[منصور نايف]

تجين أو ماتجين وبالحنين اللي كبر فرقاك
فديتك طعنتين وحسرتينٍ بأول غيابي
من آخر مابدى فيني عذابك وأبتدى مسراك
ولابي من غلاك الاّ عناي وشدة أعجابي
أنا حييت بك صادق غلا والقلب لاحياك
غريبه كيف أتعب بك كثير ولا تهنابي
أنا أذكر في سلامي بالموادع ترتجف يمناك
حضنتك بالغلا يوم الدموع أحضانها أهدابي
أنا لاجيت أبنسى ياحبيبي ماقدرت أنساك
أنا حتى الخطأ من شأن عينك قلت بأسبابي
وأنا بصدري طيور وبور جورك من هنا لاهناك
من أول مابديتك حلم واقع يجهل عتابي
يجيبك لي خيالي مندفع وأدوّرك ماألقاك
سئلت الشعر عنك ولا لقيتك ياقرب أصحابي
تعدى بي بحر حبك حدود العقل والادراك
خذاني موجه العاتي ورسمتك عشق بكتابي
ترى كل الامل عندى شعور أني . أنا . ؤياك
نجسد للغلا صوره ومثل ماتريد تلقابي
صحاري قاحله تزهر محبه لاوطتها أخطاك
عبير الورد لا جابك تخيلتك على بابي
حبيبي والطريق اللي مشيته في رجا لاماك
أموت ولا شكيت أبسط همومه دامك أدرابي
كبرت وكُبْرت العبره بعيني والسبب فرقاك
طلبتك لا توصلني حدودي وأفقد أعصابي
تعرفين بْسماك أكثر غيوم ولا مطرت من ماك
وأنا أرضي تشوم ولا مطرك يبلل ثيابي
ياليت أني بكيت ولا دريت أن إولك أقصاك
ولكني بكيت ولا وصلتك يا أصدق أحبابي



.

[سعـد السعـيـدي]

:
منصور نايف


عنوان النص وحدة كفيـل ( بِكُل ماهو جميـل )


ف شُكـراً لهذا البرواز الأنيـق لهذه اللوحة الأجمـل



تقديري

[وضوح]

السلام عليكم ورحمة الله وبركاته


::

أن قلت أحبك وأعرف الحب عله
وصدري ضلوعه من زماني تواما

::

ماشاء َ الله ..

قصيدة صادقة , امتازت بجـَمالُ المفردة , وبلاغة التصوير ..

زادكـُم الله من فضله ..

::

[عادل آل زارع]

متصفح رااائع بكل ما فيه يا منصور

صح لسانك وإحساسك

[منصور نايف]

كل البدو

اشكرك على الاشادة

تقديري

[سالم بن جلعان]

كأنك عقّدت الوضع ربـي يحلـه وكأنك دفقت الما بحوري تزامـا

أموت وآقف .. ما أعيش المذله وأغيب حاضر مثل كل النشامـا

الله الله يا منصور
مبدع
و قصيدك يشد المتلقي
وتتجلى فيه الروح والشاعريه
نص مميز من شاعر جميل

سرني جدا ً مروري


تحياتي


اخيك


سالم

[عبدالله الســعيدي]

الله الله ...يــ/ منصــور مــا أنت ..

صــح كـــل مــا تأتي بــه ..


أجــل التحــايــاا