22-08-2004, 17:16
|
#16 |
|
شـــــاعــــــر
|
رد : .. طــُــرف ومواقف شعبياتيه ..!
الله يغربل شيطانك يا عبيص تمزع شواي من الضحك اجل ذيب الليل يالحطيئة ؟ عسى شخصية اخوك الحين طبيعيّة بس ما استمرت معه حالة الخوف من الشعر ؟ منتب صاحي والله لا وحقت الكوريلاّ رغم اني سامعها منك الا انها اليوم جديدة ... تهوس يا عبد الله الله يوسع صدرك ............... الا على فكرة ماحد شاف رجل الاعمال نواف الشمري ؟ تسحب رصيدك يا الوليد بن طلال ؟ اشوى انهم ما استعجلوا اكثر وبلغوا المدير العام والعضو المنتدب ودروا المساهمين وانهز ميزان البنك التجاري واعلن افلاسه . تسلمون على هالردود الحلوة تحياتي اخوكم صالح |
|
|
|
22-08-2004, 18:35
|
#17 |
|
شــــاعـــر
|
رد : .. طــُــرف ومواقف شعبياتيه ..!
أبو نوت تصدق عاد ماانقهرت الا على بيالة الشاهي :white: كان ودي اكملها خذ هالموقف عندك وهذا الموقف عاد توه قريب قبل اسبوعين  كنت في محل اجهزه كهربائيه وواقف وبجنبي واحد والمحل كان شبه مزدحم .. المهم اللي بجنبي كان حاط جواله على الرف .. وجواله كان يشابه جوالي نفس النوع وانا كنت مشغول اتكلم مع صاحب المحل .. المهم يوم قضيت والله واخذ الجوال من على الرف واحطه بجيبي على بالي جوالي .. واروح احاسب ... شوي الا الرجال يسأل راعي المحل عن جواله ؟ من اخذ الجوال وينشد الهنود اللي بالمحل .. المهم قال له واحد خذ طيب دق عليه واعطاه جواله لمار يدق الجوال بجيبي وانا اطلعه الا مهو جوالي .. والله ويجي ياخذه وانا وجهي قلب الوان مدري وش اقول .. هو اخذ الجوال من هنا وطلع المحل من هنا ولا تكلم ولاقال شي .... بس لحقته وشرحت له اني كنت متوهم حتى وريته جوالي انه يشبهه وهو بعد تفهم الوضع بس بصراحه موقف محرج جدا .. خصوصا انه كان المحل مليان زباين . |
|
|
|
|
23-08-2004, 04:21
|
#18 |
|
نـبـض الحــــروف
|
رد : .. طــُــرف ومواقف شعبياتيه ..!
مشكور يابو حمود موضوع جاي قي وقته بالتوفيق ولي عوده بحول الله |
|
|
|
|
23-08-2004, 11:36
|
#19 |
|
شــاعر
|
رد : .. طــُــرف ومواقف شعبياتيه ..!
هذا الموقف لا يمكن انساه ما حييت وانا صغير يعني كان عمري ابو 43 سنه كنت باول ثانوي وكان اخوي يدرس برى --- يعني بالرياض المهم هذا الاخ ما تجي اجازاته ويجينيا السعوديه الا ويطلع عليه عفريت اسمه تعال اسمع لك جنني كل ما يشوفني تعال اسمع لك مره من المراير --- مراير تدل اني جايب 100% بالقواعد علينا امتحان تاريخ وبصراحه اكره التاريخ قد ما اكره ابو نوت المهم لزق لي قال تعال اسمع لك قلت له انشاء الله الحين اجي انا وكتاباي قعدت بالغرفه ربع ساعه افكر وش الدبره وش اسوي انا ما حفظت وطبعا اخوي هذا معروف عنده افضل اساليب التعامل بالتربيه الحديثه يعني اذا ما جا بوكس بتجيني جت رفسه قلت والله يا فيصل ما فيه الا هالحل الحل الي سويته وكان عبقري وبصراحه الى اليوم مادري كيف صادني شقيت الكتاب من النص وخليت فيه 30 صفحه وقلت هذول انشاء الله مقدور على حفظهم بس اول ما عطيته الكتاب رقعني فيه على جبهتي وونت اذن اخوي الصغير من الخوف لاني عبقري شقيت الصفحات الي بالنص واخوي اول ما مسك الكتاب شاف انه رقم الصفحات كالتالي 1-2-3 وبعدها نقز الكتاب الى 88 لي عوده مو موقف ثاني صرت زبون دائم لمستشفى بنك الدم بسببه |
|
|
|
|
25-08-2004, 00:06
|
#20 |
|
رفيــق الحــزن
|
رد : .. طــُــرف ومواقف شعبياتيه ..!
