[عادل الظفيري]

الرسالة الأصلية كتبت بواسطة بياض الغيم

وانفسي اللي عمرها مااستراحت=من صغر سني والعذاب أرتبط فيه
من كثر همي دمعة العين باحت=قالت جريح ولالقى من يداويه
دمعة وله من فوق الأوجان طاحت=يوم أتذكر سيدي مع لياليه
هذي ليالينا تعدت وراحت=ماباقي ألا ذكر حبه وطاريه
لدّت عيوني في مكانه وشاحت=صعب أتخيل ذكرياته وماضيه
قمرية(ن)وسط الحشا يوم ناحت=هيّض لحنها كل من كان يوحيه
هذي جيوشه بالضمير إستباحت=ذرات روحي..لين كوّن أراضيه
أغضي بعيني بس الأشواق صاحت=معاد أناأقدر لوعتي في تجافيه
ثلجة غروري بعد ماراح ساحت=ليته يجي وأنا علي إني أرضيه!!
كانت غمامة كبر واليوم زاحت=نذر(ن)علي إني لأقبّل آياديه!!

الشاعرة بياض الغيم

وإسم من الصعب المرور بجانبه وتجاهله

تنزف المطر وتكتب السحر

ولابد من وضعها بالصفوف الأولى

إذا إلى فوق

[بياض الغيم]

عادل الظفيري هلابك...

شاكره لك اخوي...

ممايسعدني مرورك الكريم وكلامك الطيب...

وعسى أن أكون عند حسن ظن قرائي بي..

لك أجمل تحية..