لأنكِ هنا ..

لقلبك الود والورد ..

[منتهى القريش]

وش غيرك
وش أخرك
عن موعد الحلم البعيد


أتذكرك
واوقف على نفس الرصيف
يمكن تجي
تهديني فرحه ابـ يوم عيد

[منتهى القريش]

سلم على قلبي وروح
يمكن تغير دنيتي
لا تعتذر باقي جروح
تقتل بقايا فرحتي

[منتهى القريش]

كنت انتظر
طيفك يمر البارحه
كم بارحه مرت علي
صمت وأرق
روحي بكت
ويا الوجع متصالحه

[منتهى القريش]

رغم القسوه والتقصير
رغم الصد وغيابك
بعدني أذكرك بالخير

[منتهى القريش]

متى يا سكة الأغراب
تعرفنا ملامحنا

متى يرجعوا الغياب
وليل الجرح
أغاني فرح يعزفنا

متى ترحل
بقايا اهمومنا أسراب
ننساها بسوالفنا

متى يا حلمنا الكذاب
كثر كذبك
تنسانا وتسامحنا

[منتهى القريش]

تعال
انت ما تدري وش سوى غيابك؟
كنت اسولف وي حنيني
كان طيفك كل ليله يحتريني
نوقف بنفس المكان
واسألك وين غايب من زمان
يرجع بروحي صدى
اتبعك لآخر مدى
وما ألاقي غير هم
يكبر ابـ روحي عذابك ..

[منتهى القريش]

طيفك الكذاب جاني
واشتكى منك عليك
روح ابعد ما أبيك
روح يكفي
ما أبي افـ بعدك أعاني