مساكم الله بالخير لحظة لحظة يانواف وصلت للجوالات والا هالحين عايش ياخي شف لنفسك صرفه :white: :white: :white: :white: عبيصووووه راعي الكوريلا هههههههههههههههههههههه من جد مهوي مت عليك ضحك .. :white: :white: :white: الموقف الثاني برضه مع الوالد رحمة الله عليه ... كنت راكب السيارة وواقف عند الباب وابي اروح للشباب مواعدهم ومغسل السيارة على سنقت عشرة وكان عندي اورج ( بيانو ) للي مايعرف الاورج  ومخبيه في شنطة السيارة وحاط عليه مفرش خايف يشوفه الوالد ويكسره على راسي  ..المهم جاني الوالد الله يرحمة وقال وين بتروح قلت ابد لخويياي مواعدهم قال بلا خوياك بلا خرابيط ابي اروح انا وياك لمشوار قريب وبعدين رح لهم وركب الرجال وقال رح يالله وش تحتري قلت الشكوة لله ابوي ويمون المهم رحنا كم مشوار ويوم وصلنا سوق الغنم وكان هناك سوق للحطب والفحم قال وش رايك نشتري حطب والا فحم البرد قرب وعاد خبركم الشايب ما يعترف بالدفايات والمكيفات انسى الموضوع .. انا نسيت الاورج اللي فالشنطه وقالت للشايب الحطب بحوس الشنطة والفحم بيعدمنا بالسواد وما جبت خبر الاورج نااااااسيييييه مره .. قال لا تقعد تلطلط علي بس حنا قريبين من السوق ولازم نشتري وانت متى بنصيدك قالت ما يخالف بس لا تعصب .. المهم راح الله يسكنه الجنه وجاب ذاك الكيس الكبير شايله العامل على كتفه وقال افتح الشنطه يادحيم <<< يدلعني :white: انا ما نزلت لين الارضية معدومه فحم وغبار والكفرات راحت وطي وثوبي ابيض ومكوي صح ومقفله معي بالمرة  وفتحت الشنطه من عندي ويجي العامل ويرمي الكيس في الشنطه واسمع صوت شي تكسّر واذكر الاروج اللي فالشنطه وانزل واتلاقط انا والعامل وهاتك ياهواش ولا يدري وش السالفة والشايب يسالني وش هو مسوي وهنا تلجمت وما قدرت اقولة انه كسّر الاورج حقي بكيس هالفحم الله لا يبارك فيه وسكت ولفقته وركبت وانا اتحسر على الاووووورج ويوم رحت للشباب فالليل قالوا وين الاورج قلت الا ما تبون كيس فحم :white: |
|
|
|
|
28-08-2004, 17:04
|
#21 |
|
شــــاعـــر
|
رد : .. طــُــرف ومواقف شعبياتيه ..!
الموقف هذا صار لي قبل خمس سنوات تقريبا وبالضبط يوم انقلب بسيارتي وكانت أول مره أنقلب فيها <<-- ياكثر ماينقلب .. بس عمر الشقي بقي :white: المهم هذيك المره كانت أول مره .. وكنت لحالي مسرع يمكن امشي 180 وفجأه ضرب الكفر وفقدت السيطره على السياره تماما .. وانحرفت السياره فيني على يمين الخط ورجعت مره ثانيه يسار وانقلبت مرتين وانا ماكنت رابط حزام الامان .. حذفتني السياره برا بعيييد لكن الحمدلله ماصار فيني اي شي لدرجة اني قمت منذهل ماني مصدق وش اللي صار .. تقريبا فاقد الوعي , واول ماقمت الا فيه ناس واجد مجتمعين عند السياره اللي يدور داخل السياره واللي يسأل احد يعرف صاحب السياره , واللي يتصل على الشرطه يبلغ .. انا كنت ادور معاهم ولاكنت ادري وش السالفه ولاكان احد يدري اني انا صاحب السياره , يوم جو الشرطه سأل العسكري عسى مافيه اصابات ؟ وين صاحب السياره . هنا كن واحد مصحيني من النوم . قلت هلا قال انت صاحب السياره قلت ايه .. الا العالم يطالعون فيني يحسبوني اكذب ( لي ساعه واقف معاهم ماتكلمت ) المهم عدى الموقف على خير .. لكن اللي اذكره ان الموقف هذا ماانساه طول عمري , لأنه أول حادث يصير لي وبعده صارلي ثلاث حوادث منها مرتين انقلاب لكن زي ماقلت لكم عمر الشقي بقي :white: والحمدلله على كل حال , والله يكفينا الشر ويبعدنا عنه .. امين . |
|
|
|
|
28-08-2004, 23:41
|
#22 |
|
شـــاعــر
|
رد : .. طــُــرف ومواقف شعبياتيه ..!
