17-10-2003, 16:12 | #16 |
شـــاعــر
|
سيف السيف .. لاتزال الاستاذ القدير .. لكل مقامٍ مقال .. وللوطن يكون الشعر اصدق وانبل من كل المقاصد والمعاني .. ولك انت تكون الذائقة في حالة استنفار دائم .. شكرا استاذي |
17-10-2003, 16:40 | #17 |
شـــاعــر
|
يا بو عبيد ينصر دينك ياشيخ اشهد لله انك مبدع مبدع مبدع شاعر متمكن واحساس صادق لا يكتنفه الكذب كذلك السفيه مليون صح لسانك وعزالله انك ترجمت احاسيس الكثير والكثير تحياتي لك يا مبدددددع اخوك محمد بن حزام |
17-10-2003, 17:32 | #18 |
شـــاعر
|
سيف ياتاج راسي عز الله انك كفو وذيب من ظهر ذيب لاهان راسك يابعدي هذا اللي اقدر اقوله وصح لسانك ياذيبان |
17-10-2003, 18:58 | #19 |
رفيــق الحــزن
|
بعد ماضاق الزمان بدعوتك ضـاق المكـان ..........................والتجيت لمنبر الشبهات يا ابليـس اللعيـن موقظ الفتنه على ماقيـل ملعـون وجبـان ............................ولا لجا.. للمفسدين.. إلا عميـل المفسديـن هيه ياشعب الجزيره لاتصيـرون الحصـان ............................الحصان المسرج لفتنـة شـرور الحاقديـن والبلد واخوان نوره دونهـا درع وضمـان ...........................والله ان يفنى ولا زعزع صفوف المسلميـن سيف السيف .. وهذي حبه على خشمك وراسك .. صح لسانك يالوفي الوافي .. قصيدة لا معلقة ترجمت فيها احاسيس كل عقل نيّر ما ينجرف خلف التيارات المغرضة ولا نعيق الغربان ولا القلوب اللي كلها حقد وكراهية لهذا الوطن الكبير وللأسف حاول هو وزمرته بالكذب والتزييف النيل منه بعد ما استغل ضحالة فكر بعض الناس المريضة ولكن شاء او أبا هو من معه هناك من يفهم ويدرك ما هي الا فتنه ومصيرها الزوال .. تسلم يابو عبيد وكما عودتنا على حبك لهذا الوطن حماك الله ورفع من قدرك .. كفانا الله واياكم شر الفتن ما ظهر منها وما بطن .. تحياتي . |
17-10-2003, 20:04 | #20 |
شــاعر
|
الاخ العزيز والشاعر الكبير سيف السيف اسعد المولى لياليك وايامك بكل خير ومسرة بيض الله وجهك يابو عبدالله عوايدك الجزل صح لسانك يالغالي لك اجمل تحياتي اخوك فيصل |
17-10-2003, 20:11 | #21 |
عضو شعبيات
|
رائع ياسيف للشعر دورٌ في بيان الحق والرد على السفهاء والحاقدين تحياتي |
17-10-2003, 20:17 | #22 |
شــاعـر
|
سيف السيف بكل زمان ومكان تبقى متميز وليس لك مقام سوا بالصفوف الاولى حيث مكانك الطبيعى دمت للشموخ يالقرم مغليك |
17-10-2003, 23:07 | #23 |
شـــاعــر
|
هيه ياشعب الجزيره لاتصيـرون الحصـان ............................الحصان المسرج لفتنـة شـرور الحاقديـن وهذا هو المطلب الحقيقي ....... اللذي يجب ان يكون واعي له كل مخلص لبلده .. وان لا ينساق ويكون سريع التأثر ( لبلبلة سعد السفيه ) كما تفضلت بتسميته استاذي عكاشه . والبلد واخوان نوره دونهـا درع وضمـان ................................والله ان يفنى ولا زعزع صفوف المسلميـن سيف السيف .... انت استاذ شعرا وخلقا ً وقبل كل شي قدوه .. صح لسانك وفكرك وانا اخوك ... ودمت بخير وعافيه .. |
18-10-2003, 07:13 | #24 |
|