:white: الاخ نواف الشمري موضوع ممتاز جداً .. تشكر عليه يامتميز .. أسمح لي بهذه المساحه اصعب موقف مر علي بحياتي على بداية أيام الأرهاب بالرياض ..كان واحد من الربع الله يذكره بالخير توه جاي من الخارج وتخبرون أيامها ربعنا اللي بالخارج حصل عليهم بلاوي زرقاء .. الوكاد كنت طالع انا وياه من شارع الستين الملز وتعرفون هالشارع طوويل وبين كل اشاره واشاره مسافه طويله ...الرجال مستلمني بسوالفهم اللي صارت بامريكا وانا مدرعم ورى راعي ذاك الونيت ومرةً اطوفه ومرةً اهدي مع السوالف ويطوفني الوكاد بعد تقريباً اربع اشارات كان يلف علينا ويحدنا .. وخرنا عنه قلنا يمكن بيلف ولا شئ الا والله الرجال يبينا هههههههههه الوكاااد كانت سيارتنا فالمسار الايمن وهو بالايسر كان يقرب من جهة السائق اللي هو اخوكم ويأشر وهو معصب أفتح القزازه ..قلت بنفسي ياالله عسى خير وش يبي ذا : يوم فتحت وطلعت راسي الا والله والرجال يسب ويلعن ومعصب ...ويقول: أنت وياه من اليوم ممتحنيني ياما طفتوني ومبلشيني انا وعائلتي الله يبلشكم ؟ ماعاد عرفنا نرد يابن الحلال يالاجودي ياولد الناس شوووي الا والله يوم رفع المسدس في وجيهنا ههههههههههههههههههههههههههههههههههههههههه وحياتك ماعاد تشووف احد بالسياره كلنا عند الرجليييين هههههههههههه مانسمع الا صوووته وهو يقول اطلعوا يالارانب ههههههههههههههههههههههههههههههههه انا وقتها فكرت قلت حركه من حركات الارهابييين مافي بالي غير هالارهابييين خويي منسدح جنبي ويقول / وين راح وين راح شوووي عشقنا السياره بالريوووس واخذنا لنا مسافه ماتشووف الا شمغنا معفوسه وحالتنا حاله ومشينا لين ابعدنا عنه مسافه ثم عينك ماتشووف غير الشرار..من الكفرااااات ههههههههههه لو شافتنا دوريه قالوا ارهابيين من ملامح الرعب اللي على وجيهنا ههههههههههههههههه وخويي يدعي علي الله لايعودك انت وعزايمك ههههههههههه وكل شئ كالعاده طاح براسي مير الحمدلله على السلامه بغينا نروح ملح وسلامتكم .. شكراً يانواف ..  أبي أعود عليكم الخير واجد ابشركم اخر تعديل كان بواسطة » سعيد بن حميد في يوم » 28-08-2004 عند الساعة » 23:47. |
|
|
|
|
29-08-2004, 00:39
|
#23 |
|
رفيــق الحــزن
|
رد : .. طــُــرف ومواقف شعبياتيه ..!
سلامات سلامات ياسعيد بن حميد ويانواف ما تشوفون شر :white: هذا الموقف حصل لي وانا صغير  كنت رايح اجيب خبر على رجلي وكان الخباز بعيد شوي عن البيت وكنا ساكنين في حي اليمامه حي شعبي قدييييييييم ..المهم شريت الخبز عايدي طبعاً ورحت امشي بين الحواري وبين ما أنا امشي واهوجس الا احس بشي يمشي وراي  المهم ما التفت وقلت تهيؤات امش ياولد ولا عليك الديره آمان وامشي وامشي الا الصوت كل ما له يقرب ويقرب وفجأه سمعت صوت خخخخخخخخخخعععععععوووووووهههههواو وقلت ما بدهاش ياولد التفت وشف وش هاللي يناخر وراك ويوم التفت الا ذاك الكلب ابن ستين كلب اللي فاتح فمه ويتمشى وراي ابو الكلاب على وزن ابو الشباب  وأنا اخاف من القطو يطلع لي كللللللللللللللللللب واعشق الدبل واحط رجلي أمشي ميتين وقتها حسيت ان جسمي ثابت ورجلي هي اللي تركض ومن زين الطبايع ماسك الخبز وما فيه الا تشطيف سكك  والكلب ابن الكلب ابن ستين كلب معشق االخامس ووراي وما تسمع الا صوت الرئه واذنيه تصفّر من الهوى وادعي من الله ان باب بيتنا مفتوح بس على شان ادخل وما يردني الا سطح الخزان المهم بدا هذا الكلب ابن ستين كلب يقسّم ومره هو هو هو هي هي هي ومره نيهاااااااااااااااي وانا ما فيه الا جلنطات ونعالي تكرمون ما بقا فيها الا اللي تمسك الاصبع الكبير ويوم اقبلت على البيت قلت كان الباب مصكوك عزالله رحت ملح وهو بيخلي فيني شي وكنت بس افكر وين بيعضني معه بس ذا بعده ابركض انا وياه الين ياذن المغرب ولن ينال هذا الكب المفترس مني واللي يشوفني وانا اركض ذاك اليوم بيقول لو يشارك هذا في اولمبياد اثينا كان خذ كل الميداليات الذهبيه ولكل المسافات حتى الرالي <<<<< مهوب عاقل شوماخر المهم والقا بابنا مفتوح والحمد لله انه مفتوح والا سييدت الين مكه ما فيه حل قدامي وبحركة لا ارادية دخلت لبيتنا ورجفت الباب بكعب خلفي ازدواجي وازلج الباب واروح لأمي على ركضتي وقالت الله يحييها وش فيك وش فيك قلت ككككللللللببببببب يلاحقني قالت تخاف من كلب افا عليك بس انت رجال قلت يمه انا عارف اني رجال بس هو الكلب ابن ستين كلب اللي ماهو فاهم خخخخخخخخخ :white: بس بصراحة صارت عندي عقدة من الكلاب الى يومنا هذا ولا اطيق اشوف كلب قدامي اتمنى انكم استمتعتوا بهالموقف المرعب تحياتي . اخر تعديل كان بواسطة » عبدالرحمن الربيّع في يوم » 29-08-2004 عند الساعة » 00:45. |
|
|
|
|
29-08-2004, 12:50
|
#24 | ||
|
شـــاعــر
|
رد : .. طــُــرف ومواقف شعبياتيه ..!
. إقتباس:
إقتباس:
هههههههههههههههههههههههههههههههههههههههههههههههههه هههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههه حسبي الله على ابليسك .. يا بولآرياض قطعت بطني من الضحك .. |
||
|
|
|
|
29-08-2004, 16:45
|
#25 |
|
شاعر
|
رد : .. طــُــرف ومواقف شعبياتيه ..!
هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه ههههههههههههههههههههههههههههههههههههه وربي الكعبة .. واللي خلقني غنك منسم تنسيم يا بو رياض غير طبيعي .. الله يوسع صدرك كانك موتني من الضحك .. . |
|
|
|
|
29-08-2004, 22:43
|
#26 |
|
شـــاعــر
|
رد : .. طــُــرف ومواقف شعبياتيه ..!
هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه ههههههههههههههههههههههههههههههههههههه الله يرجك يالربيع هههههههههههههههههههه قسم بالله ذبحتني بالضحك الله يجزاك خير ياشيخ |
|
|
|
|
30-08-2004, 08:54
|
#27 |
|
شــاعر
|
رد : .. طــُــرف ومواقف شعبياتيه ..!
هههههههههههههههههههههههههههههههههههههههههههههههههه هههههههههههههههههههههههههههههههههههههههه ابو رياض والله لو تحط مواقفك بكتاب ونزلها الشوق نطلع ذهب انا وياك ==== قاط معه مدير الاعمال هههههههههههههههههههههههههههه نواف ياعمري على التناحه الي انت فيها العالم تدور وانت تدور معها يا ناسسسسسسسسسسسسسس فيه ابرد من كذا ؟ اقول يالارهابي وينك يالارنب من اليوم رايح حط لك مسدس مويه عشان الي يرشك بالدم ترشه بالمويه |
|
|
|
|
31-08-2004, 23:45
|
#28 | |
|
رفيــق الحــزن
|
رد : .. طــُــرف ومواقف شعبياتيه ..!