الشاعر المــبدع .. عكاشه .. فـي بلدنـا ماوطانـا حكـم ذل ولا هـوان نصبح ونمسي على عـز ومعـزه وامنيـن يإله الكـون جنبنـا عـن الـدرب الطمـان وعن دروب الشك والريبه ودرب المرجفيـن وفي بلاد الكفر نفث السم من طرف اللسـان شي جايز في شريعة قـوم غـدر ومعتديـن تطلع الفتنـه بـدارٍ ماصـدع فيهـا الاذان من متى صوت الحقيقه يحتمونه مشركيـن؟؟ لو فالمبدول خير إن كان ما اعطوه الامـان مستحيل العز يطلـع مـن بـلاد الكافريـن بلبـل المبلـي وبلبـل مـن وراه الببغـان لاثبات ولاسمـات .. ولاعزيمـة مصلحيـن لافقيـه ولانبيـه ولا ورى مثلـك ضمـان ياسفير البلبلـه خـارج حـدود المسلميـن بعد ماضاق الزمان بدعوتك ضـاق المكـان والتجيت لمنبر الشبهات يا ابليـس اللعيـن موقظ الفتنه على ماقيـل ملعـون وجبـان ولا لجا.. للمفسدين.. إلا عميـل المفسديـن هيه ياشعب الجزيره لاتصيـرون الحصـان الحصان المسرج لفتنـة شـرور الحاقديـن والبلد واخوان نوره دونهـا درع وضمـان والله ان يفنى ولا زعزع صفوف المسلميـن صح لسانك مليوون حين تتفاعل القلوب المخلصه والوفيه مع الوطن في أزماته وأفراحه .., وتستنفر بتقديم كل ماتملك من وسائل للذود عن الوطن بأقلامهم أو تسخير أنفسهم للدفاع عنه .., سيبقى هذا الوطن شامخاً لاتؤثر فيه الأزمات ! الفقيه متطرف في أفكاره لدرجة خطيرة، فالاسلام من وجهة نظره لا يؤمن بالتعايش السلمي وهو يرى مايعمل تعبير عن الرأي ! ثم يستخف العقول بالتحريض ! يدعوا لتحدي النظام في البلد وشق الصفوف , ويتفنن في عرض سبل التضليل الفكري لأبناء الوطن ليهدد امن البلد واستقراره! الغريبه في بريطانيا أنهم يشنون حروب ضد الأرهاب ويسمحون للفقيه بتصدير الأرهاب من بلادهم إلينا ! مع توفر كل الخدمات المتاحه لخدمة أغراضه الشخصيه , إذاعه من بريطانيا وموقع في الأنترنت مستضاف من بريطانيا ايضاً ! اللهم من اراد بهذا الوطن السوء, أن يرد كيده في نحره وأن يجعل تدميره في تدبيره . شكراً للشعر وهنيئاً لنا بالشاعر الذي عبّر عن مشاعرنا .. أعجابي الشديد |
18-10-2003, 07:34 | #25 |
شـــاعر مضر
|
يا ابو عبيد شهادتي فيك مجروحة والجميع يعرف حجم شاعريتك صح لسانك مليون قصيدة في محلها وعلى طرفيها ما يستحقون من الله ونسأل الله ان يديم نعمة الاسلام علينا |
18-10-2003, 07:43 | #26 |
شـــاعــر
|
ما نقول إلا صح لسانك أخوي سيف والله يبيض وجهك على هالقصيده ،،،، تقبل تحياتي.. |
18-10-2003, 10:52 | #27 |
شـــاعــر
|
الرااااائع دوما عكاااااشه سيف السيف انت حرز الـدار والقـرآن دستـور وكيـان تحت ظلـك ثـم ظـل الحاكميـن العادليـن صح والله لساااانك ملايين يااااذيب روووعه كالمعتااد منك وبعدين على فكره أثااريك كشخه :white: تصدق انى على ماشوف من محاوراتك وقصيدك قلت هذا الادمى قفل الف تحيه لك منى |
18-10-2003, 11:48 | #28 |
شاعر
|
. بوعبيد .. كفيت ووفيت يابعدي .. ونقلت بترجمت حسية مايجول في داخل الكثيرين عن هذا السفية .. ألف صح لسانك ياشعر .. وبيض الله وجهك ! تحياتي .. |
18-10-2003, 11:55 | #29 |
شــاعــر
|
ابو عبدالله دايما سباق بالوفا والطيب اللهم احفض بلادنا من كل سوء تطلع الفتنـه بـدارٍ ماصـدع فيهـا الاذان ...................من متى صوت الحقيقه يحتمونه مشركين؟؟ صح لساااانك يابو عبيد ولو تطق هالعلمانيين بقصيده ترى مهيب شينتن ابد .. رافعين ضغطي حسبي الله عليهم بالاقلاع تحياتي ياسيف اخوك |
18-10-2003, 14:22 | #30 |
سيـــف الســـيــف
|
صح بدنك يا ابو فلااااااااح وهذا بعض مالديكم لاعدمتك ((بس ياخوي وراك تركت (مقاشر) اهل النت .. و صرت تقاشر اهل الراديو))<-- احلى يالراديو انا اعرفه رادو مانتب بسيط يابو فلاح اخذن الثقافه من شوشتها وليش اعتزل؟ الا تو مابديت واهل النت اجلدووووا وقضبوا الرقه بس عقب هالتوقيع حق المافيا شكلي ابا اقضب الرقه انا شكرا لمرورك واطلاعك ياعبدالله تحياتي لك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|