احمد الديهان تسلم يابو ساري عليك بالعافية اهم شي انك ضحكت هههههههههههههههههههههههه عبدالله البكر .. منسسسسسسسسسسسسسم وش قالوا لك دعست على مسمار ههههههههههههه الله يخليك ويسلم قلبك وعصاقيلك هههههههههههههه :white: سعيد بن حميد هلا والله وما بعد شفت شي ماقلت لك سالفة الاسد <<<<<<<<<<<<< واحد نصاب  تسلم يابعدي وعليك بالعافية .. فيصل بن خالد إقتباس:
انت علمني اي شـــووووق وانزلها هناك ههههههههههههههه :white: عطني قطتك وما عليك <<<< ابشر بالجحييييد . تسلم يا حبي . |
|
|
|
|
|
01-09-2004, 00:23
|
#29 |
|
رفيــق الحــزن
|
رد : .. طــُــرف ومواقف شعبياتيه ..!
مساكم الله بالخير ياالربع .. استلموا هالموقف .. مرة من المراريتات كنت رايح لو لد عمي العصرية في حي الشفا وكان بيتهم في طلعة وكان معي ددسن غمارة نص هنقلاي  شاريه الوالد رحمة الله عليه اتعلم عليه انا واخوي يعني شراكه انا اسوقه من الصبح لين العصر وهو يستلمه مني من المغرب الين الليل المهم وقفت عند باب بيت عمي ووجه السيارة عكس النزلة وكان ورى شارع عام وقبله بيت جديد توهم يبنونه وفيه بلاط عند بابه وشحنة رمل وخشب كثير وحديد .. المهم انا نزلت من السيارة وعشقت الموتر في واحد ولا ربطت الجلنط ورنيت الجرس وقالوا لي اهله اصبر شوي نصحّيه من النوم .. رحت انا للسيارة والقزازه مفتوحة وجلست العب في القير وانا برى السيارة <<<<< فاضي ماعندي شغل واسلي نفسي وفجأه انفلت القير على الفاضي وبدت السيارة ترجع على ورى وانا متعلق فيها داخل نص جسمي مع القزازة ورجولي مشنقلة برى وبدت تسرع شوي شوي وانا انواع الرعب والخوف ويوم زادت السرعة على النزلة قلت ما يبيلها ياولد طب من السيارة وفعلا طبيت من السيارة بسرعة وامسك المرايه على بالي ابوقفها وتروح السيارة على ورى للنزلة بأقصى سرعة وتنزل وانا ما سك راسي واقول الله يستر الله يستر وما وقفت الا في بلاط ذاك البيت اللي توه ينبني والحمد لله ان ما فيه عمال ولا احد .. وجت سليمه واروح اركض للسيارة ويطلع ولد عمي يركض معي ونلقى السيارة متعلقة فالبلاط واجي بسرعة واركب السيارة ابي الفركه قبل لا يطلع احد ويكمخني ببلاطه على جبهتي المشكلة ان السيارة متعلقة والكفرات تدور بوش وما وعيت الا هذا الصعيدي من عمال البيت ماسكني مع يدي ويقول بصوت عالي ( انت اللي سايقها ) وانا اقول له لا يارجال ما فيها احد هي اللي رجعت وهو ماهو يدري وش الطبخة ونحاول ننزل السيارة ومن فوق البلاط ويالله قدرنا بعد جهد جهيد نجحنا واروح للبيت واخبي السيارة عن اخوي لا يشوفها ويمتحني ويستغلها فرصة وياخذها له لأن اللي يصدم يخسرالسيارة <<<< خوش قانون المهم درى عني وكان متفهم جدا معي وكلها رفستين وكوع وسوبلكس خلفي وبوز ظفر من اللي يحبها مقفاك والامور انحلت على ما يرام اتمنى انكم استمتعتوا معي بهالموقف والحادث البلاطي الاليم واخوي المتفهم ِاخر تعديل كان بواسطة » عبدالرحمن الربيّع في يوم » 01-09-2004 عند الساعة » 22:35. |
|
|
|
|
01-09-2004, 00:37
|
#30 |
|
شــــاعـــر
|
رد : .. طــُــرف ومواقف شعبياتيه ..!
ابو رياض الله يوسع صدرك ياشيخ اجل تلعب بالقير .. الله من الفضاوه ياناس اجل خلك تستاهل اللي جاك احمد ربك ان الصعيدي طلع متفهم يازينك ويازين مواقفك ياابو رياض . |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
